Filipə 1:10 - Yálá laawoo hɛɓɛ (dc)

¹⁰ káá pɛli mɛ̨nįɠaa gulɔ ɉu kɛi, yii nɛlɛɛ, káá gɛ; yili ɓə pai gɛi, ká mąą ə həɠə, ká mąąkulɔi hva kɛ káá, a Kristə ŋą hvóló;

Yálá laawoo hɛɓɛ

¹⁰ káá pɛli mɛ̨nįɠaa gulɔ ɉu kɛi, yii nɛlɛɛ, káá gɛ; yili ɓə pai gɛi, ká mąą ə həɠə, ká mąąkulɔi hva kɛ káá, a Kristə ŋą hvóló;

Bible

¹⁰ a gɛ́ɛ ka pɔ̂ri mɛni lɛ́lɛɛ lɛ̂i, a gɛ́ɛ ŋɔ́nɔ kákɛ a kámaa waa kásɔŋ fe kɛ́ káa Kôrai ŋɔɣelei mɛni ma.

Filipə 1:10 Referans Kwoze

Lomaŋ 12:2

'Ká hvo ká kpɔɔ kɔ́ɔn háákələi yɛnɛ̨ɛ̨i ɓa, kɛlaa, ká nɛɛ laa, ka wɔɔ mɛ̨nį kɔlɔn gili ə ká pu ká nįnɛ̨ kɔlɔi, yili ɓə gaa a Yálá liiɓa, nɛlɛɛ, ɲąąnɛ̨ɛ̨, bɛliɛ ɉu.

Tɛsalonikə dɔlɔɔ 3:13

Ə ká nii huwalawala lɔ tii mąąhəɠəlaa hu, mąąkulɔi hvo kɛ mą Yálá gu Nąn ɲɛ̨i ɓa, a gu Ną́mu Jesus pa yələ, da nu mąąhəɠɛɛɠaa kəlee.

Tɛsalonikə dɔlɔɔ 5:23

Liilaa Yálá yaa kpinįi, ə ká mąąhəɠə kpɔ tɛ̨ɛ̨tɛ̨ɛ̨, ɛlɛɛ, ká kili, ká nįį, ká kɔlɔ, ə lɛɛ kpɔ a nɛlɛɛ, mąąkulɔi hvo kɛ mą, ə lɛɛ ɉu gu Nąmu Jesus Kristə pa yələ ə ɉəli mą.

Lomaŋ 2:18

ə́ Yálá liiɓa kɔ́lɔn; yɛ́i dɔ́n yɛ ə́ liɛwoo kɛ, yɛ kɛ, ə́ mɛ̨nį lɛlɛɛ kɛ.

Ifisiɛŋ 5:10

Mɛ̨nįi a nɛ̨ɛ̨ gu Nąmu ɓa, 'Ká yili kwɛli a yɛlɛ.

Zɔ̂ŋ Maa-ŋuŋ 4:1

Nwɛ́likɛmąą nuą, 'ká hvo laa mąąkwɛli kɛ nuą kəlee woo la, kɛlaa, 'ká di mąąkpɛɛ, ə gɛ, ká gaa, akɛ ə həɠə Yálá pɔ; mąąhɔlɔɓo, lɛɛ nuą tamąą daa di kpɔwɔ kɛ a Yálá kwəi mɛ̨nį hukulɔ nuą daa taɠa-taɠa yɛnɛ̨ɛ̨ nąą kəlee.

Filipə 1:6

Náái na kpɔ gɛ́: Yálái góló lɛlɛɛ ti kɔ́wɔ tɔɔ ká hu, gaa pai lɛɛi mą, ə naa kulɔ, a Jesus Kristə ŋą hvólói.

Tɛsalonikə dɔlɔɔ 5:21

'ká gəlee hukpɛ a kili, yii nɛlɛɛ, 'ká ká yee kanąn mą;

Korɛntə dɔlɔɔ 1:8

Yaa tii ɓə pai ká huwalawalai, ə lɛɛ ɉu, mɛ̨nį kəlee laa kulɔ yələ ə ɉəli, káá pɛli kɛi a nuąi di mąąkulɔi hvo diɛ, a gu Ną́mu Jesus Kristə nwɔ hvolói.

M̀ɛni-lɛɛi 2:2

Ŋą́ ə́ kɛ-mɛ̨nįɠaa kəlee kɔ́lɔn, yɛ́ kóló kɛ pələ, da ə́ hvaŋąlɔ pələ, ɛlɛɛ, hvá pɛli nwąnąlɔ nuą heei kulɔi. Nuąi da di kpɔwɔ kɛ a kɛlaɠaa, yaan di hvo la, yáá di mąąkpɛɛ, ɛlɛɛ yaan, di hvo kpɔ la, ɛlɛɛ yáá di kaa kpɔ tii a lɛɛ nuą.

