Galatə 3:17 - Yálá laawoo hɛɓɛ (dc)

¹⁷ Yii gɛ́ ŋį́ mo káá, ya ka: Yálá ə mɛ̨nį ta laakwɛlanmo, ə vilɛn ginɛ̨ ɓa, kwɛlan nwun nąąn ɲeehaaɓa kulaa ɉu ɓə təɠa, dɔ́n ə paa la. Kɛlaa, dɔ́n tii hvo pa li mɛ̨nįi tii həɠəi mą, a ɉəɠə mąi, akɛtii, Yálá ŋą mɛ̨nį laakwɛlanmoɔ, mɛlɛ hva lɛɛ mą.

Yálá laawoo hɛɓɛ

¹⁷ Yii gɛ́ ŋį́ mo káá, ya ka: Yálá ə mɛ̨nį ta laakwɛlanmo, ə vilɛn ginɛ̨ ɓa, kwɛlan nwun nąąn ɲeehaaɓa kulaa ɉu ɓə təɠa, dɔ́n ə paa la. Kɛlaa, dɔ́n tii hvo pa li mɛ̨nįi tii həɠəi mą, a ɉəɠə mąi, akɛtii, Yálá ŋą mɛ̨nį laakwɛlanmoɔ, mɛlɛ hva lɛɛ mą.

Bible

¹⁷ Zu-kulai ƃa dɔ̂ŋ nyíi pà kóraŋ ŋuŋ náaŋ pôlu buu saaƃa yée mui, va pɔ̂ri ŋ̀óoi kperâi Ɣâla e mò nàa tuɛi, a gɛ́ɛ ŋɔkono-teei é kɛ́ kpɛni-kpɛni.

Galatə 3:17 Referans Kwoze

Zɛnɛse 15:13

Yai-Laa yɛ Abramə ɓa: «'Gɔlɔn yɛ kɛ: Ə́ huwu kaa pai kɛi nwɛ̨ą lɔi hu a luwɔ, diɛ di mɔ̨nɔ̨ɓo kwɛlan nwun-nąąn ɲee mu.

Korɛntə veelɛ 1:20

Ɛlɛɛ, mɛ̨nįɠaa kpɔ Yálá ə naakwɛlanmo, yai tii ɓə di kɛ a «ee!» gbɔwɔ kpinį hu. Yili mąą mɛ̨nį ɓa, yaa ti ɉaalai ɓə, gwa kɛ la Yálá ɓa: «mįiną!» Yaa ti mąąwiɛ mɛ̨nį ɓa.

Lomaŋ 3:3

Gwa pɛli kɛi lə? Akɛ nu taɠaa di hvo kulɔ li di woo ɓa da Yálá ni di lɔwai, Yálá nwɛi, a pɛli moɔ nwoo lɛɛi?

Kolosə 2:4

Gáá yili ɓoi ti, əgɛ, nu ta hvo pa ka ɓowo, a lɛɛ wooɠaa.

Galatə 5:4

Káái ka káá bɔ ká kɛ, a tələnmo nuą Yálá ɲɛ̨i ɓa, dɔ́n ɉáálai, a kɛ ti ka Kristə ni kaa ka ɓɛla ɓo, ká wɔɔ nąą hvo Yálá nwɔ mɛ̨inɛ̨ɛ̨ hu.

Galatə 3:15

Ną́n nonnii, ká gu mɛ̨nįi ŋɛ̨i gɔɔnmąą həɠə gu yíi pələ hu; nu a nwoo kwɛlɛ, ə gwəi woo ɓo, vilɛnŋąą ginɛ̨ ɓa a neelee, di hva da həɠə mą, di hva da pɛlɛ mą.

Korɛntə dɔlɔɔ 1:17

Gbala ə tɔɔ, Kristə hvo kɛ dɔ́ɔ́ li nuą mąąwaa mɛ̨nį ɓa, kɛlaa, nwɛlɛɛ lɛlɛɛ laa həli mɛ̨nį ɓə, və́ naa həli a kilikɛɲəi woo hukulɔ, ə gɛ, Kristə ŋą haai ə mo kolɔwa ɓa hvo pa lɛɛ a kpɛli.

Ɉaan 1:17

Gu Yálá nwɔ tɔ́n ɉɔlɔɓo Moisə háálai. Kɛlɛɛ, gu mɛ̨inɛ̨ɛ̨ da teŋą hɔlɔɓo Jesus Kristə háálai.

