Ɛsdrasə 6:1 - Yálá laawoo hɛɓɛ (dc)

¹ Nąąlɔwai, tɔɔmun Dariusə ə mo, ə gɛ di dɔɔ hɛɓɛ́ hu kaa, Babilonə.

Yálá laawoo hɛɓɛ

¹ Nąąlɔwai, tɔɔmun Dariusə ə mo, ə gɛ di dɔɔ hɛɓɛ́ hu kaa, Babilonə.

Bible

¹ Nya ƃe Darɔ è m̀o a gɛɛ dí Babelɔŋ lɔii ŋɔmɛni pɔ̂lɔ kɔlɔ-ŋai su káa.

Ɛsdrasə 6:1 Referans Kwoze

Ɛsdrasə 5:17

«Yii hu kɛa, tɔɔmun, akɛ ya hvaa mą, Babilonə daai, dɔɔ hɛɓɛ́i gaa laa, də li di ɉu kaa, akɛ tɔɔmun Sirusə ə wɔlɔ yili mąą laa tɛɛ di pɔ, ə gɛ, di Yálá nwɔ pɛ́lɛ́i tɔɔ Ɉerusalɛmə daai. Yili pulu, yii tɔɔmun a gaa, ə nwɔ kiliŋąhiɛ laa həli kuɔ.»

Hanwon 25:2

Yálá nwɔ mąąwiɛ ɓaa, loo mɛ̨nį lɛɛ noo pələi. Tɔɔɓɛlaa di wɔ mąąwiɛ ɓaa, di mɛ̨nįɠaa mąąkpɛɛ.

Ɛsdrasə 4:15

ku kaa bɔ, ɉɛɓɛ́i tii ə́ nąn di wɔ mɛ̨nį pɔlɔɠaa pɛ̨ɛ̨ kaa ɉu, ɉu pili. Gwa ɉɛɓɛ́i tii hu kaa, ə́ kaa pai mɛ̨nį ta pɛ̨ɛ̨ kaai laa daai ŋɛ̨i laa mɛ̨i, diɛ kɛ mą: Kwɛli tee taa li, dɔ̨nɔ̨ hvo mą dɔɔɓɛlaa diɛ, da goɓitaaɠaa. Ɉɛɓɛ́i tii a nɛ yɛ, daai ŋɛ̨i, ɉu nuą di wɔlɔ kɛi di kwɛli tee. Mɛ̨nįi gɛ daa wolɔɔ la ya li.

M̀ɛni-lɛɛi 5:1

Ɛlɛɛ, nui tii kɛ heeni dɔɔkpəlin ɉu, ŋą́ hɛɓɛ́ ta kaa mamįiyee ɲą, gbinįn gɛɛ, a hɛɓɛ́i ɉu pələ pɛ̨ɛ̨, ɛlɛɛ, gɔlɔ ɓa pələ pɛ̨ɛ̨, kɔ́lɔn ɉɛn mɛ̨ihveelɛ ə ɓo mą.

Izikiɛ 2:9

Ŋą́ ɲɛ̨́i hee, ŋą́ nu yee kaa ɉaŋąą bɔ́ pələ, hɛɓɛ́ ə ɓo ɲəi a gbinįn gɛɛ.

Ɉeremi 36:32

Ɉeremi ə hɛɓɛ́ takpɛli həɠə, ə dɛɛ Neriya lon Barukə pɔ. Ɉeremi ə kɛi nwooɠaai Ɉuda tɔɔmun Yoyakimə ə di kələn, di ɓo mą, yɛ di pɛ̨ɛ̨. Ə mɛ̨nį takpɛliɠaa tamąą ɓo, lɔ yɛ bələi yiiɠaai tii di kɛ la, ə di pɛlɛ mą.

