Ɛsdrasə 7:10 - Yálá laawoo hɛɓɛ (dc)

¹⁰ Mąąhɔlɔɓo, Ɛsdrasə ə vaŋą lɔ Yai-Laa nwɔ tɔ́n kalan ŋąą ɓa, yɛ bɔ mɛ̨nį kɛ, ɛlɛɛ, yɛ ɉon bələ kalan Israɛlə lonnii diɛ.

Yálá laawoo hɛɓɛ

¹⁰ Mąąhɔlɔɓo, Ɛsdrasə ə vaŋą lɔ Yai-Laa nwɔ tɔ́n kalan ŋąą ɓa, yɛ bɔ mɛ̨nį kɛ, ɛlɛɛ, yɛ ɉon bələ kalan Israɛlə lonnii diɛ.

Bible

¹⁰ Ɛzura è tãi támaa sìɣe Yâwɛɛ ŋɔtɔ̂ŋ kɔlɔi maa kɔ́ri mɛni mà. È maa kɔ̂ri kpɔ́ é pɛ́lɛ ǹɛ́i Eezuɛ-ƃelai dîa. È ǹɛ dîa, é berei lɛ́ dîa da pɔ̂ri zu-tɔŋ-ŋai mɛi kâai lai.

Ɛsdrasə 7:10 Referans Kwoze

Timote veelɛ 4:2

Nwoo ŋɛ̨i laa həli, ə́ hɔlɔ too mą, ə kɛ a ɲələ hvo kɛ a ɲələ, haŋąmąą kɛ, nuą hvaŋąlɔ, ə́ di liɛwoo kɛ a yələ kəlee, a liikpələ da di mąąkwɛli liihɛlɛn.

Maafîu 7:24

«Yili ɓa, mɛ̨nįɠaai ŋɛ̨i gáá moi, nui a mɛ̨n, ə bɔ mɛ̨nį kɛ, a kɛ yɛ kilimąą mun yii a nwɔ pɛlɛ́ tɔɔ kwɛni mɛ̨i.

Malasi 2:7

A tɛ̨ą, haláá laa həli mun gɛ kólo ɓaa, ə nuą mąąkwɛli a Yálá kɔ́lɔn mɛ̨nį, yaa tii ɓə nuą da pa bɔ, diɛ mąąnįn kɛ a kpaaləi mąąnɛ̨ɛ̨ di hiɛ la. Mąąhɔlɔɓo, ya ɓə gaa a Yai-Laa Mɛ̨nį Kəlee ŋą Hééɓomun laawoo laa həli mun nuą diɛ.

Ɉaan 13:17

Kaa yiliɠaai kɔ́lɔn, ka bɔ mɛ̨nį kɛi, ka kɛ a nwun na nɛ̨ɛ̨ nuą.

Mąątɛ̨nɛ̨ 1:2

Kɛlaa, niiɓa ɓaa Yai-Laa nwɔ tɔ́n nwoo, a giliŋąhiɛ mą a hvoló da kpinį.

Ɛsdrasə 7:25

«Yii ɓaa yɛ́ Ɛsdrasə, yɛ́i ŋɛ̨i Yálá aa kili tɛɛ ə́ pɔ da nwɔ tɔ́n, kiti tee nuą da mɛ̨nį ɓo kɛ nuą, diɛi da Eufratə ya voló tooi pələ nuą kəlee mąą mɛ̨nį hutɔɔ, da nuąi kpɔ ə́ wɔ Yálái nwɔ tɔ́n kɔ́lɔn, nuąi di hvo gɔlɔn, ka di mąą kwɛli mą.

Mąątɛ̨nɛ̨ 19:7

A muhəɠə yələkɔlɔn bələ tɔ̨nɔ̨, ə nwɔ gilɛ həɠə yələ kwəi nąą kəlee, ə naa kulɔ bələ tɔ̨nɔ̨; hɛn da hva pɛli kulɔ wəleen ɲəi.

