Filipə 3:19 - Yálá laawoo hɛɓɛ (dc)

¹⁹ Di kaa di kpɔɔ nwun na pilii, mąąhɔlɔɓo, di wɔ Yálá ɓaa di kolon. Mɛ̨nįi a di nwumɛ̨, ya ɓə da di kwəinɛ̨ɛ̨ ɉu, ɛlɛɛ, di wɔ kiliŋąhiɛ ka lɔ ɲɛnɛ̨ɛ̨ ŋɛ̨i hu hɛnŋąa diɛ.

Yálá laawoo hɛɓɛ

¹⁹ Di kaa di kpɔɔ nwun na pilii, mąąhɔlɔɓo, di wɔ Yálá ɓaa di kolon. Mɛ̨nįi a di nwumɛ̨, ya ɓə da di kwəinɛ̨ɛ̨ ɉu, ɛlɛɛ, di wɔ kiliŋąhiɛ ka lɔ ɲɛnɛ̨ɛ̨ ŋɛ̨i hu hɛnŋąa diɛ.

Bible

¹⁹ Díkpɛɛ ŋá ƃa su-kara. Díɣâlai ƃa díkoi, da dínîa kɛ̀ díŋumɛ-mɛni su. Díkili káa ǹɔii-su-sãai dîa.

Filipə 3:19 Referans Kwoze

Lomaŋ 16:18

Mąąhɔlɔɓo, nu huwuɠaai ti di hvo tíi gu Ną́mu Kristə ɓa, kɛlɛɛ di kaa tíi di koolon ma. Da kɛ nuą ɓowoi diɛ di mąątɛ̨nɛ̨ a woo nɛɛ-nɛɛɠaa.

Piɛrə veelɛ 2:3

Ə lɛɛ, di wɔ hɛn nwɛli laa mąą mɛ̨nį ɓa, di kaa pai kɛi tooi ka mɛ̨i, diɛ hɛn gulɔ ka yəi a lɛɛ woo, kɛlaa, di kiti tee mun gɛ pələ pɛliɛi ə di kiti tee, ə lɛɛ, di wɔ nwun napili hu hvo kwɛa li.

Kolosə 3:2

Ká wɔɔ yɛnɛ̨ɛ̨ kaa yələi pələ, hvo ɓɛ lɔi mɛ̨i.

Piɛrə veelɛ 2:1

Tɔlɔɔ tɔlɔɔ, lɛɛ loloɓo nuą di kɛ Yálá nwɔ nuą lɔwai; kaa kpɛli, lɛɛ kalan gɛ nuą kaa pai kɛi ka lɔwai. Di kaa pai lɛɛ kalan bələ tamąą lɔi ka lɔwai, ə lɛɛ, diɛ lənə di Nwun Nąmu Jesus ɓa, yii di nwun mąąɓo, yili pulu, diɛ nwun napili mąą kpuɔ di kpɔɔ ɓa.

Korɛntə veelɛ 11:15

Akɛ nuą tii da di kpɔwɔ kɛ yɛ tələnmolaa ŋą tínuą, yili hvo a kwəi pili mąą mɛ̨nį takpɛli. Di ɲąąkpɛɛi a kulɔ lɔ di kɛ kólo hu.

Korɛntə veelɛ 11:12

Ɛlɛɛ, bələi ŋɛ̨i gáá gɛi la, bələ lɔ ɓə nwɔ̨nɔ̨ gáá pai gɛi, əgɛ, nuąi di kpɔwɔ mąątɛ̨nɛ̨ wɛlikaa diɛ, ŋą́ yili giliŋąhiɛ kulɔ di yəi, a diɛi da di kpɔwɔ kaa, yɛ kuɔ.

Osia 4:7

Di kəlee kpɔ, nu ta nwɔ kwɛni hvo kulɔ li ɉu, daa nɛ̨ŋɛ̨n ɉəɠə mą́ą́, gáá pai di wɔ mąąwiɛ mąąpənəi a nwumɛ̨.

Piɛrə veelɛ 2:13

Mɔ̨nɔ̨i ti di kaa naai nuą mɛ̨i, mɔ̨nɔ̨ lɔ ɓə pai kɛi a di hvɛla. Daa kɛi ɓɛlɛkpɛɛ mąą túwɔ́ ɓo a hvóló ŋą, yili ɓə gaa a di liiɓa. Da kɛ ka pɔ laa mįi kɛi lɔwai, yili kaa a nwumɛ̨ mɛ̨nį da kɔ́wɔ túwɔ́ kwɛni. Ə lɛɛ, da kɛi nuą ɓowo, yili ɓə a di kwəinɛ̨ɛ̨.

