Galatə 1:1 - Yálá laawoo hɛɓɛ (dc)

¹ Ɲą́ą́ Polə, Jesus Kristə ŋą tímun; nu ta hvei gɛ́ la, ɛlɛɛ, və́ mąą laa hɔlɔɓo li nu ta yəi. Kɛlaa, ŋį́ ɉɔlɔɓo Jesus Kristə kpinįi kpɔ ɓə ɲəi, da gu Nąn Yálái gulɔ haa yəi, ə gɛ a vulú;

Yálá laawoo hɛɓɛ

¹ Ɲą́ą́ Polə, Jesus Kristə ŋą tímun; nu ta hvei gɛ́ la, ɛlɛɛ, və́ mąą laa hɔlɔɓo li nu ta yəi. Kɛlaa, ŋį́ ɉɔlɔɓo Jesus Kristə kpinįi kpɔ ɓə ɲəi, da gu Nąn Yálái gulɔ haa yəi, ə gɛ a vulú;

Bible

¹ Ńyãa Pɔ̂ɔ ŋ́gaa a sia-nuu-núu-kpune fe ŋ́gɛ̀ ní a sia-nuu, kpaa máŋ fe kɛ́ ni a sia-nuu núu-kpune sârai, kɛ́lɛ, ŋá kɛ̀ a sia-nuu Zîsɛ Kôrai sârai da Ǹaŋ-nuui Ɣâla nyíi Kôrai mu siɣe saa yêei,

Galatə 1:1 Referans Kwoze

Korɛntə dɔlɔɔ 1:1

Ɲą́ą́ Polə, ə laa a Yálá lii, ə də́li, əgɛ, ŋą́ kɛ a Jesus Kristə ŋą tímun. Kwa gu nąn non Sostɛnə ɓə ɉɛɓɛ́i ŋɛ̨i tɛɛi,

M̀ɛni-lɛɛi 1:5

ɛlɛɛ, yɛ həɠə Jesus Kristə yəi, yai a kɛlai a kulɔ nwoo ɓa, yai a nu dɔlɔɔi nwun yɛ kulɔ haa nuą lɔwai, ɛlɛɛ, lɔi mɛ̨i hééɓolaa kəlee di wɔɔ Hééɓomun. A nui gu wɛli kaa mą, yai gu kulɔ gu wɔ nɛ̨ŋɛ̨nŋaa yəi a ɲąmą,

Lomaŋ 1:1

Ɲą́ą́ Polə, gáá a Jesus Kristə ŋą tímun, yai Yálá ə dəli ə gɛ a nwɛlɛɛ lɛlɛɛ mąą kɛla.

Ifisiɛŋ 3:8

Ɲą́ą́ ŋɛ̨i a Kristalɛaa kəlee di kpɛlamąą, a kponɉee, kɛlaa, ŋą́ mɛ̨inɛ̨ɛ̨ tii hɔlɔɓo, gɛ́ pɛli Kristə mąą mɛ̨nį kpaɠala kaa laa walaa tii, laa həlii la.

Taitɔ 1:3

a yai, guui ə ɉee, ɲələ ə ɉəli lɔ, ə nwoo too pono ɲą, wɛlɛɛ woo hu, yai di galihvaɓo mą́ą́, yɛ bələi gu ɓalo Yálá ə kɛ la bɔ,

Korɛntə veelɛ 1:1

Ɲą́ą́ Polə, ə laa a Yálá lii, ə də́li, əgɛ, ŋą́ kɛ a Jesus Kristə ŋą tímun, kwa gu nąn non Timote ɓə ɉɛɓɛ́i ŋɛ̨i tɛɛi Yálá ŋą kpɔn ɓa, yai gaa Korɛntə, ə mą kɛ, galan nɛai di kaa Akaiə nąą kəlee.

Timote veelɛ 1:1

Polə, Jesus Kristə ŋą kɛla, Yálá liiɓa hu, yɛ bələi ə yɛnɛ̨ɛ̨ laakwɛlanmo la Jesus Kristə hu,

Lomaŋ 10:9

Akɛ yá mo ə́ laaləi yɛ diɛ: Jesus kaa a ə́ Nąmu, ə́ laa na ə́ lii hu, yɛ diɛ: Yálá ə nwun gulɔ haa ɓɛlaa lɔwai, ə́ nwun mąą a ɓo.

