Bib sou entènèt

Galatə 1:6 - Yálá laawoo hɛɓɛ (dc)

⁶ Yálá ə ká təli kpɔ a nɛ̨ɛ̨laa Kristə háálai, kɛlaa, ká pulu tɔɔ mɛ̨nį mą kpɔlɔɔ ti ɉa, káá ká ɲɛ̨i tinɛ̨n, kaa ɉee wɛlɛɛ lɛlɛɛ takpɛli ɓa, yili aa gwə́i pili mą́ą́.

Gade chapit la Kopi

Yálá laawoo hɛɓɛ

⁶ Yálá ə ká təli kpɔ a nɛ̨ɛ̨laa Kristə háálai, kɛlaa, ká pulu tɔɔ mɛ̨nį mą kpɔlɔɔ ti ɉa, káá ká ɲɛ̨i tinɛ̨n, kaa ɉee wɛlɛɛ lɛlɛɛ takpɛli ɓa, yili aa gwə́i pili mą́ą́.

Gade chapit la Kopi

Bible

⁶ Gulâi a ńyãa a gɛ́ɛ kákaa káyee kulâi Kôrai mu a maa félaa nyíi kátòli ŋɔƃɛlɛ-sêei sui, kakɛ tinaŋ tuŋ da kpɛni pɔ naa-pere

Gade chapit la Kopi

tounen moute ⬆

Galatə 1:6
33 Referans Kwoze

Korɛntə veelɛ 11:4

Gbala ə tɔɔ, ká hvaa mą, nui lɔpee a tɔɔ, yɛ ká mąąkwɛli a Jesus takpɛli mąą mɛ̨nį, a Jesus ku hvo ta ká mąąkwɛli li a mąą mɛ̨nį. Awala kɛ tii, káá ká yee hee ka mąąkwəli woo takpɛli mu, a kilii ká hvo ta ɉɔlɔɓo li. Awala nwɔ̨nɔ̨ kɛ tii, di wɛlɛɛ lɛlɛɛ takpɛli laa həli káá, yii ká hvo ta ɉɔlɔɓo li kpɛli, ɛlɛɛ, káá ká yee hee mu a nwalawalaa.

Azaya 29:13

Mɛ̨nįi Nąmu ə mo nu huwui ŋɛ̨i laa mɛ̨i ya ka, yɛ diɛ: Nu huwui ŋɛ̨i a mą́ą́wiɛ lɔ a naaləi, Kɛlaa, di nįį hu pələ mąąkwɛai mą́ą́; ɲɔw mąą laai gaa di hu mą́ą́ mɛ̨nį ɓa, gaa lɔ a nu mɛ̨nį, gaa a mɛ̨nįi daa di mąąkwɛli mą.

Mąątɛ̨nɛ̨ 106:13

Ɉu hvo kpɛli kwɛa, daa mą lɛ̨ą gɛ mɛ̨nįɠaa diɛ, mɛ̨nįi kɛ gwəi, di hvo naa kulɔi mąąkpɔn ni.

Timote dɔlɔɔ 1:3

Mɛ̨nįi ŋį́ mąą liɛwoo kɛ yɛ́, gɛ́ɛ́ həɠəi Masedoanə lɔi hu, ya ɓaa: Ə́ lɛɛi ŋą́ mo Efɛsə, nwun ma, nuąi laa, diɛ laa na pələ takpɛli mąą kalan gɛ, ə́ di kpɛla mą.

Korɛntə dɔlɔɔ 4:15

Hvo gaai, ə mą kɛ, mąąkwɛli kɛ nuą waa pow a hɔlɔɓo, diɛ Kristə mąą mɛ̨nį lɛ káá, ka nąnni di hvo tamą li, ɲą́ą́ lɔ ɓə, Nwɛlɛɛ lɛlɛɛ háálai, ɲą́ą́ ɓə ka káá a lon Jesus Kristə hu.

Gɛlaɠaa 15:11

Kɛlaa yaamun, gwaa gaa a tɛ̨ą, guɔ gu Ną́mu Jesus nwɔ mɛ̨inɛ̨ɛ̨ hu ɓə gu ɓalo laa, ə mą kɛ diɛ, kpɛli.»

