Filipə 4:7 - Yálá laawoo hɛɓɛ (dc)

⁷ Yálá nwɔ liilaa gɛnɛ̨ɛ̨, ɲee tɛɛ, mɛ̨nį kɔ́lɔn mɛ̨nį kəlee ɓa, ə ɲee kɛ ka niiɓa da ka wɔ kiliŋąhiɛɠaa Kristə laa hu.

Yálá laawoo hɛɓɛ

⁷ Yálá nwɔ liilaa gɛnɛ̨ɛ̨, ɲee tɛɛ, mɛ̨nį kɔ́lɔn mɛ̨nį kəlee ɓa, ə ɲee kɛ ka niiɓa da ka wɔ kiliŋąhiɛɠaa Kristə laa hu.

Bible

⁷ Ŋ̀âla-lii-sêei, nyíi dɛɛ̂i táre kélee mai, a pâi kálii mɛi kâai, da kákili, Kúnuu-namui Zîsɛ Kôrai sârai.

Filipə 4:7 Referans Kwoze

Ɉaan 14:27

«Ɲą́ą́ ɉaalai ɓə liilaa kaa la ka yəi, nwɔ́ liilaai tii ɓə gaa dɛɛi ka pɔ. Pələi yɛnɛ̨ɛ̨ a liilaa tɛɛ la nuą pɔ, bələ hvəə gáá dɛɛi la ka pɔ, ka lii hvo hɛlɛn, ka hvo ɲɔw.

Azaya 26:3

Gilitɔɔi mɔ̨ɔ̨ Yɛ́, Yáá liilaa yɛnɛ̨ɛ̨ kpɔkpɔɔ tɛɛ bɔ.

Tɛsalonikə veelɛ 3:16

Gu Ną́mui a liilaa nąmu, yaa kpinįilee, ə ká kɔ a liilaa, a yələ kəlee, a pələ huwui lɔpee. Gu Nąmu ə kɛ ká kəlee ká pɔ.

Kolosə 3:15

Gɛ́! Kristə nwɔ liilaa yii Yálá ə ka təli mą, əgɛ, ka kɛ a nu tɔ̨nɔ̨, ə ɉeei kaa ka nįį hu, 'ká kɛ a mɛ̨inɛ̨ɛ̨ hu kɔ́lɔn nuą.

Mąątɛ̨nɛ̨ 29:11

Yai-Laa kaa pai huwalawala tɛɛi nwɔ nu huwui pɔ, Yai-Laa kaa pai lúwɔ tooi nwɔ nu huwui ɓa liilaa hu.

Galatə 5:22

Kɛlaa, Kili-Mąąhəɠɛɛ yee pɔ mɛ̨nį ɓaa a: Wɛlikɛmąąlaa, kwəinɛ̨ɛ̨, liilaa, liikpələ, túwɔ́ pələ lɛlɛ, kilikɛɲəi mɛ̨nį, laa na laa,

Lomaŋ 15:13

Gɛ́, Ɲálái gu kilitɔɔi mą, ə ká pilɛ a kwəinɛ̨ɛ̨ da liilaa laa na laa hu, ə gɛ, Kili-Mąąhəɠɛɛ nwɔ hvaŋą ə ká pilɛ kilitɔɔmąąlaa hu.

Ɉaan 16:33

Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»

Lomaŋ 8:6

Nu liiɓa kɛɛ a haa tɛɛ nu pɔ, kɛlaa, Kili-Mąąhəɠɛɛ liiɓa kɛɛ, a yɛnɛ̨ɛ̨ da liilaa tɛɛ nu pɔ.

Lomaŋ 5:1

Laa na laa háálai, gwaa kɛ a tələnmo nuą Yálá ɲɛ̨i ɓa. Liilaa aa kɛ gwa diɛ ni gu lɔwai gu Nąmu Jesus Kristə laa hu.

Ifisiɛŋ 3:19

Bələ ɓə ká pɛli Kristə nwɔ wɛlikɛmąąlaa kɔlɔn ɉii la, yai, kɛnɛ̨i naŋįŋąą dɛɛ, hɛn kpɔ kɔlɔn gaa mą, gəlee mɛ̨i, káá pɛli Yálá mąą mɛ̨nį kəlee ɲąą pɛliɛ hɔlɔɓoi la a mɛ̨inɛ̨ɛ̨, kaa-lon-naa hu.

Azaya 48:18

Ee kə! Akɛ kɛ ə́ ə́ wəli tɔɔ nwɔ́ tɔ́n nwooɠaai diɛ, ə́ wɔ liilaai ə li kɛ yɛ ya lee kɛnɛ̨, ə́ wɔ tələnmolaa ə ɓo yɛ gboloyá;

Zôo 22:21

Ka Yálá ka ka lɔwai pɔn naa pu, ə gɛ liilaa ə kɛ ka lɔwai, a kɛ ti, ə́ kaa pai nwun na nɛ̨ɛ̨ hɔlɔɓoi.

