Bib sou entènèt

Paj dakèy
Bib sou entènèt
Lɛɛ gbɔwɔ ɓa 9:27

Lɛɛ gbɔwɔ ɓa 9:27 - Yálá laawoo hɛɓɛ (dc)

²⁷ Eziptə tɔɔmun ə Moisə da Aarɔn di təli, yɛ diɛ: «Yii ŋɛ̨i nwɛi, ŋą́ą́ nɛ̨ŋɛ̨n ɉəɠə, tɛ̨ą hvo bɔ́, Yai-Laa ya ɓə tɛ̨ą kaa ɓɔ. Kwa nwɔ́ lɔi hu nuą kəlee kwaa kɛ a hɔn mąą nuą.

Gade chapit la Kopi

Yálá laawoo hɛɓɛ

²⁷ Eziptə tɔɔmun ə Moisə da Aarɔn di təli, yɛ diɛ: «Yii ŋɛ̨i nwɛi, ŋą́ą́ nɛ̨ŋɛ̨n ɉəɠə, tɛ̨ą hvo bɔ́, Yai-Laa ya ɓə tɛ̨ą kaa ɓɔ. Kwa nwɔ́ lɔi hu nuą kəlee kwaa kɛ a hɔn mąą nuą.

Gade chapit la Kopi

Bible

²⁷ Nya ƃe Galoŋ è Mose da Eelɔŋ dí tòli ǹyɛɛ diai, “Ŋa sɔnyɔ̂ŋ kɛ́ tãi ŋí su. Yâwɛɛ ŋ̀ɔi lɛ̂lɛɛi. Kwa ŋánûai kúwɔi fé lɛ́lɛ ní.

Gade chapit la Kopi

tounen moute ⬆

Lɛɛ gbɔwɔ ɓa 9:27
20 Referans Kwoze

Woolaa 1:18

Tɛ̨ą kaa Yai-Laa pɔ. Mąąhɔlɔɓo, ɲą́ą́ ɓə nwoo lɛɛ. Yɛnɛ̨ɛ̨ nuą, ka kəlee 'ka ká wəli tɔɔ! 'Ká nwɔ́ mɔ̨nɔ̨i kaa, nonnii hinąą da nonnii nɛ̨ąą kəlee daa li luwɔlaa hu.

Mąątɛ̨nɛ̨ 129:4

Yai-Laa haŋąąi! Ə nɛ̨ŋɛ̨n ɉəɠə nuą di wɔ yɛlii tee.

Kɔlɔnikɔ Veerɛi 12:6

Israɛlə ɲɛ̨itɔwɔnuą da tɔɔmun ni, di pɛlɛ, diɛ diɛ: «Yai-Laa tələnmoɔi.»

Lɛɛ gbɔwɔ ɓa 10:16

Tɔɔmun ə Moisə da Aarɔn di təli kpɔ a mąąhulaa, yɛ diɛ: «Ŋą́ą́ nɛ̨ŋɛ̨n ɉəɠə Yai-Laa ka wɔ Yálái ɓa, ŋą́ą́ mɛ̨nį ɲɔ̨n gɛ a kaa.

Mąątɛ̨nɛ̨ 145:17

Yai-Laa haŋąąi gɛ mɛ̨nį kəlee hu, a kulɔ nwoo ɓa gɛ mɛ̨nį kəlee hu.

Lomaŋ 3:19

Yaan gu gɔlɔn guɔ diɛ, nuąi di kaa tɔ́n mu, diɛ ɓə tɔ́n a mɛ̨nį ɓo diɛ, ə gɛ, hvaa hvo kulɔ nui lɔpee ta la, ɛlɛɛ, Yálá nwɔ kiti ə kɛ nu kəlee mɛ̨i yɛnɛ̨ɛ̨ nąą kəlee.

Lomaŋ 2:5

Kɛlaa, ə́ wɔ kili walawala pələ, da ə́ wɔ lii ɲɔ̨n bələ ə́ gwəi, hvó bɔ hvo ə́ wɔ túwɔ́ pələ ɲɔ̨nŋąa mąąhvalin. Yili ɓa, Ɲələi Yálá kaa pai nwɔ kiti haŋąai teei la, akɛ tii, ə́ kaa Yálá nwɔ liiholui ɲąątɔɔi ə́ kpɔwɔ ɓa;

Maafîu 27:4

«Ŋą́ą́ nɛ̨ŋɛ̨n ɉəɠə mun, mąąhɔlɔɓo, nui hɔn və mą ŋą́ą́ dɛɛ diɛ li baai.» Kɛlaa, yiliɠaai di mo mą diɛ mą: «Ku mąą kpaan və ɉu! Ə́ kpɔɔ mɛ̨nį li.»

Danîa 9:14

Yili ɓə gɛ, yáán, ə́ tee mɛ̨nį nwąnąąɠaa tii diɛ, di laa kuɔ. Yili ɓa, ku Ną́mu Yálá, ə́ haŋąąi ə́ kɛ mɛ̨nįɠaa kəlee hu, kɛlaa, ku wɛi, ku hvo kɛ ku kili lɛɛ li ə́ wɔ liɛwooɠaa hu.

