Galatə 2:4 - Yálá laawoo hɛɓɛ (dc)

⁴ bələi mąn nɛɛ kalan nɛa tii di kɛ la bɔ. Di pa ku lɔwai yɛ nɛ̨nɛ̨ɛ̨n-naa kɛ nuą; di kɛ bɔ di gaa, bələi ku kaa ku wɔɔ lɛɛgbɔwɔ ɓa laa hon ɉii la, a yai həɠə Jesus Kristə pɔ pələ, ə gɛ, di ku lɔ di yee mu.

Yálá laawoo hɛɓɛ

⁴ bələi mąn nɛɛ kalan nɛa tii di kɛ la bɔ. Di pa ku lɔwai yɛ nɛ̨nɛ̨ɛ̨n-naa kɛ nuą; di kɛ bɔ di gaa, bələi ku kaa ku wɔɔ lɛɛgbɔwɔ ɓa laa hon ɉii la, a yai həɠə Jesus Kristə pɔ pələ, ə gɛ, di ku lɔ di yee mu.

Bible

⁴ Dífe nyíŋi kɛ́ ni, berei máŋ diai díkpîŋ kɛ̀ a káƃarâa woya-pere sui dí pà la loo-pere su a gɛ́ɛ dí kúŋuŋ ma-ƃoi káa nyíi gáa kúyêei Zîsɛ Kôrai kponôi a gɛ́ɛ dí li a kúa luɛ-laa sui,

Galatə 2:4 Referans Kwoze

Zûu 1:4

Mąąhɔlɔɓo, nu ɲɔ̨nwɔ̨ɔ̨ tamąą daa lɔ ka lɔwai, diɛ guɔ Yálá nwɔ mɛ̨inɛ̨ɛ̨ woo ŋɛ̨i mąą pənə a di kpɔɔ liiɓa. Ə gɛ, di di wɔ túwɔ́ pələ ɲɔ̨nŋaai lɛ yɛ tɛ̨ą mɛ̨nį. Diɛ lənə Jesus Kristə ɓa, yai gaa a gu mąąkwɛlimun tanɔ̨n gbən da gu Námui. Yálá lawoo a wɔlɔ nuą tii di nwun napili mąą mɛ̨nį ɓo ɉu aa kwɛa.

Galatə 5:1

Gu lɛɛ mɛ̨nį gu kpɔwɔ yee kɔnma mɛ̨nį ɓə, Kristə ə gu nwun mąąɓo la. 'Ká tɔɔ kani a ká nwąnąi, ká hvo ká kpɔwɔ lɛɛ laa, di hvo ká too luwɔlaa ŋą kpɔnɔ̨ nįnɛ̨ ɲą.

Galatə 4:3

Ɛlɛɛ, guɔ kpɛlimąn, gu kɛ a lɛapɛlɛɛi di kaa ɲɛnɛ̨ɛ̨ ŋɛ̨i hu hɛnŋaa yee mu, yɛ luwɔɠaa.

Korɛntə veelɛ 11:26

Ŋą́ą́ hiɛ tamąą gulɔ gɔ́wɔ́ ɲą, haa aa hvoló mą́ą́ tamąą yá-kpɛa-kpɛaa ɲą, ŋą́ą́ kulɔ toomɛ̨i kɛ nuą yee mu, ŋą́ą́ kulɔ gááyɔwɔɠaai a ną́n nonnii di yee mu, yiiɠaai di hvo a Ɉuifəɠaa di yee mu, ŋą́ą́ tɛɛ mɛ̨nį kpɔluɠaa hu daa-leeɠaa hu, nɔi pun ɉu, gboloyá ɲą, hu hveelɛ nuą yee mu!

Zɔ̂ŋ Maa-ŋuŋ 4:1

Nwɛ́likɛmąą nuą, 'ká hvo laa mąąkwɛli kɛ nuą kəlee woo la, kɛlaa, 'ká di mąąkpɛɛ, ə gɛ, ká gaa, akɛ ə həɠə Yálá pɔ; mąąhɔlɔɓo, lɛɛ nuą tamąą daa di kpɔwɔ kɛ a Yálá kwəi mɛ̨nį hukulɔ nuą daa taɠa-taɠa yɛnɛ̨ɛ̨ nąą kəlee.

Piɛrə veelɛ 2:19

Nɛɛ kalan gɛ nuą ti, da lɛɛgbɔɔɓa laa mįnɛ̨ həɠə diɛ. A pa, diɛi ti di kaa a luwɔ pɔlɔ, yii gaa pai di paai. Mąąhɔlɔɓo, hɛn yii ɲee tɛɛ nu ɓa, ə kaa yəi luwɔlaa hu.

Timote veelɛ 3:6

Daɠaa kaa di lɔwai, da lɔ bɛlɛ́ɠaa mu, nɛ̨ąąɠaai hvaŋą hvo di yəi, diɛ di hon a di wɔɔ túmɔ̨i, a nɛ̨ąą tii di wɔ nɛ̨ŋɛ̨n diɲɛ heɛ ni di nwuɔ̨, diɛ ɓo la ni di liiɓa mɛ̨nįi lɔpee gəlee pulu,

Galatə 5:10

Nwɛ́i, gílitɔɔ gu Ną́mu ɓa, ká mąą mɛ̨nį hu; ká hvo pai ɉon ɉii a pələ takpɛli. Kɛlaa, nui tii ká nwun ɉu kɛi vuwú-vuwú, gaa pai vɛla hɔlɔɓoi, a pələ lɔpee.

