Ɛsdrasə 6:17 - Yálá laawoo hɛɓɛ (dc)

¹⁷ Yálá nwɔ pɛ́lɛ́i tii laa ɓo mɛ̨nį hu, di nįŋɛ̨ hilɛ nwundɔ̨nɔ̨, ɓɛlaa hilɛ nwun veelɛ ɓɛlaa lonnii nwun nąąn kulɔ a haláá. Ɛlɛɛ, di ɓoli hilɛ pow kɔ́w hveelɛ kulɔ a haláá, Israɛlə huwu pow kɔ́w hveelɛi kɛ nɛ̨ŋɛ̨n maahvaa lɛɛ mɛ̨nį ɓa.

Yálá laawoo hɛɓɛ

¹⁷ Yálá nwɔ pɛ́lɛ́i tii laa ɓo mɛ̨nį hu, di nįŋɛ̨ hilɛ nwundɔ̨nɔ̨, ɓɛlaa hilɛ nwun veelɛ ɓɛlaa lonnii nwun nąąn kulɔ a haláá. Ɛlɛɛ, di ɓoli hilɛ pow kɔ́w hveelɛ kulɔ a haláá, Israɛlə huwu pow kɔ́w hveelɛi kɛ nɛ̨ŋɛ̨n maahvaa lɛɛ mɛ̨nį ɓa.

Bible

¹⁷ Dí pà a taa tûlɛ-ŋa Ŋ̀âla-pɛrɛi láa ƃó mɛni ma. Dí pà a niŋa-sirɛ lonii ŋuŋ tɔ̂nɔ (100), ƃála-sirɛ ŋuŋ feerɛ (200), da ƃála lônii ŋuŋ náaŋ (400). Dí pà a dia sâla kula mɛni ma. Dí pà a ƃoli-sirɛ puu káo feerɛ a sɔnyɔ̂ŋ sama-sɛŋ. M̀olii ŋí dɔnɔ è kɛ̀ Eezuɛ nuu-suu puu káo feerɛi dɔnɔ mɛni ma.

Ɛsdrasə 6:17 Referans Kwoze

Ɛsdrasə 8:35

Nąąlɔwai, nuąi həɠə nuwɔ laa hu, di nįŋɛ̨ hilɛ pow kɔ́w hveelɛ kulɔ Yálá ɓa a haláá yii da gəlee kələn, a Israɛlə lonnii kəlee mąą mɛ̨nį, ɓɛlaa lonnii pow mɛ̨inąąn kɔ́w mɛ̨ida, ɓɛlaa lonnii pow mɛ̨ihveelɛ kɔ́w mɛ̨ihveelɛ, ɓooli hilɛ pow kɔ́w hveelɛ, yai kɛ a nɛ̨ŋɛ̨n mąą hvaalɛɛ haláá, di gulɔ Yai-Laa ɓa a haláá yii da gəlee kələn.

Kɔlɔnikɔ Veerɛi 7:5

Tɔɔmun Salomɔn ə nįŋɛ̨ waa pow hveelɛ kɔ́w hveelɛ haláá kulɔ, da taatɛlɛɛ pɛlɛɛ pɛlɛɛ waa nwun dɔ̨nɔ̨ waa pow hveelɛ. Bələ ɓə tɔɔmun da nɔi lonnii kəle di Yálá ŋą pɛlɛ́i mąąhəɠə hɛli pu la.

Tɔɔɓɛlaa dɔlɔɔ 18:31

Ə kwɛni pow kɔ́w hveelɛ laa laa, yɛ bələi Israɛlə nu huwu hee kpəlin na kaa la a Ɉakɔbə lonnii, yai Yai-Laa ə kɛ mą: «Di kaa pai kɛi ə́ laa ɓaa Israɛlə.»

Levetekɔ 4:28

nɛ̨ŋɛ̨n tii ə ɉəɠə da nɛ mą, mąąnɛ̨ɛ̨ ə pa a ɓoli haa, kpɛɠii hva kɛ mą, a haláá hɛn, nɛ̨ŋɛ̨n tii ə ɉəɠə mąą mɛ̨nį ɓa.

Levetekɔ 4:3

«Akɛ ɉaláá laa həli mun di ɉee diɛ nwulɔ mąąhəɠɛɛ lɔ mą ya ɓə nɛ̨ŋɛ̨n ɉəɠə, ə nɔi nuą kəlee kɛ la tii a nɛ̨ŋɛ̨n ɉəɠə nuą. Mąąnɛ̨ɛ̨ ə pa a nįŋɛ̨ hilɛ lon kpɛɠii hvo mą Yai-Laa pɔ, a nɛ̨ŋɛ̨n tii ə ɉəɠə mąąhvaalɛɛ haláá.

M̀ɛni-lɛɛi 21:12

Daa tii mąąkpɛ hįi, huwiaai kɛ, ɛlɛɛ, mɛ̨i kwɛaa. Naaləi ə kɛ pow-kɔw-hveelɛ, naaləi tɛitɛi ɓa, malaka tɛitɛi ə ɓo laa, ɛlɛɛ, laaɠaa pɛ̨ɛ̨ laa; di kɛ a Israɛlə nu huwu heei pow-kɔw-hveelɛi laa.

Lukə 22:30

Ka káá pai ka laa mįi, kaa ka kpələ, ŋį́ tɔɔlaai hu, ka ɓo heeni tɔɔkpəlinŋąa hu, kaa Israɛlə lɔi pow kɔ́w hveelɛi ɲąąwooɓo.»

Tɔɔɓɛlaa dɔlɔɔ 8:62

Tɔɔmun Salomɔn da Israɛlə nuą kəlee di haláá kulɔ Yai-Laa ɓa.

Kɔlɔnikɔ Veerɛi 29:24

Ɉaláá laa həli nuą di di paa, di ɲąmą taɠa Yálá kɔ́i a nɛ̨ŋɛ̨n mąąhvaalɛɛ hɛn. Diɛ nɛ̨ɛ̨mąą hvə Israɛlə lonnii mąą mɛ̨nį ɓa. Mąąhɔlɔɓo, Israɛlə lonnii kəlee mąą mɛ̨nį ɓa ɓə tɔɔmun ə mo la, diɛ ɉaláá hɛn daa gəlee kələn da nɛ̨ŋɛ̨n mąąhvaalɛɛ haláá kulɔ la.