Filipə 2:22 - Yálá laawoo hɛɓɛ (dc)

²² Bələi Timote a kulɔ la nwoo ɓa, kaa kpinįi ka gɔlɔn. Da pələi kwa yaa kwa kólo kɛ la, ya ɓə bɔ́ yɛ nón, gɛ́ ɓo yɛ nąn, kuɔ nwɛlɛɛ lɛlɛɛ mąąkɔ̨nwɔ̨.

Yálá laawoo hɛɓɛ

²² Bələi Timote a kulɔ la nwoo ɓa, kaa kpinįi ka gɔlɔn. Da pələi kwa yaa kwa kólo kɛ la, ya ɓə bɔ́ yɛ nón, gɛ́ ɓo yɛ nąn, kuɔ nwɛlɛɛ lɛlɛɛ mąąkɔ̨nwɔ̨.

Bible

²² Kɛ́lɛ, Temete káa a tii-kɛ-nuu lɛ́lɛɛ, ka gɔ́lɔŋ, berei kwa ǹyaa kwa tíi kɛ́ la Duŋ Lɛ́lɛɛi su yɛ̂ɛ loŋ-nuu da nàŋ-nuui.

Filipə 2:22 Referans Kwoze

Korɛntə dɔlɔɔ 4:17

Yili ɓə kpɔ gɛ, ŋą́ nwɛ́likɛmąą lon Timote tɔɔ, yai vąŋąlɔɔ gu Nąmu mąą mɛ̨nį hu. Bələi ŋą́ nwɔ́ yɛnɛ̨ɛ̨ kɛ la Kristə yee kɔnma, gaa pai nąą kili tooi ká ɲą, a bələi ti ŋą́ hiɛ la, gbɔn gəlee ɲɛ̨i ɓa.

Timote veelɛ 1:2

Ɲą́ą́ ɓə ɉɛɓɛ́i ŋɛ̨i tɛɛi Timote ɓa, yai a nwɛ́li kɛ mąą lon. Nɛ̨ɛ̨laa, ɲɛ̨imąąwɛli kaa, da liilaa, ə́ ɉɔlɔɓo gu Nąn Yáláda gu Ną́mu Jesus Kristə di yəi.

Timote dɔlɔɔ 1:2

Ɲą́ą́ ɓə ɉɛɓɛ́i ŋɛ̨i tɛɛi Timote ɓa, yai nwɛ́likɛmąą lon gbɔɔ-kpɔ laa na laa hu, gɛ́, mɛ̨inɛ̨ɛ̨, ɲɛ̨imąąwɛli kaa liilaa, ə həɠə, gu Nąn Yálá da gu Ną́mu Jesus Kristə di yəi di kɛ ə́ pɔ.

Korɛntə veelɛ 2:9

Gbala ə tɔɔ, ɉɛɓɛ́i ŋą́ dɛɛ káá, yii lɔ kɛ gwə́i, ya ɓaa, ŋį́ ká hukɔɔn, akɛ ká lɛɛ nwoo mu kɛ mɛ̨nį kəlee hu.

Timote dɔlɔɔ 1:18

Nón Timote, mɛ̨nįi gáá ə́ mąąkwɛlii mąi, bɛliɛi Yálá kwəi mɛ̨nįɠaai di mo ə́ mąą mɛ̨nį hu, mą; ə gɛ, nwooɠaa tii di ə́ hvaŋąlɔ, yɛ pɛli kɔ́ lɛlɛɛ kɔ́i,

Korɛntə veelɛ 8:22

Ku gu nąn non doo nuąi pai di pɔ, a yai yələ kəlee kwa nwɔ hvaŋąlɔlaa hu kpɛ, ɛlɛɛ, yaan vaŋąlɔɔi lɔ nwɔ̨nɔ̨ yiihu, mąąhɔlɔɓo, gilitɔɔi kpɔ káá kɛnɛ̨.

Taitɔ 1:4

Titə, gáá ɉɛɓɛ́i ŋɛ̨i tɛɛi yɛ́, yɛ́i a nón gbɔ-kpɔɔ, laa na laa hu, yai gu kpɔnŋąąi mą. Mɛ̨inɛ̨ɛ̨, da liilaa di tɛɛ ə́ pɔ, yɛ həɠə Nąn Yálá da Jesus Kristə gu ɓalomun ɲəi.