Dutɛrɔnome 33:10

Diɛi tii ɓə da ə́ wɔ yɛnɛ̨ɛ̨ yíi ɓo pələ lɛ Ɉakɔbə ɓa, diɛ Israɛlə nuą kalan a ə́ wɔ tɔ́nŋąąi hon bələ; diɛ ɓə da lansan kələn ə́ lííla; diɛ ɓə da haláá kulɔ yɛ́, yii da gəlee kələn.

Kɔlɔnikɔ Maa-ŋuŋ 29:18

Yai-Laa, Abrahamə, da Isaakə, da Israɛlə, ku káláni di wɔ Yálá, 'Ə́ ɲɛ̨́i kɛ Yɛ́ nuąi di wɔ kiliŋąhiɛi tii ɓa a yələ kəlee. Ɛlɛɛ Ə́ di kili tínɛ̨n Ə́ pɔ pələ, a nwala walaa.

Mąątɛ̨nɛ̨ 10:17

Yai-Laa, yá mąąwɛli nuą liiɓa mɛ̨nį kɛ; yá di liikpələ, yɛ́ ə́ wəli tɔɔ di woo ɓa.

Ɛsdrasə 7:6

Ɛsdrasə tii ə həɠə Babilonə daai. Ə kɛ a hɛɓɛ́ pɛ̨ɛ̨ mun, dɔ́n ɉɛɓɛ́i Yai-Laa, Israɛlə nwɔ Yálá ə dɛɛ Moisə pɔ, ə kɛ a gɔlɔnŋąą. Yɛ pələi nwɛli ə kɛ la nwɔ Yálái ɓa, yii gaa a Yai-Laa, yii kpɔ ə ɉu hvɛli tɔɔmun ma, di gəlee tɛɛ bɔ.

Taitɔ 2:1

Yii ɓaa ə́ wɛi, nuą mąąkwɛli, ə́ bɛli laa na laa hu həɠəənŋąą ɓa, a ɉaŋąą.

Mąątɛ̨nɛ̨ 119:45

Ŋą́ nwɔ́ yɛnɛ̨ɛ̨ kɛ nɛ̨́ɛ̨́ hu, mąąhɔlɔɓo ə́ wɔ tɔn nwooiɠaai ɓə gáá bɔ.

Mąątɛ̨nɛ̨ 57:7

Daa hɛlɛn dɛ gbáálə hu, daa gɛ ŋą́ą́ koloon kɛnɛ̨! Daa lɔwa tee tɔwɔ, diɛmun mə da too ɉu.

Kɔlɔnikɔ Veerɛi 30:22

Ezekiasə wooɠaa ə lévi lonnii lii hon, ə kiliŋąhiɛ lɛlɛɛ too diɛ yɛ hvilɛn na Yai-Laa ɓa. Ɛlɛɛ ɉɛli guu ta pɛlɛ mą a hvóló mɛ̨ihveelɛ, diɛ liilaa haláá kulɔ, diɛ di nąnni di wɔɔ Yálái Yai-Laa hɛɠɛɛɓo.

Kɔlɔnikɔ Veerɛi 19:3

Kɛlaa, ə mą kɛ tii, mɛ̨nį lɛlɛɛɠaa kaa ə́ túwɔ́ pələ hu; hvo gaai, nwuluɠaai nuą di dɔɔ diɛ gɔ́, yáá gəlee kələn nɔi, ɛlɛɛ, yáá tɔɔ a ə́ nwąnąi, yɛ́ Yálá woo hon.»

Kɔlɔnikɔ Veerɛi 12:14

Roboamə ə túwɔ́ a ɲɔ̨nwɔ̨ɔ̨; hvo gaai, hvo kɛ nii lɔ li Yai-Laa kwɛliɛɛ hu.

