Galatə 3:27 - Yálá laawoo hɛɓɛ (dc)

²⁷ Gəlee ə mą kɛ, káái kpɔ daa ká mąąwaa Kristə hu, káá Kristə too ká kwɛną.

Yálá laawoo hɛɓɛ

²⁷ Gəlee ə mą kɛ, káái kpɔ daa ká mąąwaa Kristə hu, káá Kristə too ká kwɛną.

Bible

²⁷ Kpɛ́ni fêi, káai kélee ka-batâi kɛ́ɛ̂i Kôrai kponôi, ka Kôrai sɔlɔ ƃó.

Galatə 3:27 Referans Kwoze

Lomaŋ 13:14

Kɛlaa, ka gu, gu Ną́mu Jesus Kristə kɛ a gu kwąną həɠə, 'ká hvo ká kpɔwɔ lɛɛ kɔlɔ yeekɔnma, ɲɛ̨ikulɔ bɔ laa yɛ hee la ká mɛ̨i.

Korɛntə dɔlɔɔ 12:13

Mąąhɔlɔɓo, di gu kəlee gu mąąwaa Kili-Mąąhəɠɛɛ tɔ̨nɔ̨ hu, ə gɛ, gu kɛ a kɔlɔ tɔ̨nɔ̨, yɛ ə kɛ a Ɉuifə, yɛ ə kɛ a Grɛkə, ə kɛ a luwɔ, ə kɛ a kaalon; yá nwun gulɔi tɔ̨nɔ̨ ɓə gu gu kpələ la, Kili-Mąąhəɠɛɛ tanɔ̨n ɉu.

Piɛrə dɔlɔɔ 3:21

Ɲąi tii kaa a mąąwaaɓoi aa ká ɓalo yiihu, gɔɔn mąą, hvo a kɔhɔɓoi ká kɔlɔ ɓa, nwaa hɛn, kɛlaa, yili kaa a nu kpɔwɔ kwɛlɛɛ Yálá ɓa, ə́ kili hu pələ, a ká ɓalo, Jesus Kristə nwun ə mo haa yəi ɉáálai,

Kolosə 3:10

ɛlɛɛ, káá lɔ kɔlɔ nįnɛ̨ hu, gɔlɔ nįnɛ̨i tii a kɛ lɔ kɛnɛ̨i a yələ kəlee, bɛlimun mąąnįnįn ɉu.

Ifisiɛŋ 4:24

'Ká lɔ nu nįnɛ̨ kɔlɔ hu, yai Yálá ə bɛli tələnmolaa hu, da mąąhəɠəlaai a kulɔ tɛ̨ą hu.

Gɛlaɠaa 2:38

Piɛrə ə di woo ŋąą pənə yɛ diɛ: «Ka kpɛla mɛ̨nį ɲɔ̨n ma, ka ka hɔn mąą pənə, di ka mąąwaa Jesus Kristə laa hu, ə gɛ, ka wɔ nɛŋɛ̨nŋaa mąąhvaa ə lɛɛ, ká Kili-Mąąhəɠɛɛ yəi mɛ̨inɛ̨ɛ̨ hɔlɔɓo.

Lomaŋ 3:22

Yálá a nu kɛ a tələnmomun ɲɛ̨i ɓa akɛ mąą nu a laa Jesus Kristə la. Nuąi da laa Jesus Kristə la, diɛ ɓə Yálá a yili kɛ diɛ. Mąąhɔlɔɓo, nu ta hvo hviala ɓo li mɛlan ma.

Gɛlaɠaa 16:15

Yii kɛa di Lidi mąąwaa, yaa da ɲəi bɛlɛ́n nuą kəlee. Ə ku təli, yɛ kuɔ: «Yɛ bələi kpɔ káá gáá a nui aa laa gu Ną́mu Jesus mąą mɛ̨nį lai, 'ká pa kani 'ká lɔ ɲə́i bɛlɛ́n.» Ə ku kpaan di, ku hvaa mą.

Azaya 61:10

Gáá kwəinɛ̨ɛ̨ hu, a tɛ̨ą, gáá kwəinɛ̨ɛ̨ kulɔi Yai-Laa mąą mɛ̨nį ɓa, níí kaa pilii yələi a kwəinɛ̨ɛ̨, nwɔ́ Yálái mąą mɛ̨nį ɓa, mąąhɔlɔɓo, aa nu ɓalo həɠə too gwą́ną́, aa mą́ą́ yili a tələnmo gbaawii, yɛ hulɔnon a mąą yili nwɔ wɛli ɲɛ̨i ɓa, yɛ bələi haláá laa həli mun a gɛ la, yɛ nɛ̨ɛ̨nui daa ɉilɛtai kɛ, a kɛli mąą yili hɛnŋąą kɛ mą.

Zôo 29:14

Tələnmolaa ɓə kɛ a mą́ą́yili həɠə, tɛ̨ą ə ɓo a nwúɔ ɓɔlɔ.

Gɛlaɠaa 8:16

Mąąhɔlɔɓo, Kili-Mąąhəɠɛɛ hvo ni kɛ too li di tɔ̨nɔ̨ kpɛli hu, daa di mąąwaa lɔ kɛ gu Nąmu Jesus laa hu.

Gɛlaɠaa 9:18

Ɲąąɓa, hɛn da ə kulɔ ɲɛ̨i ə too yɛ hɔ̨nwɔ̨lee kala, ɲɛ̨i ə hvólóon. Ə muhəɠə ə li di mąąwaa;

Lukə 15:22

Kɛlaa, nąn ə mo nwɔ koló kɛ nuą diɛ, yɛ diɛ: ‹Ka pa a gbaawi lɛlɛɛ ɉa-ɉa ka doo gwaną, ka gbono too ɲee ɓa, ka kɔ́lɔ lɛlɛɛ lɔ gɔwɔ ŋą.

Korɛntə dɔlɔɔ 10:2

ɛlɛɛ, di di kəlee di mąąwaa da Moisə ni dulɔ kpinįn mu, da gboloyá hu.