Timote veelɛ 3:10

Kɛlaa ə́ wɛi, ə́ kɛ bɔ́ gɛ́ nuą mąąkwɛli a mɛ̨nįɠaa, dúwɔ́ pələɠaa hu, nwɔ́ kiliŋąhiɛɠaa hu, nwɔ́ laa na laa, nwɔ́ liikpələ laa hu, nwɔ́ wɛlikɛmąąlaa hu, nwɔ́ tɔɔ a nwąnąi laa hu,

Filipə 2:20

Nui lɔpee ta hvo ɲə́i, kwá yaa kuɔ ká mąą liihɛlɛn ɉee a neelee, ə kulɔ lɔ Timote yaa tɔ̨nɔ̨ gbən bulu.

Korɛntə veelɛ 8:24

'Ká ká wɔɔ wɛlikɛmąąlaa lɛ kani diɛ a neelee, galan gbɔnŋaa ɲɛ̨i ɓa; ɛlɛɛ, ku kpɔwɔ ɲąąkɛnɛ̨i kwa mo ká mąą mɛ̨nį hu, 'ká nɛ diɛ, káá, tɛ̨ą kaa ku pɔ.

Korɛntə veelɛ 8:8

Və́ moi yɛ ŋą́ kɛli tɔ́n naa ká mɛ̨i yili hu, kɛlaa, ŋą́ kɛi nu takpɛliɠaa kwəinɛ̨ɛ̨ pələ hukulɔ káá, gáá bɔ ká ká wɔɔ wɛlikɛmąąlaa lɛ kpɔ ɉu a neelee.

Gɛlaɠaa 16:2

Listrə, da Ikoniumə kalan nɛa di kɛli Timote laa pələ lɛlɛɛ ɓo.

Lomaŋ 5:4

Liikpələ ɓə a tɔɔ a nwąnąilaa tɛɛ nu pɔ hukɔɔn mɛ̨nį hu, kulɔ nwooɓa yɛ kilitɔɔmąą laa huwalawala.

Korɛntə dɔlɔɔ 16:10

Timote a pa laa, ka ká yee hee mu a nɛlɛɛ, mąąhɔlɔɓo, kwa yaa ɓə ku kaa Ną́mu nwɔ kólói ɓa kuɔ gɛ.

Filipə 1:5

Mąąhɔlɔɓo, kaa kpɔnmąą tɛɛ bɔ́ nwɛlɛɛ lɛlɛɛ laa həliɛ hu, ə həɠə voló tɔlɔɔ ɓa, ə həli la yiihu ɓa.

Filipə 1:7

Vialaɓoɔi ka mąą liihɛlɛn ə too mą́ą́, ka mąą mɛ̨nį kaa níí hu a hvóló kəlee, mąąhɔlɔɓo, mɛ̨inɛ̨ɛ̨i yálá ə gɛ mą́ą́, ká wɔɔ nąą kaa ɉu. Ə mą kɛ yiihu gáá gaho ŋą, ə mą kɛ, ŋą́ kɛ la gbɔ́ɔ́ ɓa gɛ́ wɛlɛɛ lɛlɛɛ mąąkɔ̨nwɔ̨, gɛ́ naa həli.

Filipə 1:12

Nąn nonnii, gáá bɔ ka gɔlɔn kaa diɛ laa nɔ̨nwɔ̨ yiiɠaai həli mą́ą́, yili aa kɛ a wɛlɛɛ lɛlɛɛ tɛ mɛ̨nį tɔwɔ.

Filipə 1:16

Nuąi da gɛ a wɛlikɛmąą laa, da gɛ a nwɛlikɛmąąlaa, di gɔlɔn diɛ mą: gɛɛ mɔ̨ɔ̨ gaho ŋą, gáá ɓɛ wɛlɛɛ lɛlɛɛ mąąkɔ̨nwɔ̨ mɛ̨nį ɓa.

Timote dɔlɔɔ 4:6

Mɛ̨nįɠaa ŋɛ̨i laa kalan nɛa ɲɛ̨i; yili hu ɓə, yá pɛli kɛi la a Jesus Kristə ŋą kpɔn ɉu mɛ̨nį ɲɛ̨i kulɔmun nɛlɛɛ, ə́ kɔ̨nɔ̨n ə ɓo a laa na laa hu wooɠaa, ɛlɛɛ, da mɛ̨nįi di ə́ mąąkwɛli mą a tələnmolaa.