Biblia Todo Logo
Bib sou entènèt

- Piblisite -




Ɛsdrasə 10:18 - Yálá laawoo hɛɓɛ (dc)

18 Ɉaláá laahəli nuą lonnii lɔwai, yiiɠaai kɛ daa nwɛ̨ą nɛ̨ąą həɠə diɛ ka: Yosadakə lon Ɉosue da nąn nonnii di wɔ lonnii lɔwai: Maaseya, Eliezɛrə, Yarivə da Gedalia;

Gade chapit la Kopi

Yálá laawoo hɛɓɛ

18 Ɉaláá laahəli nuą lonnii lɔwai, yiiɠaai kɛ daa nwɛ̨ą nɛ̨ąą həɠə diɛ ka: Yosadakə lon Ɉosue da nąn nonnii di wɔ lonnii lɔwai: Maaseya, Eliezɛrə, Yarivə da Gedalia;

Gade chapit la Kopi

Bible

18 Zinâai sîi nɛyaa díkɛ̀ díyêei, dí dílaa pɔ̃yɛ yɛ̂ɛ berei dísuui káa lai. Zâla láa soŋ-ƃelai dílônii sinaai nyíi-ŋai sîi nɛyaa kùlai dílaa ƃa: Maaseia, Ilieza, Zari da Gidalia. Ǹûai ŋí dí kùla Zosada ǹóŋ Zasua da ǹêɣe sinaai dísuui su.

Gade chapit la Kopi




Ɛsdrasə 10:18
27 Referans Kwoze  

Yili pulu, Yai-Laa ə Ɉosue lɛ mą́ą́, yai gaa a ɉaláá laa həli mun gɛnɛ̨; ə kɛ tɔɔni Yai-Laa nwɔ malakai lííla, ɛlɛɛ, ɓilihi ə kɛ tɔɔni mamįiyee hu pələ, yɛ lɛɛ pɛlɛ Ɉosue ɓa.


Dariusə nwɔ tɔɔlaa gwɛlan veelɛ hu, ɲąnin mɛ̨ida nwɔ hvóló dɔlɔɔ yələ, Yai-Laa ə mɛ̨nį ɓo gwəi mɛ̨nį hukulɔ mun Aze ɓa, yɛ mą: Nwɛlɛɛ ŋɛ̨i ɓo Saltiɛlə lon ɉulɔnu Zorobabɛlə ɓa, yii gaa a gbahalanąmą Ɉuda lɔi hu, ə mą kɛ, Yehosadakə lon ɉulɔnu Ɉosue ɓa, yii gaa a haláá laa həli mun gɛnɛ̨, yɛ diɛ:


Saltiɛlə lon Zorobabɛlə, da Yosadakə lon Ɉosue, di di muhəɠə, Yálá hee pɛ́lɛ́i ŋɛ̨i gaa Ɉerusalɛmə daai, di goló kɔ́wɔ tɔɔ gwəi mɛ̨nį hukulɔ nuą diɛ kpɔn mąą tɛɛ di pɔ.


Yosadakə lon Ɉosue, da gaayɔwɔɠaa; diɛi kɛ a haláá laa həli nuą, da Saltiɛlə lon Zorobabɛlə da gaayɔwɔɠaa, di pɛlɛ di kee ɓa, di Israɛlə nwɔ Yálá nwɔ haláá kulɔi pɛli. Ə gɛ, haláá hɛn yii da gəlee kələn, di gulɔ laa Yálá ɓa, yɛ bələi bɛ̨ɛ̨i la Yálá nwɔ tímun Moisə nwɔ tɔ́n ɉɛɓɛ́i hu.


Nuąi kɛ di ɲɛ̨itɔwɔ diɛ ɓa kɛ a: Zorobabɛlə, Ɉosue, Nehemia, Seraya, Reelaya, Mordokai, Bilsan, Misparə, Bigwai, Rehumə, da Baana. Israɛlə nuą kwɛdɛn ga:


Nɛ̨ąąi da kɛ a gbɔn ɉu mɛ̨nįɠaa ɲɛ̨i kulɔ nɛ̨ąą diɛ kpɛlimąn, mąąnɛ̨ɛ̨i di kɛ a nu mąąwiaɠaa, di hvo kɛ a laa pələɓo kɛ nuą, di ɲąąlaa, diɛ kulɔ di woo ɓa mɛ̨nį kəlee hu.