Gɛlaɠaa 22:10

Gɛ́ mą: ‹Ną́mu! Ɲą́ą́ ká! Lə ɓə yɛ́ ŋį́ gɛ?› Ya ɓə gu Nąmu a kɛ mą́ą́: ‹'Ə́ muhəɠə, 'tɛ́ Damasə, mɛ̨nįi mąąnɛ̨ɛ̨ ə́ gɛ, di kaa lii nɛi yɛ́.›

Gɛlaɠaa 9:6

Kɛlaa, 'Ə́ muhəɠə, 'tɛ taai, mɛ̨nįi mąąnɛ̨ɛ̨ ə́ gɛ, di kaa lii moi yɛ́.»

M̀ɛni-lɛɛi 2:8

Malakai gbɔn nwun na Smirnə, hɛɓɛ́ kɛ ə dɛɛ mą: «Dɔlɔɔ da Gbɛla mąą, woo ka, yai di baa, kɛlaa, ə pənə ə kɛ a vúlú, yɛ:

M̀ɛni-lɛɛi 1:18

Ɛlɛɛ, a Vúlúmąą; ŋą́ wɔlɔ haa, kɛlaa yiihu, 'ɓɛ káá, gáá kɛa a vúlú a yələ kəlee da nwɔɔ, ɛlɛɛ, ɲą́ą́ ɓə haa ŋą kpon gwɛliɠaa kaa ɲə́i, ɛlɛɛ da ɲąmuątaa.

Piɛrə dɔlɔɔ 1:21

Yaa ɉáálai, káá laa Yálá la, yai nwun, ə gulɔ haa yəi, ə gɔ a mąąwiɛlaa, gɛ pələi tii, ká wɔɔ laa na laa, da wɔɔ kilitɔɔmąą laa kɔwɔ hvilɛnŋąąi la Yálá ɓa.

Hebreu 13:20

Yálá ɓə a liilaa tɛɛ gu pɔ; yai, gu Ną́mu Jesus, mɛlaa-pulumun gɛnɛ̨ɛ̨ nwun ə gulɔ haa yəi, ŋą haláá ɲąmąi haláái, mįnɛ̨ nįnɛ̨ kaa gwa Yálá ni gu lɔwai kpɛɛ hvo mą,

Galatə 1:17

ɛlɛɛ, və́ kpɛli tɛ Ɉerusalɛmə, nuąi gbɛa kɛ a gɛlaɠaa dɔ́wɔ́, di pɔ; ŋą́ nɛɛ ɲąąɓa, ŋą́ li Arabə lɔi hu, yili pulu, ŋį́ pənə ŋį́ pa Damasə.

Lomaŋ 14:9

Mąąhɔlɔɓo, Kristə kɛ mɛ̨nį a haa nuą, da yɛnɛ̨ɛ̨ nuą di Nąmu ɓə gɛ, yɛ haa la, yɛ pənə yɛ nwun.

Ɉaan 20:21

Jesus ə pənə ə mo diɛ yɛ diɛ: «Liilaa ə kɛ ka pɔ. Bələi Ną́n ə dɔ́ɔ́ la, ŋą́ą́ gbɛli gáá ka tɔɔi ti.»

Ɉaan 10:30

Kwa ną́n Yálá ku kaa tɔ̨nɔ̨.»

Ɉaan 5:19

Kɛlaa Jesus ə pənə ə mo diɛ yɛ diɛ: «A tɛ̨ą, tɛ̨ą kpɔkpɔɔ, gaa moi kaa: Lon va pɛli mɛ̨nį lɔpee ta kɛi bɔɔ ɓa, yii hvo nąn gaa li yɛ gɛ; mąąhɔlɔɓo, yii lɔpee Nąn a gɛ, Non yaa kpɛli mąn a ɲɔ̨nwɔ̨mąn gɛ lɔ.

Gɛlaɠaa 3:15

Bələ ɓə ka yɛnɛ̨ɛ̨ Ną́mu paa la. Kɛlaa, Yálá ə gulɔ haaɓɛlaa lɔwai, a vulú; ku kaa a mąą kɛla.

Galatə 1:15

Kɛlaa, nui ɉə́ɠə ɉu, néé kwəi, ə ɉéé a déé, yai də́li ŋą nɛ̨ɛ̨laa pɔ pələ, ə naa gwəi,

Zasua 22:15

Di həli Rubɛn lonnii diɛ, da Gadə lonnii, ə mą kɛ Manase huwu bələ tɔ̨nɔ̨ Galaadə lɔi hu, di nwooɠaa ŋɛ̨i ɓo diɛ,