Galatə 5:2 - Yálá laawoo hɛɓɛ (dc)

² Ɲą́ą́ Polə, gáá moi káá, akɛ ka nɛɛlaa da ká hee kɛ́nɛ̨ ɓa, a kɛ ti, Kristə mąą mɛ̨nį aa lɛɛ a kpɛli.

Yálá laawoo hɛɓɛ

² Ɲą́ą́ Polə, gáá moi káá, akɛ ka nɛɛlaa da ká hee kɛ́nɛ̨ ɓa, a kɛ ti, Kristə mąą mɛ̨nį aa lɛɛ a kpɛli.

Bible

² Mɛni ma, ńyãa Pɔ̂ɔ, ŋa m̀ôi kâa a gɛ́ɛ à kɛ̀ ka káyee sèe núu-kpɛtɛ-mɛni mu, gɛ̀ ní Kôrai fe pâi mɛni da kélee kɛ̂i kámɛni ma.

Galatə 5:2 Referans Kwoze

Galatə 5:6

Gbala ə tɔɔ, nui gaa Jesus Kristə hu, yɛ ə kɛ a kɛ́nɛ̨-lon, yɛ ə kɛ a kɛ́nɛ̨-kpolaa, yili hvo neelee, kɛlaa, yii a neelee, ya ɓaa: laa na laai bɔ túwɔ́ kaa mą.

Gɛlaɠaa 15:1

Nąąlɔwai nu taɠaa di həɠə Ɉude, diɛ pa Antiɔsə, diɛ laa na nuą kalan diɛ kɛ mą: «Da wala ká hee kɛ̨nɛ̨ ɓa, yɛ bələi Moisə ə mąą tɔn naa la, ká hva pɛli ɓaloi.»

Hebreu 4:2

Mąąhɔlɔɓo, guɔ kpɛlimąn gwaa nwɛlɛɛ lɛlɛɛ hɔlɔɓo lɔ yɛ nuą tii, kɛlaa nwoo tii di mɛ̨n, dɔlɔ hvo kɛ mą di yəi, gbala ə tɔɔ, diɛi mɛ̨n, di hvo nɛɛlaa, laa na laa hvo ɉeei kulɔ di hu.

Galatə 5:11

Yii ɓaa nwɛ́i, ną́n nonnii, akɛ kɛ́nɛ̨ mɛ̨nį ɓə nii gáá mąą kalan gɛi, nɛlɛ ŋą mɔ̨nɔ̨ ɓə kani gáá mįi? Yili a kɛ tii, Kristə ŋą kolowai hvo a nu kɔwɔ túwɔ kwɛnį!

Korɛntə veelɛ 10:1

Ɲą́ą́ Polə, ɲą́ą́ gbínįlee ɓə ká mąąnɛ̨ɛ̨i Kristə ŋą liinɛ̨ɛ̨ gwəilaa da ŋą wɛlikɛmąąlaa hu, ɲą́ą́ ŋɛ̨i ŋą́ kɛ ká ɲɛ̨i ɓa, gɛ́ gbɔ́wɔ́ koloon ká lɔwai, kɛlaa, ŋą́ kɛ kwɛaa la, níikpəlɛɛ káá,

Gɛlaɠaa 15:24

Kwaa bələ mɛ̨n diɛ; ku taɠaa daa pa laa ká pɔɔli, diɛ ká kwəi pilimąą wooɠaa, da ká hupu wooɠaa ɓo káá. Kuɔ hvəə di tí a yili.

Tɛsalonikə dɔlɔɔ 2:18

Yili kpɔ ɓə gɛ, kuɔ kɛ ku paa la ká pɔɔli. Gəlee ə mą gɛ, ɲą́ą́ Polə, ŋą́ą́ ɉu kɔɔn gbɔ geemɛ̨i tamąą, ɛlɛɛ, ɓilihi yɛ kpɛ̨ąn ku tɔwɔ.

Filemɔn 1:9

Yii viɛlaɓoɔ ɲɛ̨́i ɓa ya ɓaa: ŋą́ Onesimə mąą liɛwoo kɛ yɛ́, yɛ bələi ɲą́ą́ Polə gáá la a hulɔgolo, gɛ́ ɓo gaho ŋą Jesus Kristə laa mąą mɛ̨nį ɓa.

Korɛntə dɔlɔɔ 16:21

Dúwɔ́wooɠaa ŋɛ̨i kaa a ɲą́ą́ gbinįlee ɲə́ə́ pɔɔ.

Gɛlaɠaa 15:5

Kɛlaa, galan nɛa taɠaa, di gbɛa kɛ a Farisiɛ̨ɠaa, di həɠə di tɔɔ, diɛ mą: «Hvo kɛli da nu yiiɠaa ti hee kɛ́nɛ̨ ɓa, ɛlɛɛ, di Moisə nwɔ tɔ́n ɉɛɓɛ́ pɔ yíi ɓo.»

Filemɔn 1:19

Ɲą́ą́ gbíní ɓə nwooɠaa ŋɛ̨i pɛ̨ɛ̨ a ɲéé, gɛ́, ŋą́ ɉɛnŋąą ti kəlee pɔɔi kulɔ ɉu. Ə mą kɛ və́ ə kili puli ɉu, ə́ gɔlɔn gbɔ yɛ nwɔ́ kwələ kaa yɛ́, mąąnɛ̨ɛ̨ ə́ gulɔ: Ya ɓaa ə́ ə́ wɔ yɛnɛ̨ɛ̨ tɛɛ bɔ́.