Ɛsdrasə 7:6 - Yálá laawoo hɛɓɛ (dc)

⁶ Ɛsdrasə tii ə həɠə Babilonə daai. Ə kɛ a hɛɓɛ́ pɛ̨ɛ̨ mun, dɔ́n ɉɛɓɛ́i Yai-Laa, Israɛlə nwɔ Yálá ə dɛɛ Moisə pɔ, ə kɛ a gɔlɔnŋąą. Yɛ pələi nwɛli ə kɛ la nwɔ Yálái ɓa, yii gaa a Yai-Laa, yii kpɔ ə ɉu hvɛli tɔɔmun ma, di gəlee tɛɛ bɔ.

Yálá laawoo hɛɓɛ

⁶ Ɛsdrasə tii ə həɠə Babilonə daai. Ə kɛ a hɛɓɛ́ pɛ̨ɛ̨ mun, dɔ́n ɉɛɓɛ́i Yai-Laa, Israɛlə nwɔ Yálá ə dɛɛ Moisə pɔ, ə kɛ a gɔlɔnŋąą. Yɛ pələi nwɛli ə kɛ la nwɔ Yálái ɓa, yii gaa a Yai-Laa, yii kpɔ ə ɉu hvɛli tɔɔmun ma, di gəlee tɛɛ bɔ.

Bible

^6-7 Ɛzura è kɛ̀ a dareɛ́ɛ a ŋ̀ánaa. E kɛ̀ a gili-ŋa ponoɔɔ Eezuɛ Ɣalai Yâwɛɛ ŋɔtɔ̂ŋ kɔlɔi mɛni su, nyíi è dɛ̀ɛ Mose pɔi. Ŋɔɣâlai Yâwɛɛ è lûwa làa ma. Zãâi kélee è Pɛsia kaloŋ marê kɛ̀ mɛni mai, è dɛ̀ɛ bɔ́. Ɛzura è kùla Babelɔŋ é lí Zerusâlɛŋ. È lì naa a Gâloŋ Atasɛra ŋɔkâloŋ-laa koraŋ ǹɔ́ɔlu mɛi feerɛi su. È lì a Eezuɛ nuu-kpulu-ŋa naa. Ǹúu kpulu-ŋai ŋí ƃé kɛ̀ a zâla láa soŋ-ƃelai, Liiva-ŋai, Ŋ̀âla-pɛrɛi mu wule too-ƃelai, Ŋ̀âla-pɛrɛi mɛi káa-ƃelai da tíi kɛ́ kpakolo-ŋa.

Ɛsdrasə 7:6 Referans Kwoze

Ɛsdrasə 8:22

Kɛlaa, ŋį́ kɛi nwunmɛ̨ kɛi tɔɔmun ma: Holahi kpulu tɛɛ ku pɔ, yii a ku mąą kpɔnmąąɓo bələ pɔ, ku yowoɠaa mąą mɛ̨nį ɓa. Ku mo tɔɔmun ma, kuɔ mą: «Nuąi da Yálá kwɛli, a ɲee lɛlɛɛ laa di mɛ̨i, kɛlaa, nuąi da di kili kulɔ ɉu a ɲɛ̨i ɲɔ̨nwɔ̨ɔ̨ hee diɛ.»

Ɛsdrasə 7:28

Aa hvaa mą, tɔɔmun aa ɲɛ̨i lɛlɛɛ hee mą́ą́, da nwɔ ɲɛ̨itɔwɔ nuą, ə mą kɛ nwun nąmįną, diɛi kpɔ di yee walawalaa. Mɛ̨nįi tii ə vaŋą lɔ, ŋį́ Israɛlə kalanɉonŋąą ŋąąkpɔn, kwa diɛni ku pa.»

Ɛsdrasə 8:31

Ku həɠə Ahawa ya kwɛlɛ, ɲąnin dɔlɔɔ nwɔ hvóló pow kɔ́w hveelɛ yələ (12), kuɔ li Ɉerusalɛmə; ku wɔ Yalái yee ə kɛ ku mɛ̨i, ə ku kulɔ ku yowoɠaa yəi bələ pɔ, da doomɛ̨i kɛ nuąi da hee nuą tɔwɔ.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Nehemi 2:18

Bələi nwɔ́ Yálá yee lɛlɛɛ ə kɛ la mɛ̨́i, ŋį́ ɉukulɔ diɛ, da bələi tɔɔmun ə hvaa la bɔ́. Diɛ kɛa kɛ diɛ: «Ka gu gu muhəɠə, ka gu ɉį́i tɔɔ.» Di kpɔnmą́ą́ goló lɛlɛɛi tii hu.

