Ɛsdrasə 2:63 - Yálá laawoo hɛɓɛ (dc)

⁶³ Gbahanąmą ə mo diɛ, yɛ diɛ, mąą hvo nɛ̨ɛ̨li ka hvo ɉaláá kulɔi kɔ̨nɔ̨n da mįi, ə lɛɛ la ɉu, di haláá laa həli mun gɛnɛ̨ ta hee, yai pai Yálá mąąlən gɛi a urimə da tumimə, ə mɛ̨nįi tii gulɔ ɉu lɛ.

Yálá laawoo hɛɓɛ

⁶³ Gbahanąmą ə mo diɛ, yɛ diɛ, mąą hvo nɛ̨ɛ̨li ka hvo ɉaláá kulɔi kɔ̨nɔ̨n da mįi, ə lɛɛ la ɉu, di haláá laa həli mun gɛnɛ̨ ta hee, yai pai Yálá mąąlən gɛi a urimə da tumimə, ə mɛ̨nįi tii gulɔ ɉu lɛ.

Bible

⁶³ Zuda-ŋai dílɔii láa túɛ-nuui fé fáa ní ma a gɛɛ m̀ii-sãai da gùla Ɣâla ma a sâlai, ǹûai ŋí dí da mii. É lɛ́ɛ pâi kɛ̂i tí, fɛ̂ɛ sâla láa sóŋ-nuu kpîŋ é Uliŋ da Tumiŋ tóo é gáa à kɛ̀ maa nɛ̃ɛi é kɛ́ tí.

Ɛsdrasə 2:63 Referans Kwoze

Lɛɛ gbɔwɔ ɓa 28:30

Ə́ Yai-Laa nwɔ kpɛɛn doo giti həɠə hu, mąąnɛ̨ɛ̨ di kɛ Aarɔn kəŋə la, ɓɛlɔwai a kɛi lɔ la Yai-Laa lííla, a kɛ ti, Israɛlə lonnii di wɔ kitii a kɛ lɔ Aarɔn kəŋə la a yələ kəlee ɓɛlɔwai gaa la Yai-Laa lííla.

Lonon mo 27:21

Mąąnɛ̨ɛ̨ ə li ɉaláá laa həli mun Eleazarə pɔ, yili ə urimə mɛ̨nį mąąni kɛ, yɛ hvilɛn na mą Yai-Laa ɲɛ̨i ɓa. Bələi urimə kaa pai moi la, bələ ɓə di kaa pai gɛi la, diɛ lɔ, diɛ kulɔ, yaa da Israɛlə nuą kəlee.»

Levetekɔ 2:10

Ɉaláá hɛn gbəli a kɛ a Aarɔn da nonnii di wɔɔ. Kɔ̨nɔ̨n mąąhəɠɛɛ ka tii, mąąhɔlɔɓo, Yai-Laa nwɔ haláá hɛn di gələn da li.

Levetekɔ 2:3

Ɉaláá hɛn gbəlii a lɛɛ, gaa a Aarɔn da nonnii di wɔɔ, gaa a kɔ̨nɔ̨n mąąhəɠɛɛ, mąąhɔlɔɓo, Yai-Laa nwɔ haláá hɛn di gələn, da ka tii.

Nehemi 8:9

Ya ɓə Nehemi ŋɛ̨i kɛ a gbahanama da Ɛsdrasə ɉaláá laa həli mun yai lɔ kɛ a ɉɛɓɛ́ kɛ mun, da Levi huwuhu nuąi tii kɛi ɉɛɓɛ́ hukulɔ wooɠaa ɓo nuą diɛ, di kɛi kɛ nɔi lonnii kəlee diɛ: «Volói ŋɛ̨i kaa a Yai-Laa ka wɔ Yálá nwɔ hvóló. Mąą hvo nɛ̨ɛ̨li, ka hvo kɛ liihɛlɛn ɉu, kaa wɔlɔ. Mąąhɔlɔɓo, nuą kəlee di kɛi wɔlɔ, dɔ́n ɉɛɓɛ́ hu woo mąą mɛ̨nį ɓa.»

Levetekɔ 22:10

«Nui hvo ɓaa ɉaláá laa həli mun da, hva ɉaláá hɛn mąą həɠɛɛ ta mįi, ə mą kɛ ɉaláá laa həli mun mąą nwɛ̨ą, a wala kɛ tii, nwɔ kóló kɛmun yai da vɛla kulɔ, di ta lɔpee di hva hɛn mąą həɠɛɛ ta mįi.