Azaya 14:27

Yai-Laa Mɛ̨nį Kəlee ŋą Hééɓomun, a mɛ̨nį mąą kili tee gwəi, gbɛɛ ɓə a pɛli ɉəɠəi mą? A ɲee tɛ yələi, gbɛɛ ɓə a pɛli ɲɛɛi?

Piɛrə dɔlɔɔ 1:20

yai di gbɛa ɉəɠə ɉu gɛɛ yɛnɛ̨ɛ̨ kɔwɔ hvo tɔɔ, ə too pono ɲą a ɲąąkpɛɛi lɔwai, ká mąą mɛ̨ni ɓa.

Hebreu 11:13

Nuą ti kəlee di lɛɛ laa na laa hu, di haa, mɛ̨nįɠaai di naakwɛlanmo diɛ, di hvo naa honŋąą kaa li. Kɛlaa, ə mą kɛ tii, di gaa kwɛaala, di nɛ̨nɛ̨ɓo, di di kpɔwɔ kɔlɔn a nwɛ̨ąą, da hiɛ kulɔ nuą ɓɛ lɔi mɛ̨i.

Hebreu 7:18

Yili ɓa, dɔ́n ŋɛ̨i kɛ laai, ɲɛ̨i aa paa. Mąąhɔlɔɓo, vaŋą hvo kɛ ɉu, ɛlɛɛ, viikpɛɛ;

Ifisiɛŋ 4:17

Yii kani gáá moi káá, gɛ́ wiɛ mą gu Nąmu laa hu, ya ka: 'Ká hvo kɛa yɛnɛ̨ɛ̨ kɛ, yɛ bələi nuąi di hvo Yálá kɔ́lɔn da yɛnɛ̨ɛ̨ kɛ la, a diɛi di wɔɔ kiliŋąhiɛ a di lɔ kpɛli-kpɛli mɛ̨nį hu.

Galatə 3:21

Akɛ tii dɔ́n a kɔ pɛlɛ mɔ̨ɔ̨ Yálá ŋą mɛ̨nį laakwɛlanmoɔ ɓa? Kpaa-o! Akɛ dɔ́n a pɛli kɛ yɛnɛ̨ɛ̨ tɛɛi, ɛlɛɛ, ə li kɛ, nu kanŋaa di dɔ́n ɲili hɔlɔɓo kɛi, yɛ mą dɔ́n ə li pɛli mą, nu kanŋaa tələnmoi.

Korɛntə veelɛ 9:6

Ká kili ə pu ɉu káá: Nu a ɉin tiikpə, dɔlɔ tiikpə lɔ ɓə a ɉɔlɔɓo, ɛlɛɛ, nui a ɉin gɛnɛ̨, dɔlɔ kɛnɛ̨ lɔ ɓə a ɉɔlɔɓo.

Korɛntə dɔlɔɔ 10:19

Gɛ́ ŋį́ kɛ lə? Ɉuwɔi da baa hali ɓa, awala kɛ tii, ɉali kpinįlee, lə kɛ hɛn maa a diɛ?

Korɛntə dɔlɔɔ 7:29

Ną́n nonnii, mɛ̨nį gɛ́ ŋą́ mo kaa ya ɓa: Ɲɛnɛ̨ɛ̨ hu hvo kɛa kwɛa li, gɛ́ nuąi nɛ̨ą kaa diɛ, di di kpɔɔ kaa lɔ yɛ nɛ̨ą a wala kɛ diɛ.

Korɛntə dɔlɔɔ 1:12

Yii gɛ́ ŋą́ mo, ya ka: Ka tɛitɛi ka kɛ kɛi diɛ: «Nwɛ́i, kwá Polə ɓə», daɠaa diɛ kɛ: «Nwɛ́i, kwá Apɔlɔsə ɓə», daɠaa diɛ kɛ: «Nwɛ́i, kwá Sefasə ɓə», daɠaa diɛ kɛ: «Nwɛ́i kwá Kristə ɓə.»

Lomaŋ 3:25

Yaa ti ɓə Yálá ə ɲąmą kɛ a nuąi kɛi pa laai na di wɔɔ nɛ̨ŋɛ̨nŋaa waa haláá hɛn; yaa kpinįilee ə nwɔ tələnmolaa lɛ tii diɛ; gbala ə tɔɔ, ə niilaa, nɛ̨ŋɛ̨nŋaa wɔlɔ di ɉəɠə, ə nɛɛ diɛ a kpɛli.