Samuɛlə dɔlɔɔ 7:3

Samuɛlə yɛ Israɛlə nuą diɛ: «Akɛ ka káá pai Yai-Laa pɔ a ka lii kəlee, ka ká yee kulɔ ɉaliɠaa tii hu, ka gulɔ ka lɔwai, da ɉaliɠaa ŋɛ̨i a Astarteɠaa; ka ká kilitɔɔ Yai-La ɓa, ka kóló kɛ mą yaa tɔ̨nɔ̨, gaa ka kulɔi Filisti nuą yəi.»

Taitɔ 2:15

Bələ ɓə mąąnɛ̨ɛ̨i ə́ pələ ɓo la, liɛwoo kɛ, ə́ haŋąmąą kɛ a heeɓolaai gaa ə́ yəi. Nu ta ŋɛ̨i hvo tɛɠɛɓo ə́ hu.

Timote dɔlɔɔ 3:2

Kɛlaa hvo kɛli, gbɔn ɲɛ̨itɔwɔ mun, ə kɛ a nui hɔn və mą, ə ɓo a nɛ̨ą tanɔ̨n nąmu, ɲąąlaa, ɲee pɛliɛ gbɔwɔ ɓa, yɛ gbɔwɔ hon a nɛlɛɛ, ɲɛ̨i ponoɔ, yɛ pɛli nuą mąąkwɛlii,

Gɛlaɠaa 1:1

Nwɛ́li kɛ mąą mun Teofilə, ɉɛɓɛ́ dɔlɔɔi ŋá bɛ̨ɛ̨, ɉu ɓə, gólóɠaai da galanŋaai Jesus ə gɛ, ə həɠə gɔɔ tɔɔi lɔwai ɓa ə həli la yiihu ɓa, gəlee kaa laa,

Dutɛrɔnome 16:12

Ka ka kili lɛɛ ɉu, kaa diɛ, ka kɛ a luwɔɠaa Eziptə lɔi hu. Dɔnŋąą ŋɛ̨i gáá dɛɛi ka pɔ, ka ɉon a nɛlɛɛ, ka bɔ mɛ̨nį kɛ.

M̀ɛni-lɛɛi 22:14

Di nwun na nɛ̨ɛ̨i, diɛi da di wɔɔ həɠə kwɛaaɠaai waa, əgɛ, diɛ pɛli di wɔɔ nąą hɔlɔɓoi ɲɛnɛ̨ɛ̨ kɛ wului hu, ɛlɛɛ, diɛ pɛli lɔi bɛlɛ́ laaləiɠaa ɓa daa-lee hu.

Maafîu 5:19

Yili ɓə gaa mą, nui a dɔ́n ŋɛ̨i nogolo kpɛli kala, əlɛɛ, yɛ nu takpɛliɠaa kalan a tɔ́n gala mɛ̨nį yɛ yaa, mąą nui tii ɓə di kaa pai kɛi mą: lokolo Yálá-taa tɔɔlaa hu. Kɛlaa, nui a dɔ́n ɉɔn, əlɛɛ, ya nu takpɛliɠaa kalan a dɔ́n ɉɔn mɛ̨nį yɛ yaa, ya ɓə di kaa pai kɛi mą: nu kɛnɛ̨ Yálá-taa tɔɔlaa hu.

Zôo 11:13

Ə́ wɛi, yá pa kɛa ə́ kpɔɔ hɔlɔɓoi, yɛ́ ə yee lɛ bɔ pələ,

Ɛsdrasə 7:11

Tɔɔmun Artasɛrsɛsə ə hɛɓɛ́ tɛɛ ɉaláá laa həli mun da ɉɛɓɛ́ pɛ̨ɛ̨ mun Ɛsdrasə ɓa, yai kɛ a Yai-Laa Israɛlə nwɔ Yálá nwɔ tɔ́nŋąąi kɔ́lɔn mun gɛnɛ̨. Ɉɛɓɛ́i tii hu woo ka:

Mąątɛ̨nɛ̨ 119:112

Ŋą́ tɔɔ a nwą́ną́i, gɛ́ ə́ wɔ tɔn nwooɠaai pɔ yíiɓo, Və́la li a yələ kəlee.