Di hvo kalanin ɉəɠə a di nɛ̨ą, da nɛ̨ɛ̨nui daa gulɔ lɔwɔi. Hvo kɛi lɔ nɛ̨ɛ̨gbɛlaɠaa, a Israɛlə huwu, kɛlaa da pɛli ɉaláá laa həli mun da nwɔ kalanin ɉəɠəi a di nɛ̨ą.


Kɛlaa, kɛɛ kala mɛ̨nįi gáá gaai Ɉerusalɛmə, Yálá kwəi mɛ̨nį hukulɔ nuą yee pɔ, ya ɓaa, wɛli mɛ̨nį, da lɛɛ mɛ̨nį; diɛ mɛ̨nį ɲɔ̨n gɛ nuą hvaŋąlɔ, mɛ̨nį kɛ pələi tii, nu ta hva pɛli ɲee kulɔi túwɔ́ pələ ɲɔ̨n ɉu. Di kəlee daa kɛ ɲɛ̨́i ɓa yɛ Sodomə nuą, Ɉerusalɛmə nuą kaa yɛ Gomorə nuą.»


Yai-Laa yɛ diɛ: «Gwə́i mɛ̨nį hukulɔ mun mąn, ɉaláá laa həli mun mąn, di ta hvo Yálá mɛ̨nį pɔ. Ŋą́ą́ di wɔ kiliŋąhiɛ ɲɔ̨nwɔ̨ɔ̨ pɔɔ kaa, ə mą kɛ ɲə́i bɛlɛn.»


Ɛliasivə ŋɛ̨i kɛ a ɉaláá laa həli mun gɛnɛ̨, non Yoyada lon ɉulɔnu ta, ə Sanbalatə Horɔn mun lon nɛ̨ɛ̨nu ta həɠə a nɛ̨ą, ŋį́ gbɛ, ə həɠə gwɛ́lɛ.


Ɉosue lon maa kɛ a Yoyakimə, Yoyakimə lon maa Ɛliasivə, Ɛliasivə lon maa Yoyada,


Yesua, Bani, Serevia, Yamin, Akuvə, Sabtai, Hodiya, Maaseya, Kelita, Azaria, Yozavadə, Hanan, da Pelaya, di kɛ a Levi huwuhu nuą; di kɛ dɔ́n nwoo hukulaa lɛ nuą diɛ, ɛlɛɛ, nuą di kɛ tɔɔni gwəli hąą.


Ɉɛɓɛ́ kɛ mun Ɛsdrasə ə kɛ tɔɔni wulu ɓɛla gbatala ta mɛ̨i, yii di bɛli lɔ mɛ̨nįi tii mąą mɛ̨nį ɓa. Ɛlɛɛ, Matitia, Sɛma, Anaya, Uriya, Hilkiya, da Maaseya di kɛ tɔɔni gwɛlɛ mamįiyee hu pələ. Ɛlɛɛ, Pedaya, Misaɛlə, Malkiya, Hasumə, Hasbadana, Ɉekaria, da Mesulamə, di kɛ tɔɔni gɛɓɛyee hu pələ.


Mɛ̨nįɠaai tii kəlee tɛɛ pulu, bɛlɛ nąmįną di pa, diɛ mą́ą́: «Israɛlə lonnii, ɉaláá laa həli nuą, da Levi huwuhu nuą, da nɔi nuą daa kɛ tɔ̨nɔ̨, diɛ ɓaa: Kanaan nuą, Hɛtə nuą, Perizi nuą, Ɉebusə nuą, Amɔn nuą, Moabə nuą, Eziptə nuą, da Amɔrə nuą, da diɛni diɛ Yálá nwąną kala.


«Mąą hvo nɛ̨ɛ̨li di hvo wɛlikɛnɛ̨ɛ̨nu həɠə a di nɛ̨ą, a wala kɛ tii, nɛ̨ɛ̨nui mɛlɛkpɛɛ mą. Nɛ̨ɛ̨nui ɉilɛ a gulɔ lɔwɛi, di hvo ɉəɠə a nɛ̨ą. Mąąhɔlɔɓo, haláá laa həli mun gaa a Yálá nwɔɔ.


