Galatə 5:7 - Yálá laawoo hɛɓɛ (dc)

⁷ 'Ká gɔwɔ tɔɔ kani a nɛlɛɛ-ee, gbɛɛ ɓə bələ too ká tɔwɔ, yɛ kpɛ̨ąn ká tɔwɔ tɛ̨ą woo pɔ mɛ̨nį kɛɛ hu?

Yálá laawoo hɛɓɛ

⁷ 'Ká gɔwɔ tɔɔ kani a nɛlɛɛ-ee, gbɛɛ ɓə bələ too ká tɔwɔ, yɛ kpɛ̨ąn ká tɔwɔ tɛ̨ą woo pɔ mɛ̨nį kɛɛ hu?

Bible

⁷ Ká kɛ́ tíi kɛ̂i a ǹɛ́lɛɛ. Gbɛ̂ɛ ƃe kákpèra dɔ̃yâi kɛ́ɛ ma?

Galatə 5:7 Referans Kwoze

Korɛntə dɔlɔɔ 9:24

Ká hvo gɔlɔn káá, nuąi da kɛ hɛn da mąą gilɛ həɠəi, di kəlee da gilɛ həɠə, kɛlaa, nu tɔ̨nɔ̨ lɔ ɓə a ɉɛn tii hɔlɔɓo? 'Ká gilɛ həɠə kan, káá pɛli ká wɔ gilɛi mąą hvɛla hɔlɔɓo.

Galatə 3:1

Ee kə! Galatə nuą, ɓowo kpɔlɔɔ ɓe tii ká moi! Gbɛɛ ɓə ŋɛ̨i wulu kɛ káái? Ka ɲɛ̨i ɓa, di Jesus Kristə haa mɛ̨nį kolɔwa ɓa ɓo káá a ɉuponoɔ.

Hebreu 12:1

Yili ɓa tii kani, guɔ kpɛlimąn, gu mąątinɛ̨nŋąąi a gɛla kpulu kɛnɛ̨ɛ̨, tiɛ̨ wiɛ da nɛ̨ŋɛ̨nŋaai da pɛli di gu kɔ́wɔ la yili, gu ɓo yiliɠaa diɛ, 'gu bu. Ɛlɛɛ, 'gu tɔɔ a gu nwąnąi, gu gu liikpələ, gilɛi ŋɛ̨i gaa gu kɔwɔ ɲą, gu ɉəɠə, gu həli la naa kulɔi;

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

Korɛntə veelɛ 10:5

ɛlɛɛ, da ɲɛ̨itɛ mɛ̨nįi lɔpee a kɛ ə tɔɔ Yálá kɔlɔn mɛ̨nį la. Kwa kiliŋąhiɛ kəlee hon a luwɔ, diɛ pɛli lɛɛi Kristə woo mu;

Lomaŋ 2:8

Nuąi da nənə tɛ̨ą ɓa, di kwɛli təɛ, di hvilɛŋąą hvulu mɛ̨nį pulu, diɛ ɓə pai Yálá nwɔ lííholi da nwɔ liiɲąnwąną hɔlɔɓoi.

Maafîu 13:21

Kɛlaa di hva nɛɛ laa hvo kanąn di kili pɔ. Mąąhɔlɔɓo, ɓɛlɔwai ɓɛlɛkpɛɛ mąą a həli la diɛ, da di yee kulɔ mu.

Tɛsalonikə veelɛ 1:8

nwɔ̨n nən gɛnɛ̨ɛ̨ hu, yɛ nwąną kulɔ la nuąi di hvo Yálá kɔlɔn, ɛlɛɛ, da nuąi di hvo lɛɛ li gu Nąmu Jesus ŋą wɛlɛɛ lɛlɛɛi woo mu, diɛ.

Lomaŋ 6:17

Kɛlɛɛ, kaa gu Yálá hɛɠɛɛɓo! Mąąhɔlɔɓo, ka kɛ tɔlɔɔ nɛ̨ŋɛ̨n nwɔ luwɔlaa hu, kɛlɛɛ, niɛwoo ŋɛ̨i di galan kaa ka ka yee hee mu, ka nwoo hon a ka lii kəlee.

Hebreu 5:9

Ɛlɛɛ, ə pələ kulɔ, ə həli la mąąhəɠə laa ɓa, Kristə ə kɛ kɛa la tii a nuąi da lɛɛ nwoo mu, di ɓalomun a yələ kəlee mɛ̨nį,

Lomaŋ 16:26

kɛlaa yiihu kɛa, mɛ̨nįi ti aa too ponoŋą, huwu takpɛliɠaa diɛ, Yálá kwəi mɛ̨nį hukulɔ nuą di wɔ hɛɓɛ́ pɛ̨ɛ̨ hu, yɛ bələi kpɔlɔ Yálá ə mo la, di laa na di lɛɛ nwoopulu.

Lomaŋ 15:18

Yili ɓa, vá pɛli mɛ̨nį takpɛli ɓoi, ə kulɔ lɔ, yii Kristə ə gɛ ɲéé, gɛ́ huwu takpɛliɠaa hvilɛn nwɔ pələi mɛ̨i, a nwóó da gɛ́-mɛ̨nį,

Lomaŋ 10:16

Kɛlaa, nu kəlee hvo ɲee heeli nwɛlɛɛ lɛlɛɛ mu. Esai ə mo nwɔ̨nɔ̨ yɛ diɛ: «Námu, nwɛlɛɛ lɛlɛɛi ku naa həlii, gbɛɛ ɓə laai na?»

Hebreu 11:8

Laa na laa háálai, Abrahamə ə Yálá woo mu hon, ə lɛɛ nwoo mu, ə həɠə, ə li lɔi ta hu, yai gaa pai ɉɔlɔɓoi a gwɛlin, ɛlɛɛ, yɛ li, ɓɛimun gaa lii laa hvo nąą kɔlɔn.

Gɛlaɠaa 6:7

Yálá lawoo ə kɛi taɠa kɛɛnąą kəlee, kalan nɛa kpulu hu yɛ kɛnɛ̨ Ɉerusalɛmə, ɛlɛɛ, ɉaláá laa həli nuą tamąą diɛ di yee hee Jesus mąą mɛ̨nį mu.

Galatə 2:2

Yaan mɛ̨nį ta ɓə di nɛ mą́ą́ pono ɲą, yili ɓə gɛ, gɛ́ li laa, ɛlɛɛ, Nwɛlɛɛ lɛlɛɛi ŋį́ kɛi naa həli huwu takpɛliɠaa lɔwai, ŋą́ nɛ diɛ, ŋą́ pənə nwɔ̨nɔ̨, ŋą́ nɛ nu mąą nwumąąɠaai kɛ laa, kwa diɛni ku hee, ŋį́ ɉukulɔ diɛ; ə gɛ, və́ pa gilɛ gbɛli həɠə.

Galatə 5:10

Nwɛ́i, gílitɔɔ gu Ną́mu ɓa, ká mąą mɛ̨nį hu; ká hvo pai ɉon ɉii a pələ takpɛli. Kɛlaa, nui tii ká nwun ɉu kɛi vuwú-vuwú, gaa pai vɛla hɔlɔɓoi, a pələ lɔpee.