Ɛsdrasə 4:1 - Yálá laawoo hɛɓɛ (dc)

¹ Ɓɛlɔwai Ɉuda nu huwu da Bɛnɉamɛn huwuhu nuą di yowoɠaa di bələ mɛ̨n na, diɛ kɛ diɛ, nuąi ŋɛ̨i həɠə nuwɔ laa hu, di pa, di kaa Yai-Laa Israɛlə nwɔ Yálá hee pɛlɛ́ tɔɔi,

Yálá laawoo hɛɓɛ

¹ Ɓɛlɔwai Ɉuda nu huwu da Bɛnɉamɛn huwuhu nuą di yowoɠaa di bələ mɛ̨n na, diɛ kɛ diɛ, nuąi ŋɛ̨i həɠə nuwɔ laa hu, di pa, di kaa Yai-Laa Israɛlə nwɔ Yálá hee pɛlɛ́ tɔɔi,

Bible

¹ Zuda da Bɛŋsima dísuui su-ƃelai díkpɔara-ƃela díkɛ̀ naa. Ǹûai ŋí dí mɛ̀ni a gɛɛ ǹúu suui ŋí su-ƃelai da kula gɔ sôŋ laai su da kɛ́ Eezuɛ Ɣalai Yâwɛɛ ŋɔpɛ́rɛ kɛ́tɛi tɔɔ̂i pôlu.

Ɛsdrasə 4:1 Referans Kwoze

Ɛsdrasə 1:11

Ɉɛnŋąą tii kəlee pɛlɛɛ gee ɓa, ə kɛ a hɛn ɲąŋą waa lɔɔli pulu nwun nąąn. Sɛsbasarə ə ɉɛnŋąą tii kəlee həɠə, ɓɛlɔwai di kɛi həɠə la Babilonə lɔi hu, diɛ di pulu pənə Ɉerusalɛmə daai.

Korɛntə dɔlɔɔ 16:9

Mąąhɔlɔɓo, pələ kɛnɛ̨ laa aa ɓo gɛ́ kólo tɔwɔ, ɛlɛɛ ɲówoɠaa tamąąi.

Danîa 9:25

Yii mąąnɛ̨ɛ̨ ə́ kili ə kɛ ɉu, ə́ gbaɓala kaa, ya ka: Ə həɠə ɓɛlɔwai ŋɛ̨i di nwɛlɛɛ ŋɛ̨i ɓo la, yɛ hvilɛn na ka kulɔ mɛ̨nį luwɔlaa hu ɓa, da Ɉerusalɛmə taa tɔɔ mɛ̨nį a nįnɛ̨, ə mą kɛ, tɔɔmun yii Yálá ə ɉəɠə ɉu ə mąątí gulɔ mɛ̨nį pɔ̨nɔ̨ŋa, a kɛ a lɔwai mɛ̨ihveelɛ heei kwɛlan mɛ̨ihveelɛ. Yili pulu, lɔwai heei pow mɛ̨ida kɔ́w hveelɛ heei kwɛlan mɛ̨ihveelɛ hu, daa-lee kɛnɛ̨ da nwɔ hįi, da di tɔɔ. Kɛlaa, nɔwaiɠaai tii da kɛ a mɛ̨nį walawala.

Danîa 5:13

Nąąlɔwai, di Daniɛlə təli ə pa tɔɔmun nííla, tɔɔmun ə mo mą, yɛ mą: «Yɛ́ ɓə da kɛ ə́ laa ɓaa Daniɛlə, nuąi ŋɛ̨i ną́n ə di həɠə Ɉuda lɔi hu, yɛ pa a diɛ, da ɓaa yɛ́?

Ɛsdrasə 10:16

Kɛlaa, nuąi həɠə nuwɔ laa hu, di gɛ yɛ bələi di mo la; da ɉaláá laa həli mun Ɛsdrasə ni di nuą həɠə ɉu, a nu kpulu nąmįną, nu kəlee da nwɔ kwəli, di di tɛitɛi di laa ɓo; di hee mɛ̨nį ɓo haɠa ɓa, a ɲąnin bow nąą nwɔ hvóló dɔlɔɔ yələ; əgɛ, di mɛ̨nį mąąkpɛɛ.

Ɛsdrasə 10:7

Di noloɓo Ɉuda lɔi hu, da Ɉerusalɛmə daai diɛ kɛ mą: Nuąi kpɔ həɠə nuwɔ laa hu, gəlee di di ŋąąkpɔn Ɉerusalɛmə daai.

Ɛsdrasə 7:9

Yaan, ɲąnin dɔlɔɔ nwɔ hvóló tɔlɔɔ, di həɠə Babilonə, ɛlɛɛ ɲąnin nɔɔli nąą nwɔ hvóló dɔlɔɔ yələ ɓə di həli la Ɉerusalɛmə, mąąhɔlɔɓo, nwɔ Yálái yee ə kɛ di mɛ̨i.

Ɛsdrasə 6:16

Israɛlə lonnii, ɉaláá laa həli nuą, da Levi lonnii, ə mą kɛ nuąi ŋɛ̨i həɠə luwɔlaa hu, di Yálá hee pɛlɛ́ laa ɓo hɛli pu kwəinɛ̨ɛ̨ hu.

Ɛsdrasə 3:13

Nu hvo kɛi pɛli nwɔlɔ woo da gwəinɛ̨ɛ̨ woo gulɔ ɉu kɔ́lɔn ɉii, mąąhɔlɔɓo, di húlúún nwoo ə kɛi li kwɛaa la.