Filipə 4:5 - Yálá laawoo hɛɓɛ (dc)

⁵ Mąąnɛ̨ɛ̨ nu kəlee di ká wɔ túwɔ́ pələ lɛlɛ kaa, gu Ną́mu pai lɔwai mąą a kpuɔ.

Yálá laawoo hɛɓɛ

⁵ Mąąnɛ̨ɛ̨ nu kəlee di ká wɔ túwɔ́ pələ lɛlɛ kaa, gu Ną́mu pai lɔwai mąą a kpuɔ.

Bible

⁵ Tɔɔ núu kélee e kálii-lɛ̂lɛi kɔlɔŋ. Kúnuu-namui a nâa lɛɣɛ.

Filipə 4:5 Referans Kwoze

Maafîu 6:25

Yili ɓə gɛi, gɛ́ kaa: «'Ka hvo ka liihɛlɛn a kɔ̨nɔ̨n mɛ̨nį, da yii mąąnɛ̨ɛ̨ ka gbələ, ə mą kɛ, yii mąąnɛ̨ɛ̨ ə kɛ ka yəi, kaa yɛnɛ̨ɛ̨ kɛ la. Ka hvo kpɛli ka liihɛlɛn a ka mąąhəɠə mɛ̨nį. Nu nɔw hviala hvo ɓo li hvo tɛɛ kɔ̨nɔ̨n ma? Nu kɔ́lɔ hviala hvo ɓo li hvo tɛɛ nu mąąhəɠə ɓa?

Taitɔ 3:2

Di hvo nu ta lalan, di hvaa kɛ mɛ̨nį mąąlaa, di kɛ a di liinɛ̨ɛ̨ di kwəi, di liinɛ̨ɛ̨ gwəi laa kɛ nu kəlee ɓa, a yələ kəlee.

Hebreu 10:37

«Mąąhɔlɔɓo, kpɔlɔɔ tíikpə, kpɔlɔɔ a lɔwai hukpua, nui pai, yɛ pa həlii guɔ, hvo pai mąą yíi.

Piɛrə dɔlɔɔ 4:7

Hɛn gəlee ɲąąkpɛɛi lɔwai aa lɛɠɛ. 'Ká kili mɛ̨nį kɛ, 'ká yee ə pɛli ká koolon ma, káá pɛli Yálá hvɛlii.

Korɛntə dɔlɔɔ 6:7

Ə kɛ a pələ lɔpee gəlee, nwumɛ̨ mɛ̨nį ɓaa, kiti yɛ ɓo ká lɔwai. Lə mɛ̨nį ɓa ka hva pɛli ka liikpələi ka ɓɛlan da hɔn mu? Lə mɛ̨nį ɓa, ka hva nɛɛ laa di hvo ká mąąkpoloon?

Hebreu 10:25

'Ká gu hvo kpɛla gu kee ɲąąkpɔnŋąą ɓa, yɛ bələi, nu taɠaa daa gɛ la a di kɛ-mɛ̨nį, di hva pa ŋąąkpɔn ɉu. Kɛlaa yaamun, ka gu gu kee hvaŋąlɔ, yii kpɔ, gu ɲɛ̨i kaa gu Ną́mu ŋą kuui tɔwɔ mąą yɛ kpuɔ.

M̀ɛni-lɛɛi 22:7

«'Ɓɛ kaa, Gáá pai ɉu hvo kwɛa li. Nwun na nɛ̨ɛ̨mun maa a nui, a ɲee kąnąn ɉɛɓɛ́i ŋɛ̨i hu wooɠaa diɛ.»

Korɛntə dɔlɔɔ 8:13

Yili ɓə gɛ, a kɛ ŋą́ kɔ̨nɔ̨n da mįi a kɛ a mɛ́lan lan ɉɛn,, vá kpɔ kɛa huwɔ mįi, ə gɛ, və́ pa mɛ́lan nan.

Maafîu 6:34

Yili ɓa, ka hvo tinąą mɛ̨nį ta niihɛlɛn ɉee. Tinąą a niihɛlɛn a gbɔwɔ mąą mɛ̨nį. Hvóló kəlee mąąkpaan bɛliɛi lɔ gbɔwɔ ɓa.»

M̀ɛni-lɛɛi 22:20

Nui mɛ̨nįi tii ɓoi, yɛ diɛ: «A tɛ̨ą, gáá pai ɉu hvo kwɛa li.» Amįįną! 'Pá, ku Nąmu Jesus!

Piɛrə dɔlɔɔ 1:11

Kristə nwɔ Kilii kɛ di hu, yɛ, mɔ̨nɔ̨ɠaa da mąąwiɛlaai kɛi pa həlii Kristə ɓa mąą mɛ̨nį ɓo, ɲələ tɔwɔ, ya ɓə di kɛli ɲələ da guui ə ɉee, gwɛli.

Korɛntə dɔlɔɔ 9:25

Pə́lə́ lɔpee gəlee kɛ nuą da tɔn naa di kpɔwɔ ɓa. Kɛlaa di wɛi, hɛn yii a kala, ya ɓə da mąą gilɛ həɠə, gu wɛi, gaa a yii hva kala.

Tɛsalonikə veelɛ 2:2

'Ká hvo nɛɛ laa nu ta hvo ká ɓowo, hvo ká mąąɲɔw, yɛ ə kɛ, a Yálá kwəi mɛ̨nį hukulɔ woo ta, yɛ ə kɛ a, nu ta woo, awala kɛ tii, a hɛɓɛ́ ta, diɛ kɛ, ə həɠə ku pɔ, yɛ kɛ ə gɛ tii ká laa na, káá kɛ: Gu Ną́mu ŋą yələi aa həli.

Lukə 21:34

«Ka ka kpɔɔ mɛ̨i kaa. Ka hvo ka nii lɔ yɛnɛ̨ɛ̨liiɓa hu, ka hvo kɛ a lɔɔ honŋąa. Ə lɛɛ, ka hvo ka liihɛlɛn a ka wɔ yɛnɛ̨ɛ̨ kɛ hɛn mɛ̨nį. Ə kulɔ yili pulu, volói tii kaa pai kulɔi ka kəlee ka tɛɠii.

Korɛntə dɔlɔɔ 16:22

Nui gu Ną́mu wɛli hvo mą, mąą nu nɛ̨ŋɛ̨n naa ɓə. Maranata! (Mukulaa ɓaa: Ną́mu, pa!)

Korɛntə veelɛ 10:1

Ɲą́ą́ Polə, ɲą́ą́ gbínįlee ɓə ká mąąnɛ̨ɛ̨i Kristə ŋą liinɛ̨ɛ̨ gwəilaa da ŋą wɛlikɛmąąlaa hu, ɲą́ą́ ŋɛ̨i ŋą́ kɛ ká ɲɛ̨i ɓa, gɛ́ gbɔ́wɔ́ koloon ká lɔwai, kɛlaa, ŋą́ kɛ kwɛaa la, níikpəlɛɛ káá,