Lɛɛ gbɔwɔ ɓa 9:23 - Yálá laawoo hɛɓɛ (dc)

²³ Moisə ə nwɔ tunwɔ̨n tɛ ɲələi, Yai-Laa ə yələgbąnąą ɓɛla da hanwon, ɲələgbąnąą ti ə gbɛa too, yili pulu, Yai-Laa ə hanwon bu nɔi mɛ̨i nąą kəlee.

Yálá laawoo hɛɓɛ

²³ Moisə ə nwɔ tunwɔ̨n tɛ ɲələi, Yai-Laa ə yələgbąnąą ɓɛla da hanwon, ɲələgbąnąą ti ə gbɛa too, yili pulu, Yai-Laa ə hanwon bu nɔi mɛ̨i nąą kəlee.

Bible

²³ Nya ƃe Mose è ŋɔsia-wurii sãa ŋ̀elei su Yâwɛɛ é ŋ̀ele-kpana tɛ̀ɛ da são, ŋ̀ele-kpanai ŋɔŋ é seri ǹɔii mâ. Yâwɛɛ è são pù Ize lɔii mâ.

Lɛɛ gbɔwɔ ɓa 9:23 Referans Kwoze

Mąątɛ̨nɛ̨ 18:13

Kɛɛ pɔ̨nɔ̨ tawolo ə kɛ dɔwɔ, dulɔ kpinįnŋąąi tii diɛ tɛɛ, hawonn da nwɔ̨n gbaalənŋąą diɛ kulɔ.

Zasua 10:11

Di kɛɛ pui Israɛlə tɔwɔ diɛ Bɛtə-Horɔn yee yɛɛ, Yai-Laa ə hanwon gbuwulu kpɛa-kpɛa kulɔ yələi pələ yɛ bu diɛ, di həli kpɔ Azeka, di haa. Yiiɠaai haa ɉanwon gbuwuluɠaa yəi, di tamąą di tɛɛ yiiɠaai Israɛlə nuą di di paa a ɓɔwa diɛ.

Izikiɛ 38:22

Gáá pai ɉu tɔɔi a ɲɔ̨n da ɲąmą; yaa mąn, da nwɔ kɔ́kulááɠaa, da nu kpulu tamąąi tii pai kɛi bɔi; ŋą́ tulɔ kɛnɛ̨ pu di mɛ̨́i, da hɔ̨n gbuɠulu, da nwɔ̨n, ɛlɛɛ, da nwɔ̨n maɠa.

Azaya 30:30

Yai-Laa woo kaa pai kɛi tɔɔi a mąą ɲɔwuɔ, diɛ ɲee pili pələ kaa, nwɔ liiholi kɛnɛ̨ɛi hu, ə ɓo yɛ nwɔ̨n gɛnɛ̨ a kɛi kɛɛ kələn, yɛ hvaŋą tulɔ kɛnɛ̨ a kɛi pu, hanwon yɛ pu mu.

M̀ɛni-lɛɛi 8:7

Malaka dɔlɔɔ ə nwɔ tului hvɛɛ, hanwon da nwɔ̨n ɉumoɔ a ɲąmą, di pu lɔi mɛ̨i, lɔi ɓɛlaɓoɔ ɉu haaɓa, bələ tɔ̨nɔ̨ ə kələn, nwuluɠaa ɓɛlaɓoɔ ɉu haaɓa bələ tɔ̨nɔ̨ ə kələn, ɛlɛɛ, wɛlaɠaa di kələn.

Mąątɛ̨nɛ̨ 148:8

Nwɔ̨n da hanwon, luwú-luwú da nąląąn, tulɔ hvaŋą, kaai ka nwoo pɔ mɛ̨nį kɛ;

Mąątɛ̨nɛ̨ 77:18

Tulɔ kpinįnŋaa di tulɔ pu, tulɔ yɛ duwɔ, ə́ wɔ mɛ̨ɛ̨kɔwɠaai diɛ kulɔ pələ kəlee.

Mąątɛ̨nɛ̨ 29:3

Yai-Laa woo aa hiɛ yá kəlee mɛ̨i, Yálá mąąwia kaa tomąi yɛ yələgbąnąą; Yai-Laa kaa heeɓolaa kɛi yá kpɛa kpɛa kəlee mɛ̨i.

M̀ɛni-lɛɛi 16:21

Hanwon gbuwulu kpɛa-kpɛaa nwiaa yɛ kilə pow-nąąn, yɛ kulɔ yələi yɛ too nu kanŋaa diɛ, ɛlɛɛ, nu kanŋaa di Yálá lalan mɔ̨nɔ̨i tii mąą mɛ̨nį ɓa, mąąhɔlɔɓo, mɔ̨nɔ̨ yili mąąmįnį-mįnŋąąi kɛ kɛnɛ̨.

Lɛɛ gbɔwɔ ɓa 20:18

Israɛlə nu huwu kəlee di ɲələgbąnąą tíŋąą tii mɛ̨n, da dulu woo, diɛ nwɔ̨n nən gaa, da nwɔ̨n nulu, yɛ kulɔ ɲee hu, di kulɔ pulu, di mąą yɛ kpɛlin.

Lɛɛ gbɔwɔ ɓa 19:16

Voló haaɓa yələ, yələwala pɔ, yələ gbąnąą tín ə tɔɔ, mąną-mąną ə gɛ, tulɔ kpinįn ɉuwia ə yɛɛ ɲee ɓa, tulu woo kɛnɛ̨ yɛ tɔɔ, nɔi lonnii kəlee diɛ kpɛlin ɓɛi di kɛ laa tɔɔni.

M̀ɛni-lɛɛi 16:18

Ə kɛ lɔ tii, mąną-mąnąɠaa di kɛ, wooɠaa di tɔɔ, ɛlɛɛ, yələgbąnąąɠaa ə pola, ɛlɛɛ, lɔi ə kpɛlin ɉuwu ta ɓo, ɲɔ̨nwɔ̨mąn hvo ta kɛli ə həɠə kpɔ nu kan ŋą yɛnɛ̨ɛ̨ kɔwɔ tɔɔ yələ ɓa, ə həli la yiihu ɓa.

Zɛnɛse 19:24

Nąąlɔwai ɓə Yai-Laa ə nwɔ̨n dulɔ pu la Sodomə taa da Gomorə taa di mɛ̨i.

Lɛɛ gbɔwɔ ɓa 9:18

Ə́ ɲɛ̨i hee laa, tinąą ɓɛlɔwai, gáá pai hanwon gbɛa-kpɛa pui ɓɛ nɔi, yii ɲɔ̨nwɔ̨n mąn və ta pu li, ə həɠə kpɔ Eziptə lɔi ŋɛ̨i kɔ́wɔ tɔɔ yələ ɓa, ə həli la háákələi ɓa.

Lɛɛ gbɔwɔ ɓa 9:24

Ə həɠə kpɔ Eziptə lɔi kɔ́wɔ tɔɔ yələ ɓa, ə həli la volói ti ɓa, hanwon da hvo ta pu li a gbuwulu kpɛa kpɛa nwia yɛ yili, ɛlɛɛ yələgbąnąą yɛ gɛ.

Zôo 37:13

Akɛ bɔ ə lɔi laahvɛɛ, a wala kɛ ti ə ɲɔwɔ lɔ, ə lúwɔ́ too mą, diɛ ɓə a di tɔɔ.

Mąątɛ̨nɛ̨ 147:17

A hanwon gbuwulu kpɛa kpɛa pu, gbɛɛ ɓə nii a kpələi gwɛlɛ taaləi tii tɔwɔ?