Ɛsdrasə 3:1 - Yálá laawoo hɛɓɛ (dc)

¹ Ɲąnįn mɛ̨ihveelɛ lɔwai, Israɛlə nuą kəlee di həɠə di wɔ taaɠaai hu, di kəlee di pa, di di ɲąąkpɔn Ɉerusalɛmə daai, yɛ nu tɔ̨nɔ̨.

Yálá laawoo hɛɓɛ

¹ Ɲąnįn mɛ̨ihveelɛ lɔwai, Israɛlə nuą kəlee di həɠə di wɔ taaɠaai hu, di kəlee di pa, di di ɲąąkpɔn Ɉerusalɛmə daai, yɛ nu tɔ̨nɔ̨.

Bible

¹ Eezuɛ-ŋai kuláa gɔ́-soŋ laai su Babelɔŋ dí ɣáloŋ lɔ́ɔlu mɛi feerɛ sìɣe dí dítaa-ŋai su kpɛ̀tɛ. Ǹaa pôlu ma, dí díŋaa-tɛ gîe ma Zerusâlɛŋ taa-leei su.

Ɛsdrasə 3:1 Referans Kwoze

Korɛntə dɔlɔɔ 1:10

Kɛlaa, ną́n nonni, gáá ka liɛwoo ɓoi gu Ną́mu Jesus Kristə laa hu, gɛ́: Ká woo ə kɛ ɉu tanɔ̨n, ɓɛlaɓo hvo kɛ ká lɔwai. 'Ká yili ka kii ɓa kili tɔ̨nɔ̨ hu kiliŋąhiɛ tanɔ̨n ɉu.

Gɛlaɠaa 4:32

Laa na nuą kəlee yee lɔ kɛ gee hu, di yəi hɛnŋąa kəlee pɛlɛɛ gee ɓa, kiliŋąhiɛ tɔ̨nɔ̨ hu. Nu tɔ̨nɔ̨ kpɛli hvo kɛi kɛ diɛ: «Yii ɲə́i, ɲą́ą́ dɔ̨nɔ̨ nwɔ́ɔ́ li.»

Levetekɔ 23:24

«'Mo Israɛlə lonnii diɛ, yɛ́ diɛ: «Ɲąnin mɛ̨ihveelɛnąą nwɔ hvóló dɔlɔɔ, kaa ka yəi a hvįįtɔɔ hvóló, yɛ mɛ̨nį kili too ka ŋą, ə ɓo a hɛli, ka ka ɲąąkpɔn a ɲələ, kaa mą́ą́wiɛ.

Gɛlaɠaa 2:46

Di hvaŋąlɔɔ kɛ, diɛ di ɲąąkpɔn Yálá hee pɛlɛ́ mu, diɛ kɔ̨nɔ̨n mįi gee ɓa di yəi bɛlɛ́nŋąą, a kwəinɛ̨ɛ̨ da lii nɛ̨ɛ̨ gwəi.

Sofoni 3:9

Nąąlɔwai, gáá pai hį́i takpɛliɠaa laawulun mąą pənəi, a laawulun mąąhəɠɛɛ, ə gɛ, diɛ pɛli Yai-Laa təlii a naa, diɛ vɛli, diɛ tí mą a gee.

Nehemi 8:14

Di gaa, bɛ̨ɛ̨ dɔ́n ɉɛɓɛ́ hu diɛ kɛ: Yai-Laa ə mo Moisə ɓa, yɛ mą: «Mąą nɛ̨ɛ̨ Israɛlə nuą di kɛ kələɠaa mu, ɲąnįn mɛ̨ihveelɛ naa hɛli pu mɛ̨nį ɓa.

Nwun mąąɓo 20:1

Israɛlə lonnii kəlee woo tɔɔi ə kɛ tanɔ̨n, di kəlee di di ŋąąkpɔn Mispa daai, Yai-Laa lííla. Di kɛi həɠə Dan lɔi hu, ɲələi pələ, ə lɛɛ la ɉu ə həli Beɛrə-Seva ɉɛɠɛɛ pələ, da Galaadə lɔi hu, voló həɠəi pələ.

Levetekɔ 16:29

«Ka hiɛ pələ ka tii a yələ kəlee. Ɲąnin mɛ̨ihveelɛnąą nwɔ hvóló pow yələ, mąąnɛ̨ɛ̨ ka hin nɔ, ka hvo kólói lɔpee ta kɛ, ə kɛ a nɔi lon ə mą kɛ a nwɛ̨ąi heeni ka kɔ́wɔ mɛ̨i.

Nehemi 8:1

Nɔi lonnii kəlee di di ŋąąkpɔn nɔ yɛ nu tɔ̨nɔ̨, di pa a Moisə nwɔ tɔ́n ɉɛɓɛ́i, yaai tii Yai-Laa ə naa Israɛlə lonnii nwuɔ̨.

Dutɛrɔnome 16:16

Kwɛlan dɛitɛi ye mu, hinąą kaa pai kɛi lii Yai-Laa ka wɔ Yálái lííla gee mɛ̨i haaɓa; gɛɛnąą tii gaa pai ɲeekpiɛ lɛi laa, ɓɛlɔwai ka káá pai kɛi lɛɠɛ yii dɛ hɛn və ɉu nwɔ hɛli pui la, da nɔwɔ mɛ̨ihveelɛ tɛɛ pulu hɛli, ɛlɛɛ, da gələ hɛli pu yələ. Nu ta lɔpee hvo kɛ gaa pai Yai-Laa ka wɔ Yálá lííla a ɲeehowolo.

Nehemi 7:72

Nąąlɔwai, ɉaláá laa həli nuą, bɛlɛ́ laaləi mąąkpɛ nuą, nwələ too nuą da nuą bələ tɔ̨nɔ̨, tínuą da Israɛlə lonnii kəlee, nu kəlee ə hee bɔ taai; ɲąnįn mɛ̨ihveelɛ naa ə tɔɔ Israɛlə lonnii di ɓo di pɔ taaɠaa.