Ɛsdrasə 2:68 - Yálá laawoo hɛɓɛ (dc)

⁶⁸ Ɓɛlɔwai di həli la Ɉerusalɛmə, ɓɛi kɛ a Yai-Laa nwɔ pɛ́lɛ́i tɔɔi laa, pɛlɛ́ nąmįną taɠaa di naagwəi mɛ̨inɛ̨ɛ̨ kɛ, ə gɛ, Yálá hee pɛlɛ́ ə pənə ə tɔɔ dɔɔi pɔlɔ ɓa.

Yálá laawoo hɛɓɛ

⁶⁸ Ɓɛlɔwai di həli la Ɉerusalɛmə, ɓɛi kɛ a Yai-Laa nwɔ pɛ́lɛ́i tɔɔi laa, pɛlɛ́ nąmįną taɠaa di naagwəi mɛ̨inɛ̨ɛ̨ kɛ, ə gɛ, Yálá hee pɛlɛ́ ə pənə ə tɔɔ dɔɔi pɔlɔ ɓa.

Bible

⁶⁸ Tãi gɔ́ soŋ-ƃelai dí lène la pôlui, dí pà Yâwɛɛ ŋɔpɛ́rɛ kɛ́tɛi lá Zerusâlɛŋ. Dílaa túɛ-ƃelai da-ŋa dílii kûla sàma sãa tɛ̀ɛ a gɛɛ dí bɛ́rɛ kɛ́tɛi ŋí tɔ́ɔ là pôlu maa kala-kpoloŋ-pɔlɔi ŋá.

Ɛsdrasə 2:68 Referans Kwoze

Korɛntə veelɛ 9:7

Nu tɛitɛi ə dɛɛ kani yɛ bələi a laa la a níi, hvo gɛ a ɲɛ̨i-yili, hvo kɛ a ganąn mɛ̨nį, gbala ə tɔɔ, nui a dɛɛ a gwəinɛ̨ɛ̨, ya ɓə nwɛli kaa Yálá ɓa.

Korɛntə veelɛ 8:3

Di gɛ yɛ bələi di wɔɔ yee pɛlimąą laa kaa la, ɛlɛɛ, di gɛ ə tɛɛ di yee pɛlimąą mɛ̨nį ɓa, di gɛ lɔ tii di kpɔwɔ ɓa, ɲą́ą́ kpinįi gáá a yili mąą kɛla.

Lɛɛ gbɔwɔ ɓa 36:3

Ɉɛnŋąąi kpɔ Israɛlə lonnii di paa la bɛlɛ́ mąą həɠɛɛ mąą mɛ̨nį ɓa, di ɉon Moisə yəi, diɛ gólóɠaa kɛ la, kɛlaa, nuą di kɛi lɔ pa a da kɛnɛ̨ yələwala pɔ tɛitɛi kəlee.

Lɛɛ gbɔwɔ ɓa 35:29

Ɉinąą mąn nɛ̨ąą mąn, diɛi kpɔ kɛ di kwəinɛ̨ɛ̨, di kɛi di muhəɠə, diɛ pa a hɛnŋąą, gólói Yai-Laa ə Moisə tí la gɛ mɛ̨nį ɓa. Diɛi kɛ di kwəinɛ̨ɛ̨ Yai-Laa pɔ a Israɛlə lon gɛ pələ kpɔ-kpɔ.

Korɛntə veelɛ 8:12

Nu kiliŋąhiɛ pələ a lɛlɛ kpɔ a neelee, da di yee hee mu, da hɛn gaa ɲəi, hɛn da awala nwɔ̨nɔ̨ kɛ ɲəi, mɛ̨nį hvo li!

Mąątɛ̨nɛ̨ 110:3

Heeɓolaa ə lɛɛ ə́ yəi, a ɲələi ə́ kɛi yɛ́ kɔlaɠai ɲąąkpɔn na. Mąąwiɛ ə kɛ yɛ́ a Yálá-taa mąąwiɛ, ə́ ɓo nį ə́ lee kwəi, ə́ nwunų kɔ́lɔi.

