Bib sou entènèt

Galatə 5:17 - Yálá laawoo hɛɓɛ (dc)

¹⁷ Gbala ə tɔɔ, kɔlɔ a tɔɔ Kili la, Kili yɛ tɔɔ kɔlɔ la, kɔ heɛi di lɔwai, yili ɓa, 'ká hvo mɛ̨nį ta kɛ lɔ a ká liiɓa.

Gade chapit la Kopi

Yálá laawoo hɛɓɛ

¹⁷ Gbala ə tɔɔ, kɔlɔ a tɔɔ Nįį la, Nįį yɛ tɔɔ kɔlɔ la, kɔ heɛi di lɔwai, yili ɓa, 'ká hvo mɛ̨nį ta kɛ lɔ a ká liiɓa.

Gade chapit la Kopi

Bible

¹⁷ Kpɛ́ni fêi, núu ŋɔkɛ-pere-nyɔŋ tɔɔ̂i M̀ɔlêŋ ma, M̀ɔlêŋ ǹyaŋ tɔɔ núu ŋɔkɛ-pere-nyɔŋ ma; kpɛ́ni fêi, nyíi-ŋai tɔɔ̂i díkîe-ni dîa, a gɛ́ɛ káfe mɛnii kɛ̂ ka ŋ̀wɛ̂lii ká gɛ́i.

Gade chapit la Kopi

tounen moute ⬆

Galatə 5:17
35 Referans Kwoze

Lomaŋ 8:13

Mąąhɔlɔɓo, ka kɛli yɛnɛ̨ɛ̨ kɛ a kɔlɔ liiɓa, ka haa. Kɛlaa, Gilii ŋɛ̨i Yálá ə dɛɛ ka pɔ ɉaala, ka kɔ́lɔ liiɓa kɛɛ lɛɛ laa, ka yɛnɛ̨ɛ̨ hɔlɔɓo.

Ɉaan 3:6

Lon nɛ̨ɛ̨nu a gaa, nu li; lon Kili a gaa, a kɛ tii Kili li.

Maafîu 26:41

Ka lɛɛ a ka ɲɛ̨i ka Yálá hvɛli, ə gə, ka hvo pa too ɲąąhɛn mɛ̨nį hu. Nu kili huwalawalai, kɛlaa, nu kɔ́lɔ hviikpɛɛi.»

Mąątɛ̨nɛ̨ 119:20

Mɛ̨nįɠaai ya mo, ŋą́ níí muhəɠə a gwɛli mɛ̨nį kpɔ a yələ kəlee.

Ikilisiati 7:20

Yaan, nui lɔpee ta hvo ɓɛ lɔi mɛ̨i ɉaŋąą, yɛ mɛ̨nį lɛlɛɛ kɛ, yii hva pɛli lan ɉi.

Mąątɛ̨nɛ̨ 119:32

Gáá gilɛ həɠəi ə́ wɔ tɔn nwooi nwɔ pələɠaai mɛ̨i, mąąhɔlɔɓo, yaa ɲéé la hvoloon.

Zĩi 3:2

Gu lan bələ huwu tamąąi. Akɛ nu a wala kɛ lan ɉii vaa woo hui, gaa a nui mąą mɛ̨nį pɛliɛ ɉu, ɲee a pɛli ə gbɔwɔ ɓa.

Maafîu 16:23

Kɛlaa, Jesus ə tinɛ̨n, yɛ Piɛrə ɓa: «Ə́ mąą kwɛa mą́ą́ ɓilihi! Ə́ kaa a kɔ́wɔ tuwɔ kwɛni nwɔ́ pələi mɛ̨i. Mąąhɔlɔɓo, ə́ wɔ kiliŋąhiɛ hvo yɛ Yálá nwɛi, kɛlaa, gaa a nu kiliŋąhiɛ.»

Lukə 22:46

Yɛ diɛ: «Kwə́! Yii ɓə ka moi? 'Ka ka muhəɠə, 'ka Yálá hvɛli, əgɛ, ka hvo pa too ŋąąhɛɠi mɛ̨nį hu.»

Maafîu 12:30

Nui kwa yaa ku hvo tɔɔ li, ɲówo li. Nui hvo kpɔn ɉii mą́ą́ ku hvo nuą ɲąąkpɔn, gaa di hutaɠai.

Galatə 3:21

Akɛ tii dɔ́n a kɔ pɛlɛ mɔ̨ɔ̨ Yálá ŋą mɛ̨nį laakwɛlanmoɔ ɓa? Kpaa-o! Akɛ dɔ́n a pɛli kɛ yɛnɛ̨ɛ̨ tɛɛi, ɛlɛɛ, ə li kɛ, nu kanŋaa di dɔ́n ɲili hɔlɔɓo kɛi, yɛ mą dɔ́n ə li pɛli mą, nu kanŋaa tələnmoi.

