Filipə 1:18 - Yálá laawoo hɛɓɛ (dc)

¹⁸ Kɛlaa, yili hvo a mɛ̨nį ta! Yii a tɛ̨ą ya ɓaa: di gɛ a wɛli kpɛɛ mąą laa, di gɛ lii lɛlɛɛ hu, Kristə mąą mɛ̨nį laa ə həli lɔ, yili ɓə a gwə́inɛ̨ɛ̨.

Yálá laawoo hɛɓɛ

¹⁸ Kɛlaa, yili hvo a mɛ̨nį ta! Yii a tɛ̨ą ya ɓaa: di gɛ a wɛli kpɛɛ mąą laa, di gɛ lii lɛlɛɛ hu, Kristə mąą mɛ̨nį laa ə həli lɔ, yili ɓə a gwə́inɛ̨ɛ̨.

Bible

¹⁸ Le ƃe ŋaŋ? Gáa nɔ́ a sɛŋ a gɛ́ɛ pere-sii kélee su, à nɛ̀ɛ ma kpîŋ é kɛ́ a wôya-pere kpaa máŋ tɔ̃yâ-pere, Kôrai maa-mɛni ƃóɔi; ǹyaŋ ńii lâai maa-mɛni ma.

Filipə 1:18 Referans Kwoze

Lukə 9:50

Jesus ə nwoo pulu pənə yɛ mą: «Ka hvo kɛ mą kpəla mą, mąąhɔlɔɓo, nui hvo muhəɠə li ka laa ɓa, ka diɛni ɓə ka tɔɔ.»

Korɛntə dɔlɔɔ 15:11

Ə kɛ a ɲą́ą́, ə kɛ a diɛ, yili ɓə ku kaa naa həlii, ɛlɛɛ, yili ɓə ká laa na.

Korɛntə dɔlɔɔ 14:15

Ŋą́ gɛ pələ kɛ ləi kani? Ŋą́ Yálá hvɛli a gíli da nwɔ́ mɛ̨nį kɔlɔnŋąą, ŋą́ wələ too a gíli da nwɔ́ mɛ̨nį kɔlɔnŋąą.

Markə 12:40

Da kalanin nɛ̨ąą kwɛlin gulɔ di yəi, diɛ lamu Yálá hvɛliɛ hu, əgɛ, nuą di di kaa a nu haŋąąɠaa. Di kaa pai ɲɛ̨i hvala hɔlɔɓoi yii a kɛ a nwala-walaa.»

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.

Korɛntə dɔlɔɔ 10:19

Gɛ́ ŋį́ kɛ lə? Ɉuwɔi da baa hali ɓa, awala kɛ tii, ɉali kpinįlee, lə kɛ hɛn maa a diɛ?

Lomaŋ 6:15

Akɛti mąąnɛ̨ɛ̨ kɛa guɔ nɛ̨ŋɛ̨n ɉəɠə mun mąąhɔlɔɓo, gu hvo kɛa tɔ́n mu gu kaa Yálá nwɔ mɛ̨inɛ̨ɛ̨ mu? Gɛ́ diɛ: Kpaa!

Lomaŋ 3:9

Ɛ̨į lə kpɔ? Guɔi a Ɉuifəɠaa, gu hviala ɓoɔi mɔ̨ɔ̨ ə tɛɛ huwu takpɛliɠaa diɛ? Gɛ́ diɛ kpaa-o! Gbala ə tɔɔ, ŋą́ gbɛa nɛ kɛ́ diɛ: Ɉuifəɠaa da huwu takpɛliɠaa kəlee di kaa nɛ̨ŋɛ̨n ŋą luwɔlaa hu.

Lukə 9:45

Kɛlaa, di hvo nwoo tii kpaɠala kaa, mąąhɔlɔɓo, nwoo tii mukulaa loɔi kɛ diɛ, ə lɛɛ, di kɛi ɲɔw Jesus mąąni kɛi yili mąą mɛ̨nį ɓa.

Filipə 1:19

Mąąhɔlɔɓo, ŋį́ gɔlɔn, yili kaa pai kɛi a málo mɛ̨nį, ka wɔ hvɛli woo háálai, da Jesus Kristə nwɔ Kilii háálai.