Galatə 6:15 - Yálá laawoo hɛɓɛ (dc)

¹⁵ Gbala ə tɔɔ, kɛ́nɛ̨-lon naa da kɛ́nɛ̨ kpolɔwa laa, tɔ̨nɔ̨ hvo da lɔpee hu. Yii lɔ tɔ̨nɔ̨ kaa mą, ya ɓaa: Yálá aa gu kɛ a nu nįnɛ̨ɠaa.

Yálá laawoo hɛɓɛ

¹⁵ Gbala ə tɔɔ, kɛ́nɛ̨-lon naa da kɛ́nɛ̨ kpolɔwa laa, tɔ̨nɔ̨ hvo da lɔpee hu. Yii lɔ tɔ̨nɔ̨ kaa mą, ya ɓaa: Yálá aa gu kɛ a nu nįnɛ̨ɠaa.

Bible

¹⁵ Kpɛ́ni fêi, diai dí-kpɛtɛɛ̂i da diai dífe kpɛtɛ níi, dífe a sɛŋ da, kɛ́lɛ, fɛ̂ɛ núu maa sɔlɔ ƃóɔ a nina.

Galatə 6:15 Referans Kwoze

Korɛntə veelɛ 5:17

Yili ɓa, nui gaa Kristə hu, gaa kɛa a gulaa-nįnɛ̨, ɲɛnɛ̨ɛ̨ pɔlɔ aa tɛɛ, mąą aa hvalin a nįnɛ̨.

Ifisiɛŋ 4:24

'Ká lɔ nu nįnɛ̨ kɔlɔ hu, yai Yálá ə bɛli tələnmolaa hu, da mąąhəɠəlaai a kulɔ tɛ̨ą hu.

Ifisiɛŋ 2:10

Gbala ə tɔɔ, Ya ɓə gu pɛli, ə gu pɛli Jesus Kristə hu, kóló lɛlɛɛɠaa kɛ mɛ̨nį ɓa, a gólóɠaa tii Yálá ə di hee gu tɔwɔ, guɔ pɛli gɛ mɛ̨nį laai gu nwuɔ̨.

Galatə 5:6

Gbala ə tɔɔ, nui gaa Jesus Kristə hu, yɛ ə kɛ a kɛ́nɛ̨-lon, yɛ ə kɛ a kɛ́nɛ̨-kpolaa, yili hvo neelee, kɛlaa, yii a neelee, ya ɓaa: laa na laai bɔ túwɔ́ kaa mą.

Korɛntə dɔlɔɔ 7:19

Kɛ́nɛ̨ lon naa da kɛ́nɛ̨ kpoloa laa di hvo a mɛ̨nį ta, yii nwalawala ya ɓaa: Nu ə Yálá nwɔ tɔ́n nwooi pɔ mɛ̨nį kɛ.

Lomaŋ 2:28

Ɉuifə lɔ hvaa nui Ɉuifə laa kaa mą: Kɛ́nɛ̨ lon nɔ hvaa nui daa gɛ́nɛ kɛ gɔ́lɔ ɓa pələ.

Lomaŋ 8:1

Yiihu kɛa, nuąi di kaa Jesus Kristə hu, nwun na pili hvo kɛa diɛ.

M̀ɛni-lɛɛi 21:5

Ɛlɛɛ, nui tii kɛ heeni dɔɔkpəlin ɉu, yɛ mą: «'Ɓɛ kaa, gáá mɛ̨nį kəlee pui nįnɛ̨ kɔlɔi.» Yili pulu, yɛ mą́ą́: «'Bɛ̨ɛ̨, yɛ mą: Nwooɠaa ŋɛ̨i kaa a mɛ̨nį leelee, ɛlɛɛ, a tɛ̨ą.»

Lomaŋ 2:26

Nui hvo a kɛ́nɛ̨-lon yɛ dɔ́n nwoo pɔ mɛ̨nį kɛ, nwɔ kɛ́nɛ̨ kpolɔwalaa a kɛ ɲəi a kɛ́nɛ̨-lonnaa.

Lomaŋ 6:4

Nwɔ haai mąą pɔɔ kɔ́ɔn ŋɛ̨i gu gɛ a mąąwaa, gwaa nɛ guɔ ma: Gwa diɛ ni gwaa haa, daa gu loo. Yɛ bələi ti Kristə ə kulɔ la haaɓɛlaa lɔwai Nąn nwɔ mąąwiɛ hu, guɔ kpɛli, gwaa yɛnɛ̨ɛ̨ kɛ pələ nįnɛ̨ hɔlɔɓo.

Ifisiɛŋ 2:15

Kristə aa dɔn nwoo həɠə mą, da ɉu tíɓoɠaa ə mą kɛ, mąą tɔnŋaa; bələ ɓə ə paa la a liilaa, Ɉuifəɠaa da nuąi di hvo kɛ Yálá kɔlɔn di pɔ, a di kɛi ə mo a nu tanɔ̨n, a nu nįnɛ̨, gbinį lee hu.

Filipə 3:3

Guɔ ɓə gu kaa a gɛ́nɛ̨-lonni leeleeɠaa, mąąhɔlɔɓo, gwa tí Yálá ɓa, Yálá nwɔ Kilii háálai, a guɔi gu wɔ kwəinɛ̨ɛ̨ kaa Jesus Kristə hu, gu kili hvo tɔɔ li gu kpɔwɔ ɓa.

Zasua 5:5

Yaan, nuąi kpɔ kulɔ Eziptə lɔi hu, gəlee di kɛ a kɛ́nɛ̨ lonnii. Yili pulu, nu kanŋaai di di hɔlɔɓo bələ pɔ, di kulaa Eziptə, di hvo ni kɛ yiliɠaa hee li kɛ́nɛ̨ ɓa.