Nehemi 10:1

Mɛ̨nįɠaai tii mąą mɛ̨nį ɓa, ku kaa ku kwɛlai a nwalawala ku bu hɛɓɛ́ hu, nu kɛnɛ̨ ə ɲee pɔɔ too ɉu. Ku ɲɛ̨itɔwɔ nuą, Levi huwuhu nuą da ku wɔ haláá laa həli nuą, di laa kaa ɉu.

Nehemi 7:65

Gbahanama ə tɔ́n dɔɔ diɛ, di hvo kɔ̨nɔ̨n naakwɛlan ɓoɔ Yálá ɓa, da mįi. Ə lɛɛ la ɉu, ɉaláá laa həli nuą urimə da tumimə di nuą tii mąą mɛ̨nį hu pili.

Samuɛlə dɔlɔɔ 28:6

Saulə ə Yai-Laa mąąnin gɛ, kɛlaa, Yai-Laa hvo nwoo pulu pənə, ə kɛ a hįi pələ, ə ma kpɛli kɛ a ɉaláá laa həli mun, ə kɛ a Yálá kwəi mɛ̨nį hukulɔ mun.

Dutɛrɔnome 33:8

Yɛ Levi nwɛi ɓa: «Yai-Laa aa nwɔ kpɛɛn dɛɛ nwɔ tínuą ɓɛlɛɛɠaa pɔ, diɛi ɓaa Levi huwu. Diɛi ə di mąąkpɛɛ Masa. Ə di hutɔɔ Meriba ya mɛ̨nį hu.

Lonon mo 18:32

Mɛ̨nįɠaai tii kəlee hu, ka ɉɛnŋąąi tii nɛlɛɛɠaa kulɔ ɉu, nɛ̨ŋɛ̨n va kɛ kaa yili hu. Israɛlə lonnii di wɔ haláá mąą həɠɛɛɠaa hukalaa hvə li, ɛlɛɛ, ka hva haa yili mąą mɛ̨nį ɓa.»

Lonon mo 18:19

«Ka yíi pələ li, hva ɉəɠə mą, yɛ́ ə́ lon ɉinąą da ə́ nonnii nɛ̨ąą. Hɛn lɔpee Israɛlə lonnii da gulɔ haláá hɛn ɉu a Yai-Laa nwɔɔ, gáá di tɛɛi ka pɔ. Mįnɛ̨ ka tii ɲilɛɛ a kpolo a yələ kəlee mɛ̨nį, Yai-Laa ɲɛ̨i ɓa, yɛ́ ka ə́ huwu ka mąą mɛ̨nį ɓa.»

Levetekɔ 8:8

Ə ɉəɠə mɛ̨i yiɓɛ kɛ mą, ə Yálá mąąni kɛ kpɛ̨ɛ̨ gɔw too ɉu.

Levetekɔ 7:16

«Nui a naa gwəi, yɛ gaa Yálá kɔ́i a taatɛlɛɛ ta, da ɉaláá huwɔi tii mįi a ɲələi da naa həli la, gbəli a lɛɛ, da pɛli di mįi a bulu ɓa yələ laa ɓɔɔ.

Levetekɔ 6:17

Yai-Laa yɛ Moisə ɓa:

Ɛsdrasə 2:64

Israɛlə nu huwui kulɔ luwɔlaa hu, di kɛ a nu waa pow nąąn kɔ́w hveelɛ pulu nwun ɉaaɓa ɲee mɛ̨ida (42360).

Levetekɔ 22:13

Kɛlaa, ɉaláá laa həli mun lon nɛ̨ɛ̨nu ta a kɛ a kalanin, a wala kɛ tii, ɉilɛ aa gulɔ lɔwɛi, lon a wala kɛ di lɔwai, a pənə a pa nąn bɔɔli, yɛ bələi ə kɛ la laa a nɛ̨ɛ̨non ɲələ, a pɛli nąn gɔ̨nɔ̨n da mįi. Yili a həɠə laa kɛa, nui hvo ɓaa ɉaláá laa həli mun, mąą hvo nɛ̨ɛ̨li hvo da mįi.

Nehemi 10:2

Nuąi di yeepɔɔ too ɉɛɓɛ́i tii hu, diɛ ka: Nehemi, nɔi ɲąąwooɓomun, Hakalia lon, Sidkiya,