Galatə 2:14 - Yálá laawoo hɛɓɛ (dc)

¹⁴ Kɛlaa gáái ŋį́ mo, hvo hiɛi yɛ bələi nwɛlɛɛ lɛlɛɛ mąą tɛ̨ą kaa la, gbɔn gəlee ɲɛ̨i ɓa, gɛ́ Sefasə ɓa: Akɛ, yɛ́i ə́ kaa a Ɉuifə, ə́ ə́ wɔɔ yɛnɛ̨ɛ̨ kɛ yɛ huwu takpɛliɠaa, hvó gɛ li a Ɉuifə yíi, yá pɛli tɔɔi ləi, yɛ́ kpala huwu takpɛliɠaa la, diɛ túwɔ́ yɛ Ɉuifəɠaa?

Yálá laawoo hɛɓɛ

¹⁴ Kɛlaa gáái ŋį́ mo, hvo hiɛi yɛ bələi nwɛlɛɛ lɛlɛɛ mąą tɛ̨ą kaa la, gbɔn gəlee ɲɛ̨i ɓa, gɛ́ Sefasə ɓa: Akɛ, yɛ́i ə́ kaa a Ɉuifə, ə́ ə́ wɔɔ yɛnɛ̨ɛ̨ kɛ yɛ huwu takpɛliɠaa, hvó gɛ li a Ɉuifə yíi, yá pɛli tɔɔi ləi, yɛ́ kpala huwu takpɛliɠaa la, diɛ túwɔ́ yɛ Ɉuifəɠaa?

Bible

¹⁴ Kɛ́lɛ, tãi ŋá gàa la a gɛ́ɛ dífe sã́a ni Duŋ Lɛ́lɛɛi ŋɔtɔ̃yâi mɛni mai, ŋá mò Sîfa ma díkelee díŋɛi, “À kɛ̀ berei máŋ íkaa la a Zûu-nuui ífa tûa yɛ̂ɛ Zûu-nuu, kɛ́lɛ, yɛ̂ɛ Zɛ̃tai-nuu, gɛ̀ ní ya pɔ̂ri Zɛ̃tai-ŋai kɛ̂i leŋ a gɛ́ɛ dí tûa yɛ̂ɛ Zûu-ŋa?”

Galatə 2:14 Referans Kwoze

Galatə 2:5

Ku hvo ku kpɔwɔ lɛɛ nuą tii yeei kpɛli tiikpɛ, ə gɛ, Nwɛlɛɛ lɛlɛɛ ŋą tɛ̨ą ə lɛɛ bələ mɛ̨i ká yəi.

Gɛlaɠaa 10:28

yɛ diɛ: «Ká kili kaa ɉu kaa kɛ, tɔn nwalawala kaa Ɉuifəɠaa mɛ̨i, di ta hva pɛli lɔi huwu takpɛli yəi bɛlɛ́n, di hvo nulaa kɛ. Kɛlaa, nwɛ́i, Yálá aa gilaa pono, yɛ, mąą hvo nɛ̨ɛ̨li və́ nui lɔpee ta kaa a nu kɔ́hɔɓoɔ, a wala kɛ ti a nu ɲɔ̨nwɔ̨ɔ̨.

Timote dɔlɔɔ 5:20

Nuąi da nɛ̨ŋɛ̨n ɉəɠə, 'háŋą diɛ nu kəlee ɲɛ̨i ɓa, ə gɛ, di ɓɛlaa di ɲɔw.

Galatə 6:12

Nuąi ká hɔlɔhimą ɓoi diɛ hvo kɛ li di ká hee kɛ́nɛ̨ ɓai, diɛ ɓə di kaa bɔ nuą di di mąątɛ̨nɛ̨; yii lɔ di kwəi ya ɓaa, di hvo mɔ̨nɔ̨ mįi Kristə nwɔ kolowaai mąą mɛ̨nį ɓa.

Hanwon 2:7

Ya ɓə a kpɔmąą tɛɛ nu haŋąą pɔ, gaa a nu haŋąą mąąkɔ̨nwɔ̨ mun.

Mąątɛ̨nɛ̨ 84:11

Hvo gaai, yíikuu tanɔ̨n gbən gɛɛ Ə́ yəi bɛlɛ́n, viɛlaɓoɔi kwɛlan nwaa tɔ̨nɔ̨ ɓa, yili mąą mɛ̨nį ɓa, yii ŋą́ ɉəɠə ɉu a níiɓa, ya ɓaa, viɛlaɓoɔi ŋą́ gɛ nwɔ́ Yálái yəi bɛlɛ́ hvaŋąn mu, ə tɛɛ, nu kɛɛ, nuąi da di woo kala, di yəi bɛlɛ́n ma.

Hebreu 12:13

ɛlɛɛ, 'ká ká hiɛ pələɠaa haŋą, ə gɛ, lɔwnuą di hvo pa kpɛlɛɠɛlɛn, kɛlaa yaamun, di ɓalo.

Hebreu 9:10

Kɛlaa, yiliɠaai kɔwɔ hvilɛnŋąąi lɔ kɛ, laa mįi mə̨nį, da kpələ hɛn mɛ̨nį, da nu mąą waa pələɠaa diɛ, dɔ́nŋaa tii di kɛ lɔ a ɲɛ̨i kɛ mąą, ə lɛɛ ɉu, ɲələ leelee yɛ həli mą.