Ɉeremi 36:29

Yili pulu, yɛ́ Ɉuda tɔɔmun Yoyakimə ɓa: Yai-Laa woo ka: Ə́ ɉɛɓɛ́ yilii tii kələn, yɛ́ kɛ mą́ą́ lə ɓə kɛ yai ə́ bɛ̨ɛ̨ ɉu, yɛ́ kɛ diɛ: ‹Yai-Laa yɛ; Babilonə tɔɔmun gaa pai nɔi woloi, hva ɉəɠə mą, ɛlɛɛ yɛ nuą da taatɛlɛɛɠaa di kpɛɛ ɉu.›

Mąątɛ̨nɛ̨ 40:7

Haláá hɛn da kɔ́ɓo hɛn lɔpee ta wɛli hva ə́ hon, ə́ nwə́li wolo ɓo, əgɛ, ŋį́ mɛ̨nį mɛ̨n, hvo kɛ haláái da gəlee kələn da nɛ̨ŋɛ̨n mąąhvaalɛɛ haláá, da lɔpee hvɛli li.

Zôo 29:16

Ŋį́ kɛ a mąąwɛli nuą di nąn, nui kɔ́lɔn və kɛ mą, gɛ́ mąą mɛ̨nį kɛ.

Ɛsdrasə 4:19

Pələi ŋɛ̨i ka mo la, ŋį́ nuą tí, daa ɉɛɓɛ́ɠaa hu kaa, di gaa kpɔlɔ yɛ bələi tii ka mo la daai tii laa mɛ̨i, diɛ kɛ mą: ‹Ə gɔwɔ tɔɔ kpɔ wɔlɔ, daai tii a muhəɠə tɔɔɓɛlaa laa ɓa, yɛ gwɛli tee, nąą lɔ ɓə kwɛli tee mɛ̨nįɠaa da kulɔ laa.›

Izikiɛ 3:1

Yɛ mą́ą́: «Hulɔnu lon, ɉon 'ə́ mįi, ɉɛɓɛ́ yilii ŋɛ̨i mįi; yili pulu, ə́ li ka ə́ pələ́ ɓo Israɛlə nwɔ pɛlɛ́i mu nuą diɛ.»

Ɛsdrasə 6:22

Di pənə di voló mɛ̨ihveelɛ hɛli ŋɛ̨i da bu a lɛɠɛ yii dɛ hɛn və ɉu, di yili pu gee ɓa a kwəinɛ̨ɛ̨. Mąąhɔlɔɓo, Yai-Laa ə di kwəinɛ̨ɛ̨, ə Asiri tɔɔmun ɲɛ̨i lɛlɛɛ hee diɛ, ə di yee kɔ́n gɛ ɉu, Yálá nwɔ pɛ́lɛ́i tɔɔ mɛ̨nį ɓa, yii gaa a Israɛlə nwɔ Yálá.

Ɛsdrasə 7:13

«Wóó ka, gɛ̨ diɛ: Nui lɔpee gaa nwɔ́ lɔi hu a Israɛlə mun da, ə kɛ a haláá laa həli nuą, ə kɛ a Levi huwuhu nuą, da kɛ bɔ də li Ɉerusalɛmə, ka diɛni ka li.

Danîa 9:25

Yii mąąnɛ̨ɛ̨ ə́ kili ə kɛ ɉu, ə́ gbaɓala kaa, ya ka: Ə həɠə ɓɛlɔwai ŋɛ̨i di nwɛlɛɛ ŋɛ̨i ɓo la, yɛ hvilɛn na ka kulɔ mɛ̨nį luwɔlaa hu ɓa, da Ɉerusalɛmə taa tɔɔ mɛ̨nį a nįnɛ̨, ə mą kɛ, tɔɔmun yii Yálá ə ɉəɠə ɉu ə mąątí gulɔ mɛ̨nį pɔ̨nɔ̨ŋa, a kɛ a lɔwai mɛ̨ihveelɛ heei kwɛlan mɛ̨ihveelɛ. Yili pulu, lɔwai heei pow mɛ̨ida kɔ́w hveelɛ heei kwɛlan mɛ̨ihveelɛ hu, daa-lee kɛnɛ̨ da nwɔ hįi, da di tɔɔ. Kɛlaa, nɔwaiɠaai tii da kɛ a mɛ̨nį walawala.