Galatə 2:8 - Yálá laawoo hɛɓɛ (dc)

⁸ hvo gaai, bələi lɔ Yálá ə Piɛrə kɛ la a kɛla Ɉuifəɠaa lɔwai, bələ lɔ ɓə ə gɛ́ la a huwu takpɛliɠaa di wɛi.

Yálá laawoo hɛɓɛ

⁸ hvo gaai, bələi lɔ Yálá ə Piɛrə kɛ la a kɛla Ɉuifəɠaa lɔwai, bələ lɔ ɓə ə gɛ́ la a huwu takpɛliɠaa di wɛi.

Bible

⁸ kpɛ́ni fêi, ǹúui Pitɛ kɛ̀ a sia-nuu a gɛ́ɛ e tíi kɛ́ diai sama díkpɛtɛɛ̂i, e ŋ́gɛ̀ máŋ a sia-nuu Zɛ̃tai-ŋai mɛni ma.

Galatə 2:8 Referans Kwoze

Gɛlaɠaa 9:15

Kɛlaa, gu Ną́mu yɛ mą: «'Li, mąąhɔlɔɓo, ŋą́ą́ ɉəɠə ɉu a níiɓa, a nwɔ́ kóló kɛ hɛn, yɛ pɛli náá mąą kɛla hvaaɓoi huwu takpɛliɠaa da tɔɔɓɛlaa diɛ, ə mą kɛ, Israɛlə lonnii.

Gɛlaɠaa 22:21

Kɛlaa, yɛ mą́ą́: ‹'Li! Gáá ə́ tɔɔi kpɔ kwɛaala nuąi di hvo a Ɉuifəɠaa di pɔɔli.›»

Gɛlaɠaa 21:19

Polə ə nwoo pili diɛ, pələi kpɔ Yálá ə kólo kɛ la yaa ti ɲee hu hį́i takpɛliɠaa lɔwai, ə gəlee hukulɔ kpɔ diɛ tɛ̨ɛ̨tɛ̨ɛ̨.

Gɛlaɠaa 15:12

Nąąlɔwai nuą kəlee di di laa pilɛ kpɔ tín, yili pulu, di di wəli tɔɔ Barnabasə da Polə diɛ. Kwɛlɛɛn mɛ̨nįɠaa da kpalo mɛ̨nįɠaai Yálá ə gɛ a di yee, huwu takpɛliɠaa pɔɔli, di yili kəlee hukulɔ.

Korɛntə dɔlɔɔ 15:10

Kɛlaa, laai kələi gáá ɉu ŋɛ̨i, Yálá ŋą mɛ̨inɛ̨ɛ̨ halai li; ɛlɛɛ, ŋą mɛ̨inɛ̨ɛ̨ tii ə gɛ mą́ą́, hvo lɛɛ li a kpɛli. Kɛlaa yaamun, ŋą́ą́ kólo kɛ aa tɛɛ gɛlaɠaa kəlee diɛ, ɲą́ą́ hvə li, Yálá ŋą mɛ̨inɛ̨ɛ̨i gaa ɲə́i, ya ɓə.

Korɛntə dɔlɔɔ 9:2

Akɛ nu takpɛliɠaa da wala gáá a kɛla, ka wɛi, mąąnɛ̨ɛ̨ kɛ ka gɔ́lɔ́n. Gbala ə tɔɔ, káá ɓə a nwɔ́ kɛla laa kɔlɔn ɉɛn gu Nąmu hu.

Gɛlaɠaa 8:17

Piɛrə da Ɉaan di di yee pɛlɛ Samari nuą mɛ̨i, di Kili-Mąąhəɠɛɛ hɔlɔɓo.

Gɛlaɠaa 4:4

Nuąi galan nwoo mɛ̨n, di damąą di laa Jesus la, di lononŋąą a pɛli nu waa lɔɔli kulɔi.

Gɛlaɠaa 1:25

ə gɛ, mąą nu ə kɛ a Ɉudasə mąąhvalən, ə́ diɓoi ŋɛ̨i ə́ dɛɛ ku pɔ ɉu; yaai Ɉudasə ə nąą lɛɛ laa, yɛ li ɓɛi gaa bɔ.»

Gɛlaɠaa 1:8

Kɛlaa, ka káá pai huwalawala hɔlɔɓoi, ɓɛlɔwai Kili-Mąąhəɠɛɛ a yɛɛ la ka mɛ̨i. Nąąlɔwai, ka kɛ kɛa a nwɔ́ kɛlaɠaa, kaa mą́ą́ mɛ̨nį ɓo: Ɉerusalɛmə, Ɉude lɔi hu nąą kəlee, ə həli la Samari, yɛ li kpɔ la lɔi kpəlai.»

Kolosə 1:29

Nwɔ́ɔ́ tɔɔ a nwąnąi laa nwun gaa mą, ya ɓaa; gɔi gáá gɔi, a hvaŋąi kolo kɛi ɉú.

Galatə 3:5

Yálái ŋą Kili tɛɛ ká pɔ, ɛlɛɛ, yɛ kwɛlɛɛn mɛ̨nįɠaa kɛ ká lɔwai, gaa mɔ̨ɔ̨ gɛi tii, gbala ə tɔɔ, ká káá dɔn bɔ yíiɓoi? Awala kɛ tii, mąąhɔlɔɓo, ká ká wəli tɔɔ, laa na laa mąą wɛlɛɛ ɓa?

Gɛlaɠaa 19:26

ɛlɛɛ yaan, ya ka tii ka káá nąą kaai, awala kɛ tii, káá bələ mɛ̨n, hvo lɔ a Efɛsə yaa tɔ̨nɔ̨, kɛlaa Asi lɔi nąą kəlee, Polə aa pili nu kpulu kɛnɛ̨ɛ̨ wəlii a nwɔ kalan nwooi, yai a kɛ la diɛ: ‹Ɲáláɠaai gwa kɛ di pɛlii a gu yee, di hvo a yáláɠaa.›

Tɛsalonikə dɔlɔɔ 2:13

Yili ɓə gɛ, ku wɛi, ku pɔ pələ, kwa hva kpɛla Yálá mąmąɓo a yələ kəlee; ɓɛlɔwai ká Yálá laa woo hɔlɔɓo la, a yai kwa kɛ ká wəli tɔɔi mą, ká ká yee hee mu, ká hvo gɛli yɛ nu kan vaa woo, kɛlaa, yɛ bələi lɔ tii gaa la, a Yálá laa woo, yai gɛ-mɛ̨nį kɛi ká hu, káái a laa na nuą.