Ɛsdrasə 4:20 - Yálá laawoo hɛɓɛ (dc)

²⁰ Diɛ tɔɔɓɛlaa huwalawalaa di wɔlɔ di muhəɠə Ɉerusalɛmə daai, di hee Eufratə ya lee voló tooi pələ lɔiɠaai tii kəlee mɛ̨i, diɛ kulɔ-kulɔ hɛnŋąą kulɔ diɛ, da nįįhɔnwɔ.

Yálá laawoo hɛɓɛ

²⁰ Diɛ tɔɔɓɛlaa huwalawalaa di wɔlɔ di muhəɠə Ɉerusalɛmə daai, di hee Eufratə ya lee voló tooi pələ lɔiɠaai tii kəlee mɛ̨i, diɛ kulɔ-kulɔ hɛnŋąą kulɔ diɛ, da nįįhɔnwɔ.

Bible

²⁰ Diai kâloŋ-laa kɛ̀ daa-leei ŋí sui da Yufeletii Ya-leeii ŋɔfólo liî-perei, ǹûai díkɛ̀ ŋuŋ-fela-fei kpɛɛ̂i díyêei da ǹɔii ŋɔzûti.

Ɛsdrasə 4:20 Referans Kwoze

Zɛnɛse 15:18

Voló tɔ̨nɔ̨i tii, Yai-Laa da Abramə di mįnɛ̨ həɠə, yɛ mą: «Ə həɠə Eziptə lɔi ɲá lee ɓa, ə li la Eufratə ɓa, gáá nɔi ŋɛ̨i tɛɛi ə́ huwu pɔ.

Mąątɛ̨nɛ̨ 72:8

Nwɔ tɔɔlaai a həɠə gboloyá ɓa, ə həli la dakpɛli ɓa; ə həɠə ɲá kɛnɛ̨ ɓa, ə həli lɔi kpɛlai.

Kɔlɔnikɔ Maa-ŋuŋ 18:3

Davidə ə pənə ə Hadadɛzɛrə ŋɛ̨i kɛ a Sova tɔɔmun ə ɉon a kɔ́, Hamatə pələ, nąą bələ ɓə Hadadɛzɛrə ə kɛi kɛ ə ŋą tɔɔlaai hee la, Eufratə ɲálee ɓa, di nąą kulɔ ɲəi.

Ɛsdrasə 7:24

Yili pulu, gaa nwɔ̨nɔ̨ moi kaa, ka hvo nii hɔ̨nwɔ̨ mɛ̨nį ɓo, ɉaláá kulɔ nuą diɛ, ə mą kɛ Levi lonnii, da nwələ too nuą, da bɛlɛ́ laaləi mąąkpɛ nuą, da goló kɛ nuą, ɛlɛɛ da Yálá hee pɛlɛ́ mu koló kɛ nuą lɔpee ta.

Ɛsdrasə 4:16

Tɔɔmun! Ku kaa ə́ kili pui tii ɉu, kuɔ yɛ́: Akɛ da daa ŋɛ̨i tɔɔ, di pənə di hįį tɔɔ mą, yii a kulɔ nąą pulu, ya ɓaa: ə́ wɔ yee pɛli mąą hva kɛ Eufratə ɲa lee koo ɓa lɔiɠaa ŋɛ̨i mɛ̨i, voló tooi pələ.»

Ɛsdrasə 4:13

Tɔɔmun, ə́ kili ə kɛ ɉu, da pənə da daai ŋɛ̨i tɔɔ, di pənə di ɉįi tɔɔ, di hvo pai gɛi, di hvo kulɔ-kulɔ hɛnŋąą kulɔ, ə mą kɛ nįįhɔ̨nwɔ̨; yili yaan a kɛ tii, gaa pai kɛi a pɔn bɛlɛɛ dɔɔ hɛn gɔw ɓa.

Kɔlɔnikɔ Veerɛi 17:11

Di kɛi həɠə a hamą pilɛɠaa Filisti lɔi hu, diɛ paa la Ɉosafatə pɔ, a wali, da nįįhɔ̨nwɔ̨. Ə mą kɛ Arabə lɔi hu nuą di kɛi pa bɔ a taatɛlɛɛɠaa: Ɓɛlaa hilɛ waa mɛ̨ihveelɛ pulu nwun mɛ̨ihveelɛ da Ɓooli hilɛ waa mɛ̨ihveelɛ pulu nwun mɛ̨ihveelɛ.

Kɔlɔnikɔ Veerɛi 9:14

yii ɉiɛ kulɔ nuą da ɲɔ̨w ɓɛlaa di kɛi paa la, naa hvo kɛli ɉu. Arabə tɔɔɓɛlaa kəlee da nɔi ɲɛ̨itɔɔ nuą di kɛi pa Salomɔn pɔ a hɛni da wali.

