Lɛɛ gbɔwɔ ɓa 9:34 - Yálá laawoo hɛɓɛ (dc)

³⁴ Yii kɛa Eziptə tɔɔmun ə gaa yɛ dulɔ, ɉanwon da ɲələgbąnąą daa kpəla mą, ə pənə nwɔ̨nɔ̨ ə gili walawala da nwɔ ɲɛ̨itɔwɔ nuą kəlee.

Yálá laawoo hɛɓɛ

³⁴ Yii kɛa Eziptə tɔɔmun ə gaa yɛ dulɔ, ɉanwon da ɲələgbąnąą daa kpəla mą, ə pənə nwɔ̨nɔ̨ ə gili walawala da nwɔ ɲɛ̨itɔwɔ nuą kəlee.

Bible

³⁴ Kɛ́lɛ tãi Gâloŋ è gàa la a gɛɛ dunai, zãoi da ŋ̀ele-gbanai dí kpèra lai, da ŋɔnûai dí sɔnyɔ̂ŋ kɛ̀ ŋɔ́nɔ dí dílii su kpanaŋ.

Lɛɛ gbɔwɔ ɓa 9:34 Referans Kwoze

Lɛɛ gbɔwɔ ɓa 7:14

Yai-Laa yɛ Moisə ɓa: «Eziptə tɔɔmun gili aa walawala, hvo gɛli hvo Israɛlə lonnii lɛɛ laa di hvo li.

Ikilisiati 8:11

Nui a mɛ̨nį ɲɔ̨n gɛ, gwələ hva kulɔ mą ɲąąɓa; mɛ̨nįi a gɛ mɛ̨nį ɲɔ̨n gɛ nuą diɛ mɛ̨nį ɲɔ̨n gɛ la yaa li.

Kɔlɔnikɔ Veerɛi 36:13

Yɛ nwɔ̨nɔ̨ gwɛlitee tɔɔmun Nabukodonosorə yəi, ɛlɛɛ yaan, aa kɛ gwɛla Yálá ɲɛ̨i ɓa, yili yəi. Sedesiasə ə nwun ɉuwalawala, ə kili walawala laa kulɔ, hvo kpɛli gɛ, hvo pənə hvo pa, Israɛlə nwɔ Yálá Yai-Laa pɔ.

Kɔlɔnikɔ Veerɛi 33:23

Kɛlaa, hvo gbɔwɔ mąą yɛɛ Yai-Laa ɲɛ̨i mu, yɛ bələi nąn Manase ə gɛ la. Kɛlaa yaamun a Amɔn, ə nɛ̨ŋɛ̨n ɉəɠə ə tɛɛ la nąn nwɛi ɓa.

Kɔlɔnikɔ Veerɛi 28:22

Ɓɛlɔwai Asiri kɔlaɠai pɛlɛɛ la kɛ mą, tɔɔmun Akazə ə pɛlɛ nwɔ̨nɔ̨ yɛ nwɔ mąąluwu nɛ̨ŋɛ̨n da kɛ mą Yai-Laa ɲɛ̨i ɓa.

Lɛɛ gbɔwɔ ɓa 8:15

Bənən gɛ nuą diɛ tɔɔmun ma: «Yii nwɛi, Yálá kɛ mɛ̨nį ka.» Ə mą kɛ tii, tɔɔmun ə gili walawala, mɛ̨nįi ŋɛ̨i Moisə da Aarɔn di ɉu hvɛli mą, hvo gɛ, yɛ pələi Yai-Laa ə gbɛa mo la.

Lɛɛ gbɔwɔ ɓa 4:21

Yai-Laa yɛ Moisə ɓa: «Lii ə́ kaa moi Eziptə, gwɛlɛɛn mɛ̨nįɠaa kpɔ ŋą́ gɛ sə tɛɛ ə́ pɔ, ə́ kaa lii gɛi Eziptə tɔɔmun nííla. Kɛlaa Gáá pai gili walawalai, hvo lii hvaai mą, hvo ɓo Israɛlə lonnii diɛ.

Lɛɛ gbɔwɔ ɓa 9:33

Moisə ə həɠə tɔɔmun bɔɔli, ə kulɔ daa pulu pələ, ə ɲee tɛ Yai-Laa pɔ pələ ə vɛli. Ɲələgbąnąą da ɉanwon buɔ kɔ́lɔ ə haa mą, dulɔ ə teen.

Lɛɛ gbɔwɔ ɓa 9:35

Eziptə tɔɔmun ə gili walawala, hvo gɛ hvo ɓo Israɛlə lonni diɛ, yɛ bələi Yai-Laa ə mo la Moisə ɓa.

Samuɛlə dɔlɔɔ 6:6

Ka hvo ka kili walawala yɛ bələi Eziptə nuą da di wɔ tɔɔmun ni di gɛ la. Di mɔ̨nɔ̨ ɓoi Yálá ə mo, yili ɓə gɛ diɛ nwɔ nuąi lɛɛ la laa diɛ li.