Lɛɛ gbɔwɔ ɓa 8:8 - Yálá laawoo hɛɓɛ (dc)

⁸ Moisə da Aarɔn di həɠə tɔɔmun bɔɔli. Moisə ə nɛɛmą, ə nwoo tɛ Yai-Laa ɓa, gbəŋəɠaa ti ə ɲąątɔɔ Eziptə tɔɔmun ma, mąą mɛ̨nį hu.

Yálá laawoo hɛɓɛ

⁸ Moisə da Aarɔn di həɠə tɔɔmun bɔɔli. Moisə ə nɛɛmą, ə nwoo tɛ Yai-Laa ɓa, gbəŋəɠaa ti ə ɲąątɔɔ Eziptə tɔɔmun ma, mąą mɛ̨nį hu.

Bible

⁸ Nya ƃe Gâloŋ è Mose tòli da Eelɔŋ ǹyɛɛ diai, “Ka Yâwɛɛ fɛ́li a gɛɛ é ǹofo-ŋai kúla mâ kwa ŋánûai. Ŋa pâi ŋɔnûai lɛɛ̂i naa dí lí a gɛɛ dí sâla kula mâ.”

Lɛɛ gbɔwɔ ɓa 8:8 Referans Kwoze

Lɛɛ gbɔwɔ ɓa 10:17

Yii nwɛi, 'ka mą́ą́hvaalɛɛ nwɔ̨nɔ̨. Ka ka woo tɛ Yai-Laa ka wɔ Yálái ɓa, Ə ɉaa ŋɛ̨i həɠə búlú.»

Lɛɛ gbɔwɔ ɓa 9:28

Ka mą́ą́ nɛ̨ɛ̨mąą hvə Yai-Laa ɓa, ə ɲələgbąnąą da ɉanwon ŋɛ̨i kpəla mą; ŋį́ ka lɛɛ laa, vá kɛa kanąn kaa.»

Tɔɔɓɛlaa dɔlɔɔ 13:6

Tɔɔmun yɛ Yálá nwɔ nui ɓa: «Yai-Laa ə́ wɔɔ Yálái liilaa mą, nɛ̨ɛ̨ yɛ́! Mą́ą́ nɛ̨ɛ̨mąą hvə mą, ə gɛ, ɲéé ə pɛli lɛɠɛi mą́ą́.» Yálá nwɔ nui ə Yai-Laa hvɛli, tɔɔmun ɲee ə pənə ə lɛɠɛ mą; ə kɛ lɔ yɛ bələi ə kɛ la a bɔlɔ.

Lonon mo 21:7

Nuą di pa Moisə pɔ diɛ mą: «Kwaa nɛ̨ŋɛ̨n ɉəɠə Yai-Laa ɓa, a ka yaa ka laa pələ́ ɲɔ̨nwɔ̨ɔ̨i ku moi. Ku mąą nɛ̨ɛ̨mąą hvə Yai-Laa ɓa, ə gaalə huwui ŋɛ̨i mąą kwɛa kuɔ.» Moisə ə nuą mąą nɛ̨ɛ̨mą hvə Yai-Laa ɓa.

Gɛlaɠaa 8:24

Ya ɓə, Simɔn ə di woo ɲąą pənə yɛ diɛ: «Kaa kpinįlee 'ká mą́ą́ nɛ̨ɛ̨mąą hvə gu Ną́mu ɓa, ə gɛ, mɛ̨nįɠaai ŋɛ̨i ka moi, da hvo həli mą́ą́.»

Mąątɛ̨nɛ̨ 66:3

'Ka kɛ Yálá ɓa: «Ə́ kɛ mɛ̨nįɠaa ɲɛ̨i mąą ɲɔwuɔi! Ə́ hvąŋą kɛnɛ̨ pələ, ə́ yowóɠaa daa di kpɔwɔ kɛ, a ə́ mąątɛ̨nɛ̨ nuą.

