Bib sou entènèt

Filipə 3:1 - Yálá laawoo hɛɓɛ (dc)

¹ Yili ɓa, nąn nonnii, 'ká kwəinɛ̨ɛ̨ kulɔ gu Ną́mu hu. Nwoo tɔ̨nɔ̨i ŋɛ̨i pɛ̨ɛ̨ mɛ̨nį hva vįi kpɛɛ, yili ɓə viɛlaɓoɔ ka mąą mɛ̨nį ɓa.

Gade chapit la Kopi

Yálá laawoo hɛɓɛ

¹ Yili ɓa, nąn nonnii, 'ká kwəinɛ̨ɛ̨ kulɔ gu Ną́mu hu. Nwoo tɔ̨nɔ̨i ŋɛ̨i pɛ̨ɛ̨ mɛ̨nį hva vįi kpɛɛ, yili ɓə viɛlaɓoɔ ka mąą mɛ̨nį ɓa.

Gade chapit la Kopi

Bible

¹ Gbɛɛ ŋái, ŋánûa, ka lii-nɛ̃ɛ kula Kúnuu-namui kponôi. Vé ḿâ a mɛni kpanaŋ a gɛ́ɛ ŋa mɛni tɔnɔi pɔ̃yɛ kâa, ǹyaŋ ǹɛ́lɛɛ̂i kámɛni ma.

Gade chapit la Kopi

tounen moute ⬆

Filipə 3:1
46 Referans Kwoze

Filipə 4:4

Ká ká kwəinɛ̨ɛ̨ gu Ną́mu hu, gáá kpɔ pənəi ŋį́ mo, 'ká kwəinɛ̨ɛ̨ kulɔ.

Lomaŋ 5:11

Yili pulu yii gaa laa ya ɓaa: Gwa gu kpɔwɔɲąą Yálá mɛ̨nį hu gu Nąmu Jesus Kristə háálai, yaai gwa diɛ ni gu yee lɔ gee hu.

Zĩi 1:2

Ną́n nonnii, hu kɔ́ɔn mɛ̨nįɠaa da həli kaa, 'ká ká kwəinɛ̨ɛ̨ gəlee hu;

Piɛrə dɔlɔɔ 4:13

Kɛlaa yaamun, ká ká kwəinɛ̨ɛ̨, mąąhɔlɔɓo, mɔ̨nɔ̨i ti Kristə ə mįi, ká wɛi ka ti aa həli káá. Yili ɓə a gɛ, ɓɛlɔwai nwɔ mąąwiɛ laa kaa pai tooi la ponoŋą, kaa kpɛlimąn, ká wɔ kwəinɛ̨ɛ̨ laa ə kulɔ.

Tɛsalonikə dɔlɔɔ 5:16

'Ká kɛ lɔ a ká kwəinɛ̨ɛ̨ a yələ kəlee;

Filipə 4:8

Yili ɓa, ną́n nonnii, mɛ̨nįi lɔpee a tɛ̨ą, a kaa-lon-naa, ɉaŋąą, bɛliɛ ɉu, nu yɛ pɛli nwɛli la kɛi, diɛ mąąwiɛ, yii kpɔ mɛlɛ kaa mą, yii kpɔ mąątɛ̨nɛ̨ kaa mą, 'ká yili kəlee kɛ, a ká nwɔɔ mąątíi.

Piɛrə dɔlɔɔ 3:8

Yili pulu, ká kəlee ka wɔ kiliŋąhiɛ ə kɛ tanɔ̨n, 'ká kwəi mɛ̨nį ə kɛ tanɔ̨n, lee-lon nwɛlikɛmąą laa, ɲɛ̨imąąwɛlikaa da kpɔwɔ mąą yɛɛ laa ə kɛ ka yəi ka keeni mąą mɛ̨nį ɓa.

Korɛntə veelɛ 13:11

Yiihu kɛa, Ną́n nonni, ká kɛ kwəinɛ̨ɛ̨ hu, 'ká kóló kɛ, ə gɛ, ká mąą mɛ̨nį yɛ pɛli ɉu; 'ká ká keeni hvaŋąlɔ, woolaamąą ə kɛ ká lɔwai, ká ká wɔɔ yɛnɛ̨ɛ̨ kɛ liilaa hu, ə gɛ, wɛlikɛmąąlaa da liilaa Yálá yɛ pɛli kɛi ká pɔ.

