Ɛsdrasə 8:21 - Yálá laawoo hɛɓɛ (dc)

²¹ Ŋą́ loloɓo Ahawa ya kwɛlɛ, gɛ diɛ, ku hin nɔ, ə gɛ, ku ku mąą yɛɛ Yálá lííla, ə gə ə hvaa mą ku ɉiɛ kulɔ a nɛlɛɛ kwa ku lonnii da ku tiɛ̨ɠaa.

Yálá laawoo hɛɓɛ

²¹ Ŋą́ loloɓo Ahawa ya kwɛlɛ, gɛ diɛ, ku hin nɔ, ə gɛ, ku ku mąą yɛɛ Yálá lííla, ə gə ə hvaa mą ku ɉiɛ kulɔ a nɛlɛɛ kwa ku lonnii da ku tiɛ̨ɠaa.

Bible

²¹ Kú kɛ́ɛ ǹyá-leei kɔlɛ nyii a lî Aava taa-leei ma perei, ŋá m̀o ǹûai dîa a gɛɛ kú sûŋ siɣe, kú ƃaa kɛ́-maa tɛ́ɛ Ɣâla pɔ́, kú marê kɛ́ a gɛɛ è kú téniŋ tɔ́ɔ kú sia-perei su, é kú maa kɔ̃ɔ kwa kúnîa pɛlɛi da kúkɔ̃liŋ kélee.

Ɛsdrasə 8:21 Referans Kwoze

Kɔlɔnikɔ Veerɛi 20:3

Ɉosafatə ə ɲɔw, ə tinɛ̨n yɛ li Yai-Laa mąąnin gɛi; ə hin nolo ɓo Ɉuda lɔi hu nąą kəlee, di hin nɔ.

Zooɛ 1:14

'Ka nolo ɓo nu kəlee mɛ̨i, 'ka ka mąąhəɠə hin nɔ. 'Ka galanɉonŋąą ɲąąkpɔn, 'ka nɔi lonnii kəlee təli. Yai-Laa ka wɔ Yálá yəi bɛlɛ́n, 'ka wɔlɔ Yai-Laa ɓa.

Azaya 30:21

Woo kaa pai kɛi tooi ka wəlii, yɛ ka tənən dɔɔ, akɛ mąąnɛ̨ɛ̨ ka li ɓa-mįi-yee hu pələ, a wala kɛti kɛɓɛyee hu pələ, yɛ kɛ kaa: «Bələ ka, 'ka ɉon na.»

Samuɛlə dɔlɔɔ 7:6

Di di ŋąąkpɔn Mispa daai, di ɲálaɠi laa da Yai-Laa ni di lɔwai, di hinnɔ a volói tii, di mo gɛɛnąą tii, diɛ kɛ diɛ: Kwaa nɛ̨ŋɛ̨n ɉəɠə Yai-Laa ɓa. Di Samuɛlə hee a Israɛlə ɲąąwooɓomun Mispa.

Zôna 3:5

Ninivə daai nuą kəlee di Yálá woo tii kaa a tɛ̨ą, di kəlee diɛ diɛ: «Ka gu hin nɔ.» Ə gɔwɔ tɔɔ hɛn gɔw nąmįną diɛ, ə həli la yeehvowolo nuą diɛ, nu kəlee ə mąąwɛli hee ɓo yɛ da haa too nu ɓa.

Levetekɔ 16:29

«Ka hiɛ pələ ka tii a yələ kəlee. Ɲąnin mɛ̨ihveelɛnąą nwɔ hvóló pow yələ, mąąnɛ̨ɛ̨ ka hin nɔ, ka hvo kólói lɔpee ta kɛ, ə kɛ a nɔi lon ə mą kɛ a nwɛ̨ąi heeni ka kɔ́wɔ mɛ̨i.

Levetekɔ 23:29

Nui lɔpee a wala hin nɔ a mąą yələ, mąąnɛ̨ɛ̨ di gulɔ nwɔ nuą lɔwai.

Gɛlaɠaa 2:39

Mąąhɔlɔɓo, kaa ɓə Yálá ə naakwɛlan mo kaa, da ka lonnii, ə mą kɛ nuą yiiɠaai di heɛ kaa kwɛa la, ə mą kɛ nuą yiiɠaai ku Ną́mu Yálá kaa pai di təlii.»