Kɔlɔnikɔ Maa-ŋuŋ 19:19

Yii kɛa Hadadɛzɛrə nwɔ tɔɔɓɛlaa di gaa, diɛ Israɛlə yee aa tɛɛ diɛ, di nɛɛ mą, di di nɛ̨ɛ̨ kwɛli Davidə hu, di di lɔwai ponnaa kulɔ, di kɔ́-tɛ́ɛ́ pili Davidə ɓa, di lɔ Israɛlə nuą yeemu. Aramə nuą di kɛi kɛa ɲɔw kpɔmąą tɛɛi Amɔn lonnii pɔ.

Kɔlɔnikɔ Maa-ŋuŋ 18:13

Ə lɔi nwun nąmįną hee Edɔmə, di kəlee di lɛɛ Davidə yee mu, a Davidə nwɔ tínuą. Ɓɛi lɔpee Davidə ə kɛi li laa, Yai-Laa ə kɛi kɔ́ nɛ̨ɛ̨ mą.

Kɔlɔnikɔ Maa-ŋuŋ 18:6

Davidə ə nɛɛ mą, ə lɔi nwun nąmįną hee Aramə nuą mɛ̨i Damasə. Aramə nuą di lɛɛ Davidə yee mu, diɛ nįįhɔ̨nwɔ̨ kulɔ mą. Ɓɛi lɔpee Davidə ə kɛi li laa, Yai-Laa ə kɛi gɔ́ nɛ̨ɛ̨ mą.

Maafîu 9:9

Jesus həɠɛɛ laa yɛ li, gɛɛ tɛɛi, ə hulɔnu ta kaa heeni nįįhɔ̨nwɔ̨ kulɔ taɓali ɓa. Naa ɓa kɛ a Matie. Ə mo mą, yɛ mą: «'Hvilɛn búlú!» Yili ə muhəɠə, ə hvilɛn bulu.

Ɛsdrasə 4:19

Pələi ŋɛ̨i ka mo la, ŋį́ nuą tí, daa ɉɛɓɛ́ɠaa hu kaa, di gaa kpɔlɔ yɛ bələi tii ka mo la daai tii laa mɛ̨i, diɛ kɛ mą: ‹Ə gɔwɔ tɔɔ kpɔ wɔlɔ, daai tii a muhəɠə tɔɔɓɛlaa laa ɓa, yɛ gwɛli tee, nąą lɔ ɓə kwɛli tee mɛ̨nįɠaa da kulɔ laa.›

Ɛsdrasə 4:21

Yili ɓə gaa mą, ka mo Ɉuifəɠaai tii diɛ, di di wɔ kolói tii kpəla bələi, di hvo kɛ di kaa pənəi di daai tii tɔɔ, hvo kɛ li ɲą́ą́ ŋɛ̨i, ŋį́ mąą laa tɛɛ di pɔ.

Woolaa 1:1

'Ká ɓɛ gaa lə! Daai kɛ naahvɛɛ a nu kan, ya ka daa lənə mą. Aa lɛɛ yɛ kalanin. Yaai wɔlɔ kɛ a tɔɔ taa, aa lɛɛ a kóló-ku-duwɔ.

Tɔɔɓɛlaa dɔlɔɔ 5:1

Salomɔn ə kɛi tɔɔlaa kɛ, ə həɠə Eufratə ya kwɛlɛ, dɔɔlaaɠaa kpɔ kɛ laa, gəlee mɛ̨i, ə li Filisti nuą di wɔ lɔi ɓa; ə lɛɛ la ɉu, ə həli da Eziptə nuą ɲɛn ma. Salomɔn ŋą yɛnɛ̨ɛ̨ kəlee yee mu, di kɛi tíi kɛ mą, diɛ nįįhɔ̨nwɔ̨ kulɔ mą.

Tɔɔɓɛlaa dɔlɔɔ 5:4

Salomɔn nwɔ ɲąąwooɓo ə kɛ Eufratə ya voló tooi ɉɛɠɛɛ pələ, kəlee mɛ̨i, ə həɠə Tifsa yɛ li Gaza, dɔɔɓɛlaa kpɔ tii kɛ laa ɲá koo ɓa, gəlee di kɛ Salomɔn yee mu. Nɔiɠaai kpɔ kɛi Salomɔn mąą tinɛ̨n, da diɛni di kɛ nɛ̨ɛ̨laa hu.

Izikiɛ 19:11

Nwonwoɠaa di tɔɔ mą a gbɛa kpɛa, di kɛ a tɔɔ tunwɔ̨nŋaa; ɲee mu ə həɠə nwonwoɠaa nwun mɛ̨i, ə kɛi nuą mąą ɲɔw gwɛa pələ ɓa, da nwonwo tamą pələ mą.