Galatə 6:13

Nuąi ti di kpɔwɔ heei kɛ́nɛ̨ ɓa, di hva dɔ́n nwoo pɔ yíiɓo diɛ kpinįi, di kaa bɔ di ká hee kɛ́nɛ̨ ɓa, ə gɛ, di di kpɔwɔ ɲąą kɛnɛ̨ la ká mąą mɛ̨nį hu, diɛ kɛ mą: kuɔ ɓə di hee kɛ́nɛ̨ ɓa.

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»

Korɛntə dɔlɔɔ 3:3

Hvo gaai, ka káá ni nu kiliŋąhiɛ yee kɔnma. Mąąhɔlɔɓo, tolo da hvaa di kaa ni ka lɔwai; akɛtii nu kiliŋąhiɛ hva mɔ̨ɔ̨ a yili? Ɛlɛɛ, káá túwɔ́ la ti yɛ ɲɛ̨nɛ̨ɛ̨ ŋɛ̨i hu nuą?

Mąątɛ̨nɛ̨ 17:14

Yai-Laa, ə́ yee ə di kpɛ lɔi mɛ̨i, di həɠə yɛnɛ̨ɛ̨, di kulɔ nu kanŋaa lɔwai. Yili kpɔ ɓə mąąnɛ̨ɛ̨ ə həli diɛ yɛnɛ̨ɛ̨ ɓɛ. 'Di pilɛ a mɛ̨nį ɲąąnwąnąąi ə́ naa di tɔwɔi! Di lonnii di pilɛ ɉu, di da lɛɛ di kwəi lonnii tɔwɔ.

M̀ɛni-lɛɛi 22:15

'Ká kulɔ ɲɛnɛ̨ɛ̨ pələ, yilɛɠaa, ɛlɛɛ, kaahɛn ɉəɠə nuą, tuwɔ pələ ɲɔ̨n gulɔ nuą, ɛlɛɛ, da nu paa nuą, hali kɔ nuą, ɛlɛɛ, da nuąi lɛɛ wɛli kaa diɛ, ɛlɛɛ, diɛ lɛɛ kɛ!

Zûu 1:16

Nɛɛ kalan gɛ nuą tii, mɛ̨nį ta hva di kwəinɛ̨ɛ̨. Di kaa lɔ di woo laa hu, di kpɔwɔ nwɔ kiliŋąhiɛ lɔ ɓə da hiɛ la. Kpɔwɔ ɲąą kɛnɛ̨ wooɠaa kaa di la. Da kɛi nu ta tɔ̨nɔ̨ kulɔ ya lɔ ɓə da mąąwiɛ la.

Timote veelɛ 3:4

a nu ɓowo nuą, di liikələnŋąą di kwəi, kpɔwɔ ɲąąkɛnɛ̨ aa di ɲɛ̨i pu, di liiɓa mɛ̨nį wɛli ə ɓo diɛ, dɛɛ la Yálá nwɛi ɓa;

Timote dɔlɔɔ 6:5

yəliháá tɔɔ gbɛlai hvo mą, nuąi di kili ɲɔ̨nwɔ̨ɔ̨ di lɔwai, di hvɛɠɛɛ a tɛ̨ą, diɛ kɛ, Yálá mɛ̨nį kaa a hɛn gwɛli hɛn.

Tɛsalonikə veelɛ 2:12

Əgɛ, nuąi di hvo gɛ di hvo laai tɛ̨ą la, kɛlaa diɛ di liiɓa kɛ mɛ̨nį ɲɔ̨n ɉu, di di kiti tee.

Filipə 2:21

Yiiɠaai ti kəlee, di kpɔɔ mɛ̨nį lɔ ɓə da niihɛlɛn Ɉee; di hva di kiliŋąhiɛ Jesus Kristə mąą mɛ̨nį ɓa.

Korɛntə dɔlɔɔ 5:6

Mɛ̨nįi tii ka káá ka kpɔwɔ ɲąąkɛnɛ̨i ɉu, hvo lɛlɛ li, ka hvo gɔlɔn kaa diɛ: «Lɛɠɛi dɛ hɛn nogolo a pɛli ə lɛɠɛ kpɔlɔ kɛnɛ̨ tɛ?»

Korɛntə dɔlɔɔ 5:2

Ɛlɛɛ kaamun, káá hvɛɛ a kpɔwɔ ɲąąkɛnɛ̨, ka hvo yili kaa li, a nwumɛ̨ mɛ̨nį, ká hvo mąą wɛli hee ɓo, yɛ haa a too káá, ká mɛ̨nį tii kɛmun gulɔ ká lɔwai.

