Ɛsdrasə 10:8 - Yálá laawoo hɛɓɛ (dc)

⁸ Nui lɔpee a wala pa, hvóló haaɓa tɛɛ pulu, yɛ pələi bɛlɛ nąmįną da galanɉonŋąą di mo la, ɲəi hɛnŋąą kəlee a lɛɛ a Yai-Laa nwɔ pɛ́lɛ́i nwɔɔ, ɛlɛɛ, ya kpinįi tii, da naa kulɔ Israɛlə nuą lɔwai.

Yálá laawoo hɛɓɛ

⁸ Nui lɔpee a wala pa, hvóló haaɓa tɛɛ pulu, yɛ pələi bɛlɛ nąmįną da galanɉonŋąą di mo la, ɲəi hɛnŋąą kəlee a lɛɛ a Yai-Laa nwɔ pɛ́lɛ́i nwɔɔ, ɛlɛɛ, ya kpinįi tii, da naa kulɔ Israɛlə nuą lɔwai.

Ɛsdrasə 10:8 Referans Kwoze

Ɛsdrasə 7:26

Nui lɔpee a wala ə́ wɔ Yálái nwɔ tɔ́n da dɔɔmun vaa woo hon a nɛlɛɛ, di mɔ̨nɔ̨ ɓo, di baa, a wala kɛ tii di gbɛ nɔi, a wala kɛ tii, di hɛn gulɔ mą, a wala kɛ tii, di doo gaho ŋa.»

Korɛntə dɔlɔɔ 5:13

Nuąi di hvo gu pɔ, Yálá ɓə pai di kiti teei. «'Ká mɛ̨nį ɲɔ̨n gɛmun kulɔ ká lɔwai.»

Ɉaan 16:2

Di kaa pai kɛi ka kpɛi Yálá hvɛli pɛlɛ́ɠaa mu; yələ ta kaa pai ɉəlii, nui a ka ta paa, yɛ kɛ gaa Yálá mąąwiɛi ka tii.

Ɉaan 9:34

Diɛ mą: «Yɛ́i di ə́ kaa, ə́ ɓo a nɛ̨ŋɛ̨n dee teei, yɛ́ ɓə yɛ́ ə́ ku kalan?» Di di yee hee mą, di bili ɲɛnɛ̨ɛ̨ pələ.

Ɉaan 9:22

Ɉulɔnui tii kaa nuą di kɛi mo tii, mąąhɔlɔɓo, di kɛi ɲɔ̨w Ɉuifəɠaa diɛ. Hvó gaai, daa kɛ mo diɛ kɛ: «Nui lɔpee a kɛ diɛ: ‹Jesus kaa a Nwun mąąɓomun Yálá ə naakwɛlanmo›, da gbɛ di wɔ Yálá hvɛli pɛ́lɛ́i mu.»

Maafîu 18:17

Akɛ a wala nwəli tɔɔ nuą tii woo ɓa, doo Yálá nwɔ nu kpului ɓa. Akɛ a wala nwəli tɔɔ di woo ɓa, yá gwɛdɛn yɛ nui hvo Yálá kɔ́lɔn, a wala kɛ tii, yɛ nįįhɔ̨nwɔ̨ kulɔ mun.»

Nehemi 13:3

Dɔ́n ɉɛɓɛ́ hu woo mɛ̨n di mo, Israɛlə nuą lɔwai, nwɛ̨ąą kpɔ kɛ laa, da diɛni di di ɓɛlaɓo.

Samuɛlə dɔlɔɔ 11:7

Ə Nįŋɛ̨ hveelɛ həɠə, ə ɉu tee-tee, ə ɉuwɔ kpuwuluɠaa tɛɛ nwɛlɛɛ ɓo nuą pɔ, yiliɠaa də li la Israɛlə lɔi kəlee hu, ə nwooɠaa ŋɛ̨i laa mɛ̨i, yɛ diɛ: «Nui lɔpee hvo pai hvaai ma hvo lɛɛ Saulə da Samuɛlə di pɔ, di hvo li gɔ́ ɓa bələ ɓə da nwɔ nįŋɛ̨ɠaai kɛ la. Yai-Laa ə ɲɔw lɔ nɔi lonnii hu, di kəlee də li yɛ nu tɔ̨nɔ̨.»

Nwun mąąɓo 21:5

Israɛlə nuą diɛ diɛ: «Israɛlə lonnii lɔwai, gbɛɛ ɓə hvo kɛ gu pɔ ɲąąkpɔn ɉu Yai-Laa lííla?» Mąąhɔlɔɓo, di di kwɛla diɛ, nui a wala tɛ Yai-Laa lííla Mispa, di baa.

Zasua 6:19

Walii kpɔ gaa ɓɛ, da hɛni, hɛn nɔpee gaa a ɓala kwɛli, da kwɛli kpɔ-kpɔ, gəlee kaa a Yai-Laa nwɔɔ, yili a lɔ Yai-Laa nwɔ hɛn gɔwi hu.»

Levetekɔ 27:28

«Nu yəi hɛn lɔpee ta, ə kɛ a nu kan, ə kɛ a taatɛlɛɛ, ə kɛ a nu nwɔ lɔi bələ tɔ̨nɔ̨, a naakwɛlanmo Yai-Laa ɓa, a wala kɛ tii, ə gwɛlɛ mą, ɉɛn tii lɔwɔ hva kɛa tɔɔ, nwun mąą hvaa kɛa pɛli ɓoi, hɛn nɔpee tɔ́n gaa mą naakwɛlanmoɔ, gaa a hɛn mąąhəɠɛɛ kpɔ kpąą, Yai-Laa nwɔɔ li.

Ɛsdrasə 10:7

Di noloɓo Ɉuda lɔi hu, da Ɉerusalɛmə daai diɛ kɛ mą: Nuąi kpɔ həɠə nuwɔ laa hu, gəlee di di ŋąąkpɔn Ɉerusalɛmə daai.

Ɛsdrasə 10:9

Voló haaɓai tii yee mu, Ɉuda nu huwu da Bɛnɉamɛn nwɛiɠaai di di ŋąąkpɔn Ɉerusalɛmə ɲąnin mɛ̨inąąn ną nwɔ hvóló pow hveelɛ yələ. Nɔi lonnii kəlee di kɛ tɔɔni Yai-Laa líílaa, diɛ kpɛlin, mɛ̨nį tii mąą mɛ̨nį ɓa, da dulɔ mɛ̨nį ɓa.

Nehemi 13:28

Ɛliasivə ŋɛ̨i kɛ a ɉaláá laa həli mun gɛnɛ̨, non Yoyada lon ɉulɔnu ta, ə Sanbalatə Horɔn mun lon nɛ̨ɛ̨nu ta həɠə a nɛ̨ą, ŋį́ gbɛ, ə həɠə gwɛ́lɛ.