Galatə 4:26 - Yálá laawoo hɛɓɛ (dc)

²⁶ Kɛlaa Ɉerusalɛmə, yii ɲələi pələ, gaa gbɔwɔ yee kɔnma, yili ɓə a gu lee;

Yálá laawoo hɛɓɛ

²⁶ Kɛlaa Ɉerusalɛmə, yii ɲələi pələ, gaa gbɔwɔ yee kɔnma, yili ɓə a gu lee;

Bible

²⁶ Kɛ́lɛ, Zerusâlɛŋ nyíi gáa ɣelêi-perei, ŋuŋ ma ƃoɔi, ǹyaŋ gɛ ƃo a kúlee.

Galatə 4:26 Referans Kwoze

Hebreu 12:22

Kɛlaa, ká wɛi, káá ká mąąlɛɠɛ Siɔn yee ɓa, da Yálá hvulú nwɔ taalee kɛnɛ̨i, a Ɉerusalɛmə yai yələi, da malaka kpulu waa tamąąi di ɲąąkpɔnŋąą hɛli hu,

Filipə 3:20

Kɛlaa gu wɛi, gu kaa a yələkɔlɔn ɉu hee ɓo nuą, gu kaa ɓɛ lɔi mɛ̨i, guɔ gu nwun mąąɓomun Ną́mu Jesus Kristə mąąkpɔn,

M̀ɛni-lɛɛi 21:2

Ɛlɛɛ, ŋą́ daa mąąhəɠɛɛ kaa, yai a Ɉerusalɛmə nįnɛ̨, yɛ həɠə Yálá kwɛlɛ, yələkɔlɔn ɉu, yɛ nɛ̨ɛ̨gbɛlai aa gbɔwɔ pɛli a nɛlɛɛ ɉilɛ mąą mɛ̨nį ɓa.

M̀ɛni-lɛɛi 3:12

«Nui ɲee a tɛɛ mɛ̨nįɠaa tii ɓa, ŋą́ gɛ a pɛlɛ́-lɔnwɔ̨ nwɔ́ Yálái ŋą pɛlɛ́i mu, hva kɛa kulɔ laa kpɔ hvąą-hvąą, ɛlɛɛ, ŋą́ nwɔ́ Yálái laa pɛ̨ɛ̨ mą, ɛlɛɛ da nwɔ́ Yálá ŋą taalee, yai a Ɉerusalɛmə nįnɛ̨, yai həɠəi yələi, yɛ həɠə nwɔ́ Yálái kwɛlɛ, ɛlɛɛ da Náá nįnɛ̨.

Azaya 66:10

'Ka kwəinɛ̨ɛ̨ kulɔ, kaai kpɔ Ɉerusalɛmə wɛli kaa kaa, ka diɛni 'ka pili yələi a kwəinɛ̨ɛ̨. 'Ka kɛ kwəinɛ̨ɛ̨ hu, ka diɛni, 'ka ɓələn a kwənɛ̨ɛ̨, kaai kpɔ kɛli wɔlɔ mąą mɛ̨nį ɓa.

Galatə 4:22

Bɛ̨ɛ̨ ɉɛɓɛ́ hu, yɛ mą: Abrahamə ə lon gaa hveelɛ, dɔ̨nɔ̨ ə kɛ a luwɔ-nɛ̨ą lon, dɔ̨nɔ̨ ə ɓo a yá-nɛ̨ą lon.

Lomaŋ 6:18

Kaa kulɔ nɛ̨ŋɛ̨n nwɔ luwɔlaa hu, kaa kɛ a tələnmolaa nwɔ luwɔ.

Lomaŋ 6:14

Mąą hvo nɛɛ li nɛ̨ŋɛ̨n və tɔɔlaa kɛ kɛa ka mɛ̨i, mąąhɔlɔɓo, ka hvo kɛa tɔ́n mu, kɛlɛɛ, ka káá kɛa mɛ̨inɛ̨ɛ̨ mu.

Ɉaan 8:36

Akɛ Nu lon a ka nwun mąąɓo, ka kɛ kpɔ a lɛɛ gbɔwɔ ɓa nuą leelee.