Azaya 42:16

Gáá pai ɲɛ̨ipu nuą hvilɛn ɉii pələi di hvo gɔlɔn mɛ̨i, lɔwɔ mu pələɠaai di hvo di kɔ́lɔn, diɛ ɓə da kɛ hiɛi mɛ̨i, gɛ́ kpinį mąąpənə di ɲɛ̨i tɔwɔ a kɛɛ pɔ̨nɔ̨, gɛ́ pələ hu heɛɠaa mąąpənə a ɉaŋąą, gáá pai mɛ̨nįɠaai tii kəlee kɛi, vá dɔ̨nɔ̨ kpɛli lɛɛ laa.

Mąątɛ̨nɛ̨ 5:8

Kɛlaa, nwɛ́li la kɛ pələ kɛnɛ̨ ə́ yəi, ŋą́ lɔ ə́ yəi bɛlɛ́n; ŋą́ kwɛli hvilɛn yɛ́, yɛ́ pɛlɛ́ mąąhəɠɛɛi pɔ pələ, gɛ́ ə́ mąąwiɛ a ɲɔw mąąlaa.

Ɛsdrasə 8:15

Ŋą́ nuąi tii ŋąąkpɔn, ɲai tii a li Ahawa pələ, gwɛlɛ. Ku tɔɔlaa, ŋį́ nuą lɔwai kaa da ɉaláá laa həli nuą lɔwai, kɛlaa, və́ Levi lonnii ta kaa.

Ɉeremi 10:23

Yai-Laa! Gíli kaa ɉu, gɛ́: Nu kanŋaa di hva pɛli di kpɔɔ tənən dɔɔi, yɛ bələi mąąnɛ̨ɛ̨ la. Di hvo kpɛli pɛli li di kpɔɔ kɔ́wɔ hvilɛn ɉi kili ɓoi.

Azaya 58:5

Volói nu a gbɔwɔ mąąyɛɛ la, ɉín nɔ pələi nwɛli kaa mą́ą́ yaa li? A kɛ tii mąąnɛ̨ɛ̨ nu ə nwun vilɛn yɛ hvee gbaɠa, yɛ həɠə haɠa too gwaną, yɛ hee luwu hu; yili mąą mɛ̨nį ɓə ya hin noloɓo la, a Yai-Laa liiɓa hvóló?

Azaya 58:3

«Kuɔ hín nɔɔ nwun mąą lə, akɛ ə́ ɲɛ̨i hvo laa, kuɔ ku kpɔwɔ mąąyɛɛ lə mɛ̨nį ɓa, akɛ hvo gili kɔ́lɔn ɉii?» Ka wɔ hín nɔ yələɠaai, ka kɛ tɔ̨nɔ̨ kwɛlii, ɛlɛɛ kaa ka wɔ kóló kɛ nuąi mɔ̨nɔ̨ ɓo.

Azaya 49:10

Di hva kɛa pulu həɠə, ə mą kɛ, kpələ wɛli, wəleen, da hvóló, di hva kɛa di hvii kpɛɛ, mąąhɔlɔɓo, Yálái di mąą lii kaa gwəi kɛnɛ̨, ya ɓə pai kɛi di ɲɛ̨itɔwɔ, yɛ li a diɛ ya kɛɛnąąɠaa, diɛ di nį́į́ lɔ laa.

Hanwon 3:6

Mɛ̨nį lɔpee ə́ kaa gɛi, ə́ kilitɔɔ mą, a ə́ tɔwɔ pɔ̨nɔ̨

Nwun mąąɓo 20:26

Israɛlə nuą kəlee, da nɔi nuą, di tɛɛ də li Betɛlə, diɛ wɔlɔ Yai-Laa lííla, di hin nɔ a volói tii, yələwulii pɔ, di haláá huwu hveelɛ kulɔ Yai-Laa ɓa, yii da gəlee kələn, da yii gaa a pɔnaa kulɔ haláá, da Yai-Laa ni di lɔwai.

