Galatə 3:23 - Yálá laawoo hɛɓɛ (dc)

²³ Gɛɛ kɛ laa na laa nwɔ yələi hvo ɉəli, gu kɛ luwɔ́laa hu dɔ́n ɲee mu, ə lɛɛ ɉu, laa na laa yɛ pa tooi pono ŋą.

Yálá laawoo hɛɓɛ

²³ Gɛɛ kɛ laa na laa nwɔ yələi hvo ɉəli, gu kɛ luwɔlaa hu dɔ́n ɲee mu, ə lɛɛ ɉu, laa na laa yɛ pa tooi pono ŋą.

Bible

²³ Kɛ́lɛ, laa-la e lɛ́ɛ pâi, ku kɛ̀ a pelesinɛ dɔ̂ŋ mu, kúpiliɛ pɔ̂rɔŋ kúkɛ naa-lai maa kpɛ̂ŋ nyíi kɛ̀ pâi pâi.

Galatə 3:23 Referans Kwoze

Galatə 5:18

Kɛlɛɛ akɛ ká ká kpɔwɔ lɛɛ Kili yee kɔnma, ká hvo kɛa dɔ́n ɲee mu.

Galatə 3:19

Lə ɓə dɔ́n ə pa kani gɛi? Dɔ́n ə pa, ə nuą hɔn doo pono ɲą, ə lɛɛ ɉu, Abrahamə kwəi lon ti, di mąą mɛ̨nį laakwɛlanmo mąi, ə pa. Malakaɠaa ɓə pa dɔ́n ɉu woo laa həlii, Moisə yɛ ɓo a di lɔwai-kpəlin da nuą.

Lomaŋ 11:32

Mąąhɔlɔɓo, Yálá ə nu kəlee lɔ kulɔ nwoo mu laa nwɔ kpono mu, əgɛ, ə nu kəlee ɲɛ̨imąąwɛli kaa tanɔ̨n.

Lomaŋ 3:19

Yaan gu gɔlɔn guɔ diɛ, nuąi di kaa tɔ́n mu, diɛ ɓə tɔ́n a mɛ̨nį ɓo diɛ, ə gɛ, hvaa hvo kulɔ nui lɔpee ta la, ɛlɛɛ, Yálá nwɔ kiti ə kɛ nu kəlee mɛ̨i yɛnɛ̨ɛ̨ nąą kəlee.

Hebreu 12:2

'gu ɲɛ̨i kpalaa laa na laa pələi kulɔmun ma, yai a Jesus, a pɛli mą, ə gu həli naa kulɔi ɓa, a yai lənə kwəinɛ̨ɛ̨i kɛ dɔwɔ mą, ə niikpələ yɛ ɓɛlɛkpɛɛmąą haa ɓo kolɔwa ɓa, gaa heeni Yálá ŋą tɔɔkpəlin ɲee lɛlɛɛ hu.

Hebreu 11:13

Nuą ti kəlee di lɛɛ laa na laa hu, di haa, mɛ̨nįɠaai di naakwɛlanmo diɛ, di hvo naa honŋąą kaa li. Kɛlaa, ə mą kɛ tii, di gaa kwɛaala, di nɛ̨nɛ̨ɓo, di di kpɔwɔ kɔlɔn a nwɛ̨ąą, da hiɛ kulɔ nuą ɓɛ lɔi mɛ̨i.

Galatə 4:21

Káái ká káá bɔ ká dɔ́n bɔ yíiɓo, nwooi dɔ́n tii kaa moi, ká hvo mɛ̨n ɉii?

Ɉaan 3:34

Yaan, nui ɲɛ̨i Yálá ə dɔɔ, a Yálá mąą mɛ̨nį ɓo, mąąhɔlɔɓo, Yálá a Kili kəlee tɛɛ bɔ.