Ifisiɛŋ 5:27

Bələ ɓə ə kɛ la tii bɔ, ə dɔɔ gbɔwɔ kpinįi liila, mąąhəɠɛɛ, ɲɔ̨n ɉii da mąąkulɔi lɔpee ta hva kɛ mą ɲɛ̨i ɓa. Bələ ɓə ə kɛ la bɔ, nwɔ kpɔn ə kɛ a mąąhəɠɛɛ kiliin ɉii ɲɔ̨nwɔ̨ɔ̨ hva kɛ mą.

Ɉaan 1:47

Ɓɛlɔwai Natanaɛlə ə kɛi paa la, Jesus ə gaa, ə mo Natanaɛlə laa mɛ̨i yɛ diɛ: «Ŋą́ą́ Israɛlə lon neelee kaa! Hulu mɛ̨nį tɔ̨nɔ̨ kpɛli hvə nwɔ kiliŋąhiɛ hu.»

Maafîu 16:23

Kɛlaa, Jesus ə tinɛ̨n, yɛ Piɛrə ɓa: «Ə́ mąą kwɛa mą́ą́ ɓilihi! Ə́ kaa a kɔ́wɔ tuwɔ kwɛni nwɔ́ pələi mɛ̨i. Mąąhɔlɔɓo, ə́ wɔ kiliŋąhiɛ hvo yɛ Yálá nwɛi, kɛlaa, gaa a nu kiliŋąhiɛ.»

Zasua 24:14

Ɉosue yɛ diɛ: «Ə həli kɛa kaa! Ka ɲɔw Yai-Laa ɓa, ka tí mą a ka kwəi kwɛlɛɛ, ka lɛɛ nwoo mu. Ɉaliɠaai ka nąnni di kɛi mąąwiɛ Efratə yá pulu pələ, da Eziptə lɔi hu, ka di kulɔ ka lɔwai, ɛlɛɛ, ka tí Yai-Laa ɓa.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Lomaŋ 12:9

Ka wɛlikɛmąąlaa kɛ a tɛ̨ą, ka ɲɔw mɛ̨nį ma, ká pu dɔwɔ; 'ká mɛ̨nį lɛlɛɛ wɛlilakɛ.

Lomaŋ 8:7

Nuą yiiɠaai nu liiɓa wɛli kaa diɛ, di kaa a Yálá ɲowoɠaa. Di hva Yálá nwɔ tɔ́n nwoo pɔ mɛ̨nį kɛ, di hva kpɛli pɛli mą.

Maafîu 26:33

Piɛrə yɛ Jesus ɓa: «Ə mą kɛ nu kəlee daa lənə yɛ́, nwɛ́i, vá lənə yɛ́ tɔ̨nɔ̨ kpɛli.»

Mise 3:2

A kaa ŋɛ̨i, mɛ̨nį lɛlɛɛ wɛli kpɛɛ kaa, kaa mɛ̨nį ɲɔ̨nwɔ̨ɔ̨ wɛlilakɛ, kaa nuą kɔ́lɔɓo, kaa di luwu kalaan di kɔ́w ɓa.

Zôo 34:3

Mąąhɔlɔɓo, wəli ɓə a mɛ̨nį mɛ̨n, yɛ bələi nu nɛn a hɛn nɛ̨ɛ̨i kaa la.

Zôo 12:11

Da mo diɛ kɛ diɛ: wəli a mɛ̨nį mɛ̨n, ə ɉu kpɛ, yɛ bələi nu nɛ̨n a hɛn nɛ̨ɛ̨ kɔ́lɔn na.

Zɛnɛse 20:5

Abrahamə kpinį kpɔ ɓə kɛ mą́ą́: ‹Mą́ą́hala ɓaa nɛ̨ɛ̨nui ŋɛ̨i.› Nɛ̨ɛ̨nu yaa kpɛli yɛ diɛ: ‹Níɛ li.› Və́ kɛ ɉəɠə li a kiliŋąhiɛ ɲɔ̨nwɔ̨ɔ̨.»

Filipə 1:16

Nuąi da gɛ a wɛlikɛmąą laa, da gɛ a nwɛlikɛmąąlaa, di gɔlɔn diɛ mą: gɛɛ mɔ̨ɔ̨ gaho ŋą, gáá ɓɛ wɛlɛɛ lɛlɛɛ mąąkɔ̨nwɔ̨ mɛ̨nį ɓa.