Korɛntə veelɛ 11:20

Ká kɛ hvaai mą, diɛ ká kɛ a luwɔɠaa, diɛ ká mįi, diɛ ká mąąkpoloon, diɛ tɛɠɛɓo ká hu, diɛ ká laa lowa;

Korɛntə veelɛ 11:13

Mąąhɔlɔɓo, nuąi ti di kaa a lɛɛ kɛlaɠaa, a lɛɛ nuąi, yá di kaa yɛ, Kristə ŋą kɛlaɠaa.

Korɛntə veelɛ 3:17

Mąąhɔlɔɓo, gu Ną́mu kaa a Kili, yaan, ɓɛi gu Ną́mu-Nįi kaa laa, nąą ɓə lɛɛ gbɔwɔ ɓa laa kaa laa.

Gɛlaɠaa 20:30

Ə mą kɛ ka lɔwai, nu taɠaa kaa pai kɛi lɛɛ kɛi, ə gɛ di laa na nuą nwun dinɛn, di di hvilɛn di pulu.

Gɛlaɠaa 15:24

Kwaa bələ mɛ̨n diɛ; ku taɠaa daa pa laa ká pɔɔli, diɛ ká kwəi pilimąą wooɠaa, da ká hupu wooɠaa ɓo káá. Kuɔ hvəə di tí a yili.

Gɛlaɠaa 15:1

Nąąlɔwai nu taɠaa di həɠə Ɉude, diɛ pa Antiɔsə, diɛ laa na nuą kalan diɛ kɛ mą: «Da wala ká hee kɛ̨nɛ̨ ɓa, yɛ bələi Moisə ə mąą tɔn naa la, ká hva pɛli ɓaloi.»

Azaya 51:23

gáá pai nɔɔi tii tɛɛi ə́ mɔ̨nɔ̨ ɓo nuą pɔ, diɛi tii kɛi kɛ yɛ́: «'Pɛlɛ, ə gɛ ku tɛɛ», ɛlɛɛ yɛ́ kpɛli yɛ́ ə́ hɛ̨ą kɛ a pələ, a nuą tɛɛ kpaalə.

Piɛrə dɔlɔɔ 2:16

'Ká tuwɔ́ yɛ nuąi di kaa di gbɔwɔ ɓa, 'ká hvo nɛɛ gbɔwɔ ɓa laai tii kaa a mɛ̨nįi ká laa ɉu, káá nwąnąlɔɔ túwɔ́ ɓo la, kɛlaa, 'ká túwɔ́ yɛ Yálá ŋą tínuą.

Galatə 4:25

Mąąhɔlɔɓo Sinai kaa Arabə lɔi hu. Ɛlɛɛ, Agarə mukulaa ɓaa, Ɉerusalɛmə háákələi, yai a nuwɔ-nɛ̨ą da nonnii.

Korɛntə veelɛ 11:17

Mɛ̨nįi gáá pai moi, və́ moi gu Nąmu nwɛi hu pələ, kɛlaa, yɛ a kɛ a ɓowo mɛ̨nį, gílaa ponoɔ, mɛ̨nįi gáá nwún dɛi la, ɉu.

Lomaŋ 8:15

Mąąhɔlɔɓo, Gilii ŋɛ̨i ka ɉɔlɔɓo, hvo a luwɔ kili, yɛ pənə yɛ ɲɔw lɔ ka hu, káá nwɔ̨nɔ̨ kɛ la a ɲɔw nuą. Kɛlaa, Gilii ŋɛ̨i Yálá ə dɛɛ ka pɔ ka kɛ a nwɔ ɲąąkɔn nonnii, yaa ɉáálai ɓə gwa tomąi la, guɔ kɛ mą: Aba, mukulaa ɓaa: Nąn!

Mąątɛ̨nɛ̨ 119:45

Ŋą́ nwɔ́ yɛnɛ̨ɛ̨ kɛ nɛ̨́ɛ̨́ hu, mąąhɔlɔɓo ə́ wɔ tɔn nwooiɠaai ɓə gáá bɔ.

Mąątɛ̨nɛ̨ 51:12

Ee Yálá! 'Kili lɛlɛɛ too gwə́i, líi ninɛ̨ lɔ ɉú.

Galatə 1:7

Ə kɛ ŋɛ̨i, nwɛlɛɛ lɛlɛɛ takpɛli ɓə laa, yili hvəə, nuą lɔ ɓə ka ɓowoi, diɛ kɛ di Kristə mąą wɛlɛɛ lɛlɛɛ ɲɛ̨ilai ɲɔ̨nwɔ̨ɔ̨ hee mą.

Zĩi 1:25

Kɛlaa yaamun, nui a ɲɛ̨i hee dɔn gbɔ-kpɔɔ hu, yai a nu lɛɛ gbɔwɔ ɓa, hva ɲɛ̨i hee lɔ ɉu, ɉee wɛli ɓa, mąą nu a bɔ mɛ̨nį kɛi, a nwun na nɛ̨ɛ̨ hɔlɔɓo bɔ yíiɓoɔ hu.

Lukə 5:38

Kɛlaa, mąąnɛ̨ɛ̨, nu ə lɔɔ nįnɛ̨ pu hvólówo nįnɛ̨ hu.