Piɛrə veelɛ 3:1

Nwɛ́li kɛ mąą nuą, Ɉɛɓɛ́i ti ŋį́ dɛɛ kaa veelɛ kɛɛnąą ka ŋɛ̨i. Ɉɛɓɛ́ hveelɛi ti hu, galanŋąa ŋɛ̨i gáá naa kilitooi ka ŋą, gáá gɛi ti, ə gɛ, ŋį́ ka wɔ kiliŋąhiɛ ɲɛ̨ilaa ɓo.

Ifisiɛŋ 6:10

Nwóó laa kulɔ woo ka, ká gu Nąmu ŋą huwalawalalaai kɛ a ka mąąkɔ̨nwɔ̨ kwɛli hɛn, yai vaŋą kɛnɛ̨.

Lukə 1:47

Gwə́inɛ̨ɛ̨i nwún mąąɓomun Yálá nwɔ mɛ̨inɛ̨ɛ̨ mąą mɛ̨nį ɓa

Zakari 10:7

Ɛfraimə hvaŋą a kɛ yɛ kuláá kpəɠiɛɠaa, da kɛ kwəinɛ̨ɛ̨ hu, yɛ da lɔɔ kpələ. Di lonnii da nąą kaa, diɛ mąą kwəinɛ̨ɛ̨ kulɔ. Di kaa pai kɛi kwəinɛ̨ɛ̨ hu, Yai-Laa mąą mɛ̨nį ɓa.

Sofoni 3:17

Siɔn, Yai-Laa ə́ wɔ Yálái kaa ə́ pɔ, gaa a kɔkulaa kɛnɛ̨i kɔ́ a nɛ̨ɛ̨ mą. Gwəinɛ̨ɛ̨i ə́ mąą mɛ̨nį ɓa, gaa ə́ pui ə́ nįnɛ̨ kɔ́lɔi nwɔ wɛlikɛmąąlaa hu. Gaa ə́ mąą mąną kaai, yɛ pili yələi a kwəinɛ̨ɛ̨, yɛ tómą.

Sofoni 3:14

Siɔn hɛlakpɛla, 'tómą a kwəinɛ̨ɛ̨! Israɛlə, 'huluun a kwəinɛ̨ɛ̨, Ɉerusalɛmə nɛ̨ɛ̨gbɛla, 'kwəinɛ̨ɛ̨ kulɔ a ə́ lii kəlee.

Zooɛ 2:23

Siɔn daai nuą, ka kwəinɛ̨ɛ̨ kulɔ. Ka ɓə́lə́n ka pili yələi. Yai-Laa ka wɔ Yálái laa hu. Mąąhɔlɔɓo, aa tulɔ tɛɛ ka pɔ; a hamą tulɔ. Yɛ ka nwun mąąɓo. Yɛ pənə yɛ tulɔ pu ka mɛ̨i a hamą lɔɔ tulɔ. Yɛ pələi ə kɛi gɛ la a bɔlɔ.

Mąątɛ̨nɛ̨ 37:4

Yai-Laa ə kɛ a ə́ wɔ kwəinɛ̨ɛ̨, mɛ̨nįi ə́ líí a vɛli, gaa pai dɛɛi ə́ pɔ.

Mąątɛ̨nɛ̨ 32:11

'Ka kwəinɛ̨ɛ̨ kulɔ Yai-Laa mąą mɛ̨nį hu, kaai a tələnmo nuąi, 'ka kɛ kwəinɛ̨ɛ̨ hu; ɛlɛɛ, kaai kpɔ a kwəi kwələ nuą, 'ka pili yələi a kwəinɛ̨ɛ̨.

Zôo 22:26

Nąąlɔwai, Huwalawala Kəlee Nąmu a kɛ a ə́ yəi hɛn gɔw, ə lɛɛ, yɛ́ ə́ ɲɛ̨i tinɛ̨n Yálá pɔ pələ.

Kɔlɔnikɔ Maa-ŋuŋ 29:22

Di di laa mįi, di di kpələ a kwəinɛ̨ɛ̨, Yai-Laa líi la a ɲələi tii, di Davidə lon Salomɔn hee a tɔɔmun, di pənə di wulɔ lɔ mą a Yai-Laa Laa, ə kɛ a ɲąąwooɓo kɛmun, ɛlɛɛ Sadɔkə ə kɛ a ɉaláá laa həli mun gɛnɛ̨.