Ɛsdrasə 3:3

Bələi mąn di kɛi ɲɔw la di kwɛlɛ lɔi hu nuą diɛ, ɓɛi wɔlɔ ɉaláá kulɔi tii ə kɛ laa, nąą lɔ ɓə di dɔɔ laa. Di ɉaláá kulɔ laa Yai-Laa ɓa, a haláá hɛn yii da gəlee kələn, yələwala da yələwulii.

Kɔlɔnikɔ Veerɛi 3:1

Salomɔn ə ɲee pɛlɛ Yai-Laa nwɔ pɛlɛ́i tɔɔ mɛ̨nį goló ɓa Ɉerusalɛmə, Moriya yee nwuɔ̨, ɓɛi Yai-Laa ə gbɔwɔ lɛ laa nąn Davidə ɓa, ɓɛ kpɔ-kpɔɔ tii Davidə ə nąą pɛli Ɉebusə mun Ornan ŋą mɔ̨nun dan ɉii.

Kɔlɔnikɔ Maa-ŋuŋ 22:1

Yili ɓə gɛ, Davidə yɛ kɛ diɛ: «Ɓɛ ɓə Yai-Laa Heeɓo kəlee Nąmu Yálá nwɔ pɛlɛ́i kaa laa, ə lɛɛ; ɓɛi Israɛlə nuą da haláá kulɔ laa!»

Kɔlɔnikɔ Maa-ŋuŋ 21:18

Yai-Laa nwɔ malaka yɛ Gadə ɓa, mo Davidə ɓa: «Ə li ə haláá kulɔ pɛli Ɉebusə mun Ornan nwɔ mɔ̨nun dan ɉii a Yai-Laa nwɔɔ!»

Lɛɛ gbɔwɔ ɓa 25:2

«'Mo Israɛlə lonnii diɛ, di di yee ɲąąkpɔn di mą́ą́ mɛ̨nį kɛ la. Nuąi kpɔ yili mąą lii kaa di kwəi, ɉɛn da paa la, ka ɉon di yəi.

Ɛsdrasə 2:67

Ɲɔ̨ɔ̨mɛ̨ɛ̨ nwun nąąn ɲee haaɓa kɔ́w lɔɔli (435) da hoohvaalən ɉilɛ waa mɛ̨ida pulu nwun mɛ̨ihveelɛ ɲee hveelɛ (6720.)

Ɛsdrasə 2:69

Yɛ pələi di wɔ yee pɛli mąą laa ə kɛ la, di hɛnŋąą tɛɛ golói tii mąą mɛ̨nį ɓa, hɛni kpuwulu waa pow mɛ̨ida kɔ́w tɔ̨nɔ̨ (61000), wali nɔ̨mɔ̨nɔ̨n nwaa lɔɔli (5000), haláá kulɔ həɠə nwundɔ̨nɔ̨ (100).

Lɛɛ gbɔwɔ ɓa 35:21

Yili pulu, nui lɔpee nąą wɛli ə kɛ mą, nui lɔpee kɛ naa gwəi mɛ̨inɛ̨ ə kɛ ɲəi, di paa la a Yai-Laa kɔ́ hɛn; Gəlee di kɛ a gee kaa kələ góló kɛ hɛn, da díɓoɠaa pai kɛi mu mąą mɛ̨nį kəlee ɲɛ̨i kulɔ mɛ̨nį, da ɉaláá həɠəɠaa pɛli mɛ̨nį.

Ɛsdrasə 9:9

Mąąhɔlɔɓo, ɓɛlɔwai ku kɛ la luwɔlaa hu, hvo ə́ kili kulɔ li ku hu, ə́ ə́ kiliŋąhiɛ kuɔ, Pɛrsə tɔɔɓɛlaa ɲɛ̨i ɓa, ə́ wɔ wɛlikɛmąąlaa hu, ə́ ku nwun mąąɓo, ə gɛ, ku Yálá hee pɛlɛ́ muhəɠə, kuɔ nwɔ̨nɔ̨ bɛlɛ kpoloon tii muhəɠə a nįnɛ̨, ə́ ku mąą kɔ́nwɔ̨i tɛɛ ku pɔ Ɉerusalɛmə daai, da Ɉuda lɔi hu.