Lomaŋ 14:17

Mąąhɔlɔɓo, Yálá-taa tɔɔlaa hvo a kɔ̨nɔ̨n da kpələ hɛn, bələi gaa la, bələ ka: gaa a, tələnmolaa, liilaa da kwəinɛ̨ɛ̨i Kili-Mąąhəɠɛɛ a dɛɛ gu pɔ.

Azaya 48:22

Kɛlaa, Yai-Laa yɛ diɛ, nu ɲɔ̨nwɔ̨ɔ̨ɠaa di wɛi di hva liilaa hɔlɔɓo kpɔ tanɔ̨n gbən.

M̀ɛni-lɛɛi 1:4

Ɲą́ą́ Ɉaan, ɲą́ą́ ɓə ɉɛɓɛ́i ŋɛ̨i tɛɛi gbɔn ɉeei mɛ̨ihveelɛi Asi lɔi hu diɛ. Nɛ̨ɛ̨laa da liilaa ə kɛ ká pɔ, yɛ həɠə, nui gaa laa, yai kɛ laa, yai pai, yɛ həɠə, nįį mɛ̨ihveelɛi ŋą tɔɔkpəlin niila, di yəi,

Lukə 1:79

Ə gɛ, nuą yiiɠaai di kaa kpinį hu, di ɓo haa nįnįn mu, ə di mąą pono; ə lɛɛ, ə tɔɔ ku tɔwɔ liilaa pələ mɛ̨i.»

Korɛntə veelɛ 13:11

Yiihu kɛa, Ną́n nonni, ká kɛ kwəinɛ̨ɛ̨ hu, 'ká kóló kɛ, ə gɛ, ká mąą mɛ̨nį yɛ pɛli ɉu; 'ká ká keeni hvaŋąlɔ, woolaamąą ə kɛ ká lɔwai, ká ká wɔɔ yɛnɛ̨ɛ̨ kɛ liilaa hu, ə gɛ, wɛlikɛmąąlaa da liilaa Yálá yɛ pɛli kɛi ká pɔ.

Lonon mo 6:26

Yai-Laa ə ɲɛ̨i pili ka mɛ̨i, ə liilaa tɛɛ ka pɔ.›

Lukə 2:14

«Mąąwiɛ kaa Yálá ɓa yələkɔlɔn mɛ̨i pələ; Nuąi Yálá aa di wɛli la kɛ lɔi mɛ̨i, liilaa aa tɛɛ di pɔ.»

Mąątɛ̨nɛ̨ 85:8

Yai-Laa, ə́ wɔ wɛlikɛmąąlaa lɛ kuɔ wɛ! Ə́ ku ɓalo!

Filipə 4:9

Mɛ̨nįɠaai kpɔ ká kalan na, ká ɉɔlɔɓo ɲə́i, ká mɛ̨n ná, ká gáá, gɛ́ gɛ, ká gəlee pɔ mɛ̨nį kɛ; Liilaa Yálá ə kɛ ká pɔ.

Hanwon 6:22

Yiliɠaai ɓə da ə́ tənən dɔɔ ə́ hiɛ pələ hu. Yá kɛ laani, diɛ ə́ mąą kpɛ, yá ə́ ɲįnąą ɓo, ka diɛni kaa lono kɛ.

Azaya 26:12

Yai-Laa! Yáá ku kɔ́ a liilaa yɛnɛ̨ɛ̨, mɛ̨nįi lɔpee ku kaa gɛi, Yɛ́ lɔ ɓə gɛi kuɔ.

Hanwon 4:6

'Hvó ə́ pulu tɔɔ kili mɛ̨nį ɓa, ya ɓə pai ə́ mɛ̨i kaa. Nwɛli la kɛ, ya ɓə a ə́ mąąkɔ̨nwɔ̨.

Lomaŋ 1:7

Kaai ka káá a Yálá wɛlikɛmąą nuąi Romə, a mąąhəɠə nuą Yálá nwɔ təliɓo háálai, káá ɓə gáá ɉɛɓɛ́i ŋɛ̨i tɛɛi kaa, ə gɛ, ka kɛ a nwɔ nuą. Gɛ́ nwun nanɛ̨ɛ̨ da liilaa di kɛ ka pɔ gu Ną́n Yálá da gu Ną́mu Jesus Kristə laa hu.

Hanwon 2:11

Mɛ̨nį kɔ́lɔn ŋąą a ə́ mɛ̨i kaa. Kiliŋąhiɛ lɛlɛɛ yɛ kpɔmąą tɛɛ ə́ pɔ.

