Galatə 2:6 - Yálá laawoo hɛɓɛ (dc)

⁶ Kɛlaa yii hvilɛn na nuąi kɛ di kwɛdɛn ŋąą yə́i, di mąą mɛ̨nį ɓa, yili yaan hvo kɛ walawala li, Yálá hva ɲɛ̨i hee nu kan dɔɔi ɓa; nuą tii, di hvo mɛ̨nį takpɛli laa nwúɔ̨.

Yálá laawoo hɛɓɛ

⁶ Kɛlaa yii hvilɛn na nuąi kɛ di kwɛdɛn ŋąą yə́i, di mąą mɛ̨nį ɓa, yili yaan hvo kɛ walawala li, Yálá hva ɲɛ̨i hee nu kan dɔɔi ɓa; nuą tii, di hvo mɛ̨nį takpɛli laa nwúɔ̨.

Bible

⁶ Diai kɛ̀ a ǹúu-tuɛ-ƃelai (díkɛ-pere fe kɛ́ ni a da kpɛni ŋ́ɛi; Ɣâla fa núu su ɣɛɛ) dífe ŋátuŋ lɛ́lɛɛi da pu ni ma;

Galatə 2:6 Referans Kwoze

Galatə 2:2

Yaan mɛ̨nį ta ɓə di nɛ mą́ą́ pono ɲą, yili ɓə gɛ, gɛ́ li laa, ɛlɛɛ, Nwɛlɛɛ lɛlɛɛi ŋį́ kɛi naa həli huwu takpɛliɠaa lɔwai, ŋą́ nɛ diɛ, ŋą́ pənə nwɔ̨nɔ̨, ŋą́ nɛ nu mąą nwumąąɠaai kɛ laa, kwa diɛni ku hee, ŋį́ ɉukulɔ diɛ; ə gɛ, və́ pa gilɛ gbɛli həɠə.

Gɛlaɠaa 10:34

Nąąlɔwai, Piɛrə ə mo kɛa diɛ yɛ diɛ: «A tɛ̨ą, ŋą́ą́ gɔlɔn gɛ́ diɛ Yálá hva nu hu yɛɠɛ.

Korɛntə veelɛ 12:11

Ɲą́ą́ ka kani, ŋą́ą́ kɛ a ɓowo mun, káá ɓə gbáán gɛ́ kɛ la. Káá ɓə kɛ mąąnɛ̨ɛ̨ kɛ ká mą́ą́liɛwoo kɛ. Gbala ə tɔɔ, və́ a hɛn da hɔlɔɓo li a diikpɛɛ, ə tɛɛ la gɛla kpɛa-kpɛaa tii diɛ, bələi mąn və́ la a hɛn dai.

Galatə 6:3

Mąąhɔlɔɓo, akɛ nu ta a gbɔwɔ kaa yɛ nu walawala, ya pa, yaan hvo a hɛn da, gaa gbɔwɔ ɓowoi.

Korɛntə veelɛ 11:5

Ɲą́ą́ gwə́i pələ, və́ tíkpə li, və́ tɛɛ, gɛla kpɛa-kpɛaɠaa tii diɛ, a diɛi ká kili kaa diɛ.

Lomaŋ 2:11

Mąąhɔlɔɓo, Yálá pɔɔli, huyɛɠɛɓo mɛ̨nį hvo laa.

Piɛrə dɔlɔɔ 1:17

Ɛlɛɛ, akɛ nui hva nu huyɛɠɛ, yɛ nu kəlee kiti tee yɛ bələi a tuwɔ la, ká vɛli yɛ ká Nąn, yíi-kuui gaa ká yəi lɔi mɛ̨i, 'ká gɛ ɲɔw mąą laa hu,

Hebreu 13:17

Nuąi da kɛ ká mąąkwɛlii, 'ká lɛɛ di woo mu, ɛlɛɛ, ká ká kpɔwɔ lɛɛ di yəi. Mąąhɔlɔɓo, diɛ ɓə da kɛ ka nįiɠaa mɛ̨ikaai, ɛlɛɛ, diɛ ɓə pai yili gwɛlan mo kɛi Yálá ɓa. Ká gɛ tii, da di kɛ-kólói tii a kwəinɛ̨ɛ̨, hva kɛ a lííholi, yili dɔlɔ lɔpee hva kɛ mą ká yəi.