Nehemi 2:8

Ɛlɛɛ, ə́ dɔ̨nɔ̨ kɛ a Asafə nwɔ, yaai gaa a tɔɔmun nwɔ lɔwɔɠaa ɲąąwooɓomun, ə gɛ, ə pɛli wulu tɛɛi bɔ́, daa mąąkɔ̨nwɔ̨ hįį gbonŋąą kulɔ mɛ̨nį ɓa, da daa mąąkɔ̨nwɔ̨ pɛ́lɛ́i tii Yálá hee pɛlɛ́ kwɛlɛ nwɛi; da bɛlɛi gáá pai lɔi mu nwɛiɠaa.» Tɔɔmun ə ɉɛɓɛ́ɠaa tii tɛɛ bɔ́, mąąhɔlɔɓo, nwɔ́ Yálái yee lɛlɛɛ ə kɛ mɛ̨́i.

Ɛsdrasə 8:18

Yɛ bələi Yálá yee ə kɛ la kuɔ a nɛlɛɛ, di pa ku pɔ da Mali lon dɔ̨nɔ̨, yii kulɔ Levi huwuhu, yɛ ɓo a nwun gɛ ɉu mun: da Serevia da nonnii, ɛlɛɛ, da gayɔwɔɠaa, di kɛ a nu pow kɔ́w mɛ̨ihaaɓa (18).

Ɛsdrasə 7:21

Ɲą́ą́ tɔɔmun Artasɛrsɛsə, gáá moi Eufratə ya voló tooi pələ lɔi nwɔ wali pɛlɛ la nuą kəlee diɛ, gɛ́: mɛ̨nįi lɔpee yələkɔlɔn ɉu Yálá nwɔ haláá laa həli mun Ɛsdrasə a vɛli kaa, ka gɛ kpɔlɔ tii.

Ɛsdrasə 7:9

Yaan, ɲąnin dɔlɔɔ nwɔ hvóló tɔlɔɔ, di həɠə Babilonə, ɛlɛɛ ɲąnin nɔɔli nąą nwɔ hvóló dɔlɔɔ yələ ɓə di həli la Ɉerusalɛmə, mąąhɔlɔɓo, nwɔ Yálái yee ə kɛ di mɛ̨i.

Hanwon 3:6

Mɛ̨nį lɔpee ə́ kaa gɛi, ə́ kilitɔɔ mą, a ə́ tɔwɔ pɔ̨nɔ̨

Dutɛrɔnome 28:1

«Akɛ ka ka wəli tɔɔ kpɔ a nɛlɛɛ, Yai-Laa ka wɔ Yálái woo ɓa, kaa tɔɔ a ka nwanąi kaa nwɔ tɔ́nŋąą kəlee hon diɛi gáá di tɛɛi ka pɔ háákələi; ka gɛ tii, Yai-Laa ka wɔ Yálái kaa pai ka kɛnɛ̨i lɔi mɛ̨i nu huwuɠaa kəlee diɛ.

Dutɛrɔnome 4:5

Ka ka wəli tɔɔ, gáá tɔ́nŋąą da yɛnɛ̨ɛ̨ hon bələɠaa lɛi kaa, yɛ bələi Yai-Laa nwɔ́ Yálá ə di lɛ la mą́ą́, nɔi tii ka káá lii ɉu, kaa hee laa, kaa pɛli bɔ yíi ɓoi ɉu.

Korɛntə dɔlɔɔ 15:1

Ną́n nonnii, gáá gili tooi ká ɲą gɛ́ kaa: Nwɛlɛɛ lɛlɛɛi ŋą́ naa həli káá, yai ka ká yee hee mu, ka kąnąnŋąą mai,

Korɛntə dɔlɔɔ 1:20

Gilimąą mun gaa mį? Dɔ́n galamɔ̨ɔ̨ kaa mį? Yɛnɛ̨ɛ̨ mɛ̨nį ɲąąyɛɠɛmun gaa mį? Yálá hvaa mɔ̨ɔ̨ yɛnɛ̨ɛ̨ ŋą kilikɛɲəi laa kɛ a ɓowo mɛ̨nį?

Maafîu 13:52

Yili pulu, yɛ diɛ: «Tɔ́n galamɔ̨ɔ̨i lɔpee gilaa a pono Yálá-taa tɔɔlaa mąą mɛ̨nį hu, a ɲee hee mu, a kɛ yɛ: pɛlɛ́ nąmu ta, yaai, a hɛn nįnɛ̨ hɔlɔɓo, nwɔ hɛn gɔw pɔlɔi hu.»

