Lɛɛ gbɔwɔ ɓa 8:25 - Yálá laawoo hɛɓɛ (dc)

²⁵ Moisə yɛ mą: «Gáá kpɔlɔɔ kulɔi ɓɛ ə́ yəi bɛlɛ́n, ŋį́ li, ŋį́ nwóó tɛ Yai-Laa ɓa. Tinąą vɔnŋąą mąą kaa kwɛai yɛ́, ká ə́ wɔ nu kpɛa-kpɛai, da nɔi nuą kaa. Kɛlaa, hvo yɛlɛ kulɔ ku hu, yɛ lənə nwɔ̨nɔ̨ Israɛlə lonnii li mɛ̨nį ɓa ɉaláái ti kulɔi Yai-Laa ɓa.»

Yálá laawoo hɛɓɛ

²⁵ Moisə yɛ mą: «Gáá kpɔlɔɔ kulɔi ɓɛ ə́ yəi bɛlɛ́n, ŋį́ li, ŋį́ nwóó tɛ Yai-Laa ɓa. Tinąą vɔnŋąą mąą kaa kwɛai yɛ́, ká ə́ wɔ nu kpɛa-kpɛai, da nɔi nuą kaa. Kɛlaa, hvo yɛlɛ kulɔ ku hu, yɛ lənə nwɔ̨nɔ̨ Israɛlə lonnii li mɛ̨nį ɓa ɉaláái ti kulɔi Yai-Laa ɓa.»

Bible

²⁵ Nya ƃe Gâloŋ è Mose da Eelɔŋ dîa ǹyɛɛi, “Ka lí ká sâla kula ká Ɣâlai mâ ǹɔii ŋí su.”

Lɛɛ gbɔwɔ ɓa 8:25 Referans Kwoze

Lɛɛ gbɔwɔ ɓa 9:27

Eziptə tɔɔmun ə Moisə da Aarɔn di təli, yɛ diɛ: «Yii ŋɛ̨i nwɛi, ŋą́ą́ nɛ̨ŋɛ̨n ɉəɠə, tɛ̨ą hvo bɔ́, Yai-Laa ya ɓə tɛ̨ą kaa ɓɔ. Kwa nwɔ́ lɔi hu nuą kəlee kwaa kɛ a hɔn mąą nuą.

Lɛɛ gbɔwɔ ɓa 8:8

Moisə da Aarɔn di həɠə tɔɔmun bɔɔli. Moisə ə nɛɛmą, ə nwoo tɛ Yai-Laa ɓa, gbəŋəɠaa ti ə ɲąątɔɔ Eziptə tɔɔmun ma, mąą mɛ̨nį hu.

Lɛɛ gbɔwɔ ɓa 12:31

Mąą kpinįi ti hu, tɔɔmun ə nɛɛmą, ə Moisə da Aarɔn di təli, yɛ diɛ: «'Ka ka muhəɠə! 'Ka kulɔ nwɔ́ nuąi lɔwai, kaa ka Israɛlə lonnii. 'Ka li ka kwɛli hvilɛn Yai-Laa ɓa, yɛ bələi ka mo la.

Lɛɛ gbɔwɔ ɓa 10:16

Tɔɔmun ə Moisə da Aarɔn di təli kpɔ a mąąhulaa, yɛ diɛ: «Ŋą́ą́ nɛ̨ŋɛ̨n ɉəɠə Yai-Laa ka wɔ Yálái ɓa, ŋą́ą́ mɛ̨nį ɲɔ̨n gɛ a kaa.

M̀ɛni-lɛɛi 3:9

Ə́ ɲɛ̨i hee, gáá ɓilihi hvɛli pɛlɛ́ mu nuą tɛɛi ə́ pɔ, a diɛi da di kpɔwɔ kɛ a Ɉuifəɠaa, ɛlɛɛ yaan, di hvo la, mąąhɔlɔɓo da kɛ lɛɛ kɛi. Ə́ ɲəi hee, gáá pai a diɛ, di gwɛli hvilɛn ə́ kɔwɔ mu, ɛlɛɛ, di kili a pu ɉu, diɛ, ə́ wɛlikaa mą́ą́.

Lɛɛ gbɔwɔ ɓa 9:28

Ka mą́ą́ nɛ̨ɛ̨mąą hvə Yai-Laa ɓa, ə ɲələgbąnąą da ɉanwon ŋɛ̨i kpəla mą; ŋį́ ka lɛɛ laa, vá kɛa kanąn kaa.»

Lɛɛ gbɔwɔ ɓa 10:8

Di pənə di Moisə da Aarɔn təli tɔɔmun nííla, yili yɛ diɛ: «Ka pɛli ka li ka kwɛli hvilɛn Yai-Laa ka wɔ Yálái ɓa; kɛlaa, gbɛɛ nuą ɓə pai lii?»

Lɛɛ gbɔwɔ ɓa 10:24

Tɔɔmun ə Moisə təli, yɛ mą: «'Ka li, ka kwɛli hvilɛn Yai-Laa ɓa, ka ka yəi bɛlɛ́n nuą; ka wɔ taatɛlɛɛɠaai dɔ̨nɔ̨ kpɛli hvo lɛɛ ka pɔ, ka gəlee lɛɛ ɓɛ.»

Azaya 28:22

Ka hvo kɛa tɔɔ yiihu, kaa kɛ ka káá yɛlɛmąą kɛi, di hvo pa ka yili yɛli hu yala kaa; mąąhɔlɔɓo, ŋąą mɛ̨n Nąmu Yai-Laa Mɛ̨nį Kəlee ŋą Hééɓomun la, yɛ a nɔi nąą kəlee kala mɛ̨nį gili tee gwəi.