Lukə 22:33

Piɛrə yɛ mą: «Ną́mu! Váái mą gwa yɛ́ gu tɔɔ, ə kɛ gaho, ə kɛ a haa.»

Maafîu 16:17

Jesus ə mo Piɛrə ɓa, yɛ mą: «Simɔn, Ɉonasə lon ɉulɔnu, ə́ nwun na nɛ̨ɛ̨i; mąąhɔlɔɓo dɛ̨ą ŋɛ̨i yaa mo, nu hvəə a nɛ nu ɓa; hvɛɛ Ną́n Yálá yai gaa yələkɔlɔn ɉu, ya ɓə a pɛli nɛi nu ɓa.

Maafîu 5:6

Nwun na nɛ̨ɛ̨ nuą ɓaa nuąi tələnmolaa wɛli kaa diɛ. Mąąhɔlɔɓo, Yálá kaa pai tələnmolaa tɛɛi di pɔ!

Azaya 6:5

Nąąlɔwai, gɛ́ diɛ: «Kpalo aa ɓɛla mą́ą́, nwún aa lɛɛ ɉu, hvó gaai, ɲą́ą́ ŋɛ̨i nááwulun mąą liɓiɛ a nɛ̨ŋɛ̨n, ŋį́ ɓo nwɔ̨nɔ̨ nu huwu lɔwai yiiɠaai di laawulun mąą liɓiɛ a nɛ̨ŋɛ̨n; ɛlɛɛ, ya ka ŋɛ̨i ŋą́ą́ Yai-Laa Mɛ̨nį Kəlee ŋą Hééɓomun kaa a ɲɛ̨́ikɔw.»

Mąątɛ̨nɛ̨ 130:3

Yai-Laa! Yá kɛi ku wɔ nɛ̨ŋɛ̨nŋaa laa ə́ yee kpalai, Əkə! Nwɔ́ mɛ̨nį Nąmu! Gbɛɛ ɓə pai lɛɛi yɛnɛ̨ɛ̨?

Mąątɛ̨nɛ̨ 119:176

Gáá lɔ lia li nwún ma, yɛ ɓɛlaa haai aa pili, 'hvilɛn, ə́ ə́ wɔ tímun kwɛli, mąąhɔlɔɓo, və́ lɛ̨ą li ə́ wɔ tíɓoɠaai diɛ.

Mąątɛ̨nɛ̨ 119:159

Bələi ə́ wɔ tɔn nwooi wɛli kaa la mą́ą́, nąą kaa tai, Yai-Laa, dóó nwúnų kɔ́lɔi, a ə́ wɔ wɛlikɛmąąlaa.

Mąątɛ̨nɛ̨ 119:133

Váŋąlɔ a ə́ wɔ tɔn nwooɠaai, 'hvó mɛ̨nį ɲɔ̨n nɛɛ laa hvo hee mą́ą́.

Mąątɛ̨nɛ̨ 119:40

A neelee, ə́ wɔ tɔn nwooɠaai wɛli kaa mą́ą́, 'Pənə ə́ dóó nwų́nu kɔ́lɔi a ə́ wɔ tələnmolaai.

Mąątɛ̨nɛ̨ 119:35

'Vílɛn ə́ wɔ tɔnŋaai hiɛ pələ mɛ̨i, mąąhɔlɔɓo, yili ɓə ɲąąnɛ̨ɛ̨i mą́ą́.

Mąątɛ̨nɛ̨ 65:3

Yɛ́i yá ə́ wəli tɔɔ, ə́ hvɛli woo ɓa, nu kan gəlee da pa ə́ pɔ.

Zɛnɛse 6:3

Nąąlɔwai, Yai-Laa ə mo gbɔwɔ ɓa yɛ diɛ: «Ɲɛnɛ̨ɛ̨ kɛ hvaŋąi ŋɛ̨i ŋį́ bu nu lonnii hu, mąą hvo nɛ̨ɛ̨li kɛa və́ nɛɛ di yəi. Mąąhɔlɔɓo, di kɛɛ mɔ̨ɔ̨ tii, mąąnɛ̨ɛ̨ lɔ di haa. Ə həɠə kɛa yiihu ɓa, di kaa kwɛlan gaa pai kɛi lɔ kɛa a: kwɛlan nwun dɔ̨nɔ̨ kwɛlan bow hveelɛ, diɛ haa.»

Swiv nou:

Lyen patwone

Piblisite

Piblisite