Ifisiɛŋ 6:24

Nuąi kpɔ gu Nąmu Jesus Kristə wɛli kaa diɛ ɲɛ̨n deei hvo mą, Yálá ŋą nɛ̨ɛ̨laai ə kɛ di kəlee diɛ.

Ifisiɛŋ 4:15

Kɛlaa, gwa kɛli tɛ̨ą ɓo wɛlikɛmąąlaa hu, gu kaa pai kɛi kɛnɛ̨i a pələ huwui lɔpee, guɔ li la Kristə pɔ pələ, yai a gu nwun nąmu.

Galatə 5:11

Yii ɓaa nwɛ́i, ną́n nonnii, akɛ kɛ́nɛ̨ mɛ̨nį ɓə nii gáá mąą kalan gɛi, nɛlɛ ŋą mɔ̨nɔ̨ ɓə kani gáá mįi? Yili a kɛ tii, Kristə ŋą kolowai hvo a nu kɔwɔ túwɔ kwɛnį!

Korɛntə veelɛ 8:8

Və́ moi yɛ ŋą́ kɛli tɔ́n naa ká mɛ̨i yili hu, kɛlaa, ŋą́ kɛi nu takpɛliɠaa kwəinɛ̨ɛ̨ pələ hukulɔ káá, gáá bɔ ká ká wɔɔ wɛlikɛmąąlaa lɛ kpɔ ɉu a neelee.

Korɛntə veelɛ 6:3

Ku hvo kpɛli bɔ kpɔ tiikpə, ku hvo kɛ a nu kɔ́wɔ tuwɔ kwɛni nui lɔpee ta ɓa, ə gɛ, ku wɔ kólói mąą kulɔi hvo pa kɛ mą.

Korɛntə veelɛ 2:17

Ku hvo yɛ nuąi da kɛ Yálá lawoo kɛi a hɛn gwɛli hɛn. Kɛlaa yaamun, kwa gɛ a kwəi kwələlaa, Yálá ɓə ku tɔɔ la, kwa gɛ Yálá ɲɛ̨i ɓa, kwa kɛ pələ ɓoi Kristə laa hu.

Korɛntə dɔlɔɔ 10:32

'Ká hvo kɛ a nui lɔpee ta too hɛn, ə kɛ a Ɉuifə, ə kɛ a, Grɛkə, ə kɛ nwɔ̨nɔ̨ a Yálá nwɔ kpɔn.

Korɛntə dɔlɔɔ 8:13

Yili ɓə gɛ, a kɛ ŋą́ kɔ̨nɔ̨n da mįi a kɛ a mɛ́lan lan ɉɛn,, vá kpɔ kɛa huwɔ mįi, ə gɛ, və́ pa mɛ́lan nan.

Lomaŋ 16:17

Ną́n nonnii, gáá ka liɛwoo ɓoi, gɛ́: nuąi di kaa a kɔ́wɔ tuwo kwɛni, diɛ ɓɛlaɓo too ka lɔwai, dɛ̨ąwooi di ka mąąkwɛlima daa nɛɛ laa, ka ka kpɔɔ mɛ̨i kaa di mąą mɛ̨nį ɓa; 'ká ka mąą kwɛa diɛ.

Lomaŋ 7:22

Gbala ə tɔɔ, nwɔ́ nu kili hu pələ, ŋą́ nííɓa mɛ̨nį kaa Yálá nwɔ tɔ́n hu.

Lomaŋ 7:16

Yaan, akɛ yii və́ bɔ, ya ɓə ŋą́ kɛ gɛi, ŋį́ gɔlɔn gɛ́: Tɔ́n nɛlɛɛi.

Gɛlaɠaa 24:16

Yili mąą mɛ̨nį ɓa, ŋį́ gbinįlee, ŋą́ tɔɔ a nwąnąi gɛ́ níi laa hɔnmo, mąąkulɔi hva kɛ mą, Yálá da nu kanŋaa di ɲɛ̨i ɓa.

Ɉaan 3:20

Yaan, nuąi da kɛ mɛ̨nį ɲɔ̨n gɛi, di liiɓa ɓaa a kpinį, di hva kulɔ pono ŋą, ə gɛ, di túwɔ́ pələɠaa mąą hvə pa pono.

Filipə 2:16

Káái ɓalo woo kaa ká yəi, ka kɛi túwɔ́ ti, gu Ną́mu pai lɔwai, ɲɛ̨́i a pono. Yili ɓə a nɛ yɛ, mɔ̨nɔ̨i ŋą́ mįi, da gólói ŋą́ gɛ, və́ gɛ li kpɛli.