Samuɛlə dɔlɔɔ 12:19

Nɔi lonnii kəlee diɛ Samuɛlə ɓa: «Ə́ wɔɔ luwɔɠaai maa nɛ̨ɛ̨mąą hvə Yai-Laa ɓa, ə gɛ, ku hvo ləi pa haa. Hvo gaai, kwaa ku kɛ nɛ̨ŋɛ̨nŋaa ta laa mɛ̨i, gɛ mɛ̨nį ku tɔɔ nwɔ̨nɔ̨, kuɔ tɔɔmun ɉu hvəli, kuɔ ɉee, yɛ ku ɲąąwooɓo.»

Lɛɛ gbɔwɔ ɓa 14:5

Di mo Eziptə tɔɔmun ma diɛ mą: Israɛlə lonnii daa pu. Eziptə tɔɔmun da nwɔ ɲɛ̨itɔwɔ nuą kəlee, di wɔ kiliŋąhiɛ mąą ə hvalin, diɛ kɛ mą: «Lə ɓə ŋɛ̨i gu gɛ a gu kpɔwɔi? Lə mɛ̨nį ɓa gu Israɛlə lonnii lɛɛ laa, diɛ kulɔ gu yəi luwɔlaa hu?»

Lɛɛ gbɔwɔ ɓa 5:2

Eziptə tɔɔmun yɛ diɛ: «Gbɛɛ ɓaa Yai-Laa yai ŋą́ nwoo hon ti, gɛ́ ɓo Israɛlə lonnii ɓa? Və́ Yai-Laa kɔ́lɔn, ɛlɛɛ vá pɛli Israɛlə lɛɛi laa hvo li.»

Lɛɛ gbɔwɔ ɓa 8:9

Yai-Laa ə gɛ yɛ bələi Moisə ə ɉu hvɛli la. Gbəŋəɠaa kəlee di haa bɛlɛ́ɠaa mu, gwəliɠaa hu, da ɲɛɛ kɔ́wɔɠaa hu.

Lɛɛ gbɔwɔ ɓa 8:15

Bənən gɛ nuą diɛ tɔɔmun ma: «Yii nwɛi, Yálá kɛ mɛ̨nį ka.» Ə mą kɛ tii, tɔɔmun ə gili walawala, mɛ̨nįi ŋɛ̨i Moisə da Aarɔn di ɉu hvɛli mą, hvo gɛ, yɛ pələi Yai-Laa ə gbɛa mo la.

Lɛɛ gbɔwɔ ɓa 9:27

Eziptə tɔɔmun ə Moisə da Aarɔn di təli, yɛ diɛ: «Yii ŋɛ̨i nwɛi, ŋą́ą́ nɛ̨ŋɛ̨n ɉəɠə, tɛ̨ą hvo bɔ́, Yai-Laa ya ɓə tɛ̨ą kaa ɓɔ. Kwa nwɔ́ lɔi hu nuą kəlee kwaa kɛ a hɔn mąą nuą.

Lɛɛ gbɔwɔ ɓa 10:16

Tɔɔmun ə Moisə da Aarɔn di təli kpɔ a mąąhulaa, yɛ diɛ: «Ŋą́ą́ nɛ̨ŋɛ̨n ɉəɠə Yai-Laa ka wɔ Yálái ɓa, ŋą́ą́ mɛ̨nį ɲɔ̨n gɛ a kaa.

Lɛɛ gbɔwɔ ɓa 9:33

Moisə ə həɠə tɔɔmun bɔɔli, ə kulɔ daa pulu pələ, ə ɲee tɛ Yai-Laa pɔ pələ ə vɛli. Ɲələgbąnąą da ɉanwon buɔ kɔ́lɔ ə haa mą, dulɔ ə teen.

Lɛɛ gbɔwɔ ɓa 10:18

Moisə ə həɠə tɔɔmun bɔɔli, ə li ə nwoo tɛ Yai-Laa ɓa.

Lɛɛ gbɔwɔ ɓa 32:11

Kɛlaa, Moisə ə nɛ̨ɛ̨mąą hvə Yai-Laa ɓa, yai a nwɔ Yálá yɛ mą: «Ə́ líílaa! Yai-Laa, lə mɛ̨nį ɓa yá ə́ lii ŋąnwąną nuąi ŋɛ̨i pɔ? Yɛ́ lɔ ɓə di kulɔ Eziptə lɔi hu a ə́ wɔ yee walawala laa, yii hɛn da hva tɔɔ na.