Azaya 65:18

Yaa mun, ka kaa pai kwəinɛ̨ɛ̨ kulɔi, kaa pili yələi a kwəinɛ̨ɛ̨, mąąhɔlɔɓo, gáá pai kwəinɛ̨ɛ̨ pɛlii, kpɛɛ hva kɛ mą, a neelee, gwəinɛ̨ɛ̨i tii gáá pai bɛlii, Ɉerusalɛmə ɓə, ɛlɛɛ, mąną kaa mɛ̨nį nwun mą, ya ɓaa a, nonnii mąą mɛ̨nį.

Osia 4:5

Ə́ kaa pai kalin ɉii hvóló ŋą, ka Yálá kwəi mɛ̨nį hu kulɔ mun kaa kalin a kpinį, gáá pai ə́ kaa lee nwun na pilii.

Osia 2:5

A wala gɛ tii, gáá pai həɠə kulɔi mą, ə lɛɛ a gbuwulu, gɛ́ nɛɛ lɔ yɛ bələi wɔlɔ ə kɛ la a gaa yələ. Ŋį́ gɛ yɛ lɔi pun, ŋį́ gɛ yɛ gbali a kələn, gɛ́ gɛ, yɛ haa la a kpələ wɛli.

Osia 2:2

Ɉuda lonnii da Israɛlə lonnii di kaa pai pɛlɛi di kee ɓa, nu tɔ̨nɔ̨ ə ɓo di yəi a di ɲąąwooɓomun, diɛ hee lɔi kəlee mɛ̨i; mąąhɔlɔɓo, Izreɛlə nwɔ hvólói a kɛ a hvóló kɛnɛ̨.

Azaya 50:1

Yai-Laa woo ka: Vulú taɠa hɛɓɛ́ wɔɔ? Yai ŋį́ ka lee kulɔ la lɔwɔi? Awala kɛtii, gbɛɛ ɓə ŋą kwələ kaa mą́ą́? Yai ŋį́ ka lɔwɔ́tɔɔ mą? Deąi laa ya ka: Ka wɔ nɛ̨ŋɛ̨nŋaa ɓə gɛ, diɛ ka lɔwɔ́tɔɔ, ka wɔ kulɔ nwoo mu laa ɓə gɛ, diɛ ka lee kulɔ lɔwɔi.

Piɛrə dɔlɔɔ 2:16

'Ká tuwɔ́ yɛ nuąi di kaa di gbɔwɔ ɓa, 'ká hvo nɛɛ gbɔwɔ ɓa laai tii kaa a mɛ̨nįi ká laa ɉu, káá nwąnąlɔɔ túwɔ́ ɓo la, kɛlaa, 'ká túwɔ́ yɛ Yálá ŋą tínuą.

Galatə 5:1

Gu lɛɛ mɛ̨nį gu kpɔwɔ yee kɔnma mɛ̨nį ɓə, Kristə ə gu nwun mąąɓo la. 'Ká tɔɔ kani a ká nwąnąi, ká hvo ká kpɔwɔ lɛɛ laa, di hvo ká too luwɔlaa ŋą kpɔnɔ̨ nįnɛ̨ ɲą.

Azaya 52:9

'Ka tomą a gee a kwəinɛ̨ɛ̨ woo, kaai a Ɉerusalɛmə taa kpoloonŋaa, mąąhɔlɔɓo, Yai-Laa kaa nwɔ nu huwui liilaai, gaa Ɉerusalɛmə nwun mąąɓoi.

M̀ɛni-lɛɛi 17:5

Laa ta pɛ̨ɛ̨ dɔwɔla, a mɛ̨nį hu kpinįɛ, diɛ kɛ mą: «Babilonə daa-lee kɛnɛ̨i, yai a nwɛlikɛ nɛ̨ąą, ɛlɛɛ, da mąąliɓi túwɔ́ɠaai kpɔ lɔi mɛ̨i, di lee.»

Galatə 4:25

Mąąhɔlɔɓo Sinai kaa Arabə lɔi hu. Ɛlɛɛ, Agarə mukulaa ɓaa, Ɉerusalɛmə háákələi, yai a nuwɔ-nɛ̨ą da nonnii.

M̀ɛni-lɛɛi 12:1

Mɛ̨nį kɛnɛ̨ ta ə kɛ yələ kwəi, nɛ̨ɛ̨nu ta ɓə, mąą həɠə ə kɛ a hvóló, ɲąnįn ə ɓo gɔwɔ mu, ɛlɛɛ, tɔɔɓɔlɔ ə ɓo nwuɔ̨, mąą puɔ a pɛmɛ̨lɛ̨n-gɔw pow kɔ́w hveelɛ.