Filipə 4:1 - Yálá laawoo hɛɓɛ (dc)

¹ Yili ɓa tii, nąn nonnii, nwɛ́likɛmąą nuą, gáá kpɔ bɔ ŋą́ ɲɛ̨́i tɔɔ kaa, káái a nwɔ́ kwəinɛ̨ɛ̨ da nwɔ́ɔ́ ɲɛ̨i pono, 'ká tɔɔ kpɔ tii gbąą, gu Nąmu nwɛi hu, nwɛ́likɛmąą nuą.

Yálá laawoo hɛɓɛ

¹ Yili ɓa tii, nąn nonnii, nwɛ́likɛmąą nuą, gáá kpɔ bɔ ŋą́ ɲɛ̨́i tɔɔ kaa, káái a nwɔ́ kwəinɛ̨ɛ̨ da nwɔ́ɔ́ ɲɛ̨i pono, 'ká tɔɔ kpɔ tii gbąą, gu Nąmu nwɛi hu, nwɛ́likɛmąą nuą.

Bible

¹ Mɛni ma, ŋánûa, káai ŋa káwɛli ni, ŋ́gɛ ŋ̀wɛli a gɛ́ɛ ŋá kákaâi, ŋálii-nɛ̃ɛi da ŋákâloŋ-bɔrɔi, ka tɔɔ a gbanaŋɔɔ Kúnuu-namui kponôi, ŋáwɛli-kɛ-maa-ƃelai.

Filipə 4:1 Referans Kwoze

Filipə 1:27

Yii lɔ mą, ya ɓaa: 'ká wɔ yɛnɛ̨ɛ̨ kɛ pələ ə pɛli Kristə nwɔ wɛlɛɛ lɛlɛɛi pɔ yííɓoi. Yili ɓə a gɛ, ŋą́ pa ka pɔɔli-o, və́ pa ka pɔɔli-o, ŋą́ pɛli woo lɛlɛɛ mɛ̨n ɉii, yɛ hvilɛn na káá, diɛ kɛ: Ká kwəi kaa tanɔ̨n, káá gɔ tɔ̨nɔ̨i kɔ, a ká laa pələ nwɛlɛɛ lɛlɛɛ la;

Korɛntə dɔlɔɔ 16:13

'Ká lɛɛ a 'ká ɲɛ̨i, 'ká tɔɔ a ká nwąnąi laa na laa pələ mɛ̨i, 'ká ká liikpələ, 'ká ká huwalawala.

Filipə 2:16

Káái ɓalo woo kaa ká yəi, ka kɛi túwɔ́ ti, gu Ną́mu pai lɔwai, ɲɛ̨́i a pono. Yili ɓə a nɛ yɛ, mɔ̨nɔ̨i ŋą́ mįi, da gólói ŋą́ gɛ, və́ gɛ li kpɛli.

Mąątɛ̨nɛ̨ 27:14

Yai-Laa mąąkpɔn, 'ə́i hvaŋąlɔ, ə́ ə́ liikpələ, 'Yai-Laa mąąkpɔn.

Korɛntə dɔlɔɔ 15:58

Yili ɓa tii, nwɛ́li kɛ mąą nuą, ka tɔɔ kpąą, ká mąą hvo kpɛlin, gu Ną́mu nwɔ kóloi hu, káá tɛ tɔwɔ a yələ kəlee. Ká gɔlɔn káá: Mɔ̨nɔ̨i ka káá mįi, hvo pai lɛɛi a kpɛli Ną́mu hu.

Filipə 1:8

A tɛ̨ą, nwɛlikɛmąą laaii gaa ɲə́i Kristə laa hu ka mąą mɛ̨nį ɓa, Yálá ɓə a gɛla.

Hebreu 10:23

Gu hvo kpɛlin, 'ká gu kɛ lɔ gu wɔɔ kilitɔɔmąą woo laa həli a yələ kəlee, mąąhɔlɔɓo, nui ŋɛ̨i mɛ̨nį laakwɛlanmo guɔ, a kulɔ nwoo ɓa.

Lomaŋ 2:7

Nuąi di kanąn ŋąą mɛ̨nį lɛlɛɛ kɛɛ ɓa, diɛ mąąwiɛ kwɛli, diɛ ɓə Yálá kaa pai yɛnɛ̨ɛ̨ tɛɛi di pɔ kpɛɛ hvo mą.

Ɉaan 8:31

Ɉuifəɠaai laa Jesus la, ə mo diɛ, yɛ diɛ: «Akɛ ka kanąn nwɔ́ liɛwooɠaa diɛ, ka káá kpɔ a nwɔ́ kalan nɛa leeleeɠaa.

Timote veelɛ 2:1

Yili ɓa, nón, nɛ̨ɛ̨laai gaa Jésu-Kristə hu, 'ə́ hvaŋąlɔ mą.

