Ɛsdrasə 9:14 - Yálá laawoo hɛɓɛ (dc)

¹⁴ Yili a kɛ tii, kwa pɛli nwɔ̨nɔ̨ mą, ku ə́ wɔ tíɓoɠaai kala, kuɔ too nu ɲɔ̨nwɔ̨ɔ̨ɠaa ŋɛ̨i pɔ hilɛ taai mɛ̨nį hu, a kɛ tii, hvo pai ə́ líiholii ku pɔ, ə́ ku nwun na pili, nu tɔ̨nɔ̨ kpɛli hva lɛɛ?

Yálá laawoo hɛɓɛ

¹⁴ Yili a kɛ tii, kwa pɛli nwɔ̨nɔ̨ mą, ku ə́ wɔ tíɓoɠaai kala, kuɔ too nu ɲɔ̨nwɔ̨ɔ̨ɠaa ŋɛ̨i pɔ hilɛ taai mɛ̨nį hu, a kɛ tii, hvo pai ə́ líiholii ku pɔ, ə́ ku nwun na pili, nu tɔ̨nɔ̨ kpɛli hva lɛɛ?

Bible

¹⁴ Kwa pɔ̂ri ŋɔ́nɔ kúyee kulâi ítɔ̂ŋ-ŋai mu kwa ǹúu nyɔ́mɔɔ-ŋai ŋí kú nɛnî kula kúkîe-ni loai? Kwa gɛ̀ tí, ya pâi ílii ŋwânai kpɔ́ kûa í kúsu kara kútɔnɔ kpîŋ fa lɛ̂ɛ ɣele ma.

Ɛsdrasə 9:14 Referans Kwoze

Dutɛrɔnome 9:8

Ká Yai-Laa liiholi mɛ̨nį kɛ Horɛbə yee ɓa. Yai-Laa lii ə holi ka pɔ, yɛ kɛ ə ka hukala.

Ɛsdrasə 9:2

Diɛ, da di lonnii, daa nɛ̨ą həɠə ɓɛ a di nɛ̨ąni, Yálá nwɔ nu huwui hu, da nɔi nuą daa humo a di kee. Bɛlɛ nąmįną, da galanɉonŋąą ɓə di yee lɔ dúwɔ́ pələ ɲɔ̨n tii hu tɔwɔ.»

Dutɛrɔnome 9:14

Nɛ́ɛ́ laa ŋį́ di nwun na pili, gáá di laa kpɛɛi yələkɔlɔn mu; kɛlaa, gáá ə́ kɛi a nu huwu hvaŋą kɛnɛ̨ɛ dɛɛ diɛ.»

Lomaŋ 6:1

Gwa pɛli kɛi lə: Akɛti, mąąnɛ̨ɛ̨ gu kɛ lɔ nɛ̨ŋɛ̨n ɉəɠə munɛ hu ə gɛ Yálá nwɔ mɛ̨inɛ̨ɛ̨ hu ə kɛnɛ̨?

Ɉaan 5:14

Nąąta wolo gɛɛ, Jesus ə gaa Yálá hee pɛlɛ́ mu, yɛ mą: «Yii kɛa ə́ kɔ́lɔi aa pono, hvó kɛa nɛ̨ŋɛ̨n ɉəɠə, əgɛ, mɛ̨nį nwąnąą ta hvo pa laa yɛ́, hvo tɛɛ yili ɓa.»

Nwun mąąɓo 2:2

Kɛlaa, ŋą́ mo kaa, gɛ́ kaa; nɔi ŋɛ̨i kaa pa ɉu, ka ɉu nuą ka hvo mįnɛ̨ həɠə, yili pulu, ka di wɔ haláá kulɔiɠaa wolo. Ya ka tii, ka hvo nwóó hon ni, lə ɓə tii ka gɛi?

Lonon mo 16:21

«Ka həɠə nuąi tii kwɛlɛ, gáá di hukalai kpɔlɔ yiihu.»

