Galatə 2:2 - Yálá laawoo hɛɓɛ (dc)

² Yaan mɛ̨nį ta ɓə di nɛ mą́ą́ pono ɲą, yili ɓə gɛ, gɛ́ li laa, ɛlɛɛ, Nwɛlɛɛ lɛlɛɛi ŋį́ kɛi naa həli huwu takpɛliɠaa lɔwai, ŋą́ nɛ diɛ, ŋą́ pənə nwɔ̨nɔ̨, ŋą́ nɛ nu mąą nwumąąɠaai kɛ laa, kwa diɛni ku hee, ŋį́ ɉukulɔ diɛ; ə gɛ, və́ pa gilɛ gbɛli həɠə.

Yálá laawoo hɛɓɛ

² Yaan mɛ̨nį ta ɓə di nɛ mą́ą́ pono ɲą, yili ɓə gɛ, gɛ́ li laa, ɛlɛɛ, Nwɛlɛɛ lɛlɛɛi ŋį́ kɛi naa həli huwu takpɛliɠaa lɔwai, ŋą́ nɛ diɛ, ŋą́ pənə nwɔ̨nɔ̨, ŋą́ nɛ nu mąą nwumąąɠaai kɛ laa, kwa diɛni ku hee, ŋį́ ɉukulɔ diɛ; ə gɛ, və́ pa gilɛ gbɛli həɠə.

Bible

² Ɣâla ƃe ńɛ̀ a gɛ́ɛ ŋá lí; ǹyaŋ ŋá Duŋ Lɛ́lɛɛi làa díŋɛi nyíi ŋá maa-mɛni ƃò Zɛ̃tai-ŋai samai (kɛ́lɛ, diai kɛ̀ a núu-tuɛ-ƃelai ŋá nâa díŋɛi kútee-tee-kwaa ma) a gɛ́ɛ gîrɛi ŋa ziɣêi, kpaa máŋ gîrɛi ŋá zìɣei, fe zìɣe kpɛni-kpɛni.

Galatə 2:2 Referans Kwoze

Galatə 2:6

Kɛlaa yii hvilɛn na nuąi kɛ di kwɛdɛn ŋąą yə́i, di mąą mɛ̨nį ɓa, yili yaan hvo kɛ walawala li, Yálá hva ɲɛ̨i hee nu kan dɔɔi ɓa; nuą tii, di hvo mɛ̨nį takpɛli laa nwúɔ̨.

Filipə 2:16

Káái ɓalo woo kaa ká yəi, ka kɛi túwɔ́ ti, gu Ną́mu pai lɔwai, ɲɛ̨́i a pono. Yili ɓə a nɛ yɛ, mɔ̨nɔ̨i ŋą́ mįi, da gólói ŋą́ gɛ, və́ gɛ li kpɛli.

Tɛsalonikə dɔlɔɔ 3:5

Yɛ bələi vá pɛli kɛ níikpələ la, və́ nąą mąąkpɔn, ŋą́ nu tɔɔ ə pa ə ká wɔ laa na laa mąą wɛlɛɛ həɠə, ə paa la, ŋį́ kɛli ɲɔw, gɛ́ kɛ, ɲąąhɛn kɛmun hvo pa ká ɲąąhɛn, mɔ̨nɔ̨i ku mįi, hvo pa lɛɛ a kpɛli.

Galatə 2:9

Ɛlɛɛ, mɛ̨inɛ̨ɛ̨i Yálá ə gɛ mą́ą́, di ɉukɔlɔn, Ɉakə, Sefasə da Ɉaan, diɛi kɛ di kɔ́lɔnŋąą yɛ gbɔn ɉu kɔwɠaa, di di yee laa ku yəi, ɲą́ą́ kwa Barnabasə, yili a nɛ yɛ kwa diɛni ku woo tɔɔi aa kɛ tanɔ̨n, ə gɛ, kwəli huwu takpɛliɠaa pɔ, diɛi tii, di li gɛ́nɛ̨lɛa pɔ pələ.