Malasi 1:12

Kɛlaa, ka wɛi, ka nwɔ́ kɛnɛ̨ laa hviiɓo, gɛ mɛ̨nį kaa kɛ diɛ: «Námu nwɔ haláá kulɔi ɓɛlɛ hvo mą, taatɛlɛɛ lɔpee a nɛ̨ɛ̨ nu ɓa, ya ɓə a gulɔ laa a haláá.»

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.

Zĩi 4:16

Kɛlaa, yiihu, ká ká kpɔɔ ɲąą kɛnɛ̨ kaa ka hunɛɛ, gbɔwɔ ɲąą kɛnɛ̨ huwui ti ɲɔ̨nwɔ̨ɔ̨i.

Tɛsalonikə veelɛ 2:8

nąąlɔwai ɓə mɛlɛtoomun tii a kulɔ la pono ŋą, ɛlɛɛ, gu Ną́mu Jesus ə nwun napili a naa-hvaŋą, ə ɉu kala, a nwɔ kɛɛ ponoi gaa pai la, ɉu.

Lukə 18:4

Hvóló kəlee, nɛ̨ɛ̨nui ə kɛi lɔ li gití tee mun tii pɔɔli. Kɛlaa, hvo kɛi nɛ̨ɛ̨nui tii nwɔ mɛ̨nįi ta ɓo. Gití tee mun tii ə mo gbɔwɔ ɓa, yɛ mą: ‹A tɛ̨ą, vá ɲɔw Yálá ɓa, ə lɛɛ, vá nu ta mąąwiɛ.

Lukə 16:19

«Hɛn gɔw nąmu kɛnɛ̨ ta ə kɛ laa, tɔɔ həɠəɠaa lɔ ɓə kɛ mą. Ə kɛ lɔ hɛli pu mɛ̨nį hu a yələ kəlee.

Lukə 12:19

Ŋą́ mo kɛa gbɔ́ɔ́ ɓa, gɛ́ mą: Náwəi, yaa kwɛlan damąą kɔ̨nɔ̨n ɉɔlɔɓo, ə́ hvįįtɔɔ kɛa; ə́ ə́ laa mį́į́, ə́ ə́ kpələ, ɛlɛɛ, ə́ ə́ kwəinɛ̨ɛ̨.›

Maafîu 25:41

«Yili pulu, tɔɔmun a mo gɔɓɛyee hu nuą diɛ yɛ diɛ: ‹Ka ka mąąkwɛa mą́ą́, kaa yiɠaai ka nɛ̨ŋɛ̨n naa Yálá yəi, ka li nwɔ̨n yii luwun və mą ɉu. Yii bɛliɛ kɛ nąnį da nwɔ ɲį́nɛ̨nŋąai diɛ.

Maafîu 16:23

Kɛlaa, Jesus ə tinɛ̨n, yɛ Piɛrə ɓa: «Ə́ mąą kwɛa mą́ą́ ɓilihi! Ə́ kaa a kɔ́wɔ tuwɔ kwɛni nwɔ́ pələi mɛ̨i. Mąąhɔlɔɓo, ə́ wɔ kiliŋąhiɛ hvo yɛ Yálá nwɛi, kɛlaa, gaa a nu kiliŋąhiɛ.»

Mise 3:11

Ɲɛ̨itɔwɔ nuą, da kiti tee a hvulu, mąąhɔlɔɓo, da nɔ gwəi hɛn ɉon, ɉaláá laa həli nuą, da nu mąąkwɛli, a tɔ̨nɔ̨ hɔlɔɓo pələ, Yálá kwəi mɛ̨nį hukulɔ nuą, diɛ mɛ̨nį hukulɔ nuą diɛ, wali ɓa, ɛlɛɛ, Yai-Laa ɓə di kilitɔɔ mą, diɛ kɛ diɛ: «Yai-Laa hvo mɔ̨ɔ̨ ku lɔwai? Lɛɛ li, mɛ̨nį ɲąąnwąnąą hva pɛli ku hɔlɔɓoi.»

Mise 3:5

Nwooi Yai-Laa ə mo yɛ hvilɛn na, nuąi da nwɔ nuąi ɓowo diɛ, ya ka, yɛ diɛ: Gbɛɛ ɓə nwɔ́ nuąi ɓowoi? Nuąi da kɔ̨nɔ̨n dɛɛ di pɔ, da liilaa wɛlɛɛ laa həli diɛ. Kɛlaa nuąi di hva di kɔ́, da kɔ́ muhəɠə yiliɠaai ɓa.