Galatə 2:9

Ɛlɛɛ, mɛ̨inɛ̨ɛ̨i Yálá ə gɛ mą́ą́, di ɉukɔlɔn, Ɉakə, Sefasə da Ɉaan, diɛi kɛ di kɔ́lɔnŋąą yɛ gbɔn ɉu kɔwɠaa, di di yee laa ku yəi, ɲą́ą́ kwa Barnabasə, yili a nɛ yɛ kwa diɛni ku woo tɔɔi aa kɛ tanɔ̨n, ə gɛ, kwəli huwu takpɛliɠaa pɔ, diɛi tii, di li gɛ́nɛ̨lɛa pɔ pələ.

Galatə 2:7

Kɛlaa yaamun, di gaa diɛ, nwɛlɛɛ lɛlɛɛ mąąnɛ̨ɛ̨ ə həli kɛ́nɛ̨ kpolooɠaa diɛ, mąą laa aa tɛɛ bɔ́, yɛ bələi lɔ gɛ́nɛ̨lɛa di wɛi mąą laa ə tɛɛ la Piɛrə yəi;

Lomaŋ 14:14

Náái na, gíli la teɛ kpɔ gu Ną́mu Jesus laa hu gɛ́ diɛ: hɛn lɔpee ta hvo kɔ́hɔɓo li, kɛlaa, nui a gaa yɛ gɔhɔɓoɔi, yaa tɔ̨nɔ̨ lɔ ɓə kɔ́hɔ ɓoɔi ɲɛ̨i ɓa.

Gɛlaɠaa 15:24

Kwaa bələ mɛ̨n diɛ; ku taɠaa daa pa laa ká pɔɔli, diɛ ká kwəi pilimąą wooɠaa, da ká hupu wooɠaa ɓo káá. Kuɔ hvəə di tí a yili.

Hanwon 10:9

Nui a hiɛ tələnmo pələ mɛ̨i, gaa nɛ̨ɛ̨ hu. Kɛlaa, nui a hiɛ a pələ kpəlaan ŋąą, a kala həɠə gbɔwɔ mɛ̨i.

Mąątɛ̨nɛ̨ 141:5

Tələnmolon a gɛ́lɛ, wɛlikɛmąą túwɔ́ li, tələnmolon a kɛi ɉútɔɔ, nwun na nɛ̨ɛ̨ li; Kɛlaa, nu ɲɔnwɔ̨ɔ̨ nwɔ nɛ̨ɛ̨laa nwɛi, ŋą́ nwún gulɔ mu. Ə mą kɛ tii, gáá lɔ mą gɛ́ Ə́ hvɛli, bələi mąn di kaa túwɔ́i la a ɲą́ą́ a ɲɔ̨nwɔ̨ɔ̨.

Mąątɛ̨nɛ̨ 58:1

Nwələ ɲɛ̨itɔwɔmun: «'Hvó ɉu kala.» Davidə ɓə nwələi ŋɛ̨i too, ə kɛi doo kwəi pələ.

Mąątɛ̨nɛ̨ 15:2

Ya ɓaa a nui mąą kulɔ hvo dúwɔ́ pələ ɓa, yɛ tələnmo yíi ɓo, ɛlɛɛ, gwəi kili yɛ ɓo a tələnmolaa;

Levetekɔ 19:17

«Yowolaa hvo kɛ ə́ kwəi yɛ hvilɛn na ə́ kaayɔwɔ ta ɓa. Ə́ ɓɛlan gaalon ɉutɔɔ, ə gɛ nɛ̨ŋɛ̨n da wulu hvo pa lɛɛ ə́ nwuɔ̨.

Galatə 2:3

Kɛlaa, Titei ŋɛ̨i kɛ bɔ́, yɛ ɓo a Grɛkə mun, di hvo kpɛli kpala ná, a ɉee mɛ̨nį kɛ́nɛ̨ ɓa;

Gɛlaɠaa 15:1

Nąąlɔwai nu taɠaa di həɠə Ɉude, diɛ pa Antiɔsə, diɛ laa na nuą kalan diɛ kɛ mą: «Da wala ká hee kɛ̨nɛ̨ ɓa, yɛ bələi Moisə ə mąą tɔn naa la, ká hva pɛli ɓaloi.»

Gɛlaɠaa 15:5

Kɛlaa, galan nɛa taɠaa, di gbɛa kɛ a Farisiɛ̨ɠaa, di həɠə di tɔɔ, diɛ mą: «Hvo kɛli da nu yiiɠaa ti hee kɛ́nɛ̨ ɓa, ɛlɛɛ, di Moisə nwɔ tɔ́n ɉɛɓɛ́ pɔ yíi ɓo.»

Galatə 1:6

Yálá ə ká təli kpɔ a nɛ̨ɛ̨laa Kristə háálai, kɛlaa, ká pulu tɔɔ mɛ̨nį mą kpɔlɔɔ ti ɉa, káá ká ɲɛ̨i tinɛ̨n, kaa ɉee wɛlɛɛ lɛlɛɛ takpɛli ɓa, yili aa gwə́i pili mą́ą́.

Galatə 1:18

Yili pulu, kwɛlan ɉaaɓa kulaa ɉu ɓə ŋį́ tɛ la Ɉerusalɛmə, ə gɛ, ŋį́ Sefasə kɔ́lɔn. Ŋį́ hvólo pow kɔw lɔɔli kɛ laa bɔ.

Kolosə 1:5

Gilitɔɔmąą laai gaa ká mąąkpɔn ɉii yələkɔlɔn ɉu, mąą kilitɔɔmąą laai tii ɓə di naa həli káá, a tɛ̨ą woo, ya ɓaa, nwɛlɛɛ lɛlɛɛ,