Korɛntə dɔlɔɔ 9:26

Yili ɓə gɛi, gilɛi gáá ɉəɠəi, və́ gɛi nwún ɉu kun ma, ŋą́ ɲéé pili, vá bili kpɛli-kpɛli.

Korɛntə dɔlɔɔ 1:23

kɛlaa ku wɛi, Ɓalomun di gbanwo kolɔwa ɓa, ya ɓə ku kaa mąą mɛ̨nį laa həlii, yai a nu kɔwɔ tuwɔ kwɛnį Ɉuifəɠaa diɛ, yɛ ɓo a ɓowo mɛ̨nį huwu takpɛliɠaa ɲɛ̨i ɓa.

Korɛntə dɔlɔɔ 9:24

Ká hvo gɔlɔn káá, nuąi da kɛ hɛn da mąą gilɛ həɠəi, di kəlee da gilɛ həɠə, kɛlaa, nu tɔ̨nɔ̨ lɔ ɓə a ɉɛn tii hɔlɔɓo? 'Ká gilɛ həɠə kan, káá pɛli ká wɔ gilɛi mąą hvɛla hɔlɔɓo.

Korɛntə dɔlɔɔ 2:2

Mąąhɔlɔɓo, ŋą́ naa gwə́i, gɛ́, və́ mɛ̨nį takpɛli mɛ̨n ka lɔwai, hvo kɛli lɔ Jesus Kristə mąą mɛ̨nį, a Jesus Kristə, yai di gbɔn kolɔwa ɓa, mąą mɛ̨nį.

Gɛlaɠaa 15:12

Nąąlɔwai nuą kəlee di di laa pilɛ kpɔ tín, yili pulu, di di wəli tɔɔ Barnabasə da Polə diɛ. Kwɛlɛɛn mɛ̨nįɠaa da kpalo mɛ̨nįɠaai Yálá ə gɛ a di yee, huwu takpɛliɠaa pɔɔli, di yili kəlee hukulɔ.

Gɛlaɠaa 15:4

Di həliɛ Ɉerusalɛmə, galan gbɔn, gɛlaɠaa da galanɉonŋaa di di yee hee di mu. Diɛn, mɛ̨nįɠaai kpɔ Yálá ə gɛ di yee hu, di gəlee hukulɔ diɛ.

Filipə 2:29

Yili ɓa a pa, ka naa kwiɛn a kwəinɛ̨ɛ̨ kɛnɛ̨ɛ̨ gu Ną́mu laa hu, ka gɔlɔn kaa diɛ nu ɲɔ̨nwɔ̨mąnŋaai ti ɓə, mąąnɛ̨ɛ̨ ka di mąąwiɛ.

Galatə 1:16

ə Non nɛ mą́ą́, ə gɛ, ŋį́ mąą wɛlɛɛ lɛlɛɛ laa həli huwu takpɛliɠaa diɛ, və́ nwún dɔɔ a nui lɔpee ta;

Gɛlaɠaa 23:11

Bulu ɓa kpini pɛlɛɛ kɛa, gu Ną́mu gbɔwɔ lɛ Polə ɓa, yɛ mą: «'Ə́ liikpələ, yaa mą́ą́ kɛla hvaa ɓo ɓɛ Ɉerusalɛmə, hvo kɛli ə́ da ɓo Romə daai.»

Gɛlaɠaa 18:9

Kwii hɛ̨ą ta, Polə ə hįi kaa, gu Ną́mu yɛ mą: «'Hvó ɲɔw, 'kɛ́ lɔ naa həlii, 'hvó ə́ laa pilɛ,

Gɛlaɠaa 5:34

Kɛlaa, nu tɔ̨nɔ̨ ə muhəɠə nwun dɔɔ hu, ə kɛ a Farisiɛ̨, naa ɓa: Gamaliɛlə, ə kɛ a tɔ́n galamɔ̨ɔ̨ kɛnɛ̨, mɛlɛ ə ɓo nɔi lonnii kəlee kwəi, ə mo, di gɛlaɠaa kulɔ woloɓo ɲɛnɛ̨ɛ̨.

