Galatə 2:17 - Yálá laawoo hɛɓɛ (dc)

¹⁷ Kɛlaa akɛ, tələnmolaa kwɛliɛ Kristə hu ɓə, aa ku kɛ a nɛ̨ŋɛ̨n ɉəɠə nuą, akɛ tii, Kristə kaa kani a nɛ̨ŋɛ̨n ŋą tímun? Gɛ́ mą: kpaa-o!

Yálá laawoo hɛɓɛ

¹⁷ Kɛlaa akɛ, tələnmolaa kwɛliɛ Kristə hu ɓə, aa ku kɛ a nɛ̨ŋɛ̨n ɉəɠə nuą, akɛ tii, Kristə kaa kani a nɛ̨ŋɛ̨n ŋą tímun? Gɛ́ mą: kpaa-o!

Bible

¹⁷ Kɛ́lɛ, à kɛ̀ tãi ku kɛ̀ kɔ̂i la a gɛ́ɛ ku kɛ́ a tɔ̃yâ-ƃela Kôrai kponôi, dí kúa kpîŋ kúkàa a sɔnyɔ̂ŋ-ƃela, gɛ̀ ní sɔnyɔ̂ŋ a kûla Kôrai kponôi? Ve ti a dɔnɔ kpîŋ!

Galatə 2:17 Referans Kwoze

Zɔ̂ŋ Maa-ŋuŋ 3:5

Kɛlaa, ká gbaɠala kɔlɔn káá, yaa tii a Jesus, ə pa, ə nɛ̨ŋɛ̨n gbɛɛ, ɛlɛɛ, nɛ̨ŋɛ̨n və yaa tii ɉu.

Galatə 2:15

Ku wɛi ku ka pələ hu, ku kaa a Ɉuifəɠaa, ku hvo a huwu takpɛliɠaa, diɛi a nɛ̨ŋɛ̨n ɉəɠə nuą.

Lomaŋ 11:7

Gwa pɛli kɛi lə? Mɛ̨nį Israɛlə lonnii di kɛi gwɛli, di hvo ɉɔlɔɓo li. Kɛlaa, nuąi ə di həɠə ɉui, daa ɉɔlɔɓo. Nuą yiiɠaa ti di hvo mɛ̨nį ti kpa Yálá kaa li.

Hebreu 8:2

Ya ɓə gaa a tímun, gɛɛnąą mąąhəɠɛɛ hva-hva ɓa, a bɛlɛ́ leeleei, gu Nąmu kpinįi ə dɔɔ, nu kan ɲee pɔɔ hvo ɉu.

Galatə 3:21

Akɛ tii dɔ́n a kɔ pɛlɛ mɔ̨ɔ̨ Yálá ŋą mɛ̨nį laakwɛlanmoɔ ɓa? Kpaa-o! Akɛ dɔ́n a pɛli kɛ yɛnɛ̨ɛ̨ tɛɛi, ɛlɛɛ, ə li kɛ, nu kanŋaa di dɔ́n ɲili hɔlɔɓo kɛi, yɛ mą dɔ́n ə li pɛli mą, nu kanŋaa tələnmoi.

Galatə 2:11

Kɛlaa, pai Piɛrə ə mo Antiɔsə, ŋį́ haŋą mą kpɔn ɉu, mąąhɔlɔɓo, hvo mɛ̨nį lɛlɛɛ kɛ.

Lomaŋ 15:8

Gáá moi kaa, Yálá ŋą kulɔ nwoo ɓa laa laa hu ɓə Kristə ə kɛ a Ɉuifəɠaa di wɔ tímun, ə gɛ, mɛ̨nįɠaai Yálá ə naakwɛlanmo di kalaɓɔlɔni diɛ bɔ mɛ̨nį ə kɛ.

Lomaŋ 3:6

Gɛ́ diɛ: Kpaa-o! Akɛ yili kaa tii, Yálá kaa pai kan yɛnɛ̨ɛ̨ kiti tee pələ kɛi ləi?

Lomaŋ 3:4

Gɛ́ diɛ: Kpaa-o! Hvɛɛ nu kəlee ə Yálá kɔlɔn a tɛ̨ą nąmu. Ə mą kɛ nu kəlee kaa a lɛɛ kɛ nuą, yɛ bələi Ɉɛɓɛ́ hu woo kaa moi la, yɛ kɛ: «Hvo kɛ li nuą di ə́ wɔ tələnmolaa kɔlɔn ə́ hvaa woo hu, Yɛ́ kiti woo mąąkulɔi hvo mą.»

Maafîu 1:21

Gaa pai lon ɉulɔnu hɔlɔɓoi, ə́ naa hee a: Jesus. Mąąhɔlɔɓo, ya ɓə pai nwɔ nuąi kulɔi di kɛ nɛ̨ŋɛ̨n ɲəi.»

Lukə 20:16

A pa, a nuą tii kəlee paa, ə ɉihɛn galihvaɓo nu takpɛliɠaa diɛ.» Nwoo tii mɛ̨n di mo, diɛ mą: «Ɲɔ̨nwɔ̨ɔ̨ ə hvóló!»

Galatə 6:14

Nwɛ́i, ŋą́ kɛ ŋą́ gbɔ́wɔ́ ɲąą kɛnɛ̨, ŋą́ gbɔ́wɔ́ ɲąąkɛnɛ̨ gu Ną́mu Jesus Kristə nwɔ kolowaai mąą mɛ̨nį hu. Kristə nwɔ kolowai háálai, ŋą́ą́ haa yɛnɛ̨ɛ̨ ɲɛ̨i ɓa, yɛnɛ̨ɛ̨ aa haa ɲɛ̨́i ɓa.