Galatə 6:17 - Yálá laawoo hɛɓɛ (dc)

¹⁷ Ə həɠə yiihu ɓa, və́ bɔ nu ta hvo nwə́lii woo ɲąąnwąną, mąąhɔlɔɓo, gbɔlɔɔnŋąa ŋɛ̨i gaa gɔ́lɔ́ ɓa, da nɛ diɛ: Jesus nwɔ ɓaa a ɲą́ą́.

Yálá laawoo hɛɓɛ

¹⁷ Ə həɠə yiihu ɓa, və́ bɔ nu ta hvo nwə́lii woo ɲąąnwąną, mąąhɔlɔɓo, gbɔlɔɔnŋąa ŋɛ̨i gaa gɔ́lɔ́ ɓa, da nɛ diɛ: Jesus nwɔ ɓaa a ɲą́ą́.

Bible

¹⁷ É síɣe tãi ŋí ma núu da fé ŋɔ́nɔ ḿvũa-fũa; kpɛ́ni fêi, Zîsɛ pɔ́ɔ káa ŋ́gbono ma.

Galatə 6:17 Referans Kwoze

Korɛntə veelɛ 1:5

Gbala ə tɔɔ, bələi lɔ gwa mɔ̨nɔ̨ mįi la kɛnɛ̨ Kristə mąą mɛ̨nį hu, bələ lɔ ɓə, Kristə haalai, gu wɔɔ liilaa hu a kɛnɛ̨ la.

Kolosə 1:24

Mɔ̨nɔ̨ɠaai gáá mįi ká mąą mɛ̨nį ɓa yiihu, ŋą́ gwə́inɛ̨ɛ̨ mɛ̨nį hɔlɔɓo ɉu, ɛlɛɛ, Kristə ŋą mɔ̨nɔ̨ yiiɠaai lɛɛ pulu, gáá naa kulɔi gɔ́lɔ́ hu, gɔlɔ mąą mɛ̨nį ɓa, yai a ŋą kpɔn;

Korɛntə veelɛ 4:10

A yələ kəlee, mɔ̨nɔ̨ɠaa Jesus ə mįi, ku kaa di mįi ku kɔlɔ hu, ɲɛ̨n deei hvo kɛ mą, ə gɛ, Jesus ŋą yɛnɛ̨ɛ̨ yɛ pɛli tooi pono ŋą ku kɔ́lɔ hu.

Hebreu 12:15

Ká gɛ a nɛlɛɛ, nu ta hvo bulu tɔɔ Yálá nwɔ nɛ̨ɛ̨laai ɓa, hvo kɛ a kala nwąną mɛlaa lɔwai, yɛ pilimąą, yɛ gbɔn ɉu taɠa.

Gɛlaɠaa 15:24

Kwaa bələ mɛ̨n diɛ; ku taɠaa daa pa laa ká pɔɔli, diɛ ká kwəi pilimąą wooɠaa, da ká hupu wooɠaa ɓo káá. Kuɔ hvəə di tí a yili.

Zasua 7:25

Ɉosue ə mo laa yɛ Akan ɓa: «Lə mɛ̨nį ɓa ə́ gbaloi ŋɛ̨i ɓɛla kuɔ? Yai-Laa kaa kpalo ɓɛlai yɛ́ háákəlei.» Israɛlə nuą kəlee di di hɔɔ a kwɛni, di haa, di di kələn; di kwɛni hįį tɔɔ di mɛ̨i.

Galatə 1:7

Ə kɛ ŋɛ̨i, nwɛlɛɛ lɛlɛɛ takpɛli ɓə laa, yili hvəə, nuą lɔ ɓə ka ɓowoi, diɛ kɛ di Kristə mąą wɛlɛɛ lɛlɛɛ ɲɛ̨ilai ɲɔ̨nwɔ̨ɔ̨ hee mą.

Azaya 44:5

Di tɔ̨nɔ̨ kaa pai kɛi diɛ: «Yai-Laa nwɔ nu ɓaa a ɲą́ą́», diɛ dakpɛli laa hee a Ɉakɔbə, dakpɛli yɛ bɛ̨ɛ̨ ɲee kɔ̨nwɔ̨n mɛ̨i, yɛ kɛ mą: «Gáá a Yai-Laa nwɔɔ», ɛlɛɛ yɛ gbɔwɔ laa hee a Israɛlə.

Izikiɛ 9:4

Yai-Laa yɛ mą: «'Hvilən daa pɔ, Ɉerusalɛmə taa pɔ; nuąi kpɔ ɲįŋɛ̨i, diɛ di woolaa dúwɔ́ pələ ɲɔ̨nŋąąi nuą kaa gulɔi daa kwəi mąą mɛ̨nį ɓa, ə́ ə́ pɔɔ kɛ mąą nuą tɔwɔla.»

Filipə 3:10

Mɛ̨nįi kpɔ gaa laa, ya ɓaa: Yaa gɔlɔn mɛ̨nį, ɛlɛɛ, ɉuwalawalai gulɔ haa yəi, da nwɔ mɔ̨nɔ̨i ta mįi mɛ̨nį, yɛ́ kɛi yɛ, yaa, ɉaa mɛ̨nį hu;

M̀ɛni-lɛɛi 13:16

Nu kəlee kpɔ, lɛapɛlɛɛ mąn, nu kpɛa-kpɛaa mąn, hɛn gɔw nąmu, yeehvowolomun, nui gbɔwɔ yee kɔnma, ɛlɛɛ, luwɔ, ə hɔlɔhima laa di mɛ̨i, ə gɛ, ə gɔlɔn ɉii kɛ di ɓa-mįi-yee ɓa, awala kɛ tii, di tɔwɔla.

M̀ɛni-lɛɛi 13:17

Ɛlɛɛ nwɔ̨nɔ̨, nui lɔpee ta hva pɛli lɔwɔ́tɔɔi a wala kɛ tii hɛn da yai, akɛ ɉuwɔi tii kɔlɔn ɉɛn və mą, a wala kɛ tii, naa heekpəlina kɛ hɛɓɛ́ kɔw hvo mą.