Lonon mo 22:34

Balaamə yɛ Yai-laa nwɔ malakai ɓa: «Ŋą́ą́ nɛ̨ŋɛ̨n ɉəɠə, mąąhɔlɔɓo gbaɠala hvo kɛ mą́ą́, gɛ́ kɛ yɛ́ ɓə tɔɔni bələi dɔ́wɔ. Akɛ ka ni ɉiɛi ŋɛ̨i nąą wɛli hvo yɛ́, gáá yalii búlú.»

Samuɛlə dɔlɔɔ 26:21

Saulə yɛ mą: «Ŋą́ą́ nɛ̨ŋɛ̨n ɉəɠə, pənə ə pa nón Davidə. Vá kɛa mɛ̨nį ɲɔ̨n gɛ a yɛ́. Mąąhɔlɔɓo, yáá nwɔ́ yɛnɛ̨ɛ̨ kaa a hɛn mąąwiaa háákələi. A tɛ̨ą, ŋą́ą́ túwɔ́ yɛ ɓowo mun, ŋą́ą́ lan gbɔ kɛnɛ̨.»

Samuɛlə dɔlɔɔ 15:24

Saulə yɛ Samuɛlə ɓa: «Ŋą́ą́ nɛ̨ŋɛ̨n ɉəɠə, ŋą́ą́ kulɔ Yai-Laa woo mu, ŋą́ą́ ə́ woo pili. Ɲɔw ɓə ŋą́ kɛi mo nuą diɛ, gɛ́ hvaa di woo ɓa.

Mąątɛ̨nɛ̨ 9:16

Hį́i takpɛliɠaa di wɔ lɔwai di dee, diɛ kpinįi, daa too ɉu, maaləi di dɛ, di kɔ́wɔ ɓə kɔ́ la.

Samuɛlə dɔlɔɔ 15:30

Saulə yɛ mą: «Ŋą́ą́ nɛ̨ŋɛ̨n ɉəɠə, yiihu, gáá nɛ̨ɛ̨mąą hvəi yɛ́, gɛ́ ə́ hvaa mą, ə́ mą́ą́wiɛ nwɔ́ nuą da Israɛlə nuą di ɲɛ̨i ɓa. Pa gwə li, ŋą́ pɛlɛ Yai-Laa ə́ wɔ Yálái kɔ́wɔ mu.»

Lɛɛ gbɔwɔ ɓa 8:8

Moisə da Aarɔn di həɠə tɔɔmun bɔɔli. Moisə ə nɛɛmą, ə nwoo tɛ Yai-Laa ɓa, gbəŋəɠaa ti ə ɲąątɔɔ Eziptə tɔɔmun ma, mąą mɛ̨nį hu.

Lɛɛ gbɔwɔ ɓa 8:25

Moisə yɛ mą: «Gáá kpɔlɔɔ kulɔi ɓɛ ə́ yəi bɛlɛ́n, ŋį́ li, ŋį́ nwóó tɛ Yai-Laa ɓa. Tinąą vɔnŋąą mąą kaa kwɛai yɛ́, ká ə́ wɔ nu kpɛa-kpɛai, da nɔi nuą kaa. Kɛlaa, hvo yɛlɛ kulɔ ku hu, yɛ lənə nwɔ̨nɔ̨ Israɛlə lonnii li mɛ̨nį ɓa ɉaláái ti kulɔi Yai-Laa ɓa.»

Lɛɛ gbɔwɔ ɓa 10:17

Yii nwɛi, 'ka mą́ą́hvaalɛɛ nwɔ̨nɔ̨. Ka ka woo tɛ Yai-Laa ka wɔ Yálái ɓa, Ə ɉaa ŋɛ̨i həɠə búlú.»

Lonon mo 21:7

Nuą di pa Moisə pɔ diɛ mą: «Kwaa nɛ̨ŋɛ̨n ɉəɠə Yai-Laa ɓa, a ka yaa ka laa pələ́ ɲɔ̨nwɔ̨ɔ̨i ku moi. Ku mąą nɛ̨ɛ̨mąą hvə Yai-Laa ɓa, ə gaalə huwui ŋɛ̨i mąą kwɛa kuɔ.» Moisə ə nuą mąą nɛ̨ɛ̨mą hvə Yai-Laa ɓa.

Zasua 7:20

Akan yɛ Ɉosue ɓa: «A tɛ̨ą leelee, ɲą́ą́ ɓə ŋą́ą́ nɛ̨ŋɛ̨n ɉəɠə Yai-Laa ɓa, yai gaa a Israɛlə nwɔ Yálá, bələi ŋį́ túwɔ́ la, bələ ka.

Samia Veerɛi 12:13

Nąąlɔwai Davidə yɛ Natan ɓa: «Ŋą́ą́ nɛ̨ŋɛ̨n ɉəɠə Yai-Laa ɓa.» Natan yɛ Davidə ɓa: «Yai-Laa aa ə́ kɛ nɛ̨ŋɛ̨n mąąhvaalɛɛ, hvo pai haai.

Swiv nou:

Lyen patwone

Piblisite

Piblisite