Ɛsdrasə 7:12 - Yálá laawoo hɛɓɛ (dc)

¹² «Artasɛrsɛsə, tɔɔɓɛlaa di wɔ tɔɔmun, gáá yələkɔlɔn ɉu Yálá nwɔ tɔ́n gɔlɔn mun a haláá laa həli mun Ɛsdrasə túwɔ́ ɓoi, yɛ li la tɔwɔ pələ.»

Yálá laawoo hɛɓɛ

¹² «Artasɛrsɛsə, tɔɔɓɛlaa di wɔ tɔɔmun, gáá yələkɔlɔn ɉu Yálá nwɔ tɔ́n gɔlɔn mun a haláá laa həli mun Ɛsdrasə túwɔ́ ɓoi, yɛ li la tɔwɔ pələ.»

Bible

¹² “Gɔlɔi ŋí a kulâi ńyãa Gâloŋ Atasɛra yêei. Ŋa dɛɛ̂i yá Ɛzura ípɔ naa, yái íkaa a zâla láa soŋ-nuui, íkɛ ƃò a Yâla nyii gáa Ɣâla-taai ŋɔtɔ̂ŋ lɛ́-nuui dai.”

Ɛsdrasə 7:12 Referans Kwoze

Danîa 2:37

«Oo Tɔɔmun! Yɛ́ ɓə ə́ kaa a tɔɔɓɛlaa di wɔ tɔɔmun, mąąhɔlɔɓo, Yálá yii gaa yələkɔlɔn ɉu, aa tɔɔlaa, huwalawala, da hvaŋą, ə lɛɛ, mąąwiɛ tɛɛ ə pɔ.

Izikiɛ 26:7

Mąąhɔlɔɓo, mɛ̨nįi Yai-Laa ka wɔ Yálá kaa moi ya ka: Gáá pai Babilonə tɔɔmun, tɔɔɓɛlaa di wɔɔ tɔɔmun, Nabukodonosorə, gáá pai doli, ə həɠə ɲánwuɔ̨ pələ, ə kɔ́ pɛlɛ Tirə ɓa; gaa pai pai a hooɠaa, a kɔ́ kɔ́-wotoloɠaa, a nuąi hoo mɛ̨i, da lɔi ta kpɛliɠaa, a kɔ́kuláá kpulu kɛnɛ̨.

Ɛsdrasə 4:17

Tɔɔmun ə nwoo ŋąąpənə kɛ, yɛ diɛ: «Ə həli nɔi nwun nąmu Rehumə ɓa, da nwɔ hɛɓɛ́ kɛmun Simsai, da di ɓɛlaai di heeɛ kaa Samari, da yiiɠaai kpɔ di kaa Eufratə ɲa lee voló tooi pələ: Gáá ka tuwɔ ɓoi kpɔ tii dəŋ.»

M̀ɛni-lɛɛi 19:16

Laa ta pɛ̨ɛ̨i kɛ ŋą həɠəi ɓa, da nwɛlɛ mɛ̨i, diɛ kɛ mą: «Hééɓoɠaa di wɔɔ Hééɓomun, nąmuɠaa di Nąmu.»

M̀ɛni-lɛɛi 17:14

Di kaa pai kɔ́ pɛlɛi Mɛlaa Lon ma, ɛlɛɛ, Mɛlaa Lon ɲee kaa pai tɛɛi diɛ, mąąhɔlɔɓo, ya ɓə gaa a nąmuɠaa kəlee di Nąmu, hééɓoɠaa di wɔ Hééɓomun, ɛlɛɛ, yaa, da nuą ə di təli, ə di həɠə ɉu, ɛlɛɛ, tələnmo nuą, da diɛni di yee kaa pai tɛɛi mą.»

Timote dɔlɔɔ 6:15

guui tii ɉəɛɛ, ɲələ a pa ɉəlii, Nwun na nɛ̨ɛ̨mun, a Hééɓomun danɔ̨n gbən, tɔɔɓɛlaa di wɔɔ Tɔɔmun, a nąmuɠaa kəlee di Nąmu,

Danîa 2:47

Yili pulu, tɔɔmun ə mo Daniɛlə ɓa yɛ mą: «A tɛ̨ą, ka wɔ Yálái ɓə gaa a yáláɠaa kəlee di wɔ Yálá, yɛ ɓo a tɔɔbəlaaɠaa kəlee di nwun nąmu. Yaa ɓə a loo mɛ̨nį kulɔ pɔ̨nɔ̨ŋa, mąąhɔlɔɓo, aa noo mɛ̨nį tii lɛ yɛ́.»

Azaya 10:8

Hvo gaai, gaa kɛi diɛ; «Ŋą́ kɔ́ kuláaɠaai di hvo mɔ̨ɔ̨ ɓɔ́ a tɔɔɓɛlaa?

Tɔɔɓɛlaa dɔlɔɔ 20:1

Aramə tɔɔmun Bɛn-Hadadə ə nwɔ kɔ́kulááɠaai kəlee ɲąąkpɔn, da tɔɔɓɛlaa pow haaɓa kɔ́w hveelɛ, da nwɔ kɔ́ hooɠaa, da gɔ́ kɔ́ wotoloɠaa. Ə li ə Samari mąątínɛ̨n a kɔlaɠa.

Ɛsdrasə 7:1

Mɛ̨nįɠaai tii tɛɛ pulu, Pɛrsə tɔɔmun Artasɛrsɛsə nwɔ tɔɔlaa lɔwai hu; Ɛsdrasə ŋɛ̨i kɛ a Seraya lon, a Azaria lon, a Hilkiya lon,

Ɛsdrasə 7:6

Ɛsdrasə tii ə həɠə Babilonə daai. Ə kɛ a hɛɓɛ́ pɛ̨ɛ̨ mun, dɔ́n ɉɛɓɛ́i Yai-Laa, Israɛlə nwɔ Yálá ə dɛɛ Moisə pɔ, ə kɛ a gɔlɔnŋąą. Yɛ pələi nwɛli ə kɛ la nwɔ Yálái ɓa, yii gaa a Yai-Laa, yii kpɔ ə ɉu hvɛli tɔɔmun ma, di gəlee tɛɛ bɔ.

Ɛsdrasə 7:11

Tɔɔmun Artasɛrsɛsə ə hɛɓɛ́ tɛɛ ɉaláá laa həli mun da ɉɛɓɛ́ pɛ̨ɛ̨ mun Ɛsdrasə ɓa, yai kɛ a Yai-Laa Israɛlə nwɔ Yálá nwɔ tɔ́nŋąąi kɔ́lɔn mun gɛnɛ̨. Ɉɛɓɛ́i tii hu woo ka:

Ɛsdrasə 1:2

«Pɛrsə tɔɔmun Sirusə woo ka: Tɔɔlaai kpɔ ɓɛ lɔi mɛ̨i nąą kəlee, Yai-Laa, yələkɔlɔn ɉu Yálá, aa gəlee tɛɛ bɔ́. Aa dí, yɛ ŋį́ pɛlɛ́ tɔɔ mą, Ɉerusalɛmə daai, Ɉuda lɔi hu.