Galatə 2:15 - Yálá laawoo hɛɓɛ (dc)

¹⁵ Ku wɛi ku ka pələ hu, ku kaa a Ɉuifəɠaa, ku hvo a huwu takpɛliɠaa, diɛi a nɛ̨ŋɛ̨n ɉəɠə nuą.

Yálá laawoo hɛɓɛ

¹⁵ Ku wɛi ku ka pələ hu, ku kaa a Ɉuifəɠaa, ku hvo a huwu takpɛliɠaa, diɛi a nɛ̨ŋɛ̨n ɉəɠə nuą.

Bible

¹⁵ Kúa kpîŋ dí kúmaa sɔlɔ ƃô a Zûu-ŋa, ǹyaŋ kúfe a Zɛ̃tai-sɔnyɔŋ-ƃela,

Galatə 2:15 Referans Kwoze

Taitɔ 3:3

Mąąhɔlɔɓo, guɔ kpɛlimąn, gu wɔlɔ kɛ yɛ diɛ, gu hvo kɛli mɛ̨nį ta kpaɠala kaa, gu kwɛli teɛ, gu lanŋąą, guɔ ɓo nu kan niiɓa mɛ̨nį kəlee yee kɔnma, gu tolɔɔ, guɔ wɛlikpɛɛmąą laa kulɔ a gu keeni.

Ifisiɛŋ 2:3

Gu kəlee gu kɛ a di ta, gu kəlee gu kɛi gu kpɔwɔ tɛɛ gu kɔlɔ liiɓa mɛ̨nįɠaa pɔ, guɔ niiɓa mɛ̨nįɠaa kɛ, gu hvilɛnŋąą kɔlɔ liiɓa mɛ̨ni pulu; ɛlɛɛ, gu kaa pələ hu, gu kɛ a nuąi Yálá ŋą liiholui hvilɛnŋąą di pulu, lɔ yɛ nu takpɛliɠaa.

Lomaŋ 3:9

Ɛ̨į lə kpɔ? Guɔi a Ɉuifəɠaa, gu hviala ɓoɔi mɔ̨ɔ̨ ə tɛɛ huwu takpɛliɠaa diɛ? Gɛ́ diɛ kpaa-o! Gbala ə tɔɔ, ŋą́ gbɛa nɛ kɛ́ diɛ: Ɉuifəɠaa da huwu takpɛliɠaa kəlee di kaa nɛ̨ŋɛ̨n ŋą luwɔlaa hu.

Filipə 3:4

Ya pa, gílitɔɔ mɛ̨nį gbɔ́wɔ́ ɓa, nwunŋaa kaa mą, akɛ nu ta a gaa, yɛ kɛ, gaa gilitɔɔi kpɔwɔ ɓa, nwɛ́i tɛɛi nwɛi ɓa, kpɔ kɛnɛ̨.

Lomaŋ 4:16

Yili ɓa, laa na laa háálai ɓə Yálá ə naakwɛlan mo la, ə gɛ, yili ə kɛ a Yálá nwɔ mɛ̨inɛ̨ɛ̨ yii dɔlɔ a kɛ mą Abrahamə huwu hu nuą kəlee diɛ, nuąi di kaa tɔ́n bɔ yíi ɓoi, diɛ tɔ̨nɔ̨ lɔ hvəə, kɛlaa, ə mą kɛ, nuąi laa na laa kaa di yəi, yɛ pələi Abrahamə ə kɛ la. Abrahamə ka a gu kəlee gu nąn.

Gɛlaɠaa 22:21

Kɛlaa, yɛ mą́ą́: ‹'Li! Gáá ə́ tɔɔi kpɔ kwɛaala nuąi di hvo a Ɉuifəɠaa di pɔɔli.›»

Maafîu 9:11

Yii kɛa Farisiɛ̨ɠaa di yili nąą kaa tii, di mo Jesus nwɔ kalan nɛai diɛ, diɛ diɛ: «Lə mɛ̨nį ɓa ka kalamɔ̨ɔ̨, da nįįhɔ̨nwɔ̨ kulɔ nuą, ə mą kɛ, túwɔ́ pələ ɲɔ̨n gɛ nuą, di yee kaa kɔ́wɔ tɔ̨nɔ̨ hu?»

Samuɛlə dɔlɔɔ 15:18

Yai-Laa ə ə́ tɔɔ kɔ́ ɓa, ə mo yɛ́, yɛ kɛ yɛ́: ‹Li! Amalɛkə nuąi ŋɛ̨i a nɛ̨ŋɛ̨n ɉəɠə nuą, ə́ gəlee paa kpɔ tɛ̨ɛ̨tɛ̨ɛ̨, hvo húlu maa hɛn nɔpee ta lɛɛ.›

Lukə 24:7

Ə kɛ kaa: ‹Ho kɛli di Nu Lon dɛŋɛn gwɛlɛ nɛ̨ŋɛ̨n ɉəɠə nuą diɛ, di gbanwo, ə haa, voló haaɓa yələ, ə kulɔ haaɓɛlaa lɔwai ə kɛ a vulú.›»

Galatə 2:17

Kɛlaa akɛ, tələnmolaa kwɛliɛ Kristə hu ɓə, aa ku kɛ a nɛ̨ŋɛ̨n ɉəɠə nuą, akɛ tii, Kristə kaa kani a nɛ̨ŋɛ̨n ŋą tímun? Gɛ́ mą: kpaa-o!