Galatə 5:4

Káái ka káá bɔ ká kɛ, a tələnmo nuą Yálá ɲɛ̨i ɓa, dɔ́n ɉáálai, a kɛ ti ka Kristə ni kaa ka ɓɛla ɓo, ká wɔɔ nąą hvo Yálá nwɔ mɛ̨inɛ̨ɛ̨ hu.

Lomaŋ 10:3

Dələnmolaai a həɠə Yálá pɔ gɔlɔn di hvo mo li, ɛlɛɛ, diɛ kpinįi diɛ di wɛi kwɛli, yili ɓə gɛ di hvo lɛɛ la Yálá nwɔ tələnmolaai mu.

Timote dɔlɔɔ 1:14

A tɛ̨ą, gu Ną́mu ŋą ɲɛ̨́imąąwɛlikaa tii, hu ə kɛnɛ̨ bɔ́ pələ, ə mą kɛ, laa na laa da wɛlikɛmąąlaai gaa gu Jesus Kristə hu.

M̀ɛni-lɛɛi 22:21

Gu Ną́mu Jesus nwɔ nɛ̨ɛ̨laai ə kɛ nu kəlee pɔ!

Timote veelɛ 2:1

Yili ɓa, nón, nɛ̨ɛ̨laai gaa Jésu-Kristə hu, 'ə́ hvaŋąlɔ mą.

Timote veelɛ 1:9

Yai gu nwun mąąɓo, ə gu təli, a təli ɓo mąąhəɠɛɛ; yili hvo kulɔ, gu wɔɔ túwɔ́ pələ lɛlɛ laa hvan ɉu, kɛlaa ə kulɔ, yaa kpinį lee ŋą mɛ̨nį pɛliɛ, da ŋą nɛ̨ɛ̨laa hu. Nɛ̨ɛ̨laa tii, ə gbɛa gɛ guɔ Jesus Kristə hu, gɛɛ hvo yɛnɛ̨ɛ̨ pɛli,

Tɛsalonikə veelɛ 2:14

Yili ɓə ə ká təli mą, nwɛlɛɛ lɛlɛɛ ŋɛ̨i ku naa həli káá, ɉaalai, káá pɛli ká wɔɔ nąą hɔlɔɓoi gu Ną́mu Jesus Kristə nwɔ mąąwiɛlaa hu.

Lomaŋ 5:2

Ɉaalai, gwa pɛli kɛa gu mąą lɛɠɛ Yálá ɓa, laa na laa pɔ pələ, nwɔ mɛ̨inɛ̨ɛ̨ hu ɓə, gwa gu kpɔwɔɲąą kɛnɛ̨, a kilitɔɔmąąlaa Yálá mąąwiɛ pələ hu.

Ɉaan 9:30

Ɉulɔnui yɛ diɛ: «Gwəi pili mąą mɛ̨nį gaa ɉu ya ɓaa: ka hvo ɉəɠəi kɔ́lɔn, kɛlaa, aa ɲɛ̨́i hvolon.

Piɛrə veelɛ 1:3

Yiiɠaa kpɔ bɛliɛ guɔ yɛnɛ̨ɛ̨ kɛ hɛn ma, Ną́mu nwɔ huwalawala aa gəlee tɛɛ ka pɔ, guɔ kanąn Yálá ɓa laa hu, yaai gu təli, ə gɛ, gu guɔ naa hɔlɔɓo nwɔ mąąwiɛ, da nwɔ mɛ̨inɛ̨ɛ̨ hu.

Piɛrə dɔlɔɔ 1:15

kɛlaa, yɛ bələi nui ká təli mąąhəɠɛɛi la, káá kpɛlimąn, 'ká mąą ə həɠə tii, ká tuwɔ́ pələ kəlee hu,

Markə 6:6

Nazarɛtə nuą di wɔ wəli walawala laa ə gwəi pili mą. Yili pulu, Jesus ə li di kwɛlɛ taaɠaa hu yɛ kalan gɛ.

Lomaŋ 8:28

Gu gɔlɔn nwɔ̨nɔ̨ guɔ diɛ: Nuąi da Yálá wɛlilakɛ, di mąąkpɔnmąą ɓo mɛ̨nį kaa mɛ̨nį kəlee hu; a diɛi tii ə di həɠə ɉu, yɛ bələi nwɔ mɛ̨nį pɛliɛ kaa la.