Nehemi 8:10

Ɛsdrasə yɛ diɛ: «Ka li, ka kɔ̨nɔ̨n nɛlɛɛɠaa mįi, ka lɔɔ nɛ̨ɛ̨ɠaa kpələ, ɛlɛɛ, nui hvo pɛli li hɛn da kɛ pələ pɛlii, ka mąą nuą tii kɔ́. Mąąhɔlɔɓo, volói ŋɛ̨i kaa a gu Ną́mu nwɔ hvóló mąąhəɠɛɛ, ka hvo kɛ liihɛlɛn ɉu, mąąhɔlɔɓo, Yai-Laa nwɔ kwəinɛ̨ɛ̨ ɓə gaa a guɔ huwalawala.»

Ɉeremi 33:6

«Kɛlaa, gáá di hali kɛ mɛ̨nį hu wəleen ɉii, da di ɓalo mɛ̨nį. Ŋą́ di ɓalo, gɛ́ nwun na nɛ̨ɛ̨ da liilaa mɛ̨inɛ̨ɛ̨ kɛ diɛ.

Azaya 45:7

Ɲą́ą́ ɓə kɛɛpono, gɛ́ kpinį pɛlɛ, ɲą́ą́ ɓə ŋą́ nwun na nɛ̨ɛ̨ kɛ, gɛ́ nwun na ɲɔ̨n gɛ. Ɲą́ą́ Yai-Laa, ɲą́ą́ ɓə hɛn gəlee pɛli.

Hebreu 13:20

Yálá ɓə a liilaa tɛɛ gu pɔ; yai, gu Ną́mu Jesus, mɛlaa-pulumun gɛnɛ̨ɛ̨ nwun ə gulɔ haa yəi, ŋą haláá ɲąmąi haláái, mįnɛ̨ nįnɛ̨ kaa gwa Yálá ni gu lɔwai kpɛɛ hvo mą,

Zôo 34:29

Kɛlaa, Yálá a wala muhəɠə, gbɛɛ ɓə a pɛli hvaai bɔ? A ɲɛ̨ilai now, gbɛɛ ɓə a pɛli mɛ̨i həɠəi? Ya pa, a ɲɛ̨i pili lɔiɠaa mɛ̨i, da nu kanŋaa.

M̀ɛni-lɛɛi 2:17

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, ŋą́ gɔ a manəi noɔ, ŋą́ kwɛnį kwɛlɛɛ dɛɛ bɔ, ɛlɛɛ, laa nįnɛ̨ a kɛ a bɛ̨ɛ̨ gwɛnįi tii ɓa, nu takpɛli hva gɔlɔn, ə kulɔ nui gaa ɲəi, bulu.»

Zûu 1:1

Ɲą́ą́ Ɉudə Jesus Kristə ŋą tímun, Ɉakə nəɠə. Gáá ɉɛɓɛ́i ŋɛ̨i tɛɛi, nuąi kpɔ Ną́n Yálá aa di təli, a wɛlikɛmąą laa, yɛ ɲɛ̨i kɛ diɛ, diɛi a Jesus Kristə nwɔɔ.

Filipə 1:2

Nɛ̨ɛ̨laa da liilaa ə kɛ káá, yɛ həɠə gu Ną́n Yálá da gu Ną́mu Jesus Kristə yəi.

Ɉeremi 32:16

Yii kɛa ŋį́ ɉɛɓɛ́ tɛɛ Neriya lon Barukə pɔ, ŋą́ Yai-Laa hvɛli, gɛ́ mą:

Korɛntə veelɛ 10:5

ɛlɛɛ, da ɲɛ̨itɛ mɛ̨nįi lɔpee a kɛ ə tɔɔ Yálá kɔlɔn mɛ̨nį la. Kwa kiliŋąhiɛ kəlee hon a luwɔ, diɛ pɛli lɛɛi Kristə woo mu;

Filipə 1:1

Ɲą́ą́ Polə kwa Timote Jesus Kristə ŋą tínuą, kuɔ ɓə ɉɛɓɛ́i ŋɛ̨i tɛɛi Kristalɛa diɛ, diɛi di kaa Filipə daai, da di mɛ̨ikaa nuą, ə mą kɛ, di wɔɔ tínuą.

Filipə 4:19

Ɛlɛɛ, nwɔ́ Yálái kaa pai ka mąą kpaan gəlee kpɛɛi yɛ pələi nwɔ hɛn Ną́mu laa kaa la Jesus Kristə hu.

Filipə 4:21

Gáá Yálá nwɔ nuą kəlee túwɔ́ ɓoi Jesus Kristə hu. Gu nąn noni kwa diɛni ku kaa ɓɛ, di hvaa káá!