Galatə 6:4 - Yálá laawoo hɛɓɛ (dc)

⁴ Kɛlaa, nu kəlee ə gbɔwɔ túwɔ́ pələ mąą kpɛɛ, a ɲɛ̨i pono mɛ̨nį nwun gaa, ə gaa lɔ gbɔwɔ kpinį hu hva kɛ mɛlaa mąą mɛ̨nį hu.

Yálá laawoo hɛɓɛ

⁴ Kɛlaa, nu kəlee ə gbɔwɔ túwɔ́ pələ mąą kpɛɛ, a ɲɛ̨i pono mɛ̨nį nwun gaa, ə gaa lɔ gbɔwɔ kpinį hu hva kɛ mɛlaa mąą mɛ̨nį hu.

Bible

⁴ Kɛ́lɛ, tɔɔ núu kélee é gbîŋ-tii su káa. Ǹyaŋ ŋɔyoŋkai maa-sapoi a pâi gulâi naai, gáa gbîŋ mɛni ma; ve ŋɔkɔlɛ-ma-nuui mɛni ma.

Galatə 6:4 Referans Kwoze

Korɛntə veelɛ 13:5

Káá kpinįi, 'ká ká kpɔwɔ mąą mɛ̨nį hukpɛ, ká gaa tai, akɛ ká káá laa na laa hu. 'Ká ká kpɔwɔ hukɔɔn dai, ká hvo mɔ̨ɔ̨ gbaɠala kɔlɔn, káá kɛ Jesus Kristə kaa ká hu? Hvo kɛli lɔ kani ká hukɔɔn di moi, ká hvo kulɔ li ɉu.

Mąątɛ̨nɛ̨ 26:2

'Mą́ą́kpɛɛ, Yai-Laa, 'ɉú kɔ́ɔn, níí da gwə́i 'di hu kaa, nwɔ̨n ma.

Korɛntə dɔlɔɔ 11:28

Yili ɓa, nu kəlee ə gbɛa gbɔwɔ mąą kpɛɛ, hvo teɠa kɛ nɛɠɛ mįi, hvo teɠa kɛ naa pɛlɛi gbələ kɔ́wɔ ɓa.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Lukə 18:11

Farisiɛ̨ tii ə tɔɔ a dee, yɛ Yálá hvɛli, yɛ kɛ diɛ: ‹Oo Yálá! Gáá ə́ mąmąɓoi, mąąhɔlɔɓo, və́ yɛ nu takpɛliɠaa; diɛi di kaa a nwuɔ̨ nuą, mɛ̨nį ɲɔ̨n gɛ nuą, da wɛli hon nuą. Gáá ə́ mąmąɓoi, mąąhɔlɔɓo, və́ kpɛli yɛ nįįhɔ̨nwɔ̨ kulɔ mun ŋɛ̨i.

Hanwon 14:14

Túwɔ́ pələ ɲɔ̨n gulɔmun a pilɛ ɉa túwɔ́ pələ ɲɔ̨n ɉu. Nu lɛlɛɛ nwɛi, a pilɛ a mɛ̨inɛ̨ɛ̨.

Zôo 13:15

Yálá ka kiɛ pai báái, gíli hvo tɔɔ li hɛn da kpɛli ɓa. Ə mą kɛ ti, gáá lɔ pai ɉíɛ pələ hukulɔi ma.

Galatə 6:13

Nuąi ti di kpɔwɔ heei kɛ́nɛ̨ ɓa, di hva dɔ́n nwoo pɔ yíiɓo diɛ kpinįi, di kaa bɔ di ká hee kɛ́nɛ̨ ɓa, ə gɛ, di di kpɔwɔ ɲąą kɛnɛ̨ la ká mąą mɛ̨nį hu, diɛ kɛ mą: kuɔ ɓə di hee kɛ́nɛ̨ ɓa.

Korɛntə dɔlɔɔ 3:8

Nui ɉin da nui yá pu mą, di kaa tanɔ̨n, nu kɛlee a gɛ kolo hvɛla hɔlɔɓo yɛ bələi ə tí la.

Korɛntə dɔlɔɔ 3:14

Nui gɛ kolo a lɛɛ, a mąą hvɛla hɔlɔɓo.

Filipə 1:26

Yili ɓa, ŋą́ pənə ŋą́ pa ka pɔ, gáái ká mo, mąąwiɛlaai ká yəi Jesus Kristə hu, da yɛ pɛlɛ mą.