Lɛɛ gbɔwɔ ɓa 9:20 - Yálá laawoo hɛɓɛ (dc)

²⁰ Tɔɔmun nwɔ ɲɛ̨itɔwɔ nuąi taɠaa di kɛ ɉu, mɛ̨nįi ti Yai-Laa ə mąą pamą la diɛ, di gaa a mɛ̨nį walawala, di mo kɛa di pɔ nuą diɛ, diɛ diɛ ka ka mąąkilɛ kɛɛnąą walawalaɠaa ɓa, ka ka yəi taatɛlɛɛɠaa.

Yálá laawoo hɛɓɛ

²⁰ Tɔɔmun nwɔ ɲɛ̨itɔwɔ nuąi taɠaa di kɛ ɉu, mɛ̨nįi ti Yai-Laa ə mąą pamą la diɛ, di gaa a mɛ̨nį walawala, di mo kɛa di pɔ nuą diɛ, diɛ diɛ ka ka mąąkilɛ kɛɛnąą walawalaɠaa ɓa, ka ka yəi taatɛlɛɛɠaa.

Bible

²⁰ Diai kélee yào Yâwɛɛ wóo ma Gâloŋ ŋɔtíi kɛ́-ƃelai sámai, dí díluɛ-ŋai da dítaa-tulɛ-ŋai lɔ̂i kɛ̀ ma.

Lɛɛ gbɔwɔ ɓa 9:20 Referans Kwoze

Hanwon 13:13

Nui a nu woo pili, a gbɔwɔ nwun na pili. Kɛlaa, nui a tɔ́n bɔ liɛwooŋąą hon, mąą nu a vɛla hɔlɔɓo.

Hanwon 22:3

Nui daa gilaa pɔ̨nɔ̨, a mɛ̨nį ɲɔ̨n gaa yɛ pa, a mąą kilɛ. Nuąi di hva di kiliŋąhiɛ, da lɛɛ a di nwun vilɛn ŋąą, mɛ̨nį ə laa diɛ.

Hebreu 11:7

Laa na laa háálai, Noe ə nwəli tɔɔ, Yálá ə pələ ɓo mą, yɛ hvilɛn na mɛ̨nįɠaai pai kɛi, yai nu hva gaa, mąą mɛ̨nį ɓa. Ə Yálá woo kaa a tɛ̨ą, ə kələn da bɛli, yɛ pɛli ɲəi bɛlɛ́n nuą ɓaloi. Bələ ə yɛnɛ̨ɛ̨ kəlee nwun na pili la, ə kɛ a tələnmolaai a hɔlɔɓo laa na laa hu, ŋą kwɛlin ɉəɠəmun.

Hanwon 22:23

Mąąhɔlɔɓo, Yai-Laa a nuą tii mąąkɔ̨nwɔ̨, nuąi da hɛn gulɔ di yəi, Yai-Laa yaa kpɛli a hɛn gulɔ mąą nuą yəi.

Hanwon 16:16

Kili hviɛlaɓoɔi, hɛni hu waa kɛɛ nu yəi ɓa. Nu nwun gɛɛ ɉu hviɛlaɓoɔi ə tɛɛ wali kɛɛ nu yəi ɓa.

Lɛɛ gbɔwɔ ɓa 9:6

Mąą yələ laa ɓoɔ, mɛ̨nį tii Yai-Laa ə mo, ə gɛ. Daatɛlɛɛɠaai kpɔ kɛ Eziptə nuą yəi, gəlee di haa. Kɛlaa, Israɛlə lonnii di wɛi dɔ̨nɔ̨ kpɛli hvo haa.

Lɛɛ gbɔwɔ ɓa 9:21

Nuąi di hvo Yai-Laa wooi ti kaa a mɛ̨nį walawala, di di wɔ tínuą da di wɔ taatɛlɛɛɠaai lɛɛ ɲɛɛkɔwɔ hu, di hvo di nwun mąą kilɛ.

Lɛɛ gbɔwɔ ɓa 7:23

Eziptə tɔɔmun ə pənə ə li ɲəi bɛlɛ́ laaləi, hvo kpɛli gaa a mɛ̨nį walawala.