Filipə 3:3

Guɔ ɓə gu kaa a gɛ́nɛ̨-lonni leeleeɠaa, mąąhɔlɔɓo, gwa tí Yálá ɓa, Yálá nwɔ Kilii háálai, a guɔi gu wɔ kwəinɛ̨ɛ̨ kaa Jesus Kristə hu, gu kili hvo tɔɔ li gu kpɔwɔ ɓa.

Maafîu 5:12

'Ka ka kwəinɛ̨ɛ̨ ka ɓələn. Hvo gaai, ka hvɛla kɛnɛ̨i Yálá-taa. Bələ lɔ ɓə di gɛ la a Yálá kwəi mɛ̨nį hukulɔ nuą tɔlɔɔɠaa, diɛi kɛ ka tɔwɔ.»

Azaya 61:10

Gáá kwəinɛ̨ɛ̨ hu, a tɛ̨ą, gáá kwəinɛ̨ɛ̨ kulɔi Yai-Laa mąą mɛ̨nį ɓa, níí kaa pilii yələi a kwəinɛ̨ɛ̨, nwɔ́ Yálái mąą mɛ̨nį ɓa, mąąhɔlɔɓo, aa nu ɓalo həɠə too gwą́ną́, aa mą́ą́ yili a tələnmo gbaawii, yɛ hulɔnon a mąą yili nwɔ wɛli ɲɛ̨i ɓa, yɛ bələi haláá laa həli mun a gɛ la, yɛ nɛ̨ɛ̨nui daa ɉilɛtai kɛ, a kɛli mąą yili hɛnŋąą kɛ mą.

Azaya 41:16

ə́ kaa pai di hvɛɛi, hvaŋą yɛ li a diɛ, tulɔ hvaŋą yɛ di taɠa taɠa. Ə́ wɛi, ə́ kaa pai kɛi kwəinɛ̨ɛ̨ hu, Yai-Laa laa hu, ə́ hvaŋą kaa pai lɔi, Israɛlə nwɔ Mąąhəɠəmun haalai.

Mąątɛ̨nɛ̨ 149:2

Israɛlə ə kwəinɛ̨ɛ̨ kulɔ bɛlimun naa hu, Siɔn lonnii di hɛ́li pu di wɔ Heeɓomun mąą mɛ̨nį ɓa!

Mąątɛ̨nɛ̨ 97:1

Yai-Laa kaa a tɔɔmun. Lɔi, 'pili yələi a kwəinɛ̨ɛ̨, Gboloyá hɛ̨ąi kahinŋaa kəlee, 'di kwəinɛ̨ɛ̨ kulɔ!

Mąątɛ̨nɛ̨ 42:4

Kpinį da hvóló, gáá lɔ ɲɛ̨́iyá hu, gɔ̨nɔ̨n nɔ li, a yələ kəlee; da kɛ kɛi mą́ą́: «Ə́ wɔ Yálái kaa mįnɛ̨?»

Mąątɛ̨nɛ̨ 5:11

Yálá, 'di hon di hɔn tii ɓa! 'Di nwun nɛɛ di wɔ nwundɔɔ ɲɔ̨nwɔ̨ɔ̨ɠaai hu! Di wɔ túwɔpələ ɲɔ̨n damą pələi tii, da di nwun dɛ pələ ə́ pɔ, 'di kpɛ.

Nehemi 8:10

Ɛsdrasə yɛ diɛ: «Ka li, ka kɔ̨nɔ̨n nɛlɛɛɠaa mįi, ka lɔɔ nɛ̨ɛ̨ɠaa kpələ, ɛlɛɛ, nui hvo pɛli li hɛn da kɛ pələ pɛlii, ka mąą nuą tii kɔ́. Mąąhɔlɔɓo, volói ŋɛ̨i kaa a gu Ną́mu nwɔ hvóló mąąhəɠɛɛ, ka hvo kɛ liihɛlɛn ɉu, mąąhɔlɔɓo, Yai-Laa nwɔ kwəinɛ̨ɛ̨ ɓə gaa a guɔ huwalawala.»

