Filipə 3:17 - Yálá laawoo hɛɓɛ (dc)

¹⁷ Ną́n nonnii, 'ká bɔ́ɔ́ kɔ́ɔn, bələi ŋɛ̨i ku ká kalan na, nuąi da kɛ hiɛi ti, ká hvilɛn di pulu.

Yálá laawoo hɛɓɛ

¹⁷ Ną́n nonnii, 'ká bɔ́ɔ́ kɔ́ɔn, bələi ŋɛ̨i ku ká kalan na, nuąi da kɛ hiɛi ti, ká hvilɛn di pulu.

Bible

¹⁷ Ŋánûa, ka kɛ́ a ḿbɔkɔ̂ŋ-ƃela gîe ma ka diai maa kpɛ́ɛ da sîa yɛ̂ɛ berei kwa sîa lai.

Filipə 3:17 Referans Kwoze

Filipə 4:9

Mɛ̨nįɠaai kpɔ ká kalan na, ká ɉɔlɔɓo ɲə́i, ká mɛ̨n ná, ká gáá, gɛ́ gɛ, ká gəlee pɔ mɛ̨nį kɛ; Liilaa Yálá ə kɛ ká pɔ.

Korɛntə dɔlɔɔ 4:16

Niɛwooi gáá gɛi káá, ya ɓaa, 'Ká bɔ́ɔ́ kɔɔn.

Piɛrə dɔlɔɔ 5:3

Nuąi di kalihvaɓoɔ káá, 'ká hvo di hon a heemɛ̨i laa, kɛlaa, di di wɔɔ yɛnɛ̨ɛ̨ kɔɔn ká wɛi kɛ pələ ɓa.

Tɛsalonikə veelɛ 3:9

Yili mąą laa kaa ku yəi, kɛlaa, ku kɛ bɔ, ku kɛ ká lɔwai, a nuąi ká di pɔɔ kɔɔn.

Hebreu 13:7

'Ká ká kili kɛ, nuąi Yálá laa woo laa həli káá, di hu; 'ká di wɔɔ yɛnɛ̨ɛ̨ ɲąąkpɛɛ pələ kaa, ɛlɛɛ, 'ká ká kɔɔn di wɔɔ laa na laa ɓa.

Timote dɔlɔɔ 4:12

Nu ta hvo tɛɠɛɓo ə́ wɔ hulɔnon naa hu. Kɛlaa yaamun, 'kɛ́ nui da di yíi pələ kɔɔnmą, ə́ hvaa woo hu, ə́ túwɔ́ pələ hu, wɛlikɛmąąlaa hu, laa na laa hu, da mąąhəɠəlaa hu.

Tɛsalonikə veelɛ 3:7

Ká wɛi, bələi mąąnɛ̨ɛ̨ ká ku pɔɔ kɔɔn na, káá kpinįi ká gɔlɔn. Ku hvo kɛ ku wɔɔ yɛnɛ̨ɛ̨ kɛ li yɔhɔ-yɔhɔ ká lɔwai;

Korɛntə dɔlɔɔ 10:32

'Ká hvo kɛ a nui lɔpee ta too hɛn, ə kɛ a Ɉuifə, ə kɛ a, Grɛkə, ə kɛ nwɔ̨nɔ̨ a Yálá nwɔ kpɔn.

Tɛsalonikə veelɛ 3:14

Akɛ mɛ̨nįi ku kaa moi ɉɛɓɛ́i ŋɛ̨i hu, nui awala lɛɛ nwoo mu, ká ká kili ɲą laa mą, ɛlɛɛ, ká diɛni ká hvo bɛlɛ gee ɓa mɛ̨nį kɛ, ə gɛ, ə nwumɛ̨;

Tɛsalonikə dɔlɔɔ 1:6

Ɛlɛɛ, káán, ká ku pɔɔ kɔɔn, kuɔ kwa gu Nąmu ni; káá ká yee hee Yálá laa woo mu, mɔ̨nɔ̨ tamąą hu, a kwəinɛ̨ɛ̨i a həɠə Kili-Mąąhəɠɛɛ yəi.

Lomaŋ 16:17

Ną́n nonnii, gáá ka liɛwoo ɓoi, gɛ́: nuąi di kaa a kɔ́wɔ tuwo kwɛni, diɛ ɓɛlaɓo too ka lɔwai, dɛ̨ąwooi di ka mąąkwɛlima daa nɛɛ laa, ka ka kpɔɔ mɛ̨i kaa di mąą mɛ̨nį ɓa; 'ká ka mąą kwɛa diɛ.

Mąątɛ̨nɛ̨ 37:37

'Ə́ ɲɛ̨i hee tai nu lɛlɛɛ ɓa, kwəi kwələ mun gaa tai, líikpələmun ɉuwu a ɓɛlɛ.

Korɛntə dɔlɔɔ 11:1

'Ká kɛ a bɔ́ɔ́ kɔ́ɔn nuą yɛ bələi gáá Kristə pɔɔ kɔ́ɔn ɉii la.