Levetekɔ 16:31

Túwɔ́ yələ li ka yəi, gaa a hvįįtɔɔ hvóló, kaa hin nɔ la a lɔwai lɔpee gəlee. Yili kaa a yələ kəlee mɛ̨nį.

Azaya 35:8

Di kaa pai pələ laai laa, diɛ kɛ mą pələ mąąhəɠɛɛ, nui mąąliɓiɛ, hvo pai tɛɛ laa, mąąhɔlɔɓo, Yai-Laa yaa kpinįi ɓə pai tɛɛ laa tɔlɔɔ; kilikpɛɛgwəi nuą di hva lan di hvo kɔ́wɔ hvilɛn bələi tii mɛ̨i.

Mąątɛ̨nɛ̨ 8:2

Yai-Laa, ku Nąmu, ee kə́! Ə́ laa mąąwia ɓə yɛnɛ̨ɛ̨ nąąkəlee, ə́ wɔ mąąwiɛ kɛ̨nɛ̨i, yɛ́ lan yələkɔlɔn mɛ̨i.

Ɛsdrasə 8:31

Ku həɠə Ahawa ya kwɛlɛ, ɲąnin dɔlɔɔ nwɔ hvóló pow kɔ́w hveelɛ yələ (12), kuɔ li Ɉerusalɛmə; ku wɔ Yalái yee ə kɛ ku mɛ̨i, ə ku kulɔ ku yowoɠaa yəi bələ pɔ, da doomɛ̨i kɛ nuąi da hee nuą tɔwɔ.

Lonon mo 14:31

Ka kwəi lonnii ŋɛ̨i ka kɛi kɛ diɛ; di kaa pai lɛɛi a kɔ́ pulu hɛn, da diɛni ɓə lɔi nɔi tii hu, yii ka mɛlɛkpɛɛ mą.

Lonon mo 14:3

Lə mɛ̨nį ɓa Yai-Laa ə li tɔɔi ku mu, yɛ pa a kuɔ nɔi ŋɛ̨i hu? Kɔ́ yɛ ku paa, ku nɛ̨ąni da ku lonnii diɛ pa lɛɛi a luwɔɠaa! Ka gu pənə gwəli Eziptə lɔi hu, yili hviɛlaɓoɔi.»

Zôna 3:7

Yili pulu ə mo di noloɓo daa nąą kəlee diɛ kɛ mą: «Tɔɔmun da nwɔ ɲɛ̨itɔwɔ nuą diɛ: Nui lɔpee ta hvo laa mįi hɛn da mįi, di hvo di kpələ, ə mą kɛ, daatɛlɛɛɠaa kpɛli.

Kɔlɔnikɔ Veerɛi 20:4

Ɉuda nuą di di ɲąąkpɔn, əgɛ, di Yai-Laa hvɛli. Nuą di həɠə kpɔ Ɉuda taaɠaa kəlee hu, əgɛ, di pa, di Yai-Laa hvɛli.

Nehemi 9:1

Ɲąnįn tii nwɔ hvóló pow hveelɛ kɔ́w nąą ɲələ, Israɛlə nu huwu di mąąwɛli heeɓo, di muluun gbala pu di nwuɔ̨, di hin nɔ.

Mąątɛ̨nɛ̨ 5:9

Yai-Laa, 'dɛ̨́nɛ̨n dɔɔ a yɛ́ tələnmolaai; bələi mąn mą́ą́hɛnɉi nuą tamąą la, Ə́ nwɔ pələi hąŋąn ɲɛ̨́i tɔwɔ.

Mąątɛ̨nɛ̨ 137:1

Ku kɛɛ ɓɛlii, Babilonə yáɠaa kwɛlɛ, ku həɛi kɛ, kuɔ wɔlɔ, kuɔ ku kiliŋąhiɛ kuɔ vilɛn Siɔn ɓa.

Ɉeremi 42:3

Yai-Laa ə́ wɔ Yálái ə ku tənən dɔɔ, kwa gɛ pələ kɛ ləi?»

Danîa 9:3

Ŋą́ hin nɔ, ŋą́ mąąwɛli heeɓo yɛ haa a too nu ɓa, gɛ́ ɲee laa hee Yálá ɓa, gɛ́ vɛli, gɛ́ nɛ̨ɛ̨mąą hvo mą.