Diɛ, da di lonnii, daa nɛ̨ą həɠə ɓɛ a di nɛ̨ąni, Yálá nwɔ nu huwui hu, da nɔi nuą daa humo a di kee. Bɛlɛ nąmįną, da galanɉonŋąą ɓə di yee lɔ dúwɔ́ pələ ɲɔ̨n tii hu tɔwɔ.»


Ɲąnįn dɔlɔɔ nwɔ hvóló dɔlɔɔ yələ, nuąi kpɔ kɛ daa nwɛ̨ą nɛ̨ąą həɠə, di mąą mɛ̨nį aa kɛ kpɛɛ.


Saltiɛlə lon Zorobabɛlə da Yehosadakə lon ɉulɔnu Ɉosue yai gaa a haláá laa həli mun gɛnɛ̨, da nuąi kpɔ kulɔ luwɔlaa hu diɛ pa gəlee, di Yai-Laa ŋɛ̨i da kwɛli hvilɛn mą, nwoo tii kaa a mɛ̨nį walawala, yai gwəi mɛ̨nį hukulɔ mun Aze ə mo diɛ. Diɓoi ŋɛ̨i, Yai-Laa ŋɛ̨i da kwɛli hvilɛn mą, ə dɛɛ Aze pɔ, ə naa həli nuą diɛ, nuą di Yai-Laa nwɔ kɛnɛ̨ laa kaa.


Yili ɓə gaa mą, ɲą́ą́ Yai-Laa, gɛ́ kɛ yɛ́: Zorobabɛlə ə́ hvaŋąlɔ! Yehosadakə lon Ɉosue, yɛ́i ə́ kaa a haláá laa həli mun gɛnɛ̨, ə́ hvaŋąlɔ! Nwɔ nuą kəlee, ka ka hvaŋąlɔ! Ɲą́ą́ Yai-Laa, nwóó li: 'Ka ka yee pɛlɛ gólo ɓa, gáá pai kɛi ka pɔ, Yai-Laa Mɛ̨nį Kəlee ŋą Hééɓomun woo li.


Nwali ta həɠə da ɉɛni ta, ə́ bɛli a kálán, ə́ ɉee Yehosadakə lon Ɉosue nwun ma, yai a ɉaláá laa həli mun gɛnɛ̨.


Ɉaláá laa həli nuą Yedaya lonnii, diɛi ɓaa Ɉosue yəi bɛlɛ́n nuą, di kɛ a nu nwun mɛ̨inąąn ɲee mɛ̨ihveelɛ kɔ́w haaɓa (973).


Pai ŋɛ̨i di mo Ɉerusalɛmə, Yálá nwɔ pɛ́lɛ́i kɛ laa, gwɛlan veelɛnąą nwɔ ɲąnin veelɛ lɔwai, Saltiɛlə lon Zorobabɛlə da Yosadakə lon Ɉosue, da di kaayɔwɔɠaai ŋɛ̨i kɛ a ɉaláá laa həli nuą, a Levi lonnii da nuąi kpɔ kulɔ luwɔlaa hu, diɛ pa Ɉerusalɛmə daai, di di yee pɛlɛ goló ɓa. Di Levi lonnii hee Yálá hee pɛlɛ́ tɔɔ mɛ̨nį golóɠaa nwun na, ə gɔwɔ tɔɔ nui gaa kwɛlan gaa pow hveelɛ mą, yɛ li la tɔwɔ pələ.


Di kəlee di kaa a wɛli hon nuą nɔi tii hu, nɔi kaa haa wɔlɔ ɓoi, diɛ nɛ̨ŋɛ̨n naa kɛ, gala tɛlinŋaa daa kpala gbomoi, mɛ̨nį ɲɔ̨n mə da mąą gilɛ həɠə, hulu mɛ̨nį ɓə di hvaŋąlɔɔ mą diɛ gɛ.


Swiv nou:

Piblisite


Piblisite