Kɔlɔnikɔ Maa-ŋuŋ 16:10

'Ka ká ɲɛ̨i pɔ̨nɔ̨ a Naa mąąhəɠɛɛ tii! Kaai Yai-Laa kwɛlii a ka lii kəlee, 'ka ka kwəinɛ̨ɛ̨!

Kɔlɔnikɔ Maa-ŋuŋ 15:28

Israɛlə nuą kəlee di kɛi pa a Yai-Laa nwɔ mįnɛ̨ kəhii kwəinɛ̨ɛ̨ woo kɛnɛ̨ hu, diɛ túlú hvɛɛ, diɛ lalo yɔw, diɛ gwɛnįn ɲɔw da bɛlɛgwəi.

Samuɛlə dɔlɔɔ 2:1

Anə ə Yálá hvɛli yɛ mą: Yai-Laa nwɔ lúwɔ́ haalai, gwə́inɛ̨ɛ̨i; Yai-Laa nwɔ lúwɔ́ haalai, ŋą́ą́ nwún muhəɠə, Gɛ́ pɛli yɛ́lɛ́i ɲówoɠaa diɛ. Gwə́inɛ̨ɛ̨i! Yálá aa kpɔnmąą tɛɛ bɔ́.

Dutɛrɔnome 16:11

Gɛɛnąą tii Yai-Laa ka wɔ Yálái kaa pai ɲeekpiɛ lɛi laa, yɛ naa hee laa, ka káá pai kɛi laa kwəinɛ̨ɛ̨ hu, Yai-Laa ka wɔ Yálái lííla, ka ka lonnii ɉinąą mąn nɛ̨ąą mąn, ə mą kɛ ka wɔ luwɔɠaa, ɉinąą mąn, nɛ̨ąą mąn, ə mą kɛ, Leviɠaai di kaa ka lɔwai ka wɔ taaɠaa hu, da ka wɔ nwɛ̨ąą, təliɠaa, da galaninŋąąi ka lɔwai.

Dutɛrɔnome 12:18

Ka pa a ɉɛnŋąą tii, ka mįi Yai-Laa ka wɔ Yálái lííla; ɓɛi gaa pai ɲee kpuwɔ lɛi laa. Gɛɛnąą tii ɓə ka káá pai kɛi di mįi laa ka ka lon ɉinąą da ka lon nɛ̨ąą, ə mą kɛ ka wɔ luwɔ hinąą da nɛ̨ąą, da Levi lon yii ka wɔ taai hu. Ɉɛn gɔwi ka káá pai ɉɔlɔɓoi ka kɛ kólóɠaa hu, ka yili mąą kwəinɛ̨ɛ̨ kulɔ Yai-Laa ka wɔ Yálái ɲɛ̨i ɓa.

Tɛsalonikə dɔlɔɔ 4:1

Ną́n nonnii, yii lɛɛ pulu, ya ka; mɛ̨nįi ku kaa ɉuhvɛlii, kuɔ gɛ a ká hvaŋąlɔ pələ gu Nąmu Jesus hu, ya ɓaa: Bələi mąąnɛ̨ɛ̨ ká túwɔ́ la káá pɛli Yálá lii hon ɉii, kwaa ká mąąkwɛli yili ɓa, ɛlɛɛ yaan, bələ kpɔ ɓə ká káá túwɔ́i la, 'ká ká yee mąą tɛ ká ɉon nwɔ̨nɔ̨ a nįnɛ̨.

Azaya 65:14

Nwɔ́ tínuąi kaa pai kɛi tómąi a kwəinɛ̨ɛ̨, mąąhɔlɔɓo, di kaa di nɛ̨ɛ̨ hu kɛnɛ̨, Ka wɛi, kaa tómą a wɔlɔ woo, ka lii kələn bələ ɓa ka kwəi a mɔ̨nɔ̨, a tɛ̨ą, ka lii kaa pai yalii ka kwəi, kaa gboo təli!

Mąątɛ̨nɛ̨ 33:1

Tələnmo nuą! 'Ka ka yee lɔwa Yai-Laa ɓa! Mąątɛnɛ̨ woo mąąnɛ̨ɛ̨ nu haŋąąɠaa la.

Swiv nou:

Lyen patwone

Piblisite

Piblisite