Azaya 59:1

A tɛ̨ą, Yai-Laa yee hu hvo haa li, nuą ɓalo mɛ̨nį ɓa, nwəlii hvo kpɔlɔ li, mɛ̨nį mɛ̨n mɛ̨nį ɓa.

Azaya 50:2

Pai ŋį́ mo, lə ɓə kɛ yai və́ nu ta kaa… Ŋą́ təliɓo kɛ, nu ta hvo bulu pənə li? A kɛ tii, ɲéé kpuwaa mɔ̨ɔ̨, nu nwun mąąɓoi? Hvąŋą hvo mɔ̨ɔ̨ ɲə́i, gɛ́ pɛli nu kulɔi la mɛ̨nįi? Nąą kaa: Ŋą́ tómą gboloyá mɛ̨i, gɛ́ gbala, gɛ́ tɛɛya kpɛa kpɛa lɛɛ a lɔi pun ɉu kpalaa; ɉu hɔwɔleeɠaa diɛ haa a kpələ wɛli, ɲa hva kɛ mą.

Mąątɛ̨nɛ̨ 45:1

Nwələ ɲɛ̨itɔwɔmun: Da kɛ nwələi ɲɛ̨i ɓa: Yagbudɛ-wələ. Kore lonnii di wɔ kilaa pono wələ woo, wɛlikɛmąą wələ.

Nehemi 12:36

da gaayɔwɔɠaa Semaya, Azarɛlə, Milalai, Gilalai, Maai, Netanɛlə, Yehuda, Hanani, Yálá nwɔ nu Davidə nwɔ hvɛli kɛ hɛnŋąąi di ɓo di yəi, ɉaláá la həli mun Ɛsdrasə ɓə kɛ di ɲɛ̨itɔwɔ.

Nehemi 8:13

Hvóló hveelɛ tɛɛ pulu, bɛlɛ nąmįną kɛ nɔi, di kəlee, ɉaláá laa həli nuą da Levi huwuhu nuą, di di ŋąąkpɔn ɉɛɓɛ́ kɛ mun Ɛsdrasə pɔɔli, ə gɛ, di pɛli dɔ́n nwooɠaa hukpɛi kpɔ a nɛlɛɛ.

Nehemi 4:15

Ku kɛi goló kɛ, kpalaɠaa di ɓo ku yee tɔ̨nɔ̨ ŋą, ə həɠə yələ ɓɔɔ ɓa, ə lɛɛ la ɉu pɛmɛ̨lɛ̨n gɔwɠaa di kulɔ.

Nehemi 2:12

Yili pulu, kwii hąą, ŋį́ muhəɠə kwa hinąą taɠaa, kɛlaa, mɛ̨nį nwɔ Yálá aa kɛ doo giliŋa ə gə, ŋį́ gɛ Ɉerusalɛmə mąą mɛ̨nį hu, hvo mo nu ta ɓa. Hoo takpɛli hvo kɛ bɔ́, hvo kɛ li yii tii ŋį́ kɛ mɛ̨i.

Ɛsdrasə 6:22

Di pənə di voló mɛ̨ihveelɛ hɛli ŋɛ̨i da bu a lɛɠɛ yii dɛ hɛn və ɉu, di yili pu gee ɓa a kwəinɛ̨ɛ̨. Mąąhɔlɔɓo, Yai-Laa ə di kwəinɛ̨ɛ̨, ə Asiri tɔɔmun ɲɛ̨i lɛlɛɛ hee diɛ, ə di yee kɔ́n gɛ ɉu, Yálá nwɔ pɛ́lɛ́i tɔɔ mɛ̨nį ɓa, yii gaa a Israɛlə nwɔ Yálá.

Ɛsdrasə 5:5

Kɛlaa, Yálá ɲɛ̨i ə kɛ Ɉuifə kalanɉonŋąąi tii mɛ̨i, di hvo pɛli golói tii kpɛlai pələi. Di lɛɛ goló kɛi, ə lɛɛ la ɉu, diɛ tɔɔmun Dariusə woo mąąkpɔn.

Ɉeremi 8:8

Ka tɔɔi ɓaa mį, kaa kɛ diɛ: mɛ̨nį kɔ́lɔn gili kaa ku yəi, mąąhɔlɔɓo, Yai-Laa nwɔ tɔ́n kaa ku yəi? Ya pa, ka dɔ́n ɉɛɓɛ́ mąą pənə a lɛɛ woo; dɔ́n ɉɛɓɛ́ kɛ nuą di wɔ kpɔn kɛ mɛ̨nį li.