Filipə 2:26

gaa kpɔ bɔ ə ɲɛ̨i tɔɔ káá, niihɛlɛnŋąąi, mąąhɔlɔɓo, kaa kɛ nwɔ ɲɔ̨n mɛ̨nį pələ mɛ̨n.

Korɛntə veelɛ 1:14

gbaa ə tɔɔ, káá gbɛa da wolo ɲąąkaa, káá kɛ, kuɔ ɓə a ká ɲɛ̨i pono mɛ̨nį nwun, yɛ bələi lɔ, ka káá la a kuɔ kpɛli ku wɛi, a gu Nąmu Jesus ŋą hvolói.

Gɛlaɠaa 11:23

Lii kɛa ə mo, ə Yálá nwɔ nɛ̨ɛ̨laa kɛ kóló kaa, gwəi ə nɛ̨ɛ̨, ə di hvaŋąlɔ yɛ diɛ; 'Ká kanąn gu Nąmu ɓa a ka lii kəlee.

Gɛlaɠaa 2:42

Di hvaŋąlɔɔ kɛ gɛlaɠaa di wɔ mąąkwɛli woo ɓa, yeelɔ gee hu yɛnɛ̨ɛ̨ hu yɛ leegaaɠaa, diɛ di yee lɔ kɔwɔ tɔnɔ̨ hu, diɛ Yálá hvɛli gee ɓa.

Mąątɛ̨nɛ̨ 125:1

Ɲee mąąhəɠɛɛ tɛ wələ. Nuąi di kilitɔɔi Yai-Laa ɓa, di kaa yɛ Siɔn yee, yai hɛn da hva ɉəɠə dɔɔi, gaa lɔ laa a yələ kəlee.

Piɛrə veelɛ 3:17

Yili ɓə gaa mą:, nwɛ́li kɛ mąą nuą, ka wɛi, ka kili aa pu kɛa mɛ̨nį kəlee hu, ka ka kpɔɔ mɛ̨i kaa, ka hvo nɛɛ laa nu ɲɔ̨nwɔ̨ɔ̨ɠaa di hvo ka həɠə bələ mɛ̨i, di hvo ka wɔ kilitɔɔ mąą kulɔ ka yəi.

Hebreu 4:14

Yii kani haláá laa həli mun gɛnɛ̨mun gaa ká gu yəi, a Yálá Lon Jesus, yai yələkɔlɔn ɉuɓɔ, 'ká gu naa na laa wooi ŋɛ̨i hon gani kpąą.

Hebreu 3:14

Guɔ ka kɛa gwaa kɛ kɛa a Kristə mɛlaani, akɛ, gwa lɛɛ lɔ tɔɔni gu tɔɔ kilitɔɔmąą laa hu, ə lɛɛ la ɉu ɲąąkpɛɛ yələ.

Tɛsalonikə veelɛ 2:15

Yili ɓa, ną́n nonnii, ɲíiɓo pələi tii ku ká mąąkwɛli mą, a ku woo da yii ku bɛ̨ɛ̨, 'ká ká yee kanąn mą kpąą.

Kolosə 4:12

Epafrasə yɛ ka tuwɔ ɓo, yai a ká ta. Jesus Kristə ŋą tímun yili nwɛi, vįi hva kpɛɛ Yálá hvɛlii ká mąą mɛ̨nį ɓa, a Yálá hvɛli, yɛ ka tɔɔ kpąą, ká kɛnɛ̨ Kristə kɔ́lɔnŋąą hu, ɛlɛɛ, ká kɛ a Yálá liiɓa kɛ pələ kɔ́lɔnŋąą.

Galatə 5:1

Gu lɛɛ mɛ̨nį gu kpɔwɔ yee kɔnma mɛ̨nį ɓə, Kristə ə gu nwun mąąɓo la. 'Ká tɔɔ kani a ká nwąnąi, ká hvo ká kpɔwɔ lɛɛ laa, di hvo ká too luwɔlaa ŋą kpɔnɔ̨ nįnɛ̨ ɲą.

Gɛlaɠaa 14:22

Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»

Tɛsalonikə dɔlɔɔ 3:13

Ə ká nii huwalawala lɔ tii mąąhəɠəlaa hu, mąąkulɔi hvo kɛ mą Yálá gu Nąn ɲɛ̨i ɓa, a gu Ną́mu Jesus pa yələ, da nu mąąhəɠɛɛɠaa kəlee.

Maafîu 10:22

Ka wɛli a kpɛɛ nu kəlee ɓa náá mąą mɛ̨nį ɓa, kɛlaa nui a tɔɔ a nwąnąi ə lɛɛ ɉu yɛnɛ̨ɛ̨ ɲąąkpɛɛi lɔwai, mąą nu ɓə nwun mąą a ɓo.

Zôo 31:36

Ŋą́ yili kəlee laa nwúɔ̨, gɛ́ ɉee nwún ma yɛ tɔɔ ɓɔlɔ.