Lomaŋ 8:30

Nuąi ə di təli, ə gbɛa di həɠə ɉu, yiiɠaai ə di təli, ə di kɛ a tələnmo nuą, nuąi ə di kɛ a tələnmo nuą, ə mąąɲįnɛ̨n gɛ lɔ nwɔ̨nɔ̨ diɛ.

Korɛntə veelɛ 2:17

Ku hvo yɛ nuąi da kɛ Yálá lawoo kɛi a hɛn gwɛli hɛn. Kɛlaa yaamun, kwa gɛ a kwəi kwələlaa, Yálá ɓə ku tɔɔ la, kwa gɛ Yálá ɲɛ̨i ɓa, kwa kɛ pələ ɓoi Kristə laa hu.

Galatə 1:7

Ə kɛ ŋɛ̨i, nwɛlɛɛ lɛlɛɛ takpɛli ɓə laa, yili hvəə, nuą lɔ ɓə ka ɓowoi, diɛ kɛ di Kristə mąą wɛlɛɛ lɛlɛɛ ɲɛ̨ilai ɲɔ̨nwɔ̨ɔ̨ hee mą.

Galatə 1:11

Gbala ə tɔɔ, Ną́n nonnii, gáá moi káá: Nwɛlɛɛ lɛlɛɛi ŋą́ naa həli káái, hvo a nu yəi mɛ̨nį;

Galatə 1:15

Kɛlaa, nui ɉə́ɠə ɉu, néé kwəi, ə ɉéé a déé, yai də́li ŋą nɛ̨ɛ̨laa pɔ pələ, ə naa gwəi,

Galatə 2:2

Yaan mɛ̨nį ta ɓə di nɛ mą́ą́ pono ɲą, yili ɓə gɛ, gɛ́ li laa, ɛlɛɛ, Nwɛlɛɛ lɛlɛɛi ŋį́ kɛi naa həli huwu takpɛliɠaa lɔwai, ŋą́ nɛ diɛ, ŋą́ pənə nwɔ̨nɔ̨, ŋą́ nɛ nu mąą nwumąąɠaai kɛ laa, kwa diɛni ku hee, ŋį́ ɉukulɔ diɛ; ə gɛ, və́ pa gilɛ gbɛli həɠə.

Galatə 2:5

Ku hvo ku kpɔwɔ lɛɛ nuą tii yeei kpɛli tiikpɛ, ə gɛ, Nwɛlɛɛ lɛlɛɛ ŋą tɛ̨ą ə lɛɛ bələ mɛ̨i ká yəi.

Galatə 2:7

Kɛlaa yaamun, di gaa diɛ, nwɛlɛɛ lɛlɛɛ mąąnɛ̨ɛ̨ ə həli kɛ́nɛ̨ kpolooɠaa diɛ, mąą laa aa tɛɛ bɔ́, yɛ bələi lɔ gɛ́nɛ̨lɛa di wɛi mąą laa ə tɛɛ la Piɛrə yəi;

Galatə 2:14

Kɛlaa gáái ŋį́ mo, hvo hiɛi yɛ bələi nwɛlɛɛ lɛlɛɛ mąą tɛ̨ą kaa la, gbɔn gəlee ɲɛ̨i ɓa, gɛ́ Sefasə ɓa: Akɛ, yɛ́i ə́ kaa a Ɉuifə, ə́ ə́ wɔɔ yɛnɛ̨ɛ̨ kɛ yɛ huwu takpɛliɠaa, hvó gɛ li a Ɉuifə yíi, yá pɛli tɔɔi ləi, yɛ́ kpala huwu takpɛliɠaa la, diɛ túwɔ́ yɛ Ɉuifəɠaa?

Galatə 5:14

Gbala ə tɔɔ, dɔ́n nwoo laa kulaa kaa lɔ a woo tɔ̨nɔ̨ gbən; ya ɓaa: Ə́ ə́ ɓɛlan gaalon nwɛlilakɛ yɛ ə́ kpinį.

Swiv nou:

Lyen patwone

Piblisite

Piblisite