Izikiɛ 34:3

Ka wɛi ka daatɛlɛɛ wulɔ mįi, kaa di ləɠa kɛ a həɠə, kaa doo ka kwąną; kaa daatɛlɛɛɠaa paa, kɛlaa, daatɛlɛɛɠaa nwɛi, ká hva ɲąąkɔn.

Mąątɛ̨nɛ̨ 52:1

Nwələ ɲɛ̨itɔwɔmun. Davidə nwɔ kilimąą wələ.

M̀ɛni-lɛɛi 18:7

Bələi lɔ ə ɲąąnɛ̨ɛ̨ kulɔ la nwɔ mąąwiɛ laa hu, bələ lɔ ɓə 'ká mɔ̨nɔ̨ɓo la, ɛlɛɛ, 'ká mąąwɛli. Hvo gaai, ə kɛli mo gwəi pələ, yɛ kɛ: Gáá heeni yɛ tɔɔnɛ̨ɛ̨nu, və́ a galanin, və́ kpɔ pai mąąwɛli mɛ̨nį kaai.

Zûu 1:4

Mąąhɔlɔɓo, nu ɲɔ̨nwɔ̨ɔ̨ tamąą daa lɔ ka lɔwai, diɛ guɔ Yálá nwɔ mɛ̨inɛ̨ɛ̨ woo ŋɛ̨i mąą pənə a di kpɔɔ liiɓa. Ə gɛ, di di wɔ túwɔ́ pələ ɲɔ̨nŋaai lɛ yɛ tɛ̨ą mɛ̨nį. Diɛ lənə Jesus Kristə ɓa, yai gaa a gu mąąkwɛlimun tanɔ̨n gbən da gu Námui. Yálá lawoo a wɔlɔ nuą tii di nwun napili mąą mɛ̨nį ɓo ɉu aa kwɛa.

Lomaŋ 6:21

tɔ̨nɔ̨ ləi ɓə ka ɉɔlɔɓo ɉu? Háákələi yili kɛ nwumɛ̨ kaa kaa, mąąhɔlɔɓo, ɲąąkpɛɛi ɓaa haa.

Izikiɛ 13:19

Káá náá pu nwɔ́ nu huwui ɲɛ̨́i ɓa, yeehvɛɛ tɛi tɛi mąą mɛ̨nį ɓa lɔ, da lɛɠɛ kpuo lon; nuąi mąą hvo nɛ̨ɛ̨li di hvo haa, ka káá di paai; ɛlɛɛ nuąi mąą hvo nɛ̨ɛ̨li di hvo lɛɛ yɛnɛ̨ɛ̨, kaa di lɛɛ yɛnɛ̨ɛ̨; nwɔ́ nuąi ɲɛ̨́i di ɓowo la nɛ̨ɛ̨i, bələ ɓə ka di ɓowo la.

Samuɛlə dɔlɔɔ 2:29

Lə ɓə kɛ yai ka káá tɛɠɛɓoi nwɔ́ haláái hu, da gɔ́ hɛnŋaai ŋą́ vaaɓo nuą diɛ ɲəi bɛlɛ́n? Lə ɓə kɛ yai, yá nwumɛ̨ ə́ lonnii diɛ, yɛ di hviɛlaɓo mą́ą́? Lə mɛ̨nį ɓa ka koo kaa laai ka ŋą a nwɔ́ nu huwui Israɛlə nwɔ haláá hɛn nɛ̨ɛ̨mun?

Ɉeremi 44:17

Bələi gaa la ku kwəi, bələ ɓə ku kaa gɛi la. Ku kaa haláá kulɔi yələkɔlɔn ɉu tɔɔ-nɛ̨ɛ̨nui ɓa, kuɔ gɔ́ a lɔɔ, yɛ bələi ku kɛi gɛ la Ɉuda taaɠaa hu da Ɉerusalɛmə daai; kuɔ-o, ku nąnni-o, kuɔ tɔɔɓɛlaai-o, da ku ɲɛ̨itɔwɔ nuą, gɛi ku kɛi mo tii, ku kɛ ku nɛ̨ɛ̨ hu, ku hvo kɛi ɲɔ̨nwɔ̨ɔ̨ kaa.

Tɛsalonikə veelɛ 1:9

Di hutɔɔ mɛ̨nį kaa pai kɛi a gahoi kpɛɛ hvo mą, di mąąkwɛaa gu Nąmu ɓa, da ŋą mąąwiɛlaai,

Zûu 1:10

Nɛɛ kalan gɛ nuą tii, hɛn di hvo gɔlɔn ya ɓə da nalan. Di wɔ mɛ̨nį kɔ́lɔnŋąą kaa yɛ huwɔ, yili ɓə pai di nwun napili.