Filipə 3:16 - Yálá laawoo hɛɓɛ (dc)

¹⁶ Mɛ̨nį kəlee ə mą kɛ, bələi ŋɛ̨i háákələi ka gu kaa mɛ̨i, ka gu lɛɛ lɔ mɛ̨i.

Yálá laawoo hɛɓɛ

¹⁶ Mɛ̨nį kəlee ə mą kɛ, bələi ŋɛ̨i háákələi ka gu kaa mɛ̨i, ka gu lɛɛ lɔ mɛ̨i.

Bible

¹⁶ Tɔɔ nɔ́ zɛŋ nyíi kwa zɔlɔ ƃói, ku maa-tua kɛ́.

Filipə 3:16 Referans Kwoze

Kolosə 2:6

Yili ɓa, ká lɛɛ kani ká ɲɛ̨i tɔwɔ ká wɔɔ pələi mɛ̨i Kristə hu, a Jesus a gu Nąmu, yai ká ɉɔlɔɓo;

M̀ɛni-lɛɛi 3:3

Mɛ̨nįi ə́ ɉɔlɔɓo, ɛlɛɛ, ə́ mɛ̨n, ə́ kili hvilɛn gani, mą. Ə́ yee kąnąn mą, ɛlɛɛ, ə́ ə́ tuwɔ pələ mąąhvalin! Yá wala kɛ gili-gili, gáá pai lɔ yɛ nwuɔ̨mun, ɛlɛɛ, ɲələi gáá pai la ə́ tɛɠii pələ, hvó nąąlɔwai kɔlɔn.

Galatə 6:16

Lúwɔ́ ə kɛ, nuąi di kaa hiɛi gbaaləi tii mɛ̨i, diɛ; ə kɛ lɔ tii, Yálá ŋą nu huwui kəlee ɓa.

Lomaŋ 15:5

Gɛ́ Yálái niikpəlɛɛ, niilaa ə nɛ̨ɛ̨laa lɔ ka lɔwai, yɛ bələi Jesus Kristə kaa la bɔ.

Filipə 4:2

Nɛ̨ą hveelɛi ŋɛ̨i, Evodi da Sɛntikə, gáá nɛ̨ɛ̨mąą hvəə diɛ, gɛ́, di nɛ̨ɛ̨ a di kee, gu Ną́mu hu.

Filipə 2:2

akɛtii, 'ká gwə́inɛ̨ɛ̨ kani, a nɛ̨ɛ̨i 'ká mo a ká kee. Wɛlikɛmąą laa tanɔ̨n ə kɛ ká yəi, ká kiliŋąhiɛ pələ ə kɛ tanɔ̨n, 'ká gɛ pələ kwɛli mą, ká yee ə lɔ gee hu;

Filipə 1:27

Yii lɔ mą, ya ɓaa: 'ká wɔ yɛnɛ̨ɛ̨ kɛ pələ ə pɛli Kristə nwɔ wɛlɛɛ lɛlɛɛi pɔ yííɓoi. Yili ɓə a gɛ, ŋą́ pa ka pɔɔli-o, və́ pa ka pɔɔli-o, ŋą́ pɛli woo lɛlɛɛ mɛ̨n ɉii, yɛ hvilɛn na káá, diɛ kɛ: Ká kwəi kaa tanɔ̨n, káá gɔ tɔ̨nɔ̨i kɔ, a ká laa pələ nwɛlɛɛ lɛlɛɛ la;

Lomaŋ 12:16

Ka nɛ̨ɛ̨ a ka kee, nu ta hvo gbɔwɔ ŋąąkɛnɛ̨. Mɛ̨nįi kpɔwɔ mąąyɛɛlaa kaa ɉu, nwɛli ə too kaa; ká hvo ká kpɔwɔ kaa a kilimąą nuą.

Galatə 5:7

'Ká gɔwɔ tɔɔ kani a nɛlɛɛ-ee, gbɛɛ ɓə bələ too ká tɔwɔ, yɛ kpɛ̨ąn ká tɔwɔ tɛ̨ą woo pɔ mɛ̨nį kɛɛ hu?

Kolosə 4:2

Ká ká hvaŋąlɔ Yálá hvɛliɛ hu, ə ɲee kɛ káá, káá pɛli mɛ̨inɛ̨ɛ̨ hu kɔlɔn ɉii.