Gɛlaɠaa 7:6

Kɛlaa, yii Yálá ə mo mą ya ka, yɛ mą: 'Gɔlɔn yɛ kɛ: Ə́ huwu kaa pai kɛi nwɛ̨ą lɔi hu a luwɔ, diɛ di mɔ̨nɔ̨ɓo kwɛlan nwun-nąąn ɲee mu.

Azaya 28:18

Mįnɛ̨i ka haa ni ka ɉəɠə, di kaa pai ɉukalai; mįnɛ̨i ka ɲąmuątaa ni ka ɉəɠə, hvo pai lɛɛi mą. Gɛɛ kala ɲɔ̨n tii a kɛi tɛɛ, gaa pai ka hukalai.

Mąątɛ̨nɛ̨ 33:10

Yai-Laa ə lɔiɠaa kwəi kiliɠaa hukala, mɛ̨nįɠaai nuą di mąąkili tee di kwəi, ə di lɛɛ a kpɛli.

Zôo 40:8

Hvo gɔlɔn yɛ́ kiti tee mun mąą ɲą́ą́? Ə́ kaa bɔ ə́ tɛ̨ą tɛɛ ə́ kpɔwɔ pɔ, ə́ gɛ́ a hɔn mąąmun?

Lonon mo 30:8

ɉilɛ a nwoo kwɛlɛ mɛ̨nįi tii kili kɔ́lɔn, hvo da ɓo li a volói lɔ tii a gili kɔ́lɔn na, mɛ̨nįɠaai nɛ̨ɛ̨nui tii ə naakwɛlanmo, da nɛ̨ɛ̨ mą. Mɛ̨nįɠaai ə gwɛla ɉu a gbɔwɔ nwuɔ̨ mɛ̨nį, a lɛɛ a gbaan ŋąą di yəi.

Lonon mo 23:19

Yálá hvo yɛ bələi nu kaa la, hva pɛli lɛɛ kɛi, hvo yɛ Adamə lon da, yɛ pɛli nwoo mąą pənəi. A mɔ̨ɔ̨ pɛli mɛ̨nį ɓoi a kɛ hvo mąą mɛ̨nį kɛ li? A mɔ̨ɔ̨ woo ɓo yii hvo bɔ mɛ̨nį kɛ li?

Zɛnɛse 17:19

Yálá yɛ Abrahamə ɓa: «Ɲą́ą́ ɓə kɛ yɛ́: Ə́ nɛ̨ą Sara kaa pai lon ɉulɔnu ɉɔlɔɓoi, ə́ naa hee a Isaakə. Isaakə tii ɓə nwɔ́ mįnɛ̨i laa kaa pai hon ɉii ɉuwuhu nuą diɛ a yələ kəlee mɛ̨nį.

Zɛnɛse 15:18

Voló tɔ̨nɔ̨i tii, Yai-Laa da Abramə di mįnɛ̨ həɠə, yɛ mą: «Ə həɠə Eziptə lɔi ɲá lee ɓa, ə li la Eufratə ɓa, gáá nɔi ŋɛ̨i tɛɛi ə́ huwu pɔ.

Galatə 5:16

'Ká ká wəli tɔɔ nwóó ɓa: 'Ká hiɛ Kili-Mąąhəɠɛɛ yee kɔnma, akɛtii, ká hva kɛa lɛɛ nu kiliŋąhiɛ woo mu.

Mąątɛ̨nɛ̨ 105:9

Mįnɛ̨i da Abrahamə di ɉəɠə, Ə mɛ̨ilɔ a gwɛlai ə mo Isaakə ɓa.

Ifisiɛŋ 2:12

'ká ká kiliŋąhiɛ, nąąlɔwai, Kristə hvo kɛ ká yəi, ká laa hvo kɛ mɛ̨nį ta hu Israɛlə lɔi hu, ká kɛ a nwɛ̨ąą mɛ̨nįɠaai Yálá ə naakwɛlanmo nwɔ nuą diɛ, ɉu; ká kilitɔɔi hvo kɛ káá, Yálá hvo kɛ ká yəi ɓɛ yɛnɛ̨ɛ̨.