Lɛɛ gbɔwɔ ɓa 32:10

Yii hu kɛa, Moisə, nɛ́ɛ́ laa ŋį́ nwɔ́ liiŋąnwąnąi yɛɛ di mɛ̨i, gáá gəlee nwun na pilii kpɔ tɛ̨ɛ̨tɛ̨ɛ̨, yili pulu, yɛ́ ɓə kɛa gáá pai ə́ huwu ɓɛlɛi.»

Izikiɛ 6:8

Kɛlaa gáá pai ka taɠaa mąąwɛlikaai; di kaa pai kulɔi a kɔ́ kɔ́ ɓɔwa yee wolo; gɛ́ di taɠa taɠa lɔiɠaa hu.

Ɉeremi 46:28

Nwɔ́ tímun Ɉakɔbə, hvo ɲɔw. Ɲą́ą́ Yai-Laa nwóó li! Hvó ɲɔw, gáá ə́ pɔ. Nɔiɠaa kpɔ tii ŋį́ ə́ huwu taɠa taɠa ɉu, gáá gəlee hukalai. Kɛlaa, ə́ wɛi, və́ ə́ hukalai. Gáá ə́ mąąkwɛlii, yɛ́ lɛɛ tɔ́n nwoo mu. Kɛlaa, və́ ə́ hɔn da lɛɛi laa kpɛli kpɛli.

Azaya 1:9

Akɛ kɛ, Yai-Laa Mɛ̨nį Kəlee ŋą Hééɓomun, hvo ku kpəli wolo lɛɛ kɛ, yɛ kwəli kɛ yɛ, Sodomə, ku mąą mɛ̨nį ə kɛ yɛ Gomorə.

Ɛsdrasə 9:8

Kɛlaa, yiihu, ɉu hvo nii kwɛa li, Yai-Laa kuɔ Yálá aa ku kpəli lɛɛ a vúlu, aa ku heei tɛɛ ku pɔ nwɔ kɛɛnąą maahɛɠɛɛ ɓa. Ku wɔ Yálá, yaa ku ɲɛ̨i pɔ̨nɔ̨, yaa hvaŋą wolo tɛɛ ku pɔ, ku wɔ luwɔlaa hu.

Lɛɛ gbɔwɔ ɓa 23:32

Ka diɛni ka hvo mįnɛ̨ həɠə, ə mą kɛ di wɔ haliɠaai.

Ɛsdrasə 10:10

Ɉaláá laa həli mun Ɛsdrasə ə muhəɠə, yɛ diɛ: «Kaa wɔlɔ kulɔ nwoo mu laa kɛ, ɛlɛɛ nwɛ̨ą nɛ̨ąą həɠə mɛ̨nį a ka nɛ̨ąni, aa Israɛlə hɔn ɲɔw da pɛlɛ mą.

Nehemi 13:18

Kɛlɛi bələ lɔ ɓə ka nąnni di kɛi túwɔ́ la-e! Yili ɓə gɛ, Yálá yɛ mɛ̨nį nwąnąą laa daai ŋɛ̨i ɓa, ə mą kɛ ka kuɔ. Ka kɛi túwɔ́ lɔwɔ ɓɛlɛkpɛɛ mą, ka kɛɛ Yálá nwɔ liiŋanwąną hu kɛnɛ̨i ka tii Israɛlə nuą diɛ.»

Ɉeremi 44:9

Akɛti, káá mɔ̨ɔ̨ lɛ̨ą ka nąnni di wɔ túwɔ́ pələ ɲɔ̨nŋaai diɛ, da Ɉuda tɔɔɓɛlaa di wɛiɠaa, bɛlɛɛ ka wɛiɠaa diɛ da ka nɛ̨ąni di wɛi? A nɛ̨ŋɛ̨nŋaai ka kɛi ɉəɠə Ɉuda lɔi hu da Ɉerusalɛmə gwəliɠaa hu?