Nehemi 12:26

Nuą tii ɓə kɛ goló ɓa a Ɉosue lon Yoyakimə nwɔ lɔwai hu, Yosadakə lon, ə lɛɛ, da Nehemi ŋɛ̨i kɛ a gbahanama da ɉaláá laa həli mun Ɛsdrasə di wɔ lɔwai hu.

Nehemi 8:9

Ya ɓə Nehemi ŋɛ̨i kɛ a gbahanama da Ɛsdrasə ɉaláá laa həli mun yai lɔ kɛ a ɉɛɓɛ́ kɛ mun, da Levi huwuhu nuąi tii kɛi ɉɛɓɛ́ hukulɔ wooɠaa ɓo nuą diɛ, di kɛi kɛ nɔi lonnii kəlee diɛ: «Volói ŋɛ̨i kaa a Yai-Laa ka wɔ Yálá nwɔ hvóló. Mąą hvo nɛ̨ɛ̨li, ka hvo kɛ liihɛlɛn ɉu, kaa wɔlɔ. Mąąhɔlɔɓo, nuą kəlee di kɛi wɔlɔ, dɔ́n ɉɛɓɛ́ hu woo mąą mɛ̨nį ɓa.»

Nehemi 8:4

Ɉɛɓɛ́ kɛ mun Ɛsdrasə ə kɛ tɔɔni wulu ɓɛla gbatala ta mɛ̨i, yii di bɛli lɔ mɛ̨nįi tii mąą mɛ̨nį ɓa. Ɛlɛɛ, Matitia, Sɛma, Anaya, Uriya, Hilkiya, da Maaseya di kɛ tɔɔni gwɛlɛ mamįiyee hu pələ. Ɛlɛɛ, Pedaya, Misaɛlə, Malkiya, Hasumə, Hasbadana, Ɉekaria, da Mesulamə, di kɛ tɔɔni gɛɓɛyee hu pələ.

Zɛnɛse 32:28

Yɛ Ɉakɔbə ɓa: «Ə́ laa ɓaa a gbɛɛ?» Ɉakɔbə yɛ mą: «Náá ɓaa Ɉakɔbə.»

Maafîu 23:2

«Tɔ́n galamɔ̨ɔ̨ɠaa da Farisiɛ̨ɠaa ɓə da Moisə nwɔ tɔ́n hukulɔ kaa.

Ɛsdrasə 7:5

Avisua lon, Pinasə lon, Eleazarə lon, ɉaláá laa həli mun gɛnɛ̨ Aarɔn lon,

Nehemi 8:1

Nɔi lonnii kəlee di di ŋąąkpɔn nɔ yɛ nu tɔ̨nɔ̨, di pa a Moisə nwɔ tɔ́n ɉɛɓɛ́i, yaai tii Yai-Laa ə naa Israɛlə lonnii nwuɔ̨.

Ɛsdrasə 8:1

Bɛlɛ nąmįną da nu huwuɠaai kwa diɛni ku həɠə Babilonə lɔi hu, tɔɔmun Artasɛrsɛsə nwɔ tɔɔlaa lɔwai, diɛ ka:

Nehemi 9:13

Ə́ lɛɛ yələkɔlɔn ɉu, ə́ pələ ɓo diɛ, ə́ yɛɛ Sinai yee nwuɔ̨. Ə́ tíɓo haŋąą tɛɛ di pɔ, da tɛ̨ą tɔ́nŋąą da di hiɛ pələ. Da yɛnɛ̨ɛ̨ kɛ pələ a nɛlɛɛ.

Mąątɛ̨nɛ̨ 80:18

Nui ŋɛ̨i ə́ ɓa-mįi-yee hu pələ, ə́ yee pɛlɛ mɛ̨i, da nu lon tii yɛ́ kpinįi ə́ kaa a vaŋąi.

Mąątɛ̨nɛ̨ 109:27

Əgɛ, di pɛli gbaɠala kaai, diɛ kɛ, yɛ́, ə́ yee kɛ mɛ̨nį li, da ə́ kɛ mɛ̨nį li, yɛ́i a Yai-Laa.

Mąątɛ̨nɛ̨ 147:19

A nwoo lɛ Ɉakɔbə ɓa, ə nwɔ tɔnŋaai, da nwɔ tíɓoɠaai tɛɛ Israɛlə pɔ.