Hebreu 13:7

'Ká ká kili kɛ, nuąi Yálá laa woo laa həli káá, di hu; 'ká di wɔɔ yɛnɛ̨ɛ̨ ɲąąkpɛɛ pələ kaa, ɛlɛɛ, 'ká ká kɔɔn di wɔɔ laa na laa ɓa.

Korɛntə veelɛ 5:16

Yili ɓa, yiihu kɛa, gu hvo nu ta kɔlɔn nu kan gɔlɔ hu, akɛ gu Kristə kɔlɔn a nu kanŋaa di wɔ nu kɔlɔn bələ, bələ yili hvəə kɛa ku gɔlɔn na.

Lukə 20:21

Di mąąni kɛ diɛ mą: «Kalamɔ̨ɔ̨, ku gɔlɔn gbɔ kuɔ diɛ yii ya mo, da yii ya nuą kalan na, gaa a ɉaŋąa. Hva ə ɲɛ̨i hee nu kɛ pələ ɓa, kɛlaa, yá nuą mąąkwɛli Yálá kɔ́lɔn bələ ɓa a tɛ̨ą.

Markə 12:14

Di pa diɛ mą: «Mąąkwɛli kɛmun, ku gɔlɔn kuɔ: ya tɛ̨ą ɓo. Hva ɲɔ̨w nuą di wɔ kiliŋąhiɛ ɓa, hva ə́ kiliŋąhiɛ nu nwɔ kɛnɛ̨ laa ɓa, yɛ́ nuą kalan a Yálá liiɓa, tɛ̨ą pələ mɛ̨i. Akɛti, gu wɔ tɔ́n a hvaa mą gu nįįhɔ̨nwɔ̨ kulɔ Sesarə ɓą, yaai gaa gu wɔ lɔi nwun na? Ku kaa bɔ, ə́ ku kilaa pono.»

Maafîu 22:16

Yili pulu, di di wɔ kalan nɛai taɠaa tɔɔ da Herodə yee pɔ nuą taɠaa, ə gɛ, di pa di Jesus mąąni kɛ, diɛ mą: «Mąąkwɛli kɛmun, ku gɔlɔn kuɔ ya tɛ̨ą ɓo, yɛ́ nuą kalan a Yálá liiɓa tɛ̨ą pələ mɛ̨i, hvá ɲɔ̨w nuą di wɔ kiliŋąhiɛ ɓa. Mąąhɔlɔɓo, mɛ̨nį yii nuą da gaa a mɛ̨nį walawala, hvá gaa a mɛ̨nį walawala.

Zôo 34:19

Yaai hva tɔɔmun non viɛlaɓo nu takpɛliɠaa diɛ, ə lɛɛ, hva hɛn gɔw nąmu hviɛlaɓo yeehvowolomun ma, mąąhɔlɔɓo, nwɔ pɛli hɛnŋąą ɓaa gəlee.

Dutɛrɔnome 10:17

Mąąhɔlɔɓo, Yai-Laa ka wɔ Yálái ɓə gaa a yáláɠaa di wɔ Yálá; a tɔɔɓɛlaa di wɔ Tɔɔmun; Yálá yii gɛnɛ̨, vaŋą kɛnɛ̨ mąą ɲɔuwɔ, ɉaŋąą, di hva lɔ gwəi.

Gɛlaɠaa 5:36

Ɉu hvo ni kwɛa li, gu hulɔnu ta kaa diɛ kɛ mą: Teudasə. Ə kɛi gbɔwɔ kɛ mɛ̨nį kɔ́lɔn mun; nu nwun nąąn ɲɔ̨nwɔ mąn ə həɠə ə hvilɛn bɔ. Di yaa kpįnį baa, bɔ nuą di taɠa-taɠa, nąą ə tɔɔ tin.