Maafîu 10:16

Jesus ə mo nwɔ kalan nɛai diɛ, yɛ diɛ: «Ka ka wəli tɔɔ! Gáá ka tɛɛi yɛ ɓɛlaa lonnii kwɛliɠaa lɔwai. Ka kɛ gili-gili yɛ kaalə, ka kɛ a ka wɔ mɛ̨nį lɛlɛɛ, yɛ gbohvoló-hvoló.

Ikilisiati 10:1

Liili powa a wulɔ kun nɛ̨ɛ̨ kala, bələ lɔ ɓə kilikpɛɛgwəi logolo a kilimąą mɛ̨nį hukala la.

Gɛlaɠaa 15:2

Yili ə nuą ɲąąhee geeɓa, Polə da Barnabasə da nuą ti di ɉuyala kpɔ kɛnɛ̨, di woo ə pɛli ɉu, diɛ: Polə da Barnabasə da di wɔ nuą taɠaa di tɛ Ɉerusalɛmə, gɛlaɠaa da galanɉonŋaa kaai, mɛ̨nįi ti ɓo mɛ̨nį ɓa.

Lomaŋ 9:16

Yili hva kulɔ nu liiɓa da nwɔ huwalawalaa hu, kɛlaa, Yálá nwɔ ŋɛ̨imąąwɛli kaa ɓə a kulɔ ɉu.

Korɛntə veelɛ 12:1

Hvo kɛli mɔ̨ɔ̨ nu ə gbɔwɔ ɲąą kɛnɛ̨, ya pa, hɛn da hvo ɉu! Ɛlɛɛ yaan, gwɛlɛɛn gɛɛɠaai da mɛ̨nįɠaai gu Nąmu ə di lɛ mą́ą́i, ŋą́ą́ həli diɛ.

Galatə 1:6

Yálá ə ká təli kpɔ a nɛ̨ɛ̨laa Kristə háálai, kɛlaa, ká pulu tɔɔ mɛ̨nį mą kpɔlɔɔ ti ɉa, káá ká ɲɛ̨i tinɛ̨n, kaa ɉee wɛlɛɛ lɛlɛɛ takpɛli ɓa, yili aa gwə́i pili mą́ą́.

Galatə 1:12

ɛlɛɛmun hɔlɔɔ! Və́ ɉɔlɔɓo li nu ta yəi, nu ta hvo nwɔ̨nɔ̨ mą́ą́kwɛli mą. Kɛlaa Jesus Kristə kpinįi ɓə nɛ mą́ą́ pono ŋą.

Galatə 5:7

'Ká gɔwɔ tɔɔ kani a nɛlɛɛ-ee, gbɛɛ ɓə bələ too ká tɔwɔ, yɛ kpɛ̨ąn ká tɔwɔ tɛ̨ą woo pɔ mɛ̨nį kɛɛ hu?

Timote veelɛ 4:7

Ŋą́ą́ kɔ lɛlɛɛ kɔ, ŋą́ą́ nwɔ́ gilɛi laa kulɔ, ŋą́ą́ laa na laa hɔlɔɓo.

Hebreu 12:1

Yili ɓa tii kani, guɔ kpɛlimąn, gu mąątinɛ̨nŋąąi a gɛla kpulu kɛnɛ̨ɛ̨, tiɛ̨ wiɛ da nɛ̨ŋɛ̨nŋaai da pɛli di gu kɔ́wɔ la yili, gu ɓo yiliɠaa diɛ, 'gu bu. Ɛlɛɛ, 'gu tɔɔ a gu nwąnąi, gu gu liikpələ, gilɛi ŋɛ̨i gaa gu kɔwɔ ɲą, gu ɉəɠə, gu həli la naa kulɔi;