Ɛsdrasə 4:24 - Yálá laawoo hɛɓɛ (dc)

²⁴ Ɓɛlɔwai di kpəla la Yálá hee pɛlɛ́ tɔɔ mɛ̨nį ɓa Ɉerusalɛmə, ə lɛɛ kpɔ tii, ə lɛɛ la ɉu Pɛrsə tɔɔmun Dariusə nwɔ tɔɔlaa gwɛlan veelɛ lɔwai.

Yálá laawoo hɛɓɛ

²⁴ Ɓɛlɔwai di kpəla la Yálá hee pɛlɛ́ tɔɔ mɛ̨nį ɓa Ɉerusalɛmə, ə lɛɛ kpɔ tii, ə lɛɛ la ɉu Pɛrsə tɔɔmun Dariusə nwɔ tɔɔlaa gwɛlan veelɛ lɔwai.

Bible

²⁴ Ǹûai dí kpèra Ŋ̀âla-pɛrɛ Kɛ́tɛi tɔɔ-mɛni ma a tãi su kôyaa. Kɛ́lɛ dí ŋɔ́nɔ díi kɔ́ɔ pîlaŋ Pɛsia kaloŋ Darɔ ŋɔkâloŋ-laa kòraŋ veerɛi su.

Ɛsdrasə 4:24 Referans Kwoze

Egaa 1:15

Gwɛlan dɔ̨nɔ̨i tii nwɔ ɲąnin mɛ̨ida lɔwai, voló pow hveelɛ kɔ́w nąąn ɲələ, ya ɓə di góloi tii kɔ́wɔ tɔɔ la.

Zôo 20:5

nu ɲɔ̨nwɔ̨ɔ̨ɠaa di wɔ yeetɛɛmąą laa kaa lɔ a hvóló tɔ́nɔ̨ mɛ̨nį, mɛ̨nį ɲɔ̨n gɛ nuą di wɔ kwəinɛ̨ɛ̨ kaa lɔ a gbuɔ.

Nehemi 6:9

Mąąhɔlɔɓo, di kəlee di kɛi kɛ di ku mąąɲɔw, diɛ kɛ diɛ: «Di kaa pai di yee ɓoi goló ɓa, hva kɛa kɛ.» Yii hu, ɲéé huwalawala.

Nehemi 6:3

Ŋą́ nuą tɔɔ di pɔɔli gə́ diɛ: «Gólói gaa ɲə́i gɛnɛ̨i kpɔ kpąą, vá pɛli yɛɛi laa ka pɔ. Lə mɛ̨nį ɓa, ŋį́ goló lɛɛ laa, gɛ́ pa ka pɔɔli? Ŋą́ gɛ tii, akɛti goló tɔɔ mɛ̨nį hvo li?»

Ɛsdrasə 6:1

Nąąlɔwai, tɔɔmun Dariusə ə mo, ə gɛ di dɔɔ hɛɓɛ́ hu kaa, Babilonə.

Ɛsdrasə 5:5

Kɛlaa, Yálá ɲɛ̨i ə kɛ Ɉuifə kalanɉonŋąąi tii mɛ̨i, di hvo pɛli golói tii kpɛlai pələi. Di lɛɛ goló kɛi, ə lɛɛ la ɉu, diɛ tɔɔmun Dariusə woo mąąkpɔn.

Tɛsalonikə dɔlɔɔ 2:18

Yili kpɔ ɓə gɛ, kuɔ kɛ ku paa la ká pɔɔli. Gəlee ə mą gɛ, ɲą́ą́ Polə, ŋą́ą́ ɉu kɔɔn gbɔ geemɛ̨i tamąą, ɛlɛɛ, ɓilihi yɛ kpɛ̨ąn ku tɔwɔ.

Ɛsdrasə 4:23

Yii lɔ tɔɔmun Artasɛrsɛsə nwɔ hɛɓɛ́i tii ɉu woo ə həli Gbahanama Rehumə ɓa, da nwɔ hɛɓɛ́ kɛ mun Simsai, da di ɓɛlaa, di di muhəɠə kpɔlɔ tii ɉa, də li di həli Ɉuifəɠaa diɛ Ɉerusalɛmə daai, di di wɔ kolói tii kpəla mą a huwalawala.

Ɛsdrasə 5:1

Yələ ta Yálá kwəi mɛ̨nį hukulɔ nuą hveelɛ Aze da Zakari, diɛi kɛ a Ido lonnii, di Yálá kwəi mɛ̨nį ɓo Ɉuifəɠaai ŋɛ̨i kɛ Ɉerusalɛmə daai da Ɉuda lɔi hu diɛ, Israɛlə nwɔ Yálá laa hu.

Ɛsdrasə 6:14

Ɉuifə kalanɉonŋąą yee ə lɛɛ bɛlɛ́ tɔɔ koló ɓa a nɛlɛɛ, yɛ pələi Yálá kwəi mɛ̨nį hu kulɔ nuą Aze da Ido lon Zakari di mo la; di bɛlɛ́ tɔɔ koló laa kulɔ, yɛ pələi Israɛlə nwɔ Yálá ə mo la; yɛ bələi Pɛrsə tɔɔɓɛlaa Sirusə, Dariusə da Artasɛrsɛsə di mo la.

Danîa 9:25

Yii mąąnɛ̨ɛ̨ ə́ kili ə kɛ ɉu, ə́ gbaɓala kaa, ya ka: Ə həɠə ɓɛlɔwai ŋɛ̨i di nwɛlɛɛ ŋɛ̨i ɓo la, yɛ hvilɛn na ka kulɔ mɛ̨nį luwɔlaa hu ɓa, da Ɉerusalɛmə taa tɔɔ mɛ̨nį a nįnɛ̨, ə mą kɛ, tɔɔmun yii Yálá ə ɉəɠə ɉu ə mąątí gulɔ mɛ̨nį pɔ̨nɔ̨ŋa, a kɛ a lɔwai mɛ̨ihveelɛ heei kwɛlan mɛ̨ihveelɛ. Yili pulu, lɔwai heei pow mɛ̨ida kɔ́w hveelɛ heei kwɛlan mɛ̨ihveelɛ hu, daa-lee kɛnɛ̨ da nwɔ hįi, da di tɔɔ. Kɛlaa, nɔwaiɠaai tii da kɛ a mɛ̨nį walawala.

Egaa 1:1

Dariusə nwɔ tɔɔlaa gwɛlan veelɛ hu, ɲąnin mɛ̨ida nwɔ hvóló dɔlɔɔ yələ, Yai-Laa ə mɛ̨nį ɓo gwəi mɛ̨nį hukulɔ mun Aze ɓa, yɛ mą: Nwɛlɛɛ ŋɛ̨i ɓo Saltiɛlə lon ɉulɔnu Zorobabɛlə ɓa, yii gaa a gbahalanąmą Ɉuda lɔi hu, ə mą kɛ, Yehosadakə lon ɉulɔnu Ɉosue ɓa, yii gaa a haláá laa həli mun gɛnɛ̨, yɛ diɛ:

Egaa 2:15

Ə həɠə háákələi ɓa, ka ka kiliŋąhiɛ mɛ̨nį pai kɛi mą. Gɛɛ di hvo Yai-Laa hee pɛlɛ́ gwɛni laa gee mɛ̨i.

Zakari 1:1

Dariusə nwɔ tɔɔlaai gwɛlan veelɛnąą nwɔ ɲąnin mɛ̨ihaaɓa, Yai-Laa ə pə́lə́ ɓo gwəi mɛ̨nį hu kulɔmun Zakari ɓa, yai kɛ a Ido lon Bɛrɛkia nwɔ lon.

Ɛsdrasə 3:8

Pai ŋɛ̨i di mo Ɉerusalɛmə, Yálá nwɔ pɛ́lɛ́i kɛ laa, gwɛlan veelɛnąą nwɔ ɲąnin veelɛ lɔwai, Saltiɛlə lon Zorobabɛlə da Yosadakə lon Ɉosue, da di kaayɔwɔɠaai ŋɛ̨i kɛ a ɉaláá laa həli nuą, a Levi lonnii da nuąi kpɔ kulɔ luwɔlaa hu, diɛ pa Ɉerusalɛmə daai, di di yee pɛlɛ goló ɓa. Di Levi lonnii hee Yálá hee pɛlɛ́ tɔɔ mɛ̨nį golóɠaa nwun na, ə gɔwɔ tɔɔ nui gaa kwɛlan gaa pow hveelɛ mą, yɛ li la tɔwɔ pələ.

Ɛsdrasə 4:5

Nuą tii, di nu hala, ə gɛ, di Yálá hee pɛlɛ́ tɔɔ mɛ̨nį hu kala, di gɛ tii a tɔɔmun Sirusə nwɔ lɔwai, ə həli la Dariusə nwɔ lɔwai ɓa, diɛi kɛ a Pɛrsə tɔɔɓɛlaa.

Ɛsdrasə 6:15

Di bɛlɛ́ tɔɔlaa kulɔ a Dariusə nwɔ tɔɔlaa gwɛlan mɛ̨ida nąą, a ɲąnin ŋɛ̨i da kɛ mą Adarə, nwɔ hvóló haaɓa yələ.

Danîa 11:2

«Nwɛlɛɛi ŋɛ̨i gáá pai moi yɛ́, mąąnɛ̨ɛ̨ nu ə la na, ya ɓaa: Tɔɔɓɛlaa haaɓa kaa pai di kee mąąhvalin ɉii, Pɛrsə lɔi nwɔ tɔɔ kpəlin hu, nąąn gɛɛnąą kaa pai kɛi a hɛn gɔw Nąmu kɛnɛ̨, ə tɛɛ dɔlɔɔɠaai tii diɛ. Ɓɛlɔwai nwɔ hɛn gɔw kaa pai huwalawala kɛni tɛɛ la bɔ, gaa pai gɛ pələ pɛli, ə gɛ, ə kɔ́ pɛlɛ Grɛkə tɔɔmun ma.

Egaa 2:18

Mɛ̨nįɠaai pai kɛi, ə həɠə háákələi ɓa, ka mąąkpɛɛ kpɔ a nɛlɛɛ; voló ŋɛ̨i di Yai-Laa hee pɛlɛ́ gwɛni laa la, gaa a ɲąnin mɛ̨inąąn nwɔ hvóló pow hveelɛ kɔ́w nąąn